Lebitik 17
17
Mberkɨnda kɨ ɔj dɔ tɔl dãg
1Bɨraɓe el Moij an: 2El Aarõ kɨ ngana kɨ Israelag tube an: Oon, nya'n Bɨraɓe nda mbera laten: 3Ĩla de mad ku ngékɨɓet lo Israel jakɔ mang, ke bat, ke bĩã kam gongt ke gid gongt 4na ɗen ta kujkub ndɔdnat kad laa kadkarit ad Bɨraɓe nõ londɨt lo Bɨraɓe al a ne, ta mosɨ a i dɔ det'n non kɨta ũ mosɨ kɔ. A tɔlɨna kɔ ku degt loa. 5A ɗan titbe kɨtakad Israelag jan kɔ kadkarig kam mut al, na kɨ ɗen ne ro ngejanyamosɨt tabit kujkub ndɔdnat kad jan kɔd kadkarit kɨ kad kamsɔllom nõ Bɨraɓet. 6Ngejanyamosɨ a tud mosɨ dɔ dɨngɨrt lo Bɨraɓe kɨ tabit kujkub ndɔdnat, a la mboola horro kad i sé kɨkootmbĩ kɨ nel Bɨraɓe. 7Titbe a lan kadkarig lod adɨn ndilg kɨyerr'n ndɨ ɗan sed kaya gog al ta. 'Nten la a i mberkɨnda kɨ tokɨnõt kɨtɔd kɨ ngakat kɨ ngaka. 8A i eld tɔ an: Ĩla de mad ku ngékɨɓet lo Israel, ke ku mbahg'tn hɔn londɨ kudt la kadkari kɨlahorrt ke kadkari mad kɨɗang, 9na ɗen tabit kujkub ndɔdnat kad laa kadkarit ad Bɨraɓe al a ne, a tɔlɨna kɔ ku degt loa.
Mberkɨnda kɨ ɔg dɔ sa mosɨ dã
10Ĩla de mad kɨ ɓe lo Israel ke mbah mad kɨ hɔlondɨ kudt sa mosɨ dã a ne, m'a m'ɔsɨ ta de'n non, na m'a m'ɔrra kɔ ku degt loa. 11Kumkajir lo dãro i kam mosɨt, na m'adsɨ mosɨ 'nten dɔ dɨngɨrt kad i nyakutdɔ kɨta rosɨ kɨta kumkajir kɨ kamt. 12Kɨtɔ 'nten la m'elɨn Israelag m'an: Kɨ de mad kusɨt sa mosɨ al, ke mbah mad'n hɔlondɨ kusɨt kaa ne, a sa al ho. 13Ĩla de mad ku Israelagt ke ku mbahg'tn hɔn londɨ kudt aw ndõ hɔ dã, ke yel'n deg a san, a ũ mosa kɔ ningt ɔi bu kɨdɔt, 14kɨta nyandah kɨɗen kumkajir loa i mosa. Kɨtɔ 'nten m'el Israelag m'an: A i san mosɨ dã mad al, kɨta kumkajir lo nyandah kɨɗen i mosa, dekɨɗen'n saa a ne, a tɔlɨna kɔ.
15Dekɨɗen'n sa dã kɨkoi, ke dã kɨ dã mad hɔa, ke i ngon ngeɓe ke mbah'n hɔlondɨ kusɨt, a tugo kub lon, a ndog man, a i kɨyerr mbã lokɨsɔle kamla a i kɨkar ye. 16Ĩla tugo kub lon al, ndog man al tɔ a ne, a to ɗagootal lon dɔnt.
Currently Selected:
Lebitik 17: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Lebitik 17
17
Mberkɨnda kɨ ɔj dɔ tɔl dãg
1Bɨraɓe el Moij an: 2El Aarõ kɨ ngana kɨ Israelag tube an: Oon, nya'n Bɨraɓe nda mbera laten: 3Ĩla de mad ku ngékɨɓet lo Israel jakɔ mang, ke bat, ke bĩã kam gongt ke gid gongt 4na ɗen ta kujkub ndɔdnat kad laa kadkarit ad Bɨraɓe nõ londɨt lo Bɨraɓe al a ne, ta mosɨ a i dɔ det'n non kɨta ũ mosɨ kɔ. A tɔlɨna kɔ ku degt loa. 5A ɗan titbe kɨtakad Israelag jan kɔ kadkarig kam mut al, na kɨ ɗen ne ro ngejanyamosɨt tabit kujkub ndɔdnat kad jan kɔd kadkarit kɨ kad kamsɔllom nõ Bɨraɓet. 6Ngejanyamosɨ a tud mosɨ dɔ dɨngɨrt lo Bɨraɓe kɨ tabit kujkub ndɔdnat, a la mboola horro kad i sé kɨkootmbĩ kɨ nel Bɨraɓe. 7Titbe a lan kadkarig lod adɨn ndilg kɨyerr'n ndɨ ɗan sed kaya gog al ta. 'Nten la a i mberkɨnda kɨ tokɨnõt kɨtɔd kɨ ngakat kɨ ngaka. 8A i eld tɔ an: Ĩla de mad ku ngékɨɓet lo Israel, ke ku mbahg'tn hɔn londɨ kudt la kadkari kɨlahorrt ke kadkari mad kɨɗang, 9na ɗen tabit kujkub ndɔdnat kad laa kadkarit ad Bɨraɓe al a ne, a tɔlɨna kɔ ku degt loa.
Mberkɨnda kɨ ɔg dɔ sa mosɨ dã
10Ĩla de mad kɨ ɓe lo Israel ke mbah mad kɨ hɔlondɨ kudt sa mosɨ dã a ne, m'a m'ɔsɨ ta de'n non, na m'a m'ɔrra kɔ ku degt loa. 11Kumkajir lo dãro i kam mosɨt, na m'adsɨ mosɨ 'nten dɔ dɨngɨrt kad i nyakutdɔ kɨta rosɨ kɨta kumkajir kɨ kamt. 12Kɨtɔ 'nten la m'elɨn Israelag m'an: Kɨ de mad kusɨt sa mosɨ al, ke mbah mad'n hɔlondɨ kusɨt kaa ne, a sa al ho. 13Ĩla de mad ku Israelagt ke ku mbahg'tn hɔn londɨ kudt aw ndõ hɔ dã, ke yel'n deg a san, a ũ mosa kɔ ningt ɔi bu kɨdɔt, 14kɨta nyandah kɨɗen kumkajir loa i mosa. Kɨtɔ 'nten m'el Israelag m'an: A i san mosɨ dã mad al, kɨta kumkajir lo nyandah kɨɗen i mosa, dekɨɗen'n saa a ne, a tɔlɨna kɔ.
15Dekɨɗen'n sa dã kɨkoi, ke dã kɨ dã mad hɔa, ke i ngon ngeɓe ke mbah'n hɔlondɨ kusɨt, a tugo kub lon, a ndog man, a i kɨyerr mbã lokɨsɔle kamla a i kɨkar ye. 16Ĩla tugo kub lon al, ndog man al tɔ a ne, a to ɗagootal lon dɔnt.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.