Lebitik 22
22
Ngejanyamosɨ ĩn kɨjaɓat
1Bɨraɓe el Moij an: 2Elta kɨ Aarõ kɨ ngana kad oon go rod maj dɔ nyagt kɨjaɓat'n Israelag ndan kɔtkokɨɗa admɨn kɨtakad yerrɨn kɨ tɔm kɨ kunjɗang al, Mĩ Bɨraɓe.
3Eld an: Dekɨɗen ku ngan kasɨgt kɨ girrkooj losɨ'n ndɔt nderbe kɨ ro nyagt kɨjaɓat'n Israelag ndan kɔtkokɨɗa adɨn Bɨraɓe, na de'n non i kɨ kar al a ne, a tɔlɨna kɔ nomt. Mĩ Bɨraɓe.
4Dekɨɗen kɨ girrkooj Aarõt'n banj i roat, ke roa ãi ɓi a sanyag kɨjaɓat al mbã kad arɨn na kamtã. Titbe tɔ de'n ɔd nya mad, tel kɨyerr kɨta nin, ke ɔd de kɨdɨngã'n man roa tee, 5ke ĩn ɔd nyakɔrrkɔdber kɨ asɨ tela kɨyerrt, ke ɔd de mad kɨ asɨ tela kɨyerrt, ke nya kɨyerr kɨ ɗi kɨ ro det'n non, 6de'n ɔd nyag kɨ titbe nõ a i kɨyerr mbã lokɨsɔle. A sanyag kɨjaɓat al, na a ndog man kamtã. 7Lon kàd ud woi a ne, a i kɨkarnyang, kamla a sanyag kɨjaɓat ye, kɨta i nyasa loa. 8A sa dã kɨ koi, ke dã'n dã mad hɔa tɔrra huthut al, na ɓeta tel kɨyerr kɨtakula. Mĩ Bɨraɓe.
9Ad ngomɨn go mberkɨndag lom, na ɓeta ta majal i dɔdt ad oin, kɨta yerrɨn kɨ nyag kɨjaɓat, Mĩ Bɨraɓe ngendad tadang, 10Mbah a sa nyasa kɨjaɓat al. De'n ndɨ ro ngejanyamosɨt, ke ngeɗakɨla nar a san nya kɨjaɓat al, 11na ĩla ngejanyamosɨ ndugo de mad kɨ nar lon, de'n non a sa nyasa loa tit de'n oojɨna kam kujt loa. A sa nyasa loa tɔ ho. 12Ĩla ngon ngejanyamosɨ kɨdẽ taa de kɨɗang a ne, a sa kadkarig kɨjaɓat al, 13na ngon ngejanyamosɨ kɨdẽ'n i ngengawkoi, ke ngawa tuɓaa kɔ, na i kɨkanj ngon, tel ndɨ ro bɔwɨnt tit kɨ kaglo ɓa mandat be ye, a sanya lo bɔwɨn na mbah mad a sa al bat. 14Ĩla de mad sa nyasa kɨjaɓat kɨkanj ger go a ne, a ba ngejanyamosɨ nyasa kɨjaɓat nõ, na a la gaj kɨɗa ku kɨmit dɔt. 15Ngejanyamosɨ a yerrɨn kɨ nyag kɨjaɓat lo Israelag'n adɨn Bɨraɓe al. 16Ĩla san nyag lod kɨjaɓat a ne, a ɔin majal kɨdɔdt, a ton ɗagootal lod kɨta mĩ Bɨraɓe ngendad tadang.
Mberkɨnda dɔ nyakult kɨ la kadkari kad Luwah
17Bɨraɓe el Moij an: 18El Aarõ kɨ ngana kɨ Israelag tube an: Dekɨɗen kɨɓe lo Israel ke mbah kɨɗen kɨ ndɨ kam dɔning Israelt'n ad Bɨraɓe kadkari lon kɨlahorrt ke kadkari tɔlkon kunkɔ kɨ yokɨnda, ke kadkari kamndig a ne, 19sumba kad adɨn nyakul kɨ bɔw kɨkanj nya mad ɗaa, mang ke bat ke bĩã, 20Ot lan dã kɨ nya mad ɗaa kɨta Bɨraɓe a taa al. 21Lon de mad a la kadkari kɨ kad kamsɔllom ad Bɨraɓe, ke dã kɨbo ke kɨdu, kad tɔlkon kunkɔ kɨ yokɨnda, ke kadkari kamndig kɨtakad i nya kɨ taa ne, kari na a i kɨkasɨnatap, a i kɨkanj nya mad ɗaa. 22Ot lan dã mad kɨ kuma tɔɔ, ke ngah dò, ke ɓi ãi roat, ke ngorwoi, ke got dò i roat, A i lan dã kɨ titbe kadkari kɨlahorrt dɔ dɨngɨrt adɨn Bɨraɓe al. 23Asɨ la kadkari kamndig bɔw mang ke bat'n ngon roa mad ngal tɔi kɨmad, ke gɔj tɔi kɨmad, na a i nya kɨtɔ kadkari tɔlkon kunkɔ kɨ yokɨnda al. 24A i lan kadkari adɨn Bɨraɓe dã kɨ kɔrr ndõma tɔ, ke nda mbukɨmbukɨ, ke kɨ ja ke kɨ gang kɔ al. 25A i taan dãg kɨ titbe ji mbaht mad kad i nyasa lo Luwah losɨ al, kɨta nya mad ɗad ad ngahn dò, a i nya kɨ ta kɨtatɔsɨ al.
26Bɨraɓe el Moij an: 27Ngon mang ke ngon bat ke ngon bĩã, lon kõa ooja a ne, a ɗa girr kõnt ndɔ tanãimɨta, na dɔ ndɔt kɨkõjijoo asɨ ta la kadkari kɨlahorrt kad Bɨraɓe. 28Kõ mang ke kõ bat, a i jan kɔa nat kɨ ngona kam ndɔt kɨ kɨɗaɓe al. 29Lon a i lan kadkari kɨ kad kamsɔllom adɨn Bɨraɓe a ne, i ɗan kɨgoɗobat kad nela. 30Kadkari a i kɨ sa ndɔt'n non, ot nyan nya mad mbã loti dɔt. Mĩ Bɨraɓe.
31A i ngomɨn go mberkɨndag lom kad i hɔn ɗagoot. Mĩ Bɨraɓe.
32Ot kidɨn tɔ kɨkunjɗang, na ɔgɨn kad mĩ Luwah kɨ jeje ku Israelgt. Mĩ Bɨraɓe ngendasɨ tadang 33ĩn hã, tee sesɨ kam dɔning Ejipt't kɨtɨga kad mĩ Luwah losɨ. Mĩ la mĩ Bɨraɓe ye.
Currently Selected:
Lebitik 22: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Lebitik 22
22
Ngejanyamosɨ ĩn kɨjaɓat
1Bɨraɓe el Moij an: 2Elta kɨ Aarõ kɨ ngana kad oon go rod maj dɔ nyagt kɨjaɓat'n Israelag ndan kɔtkokɨɗa admɨn kɨtakad yerrɨn kɨ tɔm kɨ kunjɗang al, Mĩ Bɨraɓe.
3Eld an: Dekɨɗen ku ngan kasɨgt kɨ girrkooj losɨ'n ndɔt nderbe kɨ ro nyagt kɨjaɓat'n Israelag ndan kɔtkokɨɗa adɨn Bɨraɓe, na de'n non i kɨ kar al a ne, a tɔlɨna kɔ nomt. Mĩ Bɨraɓe.
4Dekɨɗen kɨ girrkooj Aarõt'n banj i roat, ke roa ãi ɓi a sanyag kɨjaɓat al mbã kad arɨn na kamtã. Titbe tɔ de'n ɔd nya mad, tel kɨyerr kɨta nin, ke ɔd de kɨdɨngã'n man roa tee, 5ke ĩn ɔd nyakɔrrkɔdber kɨ asɨ tela kɨyerrt, ke ɔd de mad kɨ asɨ tela kɨyerrt, ke nya kɨyerr kɨ ɗi kɨ ro det'n non, 6de'n ɔd nyag kɨ titbe nõ a i kɨyerr mbã lokɨsɔle. A sanyag kɨjaɓat al, na a ndog man kamtã. 7Lon kàd ud woi a ne, a i kɨkarnyang, kamla a sanyag kɨjaɓat ye, kɨta i nyasa loa. 8A sa dã kɨ koi, ke dã'n dã mad hɔa tɔrra huthut al, na ɓeta tel kɨyerr kɨtakula. Mĩ Bɨraɓe.
9Ad ngomɨn go mberkɨndag lom, na ɓeta ta majal i dɔdt ad oin, kɨta yerrɨn kɨ nyag kɨjaɓat, Mĩ Bɨraɓe ngendad tadang, 10Mbah a sa nyasa kɨjaɓat al. De'n ndɨ ro ngejanyamosɨt, ke ngeɗakɨla nar a san nya kɨjaɓat al, 11na ĩla ngejanyamosɨ ndugo de mad kɨ nar lon, de'n non a sa nyasa loa tit de'n oojɨna kam kujt loa. A sa nyasa loa tɔ ho. 12Ĩla ngon ngejanyamosɨ kɨdẽ taa de kɨɗang a ne, a sa kadkarig kɨjaɓat al, 13na ngon ngejanyamosɨ kɨdẽ'n i ngengawkoi, ke ngawa tuɓaa kɔ, na i kɨkanj ngon, tel ndɨ ro bɔwɨnt tit kɨ kaglo ɓa mandat be ye, a sanya lo bɔwɨn na mbah mad a sa al bat. 14Ĩla de mad sa nyasa kɨjaɓat kɨkanj ger go a ne, a ba ngejanyamosɨ nyasa kɨjaɓat nõ, na a la gaj kɨɗa ku kɨmit dɔt. 15Ngejanyamosɨ a yerrɨn kɨ nyag kɨjaɓat lo Israelag'n adɨn Bɨraɓe al. 16Ĩla san nyag lod kɨjaɓat a ne, a ɔin majal kɨdɔdt, a ton ɗagootal lod kɨta mĩ Bɨraɓe ngendad tadang.
Mberkɨnda dɔ nyakult kɨ la kadkari kad Luwah
17Bɨraɓe el Moij an: 18El Aarõ kɨ ngana kɨ Israelag tube an: Dekɨɗen kɨɓe lo Israel ke mbah kɨɗen kɨ ndɨ kam dɔning Israelt'n ad Bɨraɓe kadkari lon kɨlahorrt ke kadkari tɔlkon kunkɔ kɨ yokɨnda, ke kadkari kamndig a ne, 19sumba kad adɨn nyakul kɨ bɔw kɨkanj nya mad ɗaa, mang ke bat ke bĩã, 20Ot lan dã kɨ nya mad ɗaa kɨta Bɨraɓe a taa al. 21Lon de mad a la kadkari kɨ kad kamsɔllom ad Bɨraɓe, ke dã kɨbo ke kɨdu, kad tɔlkon kunkɔ kɨ yokɨnda, ke kadkari kamndig kɨtakad i nya kɨ taa ne, kari na a i kɨkasɨnatap, a i kɨkanj nya mad ɗaa. 22Ot lan dã mad kɨ kuma tɔɔ, ke ngah dò, ke ɓi ãi roat, ke ngorwoi, ke got dò i roat, A i lan dã kɨ titbe kadkari kɨlahorrt dɔ dɨngɨrt adɨn Bɨraɓe al. 23Asɨ la kadkari kamndig bɔw mang ke bat'n ngon roa mad ngal tɔi kɨmad, ke gɔj tɔi kɨmad, na a i nya kɨtɔ kadkari tɔlkon kunkɔ kɨ yokɨnda al. 24A i lan kadkari adɨn Bɨraɓe dã kɨ kɔrr ndõma tɔ, ke nda mbukɨmbukɨ, ke kɨ ja ke kɨ gang kɔ al. 25A i taan dãg kɨ titbe ji mbaht mad kad i nyasa lo Luwah losɨ al, kɨta nya mad ɗad ad ngahn dò, a i nya kɨ ta kɨtatɔsɨ al.
26Bɨraɓe el Moij an: 27Ngon mang ke ngon bat ke ngon bĩã, lon kõa ooja a ne, a ɗa girr kõnt ndɔ tanãimɨta, na dɔ ndɔt kɨkõjijoo asɨ ta la kadkari kɨlahorrt kad Bɨraɓe. 28Kõ mang ke kõ bat, a i jan kɔa nat kɨ ngona kam ndɔt kɨ kɨɗaɓe al. 29Lon a i lan kadkari kɨ kad kamsɔllom adɨn Bɨraɓe a ne, i ɗan kɨgoɗobat kad nela. 30Kadkari a i kɨ sa ndɔt'n non, ot nyan nya mad mbã loti dɔt. Mĩ Bɨraɓe.
31A i ngomɨn go mberkɨndag lom kad i hɔn ɗagoot. Mĩ Bɨraɓe.
32Ot kidɨn tɔ kɨkunjɗang, na ɔgɨn kad mĩ Luwah kɨ jeje ku Israelgt. Mĩ Bɨraɓe ngendasɨ tadang 33ĩn hã, tee sesɨ kam dɔning Ejipt't kɨtɨga kad mĩ Luwah losɨ. Mĩ la mĩ Bɨraɓe ye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.