Lebitik 3
3
Kadkari kɨ kad kamsɔllom
1Lon de mad a la kadkari kɨ kad kamsɔllom, ĩla ad dã kɨbo, kɨdɨngã ke kɨdẽ a ne, a ad dã kɨkanj nya mad ɗaa nõ Bɨraɓet. 2A nda jin dɔ dã kadkarit, na a jakɔa nõ tabit kujkub ndɔdnat. Ngan Aarõ ngejanyamosɨ a tudɨn mosa dɔ dɨngɨrt gugɨn ne dɔ tube. 3Kokam kadkarit kɨ kad kamsɔllom 'nten a ad kadkari kɨlahorrt nõ Bɨraɓet, ad i mboola kɨ ut dɔ tia kɨ mboola kɨ tiat tube, 4kɨ munjo duna kɨjoo kɨ mboola kɨdɔt kɨ kɨkadat kɨ wura kɨbo'n a ɔrr nat kɨ munjo duna. 5Nyag'n non ngan Aarõ a lan horro dɔ dɨngɨrt dɔ kadkari kɨlahorrt'n to dɔ kirt dɔ horrt. I kadkari kɨlahorrt, i sé kɨkootmbĩ kɨ nel Bɨraɓe.
6Ĩla ad Bɨraɓe kadkari kɨ kad kamsɔllom dã kɨdu, kɨdɨngã ke kɨdẽ, a ad dã kɨkanj nya mad ɗaa. 7Ĩla kadkari loa i ngon bat a ne, a laa nõ Bɨraɓet, 8a nda jin dɔ kadkarit lon, a ja kɔa nõ kujkub ndɔdnat na ngan Aarõ a tudɨn mosa dɔ dɨngɨrt gugɨn ne dɔ tube. 9Kokam kadkarit kɨ kad kamsɔllom 'nten a ad kadkari kɨlahorrt nõ Bɨraɓet, ad i mboola kɨ ɓonga kɨtaagbe'n ɔrr kad kɨnga gidat kɨ mboola kɨ ut dɔ tia kɨ mboola kɨ tiat tube, 10kɨ munjo duna kɨjoo kɨ mboola kɨdɔt kɨ kɨkadat kɨ wura kɨbo'n ɔrr nat kɨ munjo duna. 11Nyag'n non ngejanyamosɨ a la horro dɔ dɨngɨrt. I nyasa kɨlahorro nõ Bɨraɓet.
12Ĩla kadkari loa i bĩã a ne, a laa nõ Bɨraɓet, 13A nda jin dɔat, a jakɔa nõ kujkub ndɔdnat, na ngan Aarõ a tudɨn mosa dɔ dɨngɨrt gugɨn ne dɔ tube. 14Kokam kadkarit'n non a ad kadkari kɨlahorr nõ Bɨraɓet, ad i mboola kɨ ut dɔ tia kɨ mboola kɨ tiat tube. 15Munjo duna kɨjoo kɨ mboola kɨ dɔt kɨ kɨkadat kɨ wura kɨbo'n ɔrr nat kɨ munjo duna. 16Ngejanyamosɨ a la horro dɔ dɨngɨrt. I nyasa kɨlahorro, i sé kɨkootmbĩ kɨ nel Bɨraɓe, mboola tube i lo Bɨraɓe.
17'Nten i mberkɨnda kɨ tokɨnõt kɨ ngakat kɨ ngaka kam lot kɨɗen'n a i ndɨnt. A i san mbool dã ke mosa al.
Currently Selected:
Lebitik 3: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Lebitik 3
3
Kadkari kɨ kad kamsɔllom
1Lon de mad a la kadkari kɨ kad kamsɔllom, ĩla ad dã kɨbo, kɨdɨngã ke kɨdẽ a ne, a ad dã kɨkanj nya mad ɗaa nõ Bɨraɓet. 2A nda jin dɔ dã kadkarit, na a jakɔa nõ tabit kujkub ndɔdnat. Ngan Aarõ ngejanyamosɨ a tudɨn mosa dɔ dɨngɨrt gugɨn ne dɔ tube. 3Kokam kadkarit kɨ kad kamsɔllom 'nten a ad kadkari kɨlahorrt nõ Bɨraɓet, ad i mboola kɨ ut dɔ tia kɨ mboola kɨ tiat tube, 4kɨ munjo duna kɨjoo kɨ mboola kɨdɔt kɨ kɨkadat kɨ wura kɨbo'n a ɔrr nat kɨ munjo duna. 5Nyag'n non ngan Aarõ a lan horro dɔ dɨngɨrt dɔ kadkari kɨlahorrt'n to dɔ kirt dɔ horrt. I kadkari kɨlahorrt, i sé kɨkootmbĩ kɨ nel Bɨraɓe.
6Ĩla ad Bɨraɓe kadkari kɨ kad kamsɔllom dã kɨdu, kɨdɨngã ke kɨdẽ, a ad dã kɨkanj nya mad ɗaa. 7Ĩla kadkari loa i ngon bat a ne, a laa nõ Bɨraɓet, 8a nda jin dɔ kadkarit lon, a ja kɔa nõ kujkub ndɔdnat na ngan Aarõ a tudɨn mosa dɔ dɨngɨrt gugɨn ne dɔ tube. 9Kokam kadkarit kɨ kad kamsɔllom 'nten a ad kadkari kɨlahorrt nõ Bɨraɓet, ad i mboola kɨ ɓonga kɨtaagbe'n ɔrr kad kɨnga gidat kɨ mboola kɨ ut dɔ tia kɨ mboola kɨ tiat tube, 10kɨ munjo duna kɨjoo kɨ mboola kɨdɔt kɨ kɨkadat kɨ wura kɨbo'n ɔrr nat kɨ munjo duna. 11Nyag'n non ngejanyamosɨ a la horro dɔ dɨngɨrt. I nyasa kɨlahorro nõ Bɨraɓet.
12Ĩla kadkari loa i bĩã a ne, a laa nõ Bɨraɓet, 13A nda jin dɔat, a jakɔa nõ kujkub ndɔdnat, na ngan Aarõ a tudɨn mosa dɔ dɨngɨrt gugɨn ne dɔ tube. 14Kokam kadkarit'n non a ad kadkari kɨlahorr nõ Bɨraɓet, ad i mboola kɨ ut dɔ tia kɨ mboola kɨ tiat tube. 15Munjo duna kɨjoo kɨ mboola kɨ dɔt kɨ kɨkadat kɨ wura kɨbo'n ɔrr nat kɨ munjo duna. 16Ngejanyamosɨ a la horro dɔ dɨngɨrt. I nyasa kɨlahorro, i sé kɨkootmbĩ kɨ nel Bɨraɓe, mboola tube i lo Bɨraɓe.
17'Nten i mberkɨnda kɨ tokɨnõt kɨ ngakat kɨ ngaka kam lot kɨɗen'n a i ndɨnt. A i san mbool dã ke mosa al.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.