Lebitik 6
6
Ɗob la kadkari kɨlahorrt
1Bɨraɓe el Moij an: 2I ndamber Aarõ kɨ ngana an: 'Nten la i mberkɨnda dɔ kadkari kɨlahorrt ye. Kadkari kɨlahorrt a to dɔ dɨngɨrt ndɔ mbã loti na a oon go horr kad õ dɔ dɨngɨrt kad oi al, 3Ngejanyamosɨ a la kubji lẽ lon kɨ kalesõ lẽ lon utɨn dɔ ron, a ɔi buhoor kadkari kɨlahorrt dɔ dɨngɨrt, a ũ kad dɨngɨrt. 4Kamla a tɔrr kub lon, na a la kub kɨɗang ront, a ɔi buhoor awɨn gid gongt ũ kam lot mad kɨjanjoi. 5Horr a õ dɔ dɨngɨrt, na maj kad oi al. Ndɔ kɨɗen kɨsĩ ngejanyamosɨ a ɔsɨ kir kɨnat, a ɗago kadkari kɨlahorrt, na a la mbool dã kadkarig kɨ kad kamsɔllom horro. 6Horr a õ dɔ dɨngɨrt kɨkanj nya ta, a nyan kad oi al.
Ɗob la kadkari nduj
7'Nten i mberkɨnda dɔ kadkari ndujt, Ngan Aarõ a ɗen ne nõ Bɨraɓet ndan nõ dɨngɨrt. 8Ngejanyamosɨ a ɔi nduj kɨtoletlet ɗoosɨ jin nat kɨ yib kɨ nõkag kɨkootmbĩ kɨ ũ dɔ kadkari ndujt, a ũ horro tit gaj nya ga kamdɔt dɔ dɨngɨrt, I sé kɨkootmbĩ, kɨ nel Bɨraɓe, 9Ndega kɨ nãi Aarõ kɨ nganɨn a san, a san kɨkanj berrkasɨ kam lot kɨjaɓat kam natlot lo kujkub ndɔdna. 10A tɨnga kam purrt kɨ berrkasɨ al. I gajɨn m'ad'd kam kadkarigt lom kɨlahorrt, i nya kɨjaɓat kɨtɔitɔi tit kadkari kutdɔ majal kɨ kadkari tɔidɔta. 11Dekɨdɨngã kɨɗen ku ngan Aarõt a sa. I gaj nya'n ad kɨta ngakasɨ tube mbãkɨnõt kam kadkarigt kɨlahorr kad Bɨraɓe. Dekɨɗen'n ɔd a ne, a i kɨjaɓat.
12Bɨraɓe el Moij an: 13'Nten la i kadkari in Aarõ kɨ nganɨn a adɨn Bɨraɓe ndɔt'n a wurɨnd kɨ yib, a unɨn gaj kɨɗa ku kɨkɨlaht lo epa tɔrr nduj kɨtoletlet, ad i kadkari kɨndɔgndɔg, nusa kɨsĩ kɨ nusa lokɨsɔle. 14A ɗana kɨ yib kam gajot na lon ndawna woi a ne, a ɗen ne. Gaja kɨ ndawɨn non a i la tit kadkari nduj, i sé kɨkootmbĩ kɨ nel Bɨraɓe, 15Ngejanyamosɨ ku ngan Aarõt a wurɨna kɨ yib kad ga goota a la kadkari'n non. I mberkɨnda kɨ tokɨnõt, a laa horro kɨtaagbe nõ Bɨraɓet.
16Kadkari nduj kɨɗen lo ngejanyamosɨ a lan horro kɨtaagbe. A san al bat.
Ɗob la kadkari kutdɔ majal
17Bɨraɓe el Moij an: 18El Aarõ kɨ ngana an: 'Nten la i mberkɨnda dɔ kadkari kutdɔ majal ye. A jan kɔ dã kadkari kam lot'n a jan kɔ dã kadkari kɨlahorr tit. I nya kɨjaɓat kɨ tɔitɔi. 19Ngejanyamosɨ'n la kadkari kutdɔ majal a sa. A sa kam lot mad kɨjaɓat, kam natlot lo kujkub ndɔdnat. 20Nyã kɨɗen'n ɔd dãã a i kɨjaɓat. Ĩla mosa tal so dɔ kubt mad a ne, lon mosɨ tal sot nõ a tugon kam lot mad kɨjaɓat. 21Jo nang'n ndirrɨn ne dã'n non kamt a tɔɔn na kɔ, na ĩla ndirrɨn kam joning kasɨt a ne, a usɨn kama kamla a tugon kɨ man. 22Dekɨdɨngã kɨɗen ku ngéjanya mosɨgt a sa, i nya kɨjaɓat kɨtɔitɔi.
23A san kadkari kutdɔ majal al, ad i kadkari'n ɗen kɨ mosa kam kujkub ndɔdnat kɨta kutdɔ majal kam lot kɨjaɓat. A lan horro.
Currently Selected:
Lebitik 6: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.