Lebitik 8
8
Kur yib ngéjanyamosɨ
1Bɨraɓe el Moij an: 2Un Aarõ kɨ ngana kɨ kub kɨ yib kurrdɔt kɨ bɔw mang kadkari kutdɔ majal kɨ bal batg joo kɨ keh kɨ ɗoosɨ kɨ kuɓɨr bɨna kɨkanj berrkasɨ, 3na i kun ngekawna tube kɨnat tabit kujkub ndɔdnat. 4Moij tɔ ɗa tit'n Bɨraɓe ela'n, na ngékawna kawɨn na tabit kujkub ndɔdnat.
5Kamla Moij el ngékawna an: Oon 'nten la i nya'n Bɨraɓe nda mbera kad i ɗan.
6Moij ad Aarõ kɨ ngana ndɔt'n kɨ ront na ndogd man. 7La kub ro Aarõt, dɔ ɓoa kɨ kɨla dɔɓo, na la kubji kɨ ngal roat, nda epod dɔat na dɔ roat kɨ kɨla dɔɓo lo epod'n la roat. 8La kub kutdɔ gu roat na nda Urim kɨ Tumim kam kub kutdɔ gut. 9Nda jɔg dɔat kamla nda bar nar ɔr nõat nõ jɔgt kɨjaɓat tit'n Bɨraɓe nda'n mbera Moij.
10Goot gog Moij un yib kurrdɔt tud dɔ londɨt kɨjaɓat kɨ nyag tube kɨ kamt kad teldɨn kɨjaɓat't. 11Tud dɔ dɨngɨrt nja tanãimɨta, tud dɔ dɨngɨrt kɨ nya ɗakɨlag tube nat kɨ bai kɨ njaa kɨta teldɨn kɨjaɓat. 12Mbel yib kurrdɔt dɔ Aarõt wuran kɨta tela kɨjaɓat.
13Moij ad ngan Aarõ ndɔt'n kɨ roat, la kub rodt, dɔɔ ɓod'd kɨ kubdɔɓo na nda jɔg dɔdt tit'n Bɨraɓe nda'n mbera Moij.
Kadkari kutdɔ majal kɨ kadkari kɨlahorr
14Moij ad ɗen kɨ bɔw mang kadkari kutdɔ majal na Aarõ kɨ nganɨn ndan jid dɔ bɔw mang kadkari kutdɔ majalt. 15Moij jakɔa, un mosa la ngon jin mosɨt ɔdɨn gaj dɨngɨr tube, arɨn dɨngɨr kamla ũ ndeg mosɨ girr dɨngɨrt telan kɨjaɓat kɨta kutdɔ majal. 16Moij ɔi mboola kɨ ut dɔ tia kɨ wura kɨbo kɨ munjo duna kɨjoo nat kɨ mboold, la horro dɔ dɨngɨrt. 17Na la bɔw mang'n non horro, ngɨraa kɨ dãã kɨ kiã tube, gid gongt tit'n Bɨraɓe nda'n mbera Moij.
18Kamla Moij ɗe kɨ bal bat kadkari kɨlahorr ad Aarõ kɨ ngana ndan jid dɔ bal bat't. 19Moij jakɔa na tud mosa dɔ dɨngɨrt gugɨn dɔ. 20Lon gangɨn dã bal bat dɨtɨmdɨtɨm ye, Moij la dɔa kɨ ndegag kɨ mboola horro. 21Lon tugon tia kɨ njaa, Moij la bal bat horro dɔ dɨngɨrt kɨtaagbe. I kadkari kɨlahorrt, i sé kɨkootmbĩ kɨ nel Bɨraɓe, i kadkari'n horr õa tit'n Bɨraɓe ndan mbera Moij.
Kadkari nda ngejanyamosɨ kɔtkokɨɗa
22Kamla ɗe kɨ bal bat kɨkõjoo, bal bat ndah de kɔtkokɨɗa, na Aarõ kɨ nganɨn ndan jid dɔ bal bat't. 23Moij jakɔ bal bat'n non, un mosa ɔd tẽ ɔsɨn girr mbi Aarõ kokõ kɨ dɔ kɨbo jia kokõ kɨ dɔ kɨbo njaa kokõ. 24Ad ngan Aarõ ndɔt'n kɨ ront, ɔd mosɨ tẽ ɔsɨn girr mbid kokõ kɨ da kɨbo jid kokõ, kɨ dɔ kɨbo njad kokõ na tud ndeg mosɨ dɔ dɨngɨrt gugɨn dɔ. 25Kamla un mboola kɨ ɓonga kɨ mboola kɨ ut dɔ tia tube kɨ wura kɨbo kɨ munjo duna kɨjoo nat kɨ mboold kɨ bɨnga kokõ.
26Na un kuɓɨr bɨna kɨkanj berrkasɨ kɨɗa kɨ woina kɨkanj berrkasɨ kɨ lɔi kɨ yib kɨɗa kɨ bɨna kɨ ɗa yib dɔt kɨɗa. Ɔi nyag'n non kam keh ngom bɨnat kɨ lɔi kɨkanj berrkasɨ, ndad nat kɨɗabe kɨ mboola kɨ bɨnga kokõ. 27La nyag'n non tube ji Aarõt kɨ ngana kad bind kadkari kɨ bii nõ Bɨraɓet. 28Kamla Moij taa jidt, ũ horro dɔ dɨngɨr dɔ kadkari kɨlahorrt. I kadkari ndah de kɔtkokɨɗa, i kadkari kɨlahorrt, i sé kɨkootmbĩ kɨ nel Bɨraɓe.
29Moij un gu bal bat ndah de kɔtkokɨɗa, bii nõ Bɨraɓet. I gaj lo Moij tit'n Bɨraɓe nda'n mbera Moij.
Ndɔ nda ngéjanyamosɨ kɔtkokɨɗa
30Kamla Moij ɔd yib kurrdɔt kɨ mosɨ kɨdɔ dɨngɨrt, tud dɔ Aarõt kɨ kubg loa kɨ dɔ ngan Aarõt kɨ kubg lod. Titbe la telɨn Aarõ kɨ kubg loa kɨjaɓat kɨ ngana kɨ kubg lod nat sia.
31Moij el Aarõ kɨ ngana an: I ndirrɨn dã'n non tabit kujkub ndɔdnat, na i sana kɨ bɨna kɨ kam keht kɨ ndah kɔtkokɨɗa tit'n m'ndasɨn mbera m'an: Aarõ kɨ nganɨn la a san ye. 32Na ndeg dã kɨ bɨna kɨnãi ye, a i ũn horro ad õ kɔ. 33Kam ndɔt kɨtanãimɨta a i teen tɨga tabit kujkub ndɔdnat al, mbã ndɔ ndasɨ kɔtkokɨɗa asɨ kamtã, kɨta ndɔ kɨtanãimɨta i ndɔ ndasɨ kɔtkokɨɗa. 34Nya'n i ɗan ɓone i nya'n Bɨraɓe nda mbera kad ɗan kɨta kutɨn dɔ majal losɨ. 35A i ndɨn tabit kujkub ndɔdnat ndɔ ho kada ho, mbã ndɔ tanãimɨta, a i ngomɨn go mberkɨnda lo Bɨraɓe kɨtakad i oin al. Titbe la ndamɨn ne mbera ye. 36Aarõ kɨ nganɨn ɗan nyag tube'n Bɨraɓe nda mbera Moij.
Currently Selected:
Lebitik 8: MlL
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Lebitik 8
8
Kur yib ngéjanyamosɨ
1Bɨraɓe el Moij an: 2Un Aarõ kɨ ngana kɨ kub kɨ yib kurrdɔt kɨ bɔw mang kadkari kutdɔ majal kɨ bal batg joo kɨ keh kɨ ɗoosɨ kɨ kuɓɨr bɨna kɨkanj berrkasɨ, 3na i kun ngekawna tube kɨnat tabit kujkub ndɔdnat. 4Moij tɔ ɗa tit'n Bɨraɓe ela'n, na ngékawna kawɨn na tabit kujkub ndɔdnat.
5Kamla Moij el ngékawna an: Oon 'nten la i nya'n Bɨraɓe nda mbera kad i ɗan.
6Moij ad Aarõ kɨ ngana ndɔt'n kɨ ront na ndogd man. 7La kub ro Aarõt, dɔ ɓoa kɨ kɨla dɔɓo, na la kubji kɨ ngal roat, nda epod dɔat na dɔ roat kɨ kɨla dɔɓo lo epod'n la roat. 8La kub kutdɔ gu roat na nda Urim kɨ Tumim kam kub kutdɔ gut. 9Nda jɔg dɔat kamla nda bar nar ɔr nõat nõ jɔgt kɨjaɓat tit'n Bɨraɓe nda'n mbera Moij.
10Goot gog Moij un yib kurrdɔt tud dɔ londɨt kɨjaɓat kɨ nyag tube kɨ kamt kad teldɨn kɨjaɓat't. 11Tud dɔ dɨngɨrt nja tanãimɨta, tud dɔ dɨngɨrt kɨ nya ɗakɨlag tube nat kɨ bai kɨ njaa kɨta teldɨn kɨjaɓat. 12Mbel yib kurrdɔt dɔ Aarõt wuran kɨta tela kɨjaɓat.
13Moij ad ngan Aarõ ndɔt'n kɨ roat, la kub rodt, dɔɔ ɓod'd kɨ kubdɔɓo na nda jɔg dɔdt tit'n Bɨraɓe nda'n mbera Moij.
Kadkari kutdɔ majal kɨ kadkari kɨlahorr
14Moij ad ɗen kɨ bɔw mang kadkari kutdɔ majal na Aarõ kɨ nganɨn ndan jid dɔ bɔw mang kadkari kutdɔ majalt. 15Moij jakɔa, un mosa la ngon jin mosɨt ɔdɨn gaj dɨngɨr tube, arɨn dɨngɨr kamla ũ ndeg mosɨ girr dɨngɨrt telan kɨjaɓat kɨta kutdɔ majal. 16Moij ɔi mboola kɨ ut dɔ tia kɨ wura kɨbo kɨ munjo duna kɨjoo nat kɨ mboold, la horro dɔ dɨngɨrt. 17Na la bɔw mang'n non horro, ngɨraa kɨ dãã kɨ kiã tube, gid gongt tit'n Bɨraɓe nda'n mbera Moij.
18Kamla Moij ɗe kɨ bal bat kadkari kɨlahorr ad Aarõ kɨ ngana ndan jid dɔ bal bat't. 19Moij jakɔa na tud mosa dɔ dɨngɨrt gugɨn dɔ. 20Lon gangɨn dã bal bat dɨtɨmdɨtɨm ye, Moij la dɔa kɨ ndegag kɨ mboola horro. 21Lon tugon tia kɨ njaa, Moij la bal bat horro dɔ dɨngɨrt kɨtaagbe. I kadkari kɨlahorrt, i sé kɨkootmbĩ kɨ nel Bɨraɓe, i kadkari'n horr õa tit'n Bɨraɓe ndan mbera Moij.
Kadkari nda ngejanyamosɨ kɔtkokɨɗa
22Kamla ɗe kɨ bal bat kɨkõjoo, bal bat ndah de kɔtkokɨɗa, na Aarõ kɨ nganɨn ndan jid dɔ bal bat't. 23Moij jakɔ bal bat'n non, un mosa ɔd tẽ ɔsɨn girr mbi Aarõ kokõ kɨ dɔ kɨbo jia kokõ kɨ dɔ kɨbo njaa kokõ. 24Ad ngan Aarõ ndɔt'n kɨ ront, ɔd mosɨ tẽ ɔsɨn girr mbid kokõ kɨ da kɨbo jid kokõ, kɨ dɔ kɨbo njad kokõ na tud ndeg mosɨ dɔ dɨngɨrt gugɨn dɔ. 25Kamla un mboola kɨ ɓonga kɨ mboola kɨ ut dɔ tia tube kɨ wura kɨbo kɨ munjo duna kɨjoo nat kɨ mboold kɨ bɨnga kokõ.
26Na un kuɓɨr bɨna kɨkanj berrkasɨ kɨɗa kɨ woina kɨkanj berrkasɨ kɨ lɔi kɨ yib kɨɗa kɨ bɨna kɨ ɗa yib dɔt kɨɗa. Ɔi nyag'n non kam keh ngom bɨnat kɨ lɔi kɨkanj berrkasɨ, ndad nat kɨɗabe kɨ mboola kɨ bɨnga kokõ. 27La nyag'n non tube ji Aarõt kɨ ngana kad bind kadkari kɨ bii nõ Bɨraɓet. 28Kamla Moij taa jidt, ũ horro dɔ dɨngɨr dɔ kadkari kɨlahorrt. I kadkari ndah de kɔtkokɨɗa, i kadkari kɨlahorrt, i sé kɨkootmbĩ kɨ nel Bɨraɓe.
29Moij un gu bal bat ndah de kɔtkokɨɗa, bii nõ Bɨraɓet. I gaj lo Moij tit'n Bɨraɓe nda'n mbera Moij.
Ndɔ nda ngéjanyamosɨ kɔtkokɨɗa
30Kamla Moij ɔd yib kurrdɔt kɨ mosɨ kɨdɔ dɨngɨrt, tud dɔ Aarõt kɨ kubg loa kɨ dɔ ngan Aarõt kɨ kubg lod. Titbe la telɨn Aarõ kɨ kubg loa kɨjaɓat kɨ ngana kɨ kubg lod nat sia.
31Moij el Aarõ kɨ ngana an: I ndirrɨn dã'n non tabit kujkub ndɔdnat, na i sana kɨ bɨna kɨ kam keht kɨ ndah kɔtkokɨɗa tit'n m'ndasɨn mbera m'an: Aarõ kɨ nganɨn la a san ye. 32Na ndeg dã kɨ bɨna kɨnãi ye, a i ũn horro ad õ kɔ. 33Kam ndɔt kɨtanãimɨta a i teen tɨga tabit kujkub ndɔdnat al, mbã ndɔ ndasɨ kɔtkokɨɗa asɨ kamtã, kɨta ndɔ kɨtanãimɨta i ndɔ ndasɨ kɔtkokɨɗa. 34Nya'n i ɗan ɓone i nya'n Bɨraɓe nda mbera kad ɗan kɨta kutɨn dɔ majal losɨ. 35A i ndɨn tabit kujkub ndɔdnat ndɔ ho kada ho, mbã ndɔ tanãimɨta, a i ngomɨn go mberkɨnda lo Bɨraɓe kɨtakad i oin al. Titbe la ndamɨn ne mbera ye. 36Aarõ kɨ nganɨn ɗan nyag tube'n Bɨraɓe nda mbera Moij.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.