Dakɔr deg 4
4
Kɨla lo Kehatiag
1Bɨraɓe elta kɨ Moij kɨ Aarõ an: 2I tɨdan kɔr Kehatiag ku Lebiagt kɨgo girrnoojdgt kɨ kɨgo girrkoojdgt, 3i lan girra dɔ degt kɨ ɓal dɔmɨta mbã ɓal dɔmi, tube'n asɨn ta kɨlaɓer'n non kam kujkub ndɔdnat.
4Oo, kɨlaɓer lo Kehatiag kam kujkub ndɔdnat laten: Kɨla koogo nyag kɨ kam lot kɨjaɓat kɨtɔitɔi. 5Lon ndɔ asɨ kad ɓain lot'n non ye, Aarõ kɨ nganɨn a and ɔrrɨn kubganglo utɨn ne dɔ sund najkɨma. 6Goot gog a lan ndar hang utɨn ne dɔa, na a lan palkub kɨkil musɨmusɨ dɔt, na lan kagg kɨ ngal kad sundt. 7Kɨtɔ 'nten a lan palkub kɨ kil musɨmusɨ dɔ tabɨl nda bɨnat na a ndahn tasag dɔt kɨ nganbaig kɨ galg kɨ kopg kɨta kadkari nyakãi, kɨkũ kɔ na bɨna kɨndanõt a i dɔt kɨndɔgndɔg. 8A lan palkub kɨkɨre pirɨr dɔ nyagt 'nten na a dɔn kɨ ndar hang kamla lan kagg kɨ ngal kad tabɨlt. 9A unɨn palkub kɨkil musɨmusɨ utɨn ne dɔ kag nda lambag loa kɨ dɔgorag, kɨ bai kɔi buhoorag, kɨ ku yiba, kɨ nyag tube kɨta ɗan go lambag. 10A ndahna nat kɨ nya ɗakɨlag tube kam ndar hangt na a ndahn dɔ nyatonyat. 11A utɨn dɔ dɨngɨr nar ɔrr kɨ palkub kɨkil musɨmusɨ, a dulon kɨ ndar hang kamla lan kagg kɨ ngal kad dɨngɨrt. 12A oin nyaɗakɨlag tube'n ndɨ ɗan ne kɨla kam lot kɨjaɓat, a ũnd kam pal kubt kɨkil musɨmusɨ, a dulo kɨ ndar hang kamla lan dɔ kagtonyat, 13A ɔin buhoor kɨdɔ dɨngɨrt kɔ, na lan palkub kɨkɨɗe wor wor dɔt. 14A ndahn nya ɗakɨlag tube'n ndɨ ɗan ne kɨlaɓer dɔt, ad i ngan jo ndah horrg, kɨ nyakɔsɨ dã, kɨ pelg, kɨ tasag, kɨ nyaɗakɨlag tube lo dɨngɨr, na a lan ndar hang dɔt na lan kagg kɨ ngal kad dɨngɨrt. 15Lon Aarõ kɨ nganɨn tɨgan kɨla kutdɔ lo kɨjaɓat kɨ nyaɗakɨlag tube kɨ kam lot kɨjaɓat, na dɔkàd asɨ kad awɨn, got Kehatiag a ɗen kad unɨn, na a ɔdɨn nyag kɨja ɓat nõ al, na ɓeta oin. 'Nten la i kɨla lo Kehatiag kam kujkub ndɔdnat.
Kɨla lo Eleajar
16Eleajar ngon Aarõ ngejanyamosɨ a oo go yib kɨta lamba kɨ nõkag kɨkootmbĩ kɨ kadkari nduj kɨndɔgndɔg kɨ yib kurdɔt. A oo go kujkub londɨ kɨ nyag tube kɨ kamt kɨ lo kɨjaɓat kɨ nyaɗakɨlag tube.
17Bɨraɓe elta kɨ Moij kɨ Aarõ an: 18Ot nyan kad tɔlɨn girrkooj Kehatiag kɔ ku Lebiagt, 19na i ɗan sed titbe kɨtɔkad ndɨn kɨ dɔd dõ na oin al lon a ndɔt'n kɨ ro nyagt kɨjaɓat kɨtɔitɔi. Ad Aarõ kɨ ngana ɗen, ɔjɨnd kɨla lod kɨɗa kɨɗa tube kɨ nya'n a ton, 20na Kehatiag a andɨn kad oon nyag kɨjaɓat nõ al, ke kad oon pit, na ɓeta oin.
Kɨla lo Gersoniag
21Bɨraɓe elta kɨ Moij an: 22I tɨda kɔr Gersoniag tɔ kɨgo girrkoojdt kɨ kɨgo girrnoojdt. 23I tɨda kɔrd, i la girra dɔ degt kɨ ɓal dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat. 24'Nten la kɨlaɓer lo girrkooj Gersoniag, kɨlaɓer lod kɨ nyag'n a ton. 25A ton palkubg lo kujkub londɨ kɨ kujkub ndɔdna, nyakutdɔa kɨ nyakutdɔ kɨ ndar hang'n a lan dɔt kɨ kubganglo kɨ tabit kujkub ndɔdnat, 26palkubg kɨ natlot kɨ kubganglo kɨ tabit natlot'n gug dɔ kujkub londɨ kɨ dɨngɨr kɨ kɨlag lod kɨ nyaɗakɨlag tube. 27Kɨlaɓer tube lo Gersoniag a i girr tɔgt lo Aarõ kɨ ngana kɨ nyag tube'n a ton, kɨ kɨlaɓer tube'n a ɗan. A i nya nyag tube'n a ton jidt. 28'Nten la i kɨlaɓer lo girrkooj Gersoniag kam kujkub ndɔdnat na kɨlaɓer lod ta, ngekoogoa i Itamar ngon Aarõ ngejanyamosɨ.
Kɨla lo Merariag
29A i tɨda kɔr Merariag kɨgo girrnoojdt kɨ kɨgo girrkoojdt. 30A i tɨda kɔrd, i la girra dɔ degt kɨ ɓal dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat.
31Ĩgɨn ten la ĩn nyag'n a lan jidt kad ɗan kɨla lod i kad ton kɨta kɨlaɓer lod tube kam kujkub ndɔdnat. Barkagg lo kujkub londɨ kɨ kagg kɨ ngal, kɨ pilieg loa kɨ nya hɔag. 32Pilieg kɨ gugɨn dɔ natlo kɨ nyahɔdg kɨ kagg kɨta dɔ kɨla tit kɨ kɨlag lod kɨ nyaɗakɨlag tube kɨ nyag kɨta kɨlaɓer'n non tube. A i tɨdan tɔ nyag tube kɨ i lan jidt kad ton. 33'Nten la i kɨlaɓer lo girrkooj Merariag, kɨlaɓer lod tube kam kujkub ndɔdnat, ngekoogoa i Itamar ngon Aarõ ngejanyamosɨ.
Kɨlag'n sumba kad Lebiag ɗan
34Moij kɨ Aarõ kɨ kɨbog lo ngékawna tɨdan kɔr Kehatiag kɨgo girrnoojdt kɨ kɨgo girrkoojdt. 35Deg tube'n ɓald i dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat. 36Ĩgɨn tɨdand kɨgo girrkoojdt i 2 750. 37Ĩgɨn non la ĩn girrkooj lo Kehatiag'n tɨdand, tube'n ɗan kɨlaɓer kam kujkub ndɔdnat. Moij kɨ Aarõ tɨdan kɔrd kɨgo tat lo Bɨraɓe'n nda mbera Moij.
38Gersoniag'n tɨdan kɔrd kɨgo girrkoojdt kɨ kɨgo girrnoojdt, 39lan girra dɔ ĩgɨtɨn ɓald i dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat. 40Deg'n tɨdan kɔrd kɨgo girrkoojdt kɨ kɨgo girrnoojdt ĩn 2 630. 41Ĩgɨn non la ĩn girrkooj Gersoniag'n tɨdand, tube'n asɨn ta kɨlaɓer kam kujkub ndɔdnat. Moij kɨ Aarõ tɨda ndɨ kɨgo mberkɨnda lo Bɨraɓe.
42Deg kɨ girrkooj Merariag'n tɨdand kɨgo girrnoojdt kɨ kɨgo girrkoojdt, 43lan girra dɔ ĩgɨtɨn ɓald i dɔmɨta mbã ɓal dɔmi tube'n asɨn ta kɨlaɓer kam kujkub ndɔdnat, 44ĩgɨn tɨdan kɔrd kɨgo girrkoojdt ĩn 3 200 45Ĩgɨn non la ĩn girrkooj Merariag'n tɨdan kɔrd. Moij kɨ Aarõ tɨdand kɨgo tat lo Bɨraɓe'n nda mbera Moij.
46Lebiag tube'n Moij kɨ Aarõ kɨ kɨbog lo Israel tɨdan kɔrd kɨgo girrkoojdt kɨ kɨgo girrnoojdt, 47lan girra dɔ ĩgɨtɨn ɓald i dɔmɨta mbã dɔmi, tube'n asɨn ta kɨlaɓer kam kujkub ndɔdnat kɨ kad ĩn ngétonyag. 48Tubeg'n tɨdand kɔrd ĩn 8 580. 49Tɨdand kɨgo tat lo Bɨraɓe'n nda mbera Moij, na ɔj dekɨɗen kɨlaɓer loa kad ɗa kɨ nya kɨ kad tɔ. Tɨdand kɨgo tat lo Bɨraɓe'n nda mbera Moij.
Currently Selected:
Dakɔr deg 4: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 4
4
Kɨla lo Kehatiag
1Bɨraɓe elta kɨ Moij kɨ Aarõ an: 2I tɨdan kɔr Kehatiag ku Lebiagt kɨgo girrnoojdgt kɨ kɨgo girrkoojdgt, 3i lan girra dɔ degt kɨ ɓal dɔmɨta mbã ɓal dɔmi, tube'n asɨn ta kɨlaɓer'n non kam kujkub ndɔdnat.
4Oo, kɨlaɓer lo Kehatiag kam kujkub ndɔdnat laten: Kɨla koogo nyag kɨ kam lot kɨjaɓat kɨtɔitɔi. 5Lon ndɔ asɨ kad ɓain lot'n non ye, Aarõ kɨ nganɨn a and ɔrrɨn kubganglo utɨn ne dɔ sund najkɨma. 6Goot gog a lan ndar hang utɨn ne dɔa, na a lan palkub kɨkil musɨmusɨ dɔt, na lan kagg kɨ ngal kad sundt. 7Kɨtɔ 'nten a lan palkub kɨ kil musɨmusɨ dɔ tabɨl nda bɨnat na a ndahn tasag dɔt kɨ nganbaig kɨ galg kɨ kopg kɨta kadkari nyakãi, kɨkũ kɔ na bɨna kɨndanõt a i dɔt kɨndɔgndɔg. 8A lan palkub kɨkɨre pirɨr dɔ nyagt 'nten na a dɔn kɨ ndar hang kamla lan kagg kɨ ngal kad tabɨlt. 9A unɨn palkub kɨkil musɨmusɨ utɨn ne dɔ kag nda lambag loa kɨ dɔgorag, kɨ bai kɔi buhoorag, kɨ ku yiba, kɨ nyag tube kɨta ɗan go lambag. 10A ndahna nat kɨ nya ɗakɨlag tube kam ndar hangt na a ndahn dɔ nyatonyat. 11A utɨn dɔ dɨngɨr nar ɔrr kɨ palkub kɨkil musɨmusɨ, a dulon kɨ ndar hang kamla lan kagg kɨ ngal kad dɨngɨrt. 12A oin nyaɗakɨlag tube'n ndɨ ɗan ne kɨla kam lot kɨjaɓat, a ũnd kam pal kubt kɨkil musɨmusɨ, a dulo kɨ ndar hang kamla lan dɔ kagtonyat, 13A ɔin buhoor kɨdɔ dɨngɨrt kɔ, na lan palkub kɨkɨɗe wor wor dɔt. 14A ndahn nya ɗakɨlag tube'n ndɨ ɗan ne kɨlaɓer dɔt, ad i ngan jo ndah horrg, kɨ nyakɔsɨ dã, kɨ pelg, kɨ tasag, kɨ nyaɗakɨlag tube lo dɨngɨr, na a lan ndar hang dɔt na lan kagg kɨ ngal kad dɨngɨrt. 15Lon Aarõ kɨ nganɨn tɨgan kɨla kutdɔ lo kɨjaɓat kɨ nyaɗakɨlag tube kɨ kam lot kɨjaɓat, na dɔkàd asɨ kad awɨn, got Kehatiag a ɗen kad unɨn, na a ɔdɨn nyag kɨja ɓat nõ al, na ɓeta oin. 'Nten la i kɨla lo Kehatiag kam kujkub ndɔdnat.
Kɨla lo Eleajar
16Eleajar ngon Aarõ ngejanyamosɨ a oo go yib kɨta lamba kɨ nõkag kɨkootmbĩ kɨ kadkari nduj kɨndɔgndɔg kɨ yib kurdɔt. A oo go kujkub londɨ kɨ nyag tube kɨ kamt kɨ lo kɨjaɓat kɨ nyaɗakɨlag tube.
17Bɨraɓe elta kɨ Moij kɨ Aarõ an: 18Ot nyan kad tɔlɨn girrkooj Kehatiag kɔ ku Lebiagt, 19na i ɗan sed titbe kɨtɔkad ndɨn kɨ dɔd dõ na oin al lon a ndɔt'n kɨ ro nyagt kɨjaɓat kɨtɔitɔi. Ad Aarõ kɨ ngana ɗen, ɔjɨnd kɨla lod kɨɗa kɨɗa tube kɨ nya'n a ton, 20na Kehatiag a andɨn kad oon nyag kɨjaɓat nõ al, ke kad oon pit, na ɓeta oin.
Kɨla lo Gersoniag
21Bɨraɓe elta kɨ Moij an: 22I tɨda kɔr Gersoniag tɔ kɨgo girrkoojdt kɨ kɨgo girrnoojdt. 23I tɨda kɔrd, i la girra dɔ degt kɨ ɓal dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat. 24'Nten la kɨlaɓer lo girrkooj Gersoniag, kɨlaɓer lod kɨ nyag'n a ton. 25A ton palkubg lo kujkub londɨ kɨ kujkub ndɔdna, nyakutdɔa kɨ nyakutdɔ kɨ ndar hang'n a lan dɔt kɨ kubganglo kɨ tabit kujkub ndɔdnat, 26palkubg kɨ natlot kɨ kubganglo kɨ tabit natlot'n gug dɔ kujkub londɨ kɨ dɨngɨr kɨ kɨlag lod kɨ nyaɗakɨlag tube. 27Kɨlaɓer tube lo Gersoniag a i girr tɔgt lo Aarõ kɨ ngana kɨ nyag tube'n a ton, kɨ kɨlaɓer tube'n a ɗan. A i nya nyag tube'n a ton jidt. 28'Nten la i kɨlaɓer lo girrkooj Gersoniag kam kujkub ndɔdnat na kɨlaɓer lod ta, ngekoogoa i Itamar ngon Aarõ ngejanyamosɨ.
Kɨla lo Merariag
29A i tɨda kɔr Merariag kɨgo girrnoojdt kɨ kɨgo girrkoojdt. 30A i tɨda kɔrd, i la girra dɔ degt kɨ ɓal dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat.
31Ĩgɨn ten la ĩn nyag'n a lan jidt kad ɗan kɨla lod i kad ton kɨta kɨlaɓer lod tube kam kujkub ndɔdnat. Barkagg lo kujkub londɨ kɨ kagg kɨ ngal, kɨ pilieg loa kɨ nya hɔag. 32Pilieg kɨ gugɨn dɔ natlo kɨ nyahɔdg kɨ kagg kɨta dɔ kɨla tit kɨ kɨlag lod kɨ nyaɗakɨlag tube kɨ nyag kɨta kɨlaɓer'n non tube. A i tɨdan tɔ nyag tube kɨ i lan jidt kad ton. 33'Nten la i kɨlaɓer lo girrkooj Merariag, kɨlaɓer lod tube kam kujkub ndɔdnat, ngekoogoa i Itamar ngon Aarõ ngejanyamosɨ.
Kɨlag'n sumba kad Lebiag ɗan
34Moij kɨ Aarõ kɨ kɨbog lo ngékawna tɨdan kɔr Kehatiag kɨgo girrnoojdt kɨ kɨgo girrkoojdt. 35Deg tube'n ɓald i dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat. 36Ĩgɨn tɨdand kɨgo girrkoojdt i 2 750. 37Ĩgɨn non la ĩn girrkooj lo Kehatiag'n tɨdand, tube'n ɗan kɨlaɓer kam kujkub ndɔdnat. Moij kɨ Aarõ tɨdan kɔrd kɨgo tat lo Bɨraɓe'n nda mbera Moij.
38Gersoniag'n tɨdan kɔrd kɨgo girrkoojdt kɨ kɨgo girrnoojdt, 39lan girra dɔ ĩgɨtɨn ɓald i dɔmɨta mbã ɓal dɔmi, tube'n asɨn ta kɨlaɓer kam kujkub ndɔdnat. 40Deg'n tɨdan kɔrd kɨgo girrkoojdt kɨ kɨgo girrnoojdt ĩn 2 630. 41Ĩgɨn non la ĩn girrkooj Gersoniag'n tɨdand, tube'n asɨn ta kɨlaɓer kam kujkub ndɔdnat. Moij kɨ Aarõ tɨda ndɨ kɨgo mberkɨnda lo Bɨraɓe.
42Deg kɨ girrkooj Merariag'n tɨdand kɨgo girrnoojdt kɨ kɨgo girrkoojdt, 43lan girra dɔ ĩgɨtɨn ɓald i dɔmɨta mbã ɓal dɔmi tube'n asɨn ta kɨlaɓer kam kujkub ndɔdnat, 44ĩgɨn tɨdan kɔrd kɨgo girrkoojdt ĩn 3 200 45Ĩgɨn non la ĩn girrkooj Merariag'n tɨdan kɔrd. Moij kɨ Aarõ tɨdand kɨgo tat lo Bɨraɓe'n nda mbera Moij.
46Lebiag tube'n Moij kɨ Aarõ kɨ kɨbog lo Israel tɨdan kɔrd kɨgo girrkoojdt kɨ kɨgo girrnoojdt, 47lan girra dɔ ĩgɨtɨn ɓald i dɔmɨta mbã dɔmi, tube'n asɨn ta kɨlaɓer kam kujkub ndɔdnat kɨ kad ĩn ngétonyag. 48Tubeg'n tɨdand kɔrd ĩn 8 580. 49Tɨdand kɨgo tat lo Bɨraɓe'n nda mbera Moij, na ɔj dekɨɗen kɨlaɓer loa kad ɗa kɨ nya kɨ kad tɔ. Tɨdand kɨgo tat lo Bɨraɓe'n nda mbera Moij.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.