Dakɔr deg 6
6
Ta kɨ dɔ kunkɔ Najir
1Bɨraɓe elta kɨ Moij an: 2El ngan Israelg an: Lon dekɨdɨngã ke dekɨdẽ mad un kɔn kɨ yokɨnda. Ad i kunkɔ Najir, kad ndah ron kɔtkokɨɗa kɨta Bɨraɓe. 3Ada oron kasɨnduu ke kasɨ kɨngang, a ãi man kɨmasɨ'n ɗan kɨ ndu, ke kasɨ kɨngang al, a ãi man nduu al, a sa ndawnduu al tɔ, ke kɨmbool, ke kɨtut. 4Ndɔg tube'n ɔrrɨn ron kɔtkokɨɗa ad Bɨraɓe ye a sa kand nya mad kɨ tee ko ro nduut al, ke kumnduu ke ngɔa. 5Ndɔg tube'n unɨn kɔn kɨ yokɨnda ye yinga a ɔd bisɨdɔa al mbã ndɔ tɔlkon kaglo'n ɔrrɨn ron kɔtkokɨɗa kɨta Bɨraɓe. A i kɨjaɓat, a nya bisɨdɔn ad ngal. 6Ndɔg tube'n ɔrrɨn ron kɔtkokɨɗa kɨta Bɨraɓe ye a tee kad nint al, 7A yerr kɨ ron kɨta nin bɔwɨn ke kõn, ke ngonkõn kɨdɨngã, ke kɨdẽ al kɨta ta ndah ro kɔtkokɨɗa kɨta Bɨraɓe i dɔat. 8Ndɔg tube'n ndah ron kɔtkokɨɗa a i kɨjaɓat kɨta Bɨraɓe.
9Ĩla de mad oi tentenbe roat nderbe ad roa kɨndah kɔtkokɨɗa kɨta Bɨraɓe tel kɨyerr ho a ne, a ngɨse dɔ ndɔ kar rot, a ngɨse dɔ ndɔt kɨkõtanãimɨta. 10Ndɔt kɨkõjijoo a ne, a ɗe kɨ kadkari lon derngɔt joo, ke ngan derkul joo, tabit kujkub ndɔdnat ad ngejanyamosɨ 11na ngejanyamosɨ a la kɨkɨɗa kadkari kɨtɔ majal kɨ ɗa na kɨmad kɨta kadkari kɨlahorrt kɨta kutɨn dɔ majal'n ɗa kɨta nin. Najir'n non a ndah ron kɔtkokɨɗa kɨta Bɨraɓe 12A tel ndah ron kɔtkokɨɗa kɨta Bɨraɓe kɨta ndɔg'n kunkɔ ton dɔat, na a la kõ bat kɨ ɓala i kɨɗa kɨta la kadkari kɨtɔ majal kɨ ɗa, na ndɔg kɨ tɔin woi nõ ĩn kɨtuj kɨta ndah kɔtkokɨɗa loa i kɨyerr.
13'Nten la i mberkɨnda kɨta Najir ye lon tɔlkon ndɔ ndah kɔtkokɨɗa lon. A ɗen sia tabit kujkub ndɔdnat, 14a la kadkari lon ad Bɨraɓe, ad i bal bat kɨ ɓal kɨɗa kɨkanj nya mad ɗaa kɨta kadkari kɨ lahort kɨ mand bat kɨ bal kɨɗa kɨkanj nya mad ɗaa kɨta kadkari kɨtɔ majal kɨ ɗa kɨ bal bat kɨkanj nya mad ɗaa kɨta kadkari kɨ kad kamsɔllom. 15Kɨ bɨna kɨlɔi kɨkanj berrkasɨ keh kɨɗa kɨ oina nduj kɨtoletlet kɨlɔi kɨ yib kɨ bɨna kɨkanj berrkasɨ kɨ kɨtud yib dɔt, nat kɨ kadkari nduj kɨ kadkari nyakãig lod. 16Ngejanyamosɨ a ɗe kɨ nyag'n non nõ Bɨraɓet, a la kadkari loa kɨta kut dɔ majal kɨ kadkari loa kɨlahorrt. 17A la bal bat kadkari ad Bɨraɓe, i kadkari kɨ kad kamsɔllom nat kɨ keh bɨna kɨkanj berrkasɨ. Ngejanyamosɨ a la kadkari nduj kɨ kadkari nyakãi tɔ. 18Kamla Najir'n non a ngɨse dõ tabit kujkub ndɔdnat, a oi bisɨdɔn kɨ ndah kɔtkokɨɗa ũ horrt kɨ girr kadkarit kɨ kad kamsɔllom. 19Ngejanyamosɨ a un bɔg bal bat kɨndir nõ kɨ oina kɨkanj berrkasɨ kɨɗa kam keht kɨ bɨna kɨkanj berrkasɨ kɨɗa, a ndah nyag'n non ji Najirt got'n hã ngɨse dõ kɨ ndah kɔtkokɨɗa. 20Ngejanyamosɨ a bii nyag'n non kadkari kɨbii nõ Bɨraɓet, i nya kɨjaɓat kɨta ngejanyamosɨ nat kɨ gu dã kɨbii kɨbing dã, kɨkun kɨ dõ. Goot gog Najir ngah ɗob kãi kasɨnduu.
21'Nten i mberkɨnda kɨta Najir in un kɔn kɨ yokɨnda. Kadkari loa kɨta Bɨraɓe a i kɨgo kunkɔ Najirt loa na a ad kɨɗang dɔt ɓaitɔ kɨgo tɔgɨnt. Kɨgo kunkɔt kɨ un kɨ yokɨnda nõ, titbe tɔ a ɗan kɨgo mberkɨnda kɨta Najir.
Ngan Aarõ a njangɨn dɔ Israelag
22Bɨraɓe elta kɨ Moij an: 23El Aarõ kɨ ngana an: Titbe la a i njangɨn ne dɔ Israelag, a elɨnd anan:
24Kɨ Bɨraɓe njang dɔi na kɨ ngomi,
25Kɨ Bɨraɓe ad takumɨn unj dɔit na kɨ ɔji kamkẽ lon,
26Kɨ Bɨraɓe tur kumɨn kɨ roit, na kɨ adi kam kɨsokɨber.
27Titbe la a ndahn ne tɔm dɔ Israelagt, na mĩ m'a m'njang dɔd ho.
Currently Selected:
Dakɔr deg 6: MlL
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
Dakɔr deg 6
6
Ta kɨ dɔ kunkɔ Najir
1Bɨraɓe elta kɨ Moij an: 2El ngan Israelg an: Lon dekɨdɨngã ke dekɨdẽ mad un kɔn kɨ yokɨnda. Ad i kunkɔ Najir, kad ndah ron kɔtkokɨɗa kɨta Bɨraɓe. 3Ada oron kasɨnduu ke kasɨ kɨngang, a ãi man kɨmasɨ'n ɗan kɨ ndu, ke kasɨ kɨngang al, a ãi man nduu al, a sa ndawnduu al tɔ, ke kɨmbool, ke kɨtut. 4Ndɔg tube'n ɔrrɨn ron kɔtkokɨɗa ad Bɨraɓe ye a sa kand nya mad kɨ tee ko ro nduut al, ke kumnduu ke ngɔa. 5Ndɔg tube'n unɨn kɔn kɨ yokɨnda ye yinga a ɔd bisɨdɔa al mbã ndɔ tɔlkon kaglo'n ɔrrɨn ron kɔtkokɨɗa kɨta Bɨraɓe. A i kɨjaɓat, a nya bisɨdɔn ad ngal. 6Ndɔg tube'n ɔrrɨn ron kɔtkokɨɗa kɨta Bɨraɓe ye a tee kad nint al, 7A yerr kɨ ron kɨta nin bɔwɨn ke kõn, ke ngonkõn kɨdɨngã, ke kɨdẽ al kɨta ta ndah ro kɔtkokɨɗa kɨta Bɨraɓe i dɔat. 8Ndɔg tube'n ndah ron kɔtkokɨɗa a i kɨjaɓat kɨta Bɨraɓe.
9Ĩla de mad oi tentenbe roat nderbe ad roa kɨndah kɔtkokɨɗa kɨta Bɨraɓe tel kɨyerr ho a ne, a ngɨse dɔ ndɔ kar rot, a ngɨse dɔ ndɔt kɨkõtanãimɨta. 10Ndɔt kɨkõjijoo a ne, a ɗe kɨ kadkari lon derngɔt joo, ke ngan derkul joo, tabit kujkub ndɔdnat ad ngejanyamosɨ 11na ngejanyamosɨ a la kɨkɨɗa kadkari kɨtɔ majal kɨ ɗa na kɨmad kɨta kadkari kɨlahorrt kɨta kutɨn dɔ majal'n ɗa kɨta nin. Najir'n non a ndah ron kɔtkokɨɗa kɨta Bɨraɓe 12A tel ndah ron kɔtkokɨɗa kɨta Bɨraɓe kɨta ndɔg'n kunkɔ ton dɔat, na a la kõ bat kɨ ɓala i kɨɗa kɨta la kadkari kɨtɔ majal kɨ ɗa, na ndɔg kɨ tɔin woi nõ ĩn kɨtuj kɨta ndah kɔtkokɨɗa loa i kɨyerr.
13'Nten la i mberkɨnda kɨta Najir ye lon tɔlkon ndɔ ndah kɔtkokɨɗa lon. A ɗen sia tabit kujkub ndɔdnat, 14a la kadkari lon ad Bɨraɓe, ad i bal bat kɨ ɓal kɨɗa kɨkanj nya mad ɗaa kɨta kadkari kɨ lahort kɨ mand bat kɨ bal kɨɗa kɨkanj nya mad ɗaa kɨta kadkari kɨtɔ majal kɨ ɗa kɨ bal bat kɨkanj nya mad ɗaa kɨta kadkari kɨ kad kamsɔllom. 15Kɨ bɨna kɨlɔi kɨkanj berrkasɨ keh kɨɗa kɨ oina nduj kɨtoletlet kɨlɔi kɨ yib kɨ bɨna kɨkanj berrkasɨ kɨ kɨtud yib dɔt, nat kɨ kadkari nduj kɨ kadkari nyakãig lod. 16Ngejanyamosɨ a ɗe kɨ nyag'n non nõ Bɨraɓet, a la kadkari loa kɨta kut dɔ majal kɨ kadkari loa kɨlahorrt. 17A la bal bat kadkari ad Bɨraɓe, i kadkari kɨ kad kamsɔllom nat kɨ keh bɨna kɨkanj berrkasɨ. Ngejanyamosɨ a la kadkari nduj kɨ kadkari nyakãi tɔ. 18Kamla Najir'n non a ngɨse dõ tabit kujkub ndɔdnat, a oi bisɨdɔn kɨ ndah kɔtkokɨɗa ũ horrt kɨ girr kadkarit kɨ kad kamsɔllom. 19Ngejanyamosɨ a un bɔg bal bat kɨndir nõ kɨ oina kɨkanj berrkasɨ kɨɗa kam keht kɨ bɨna kɨkanj berrkasɨ kɨɗa, a ndah nyag'n non ji Najirt got'n hã ngɨse dõ kɨ ndah kɔtkokɨɗa. 20Ngejanyamosɨ a bii nyag'n non kadkari kɨbii nõ Bɨraɓet, i nya kɨjaɓat kɨta ngejanyamosɨ nat kɨ gu dã kɨbii kɨbing dã, kɨkun kɨ dõ. Goot gog Najir ngah ɗob kãi kasɨnduu.
21'Nten i mberkɨnda kɨta Najir in un kɔn kɨ yokɨnda. Kadkari loa kɨta Bɨraɓe a i kɨgo kunkɔ Najirt loa na a ad kɨɗang dɔt ɓaitɔ kɨgo tɔgɨnt. Kɨgo kunkɔt kɨ un kɨ yokɨnda nõ, titbe tɔ a ɗan kɨgo mberkɨnda kɨta Najir.
Ngan Aarõ a njangɨn dɔ Israelag
22Bɨraɓe elta kɨ Moij an: 23El Aarõ kɨ ngana an: Titbe la a i njangɨn ne dɔ Israelag, a elɨnd anan:
24Kɨ Bɨraɓe njang dɔi na kɨ ngomi,
25Kɨ Bɨraɓe ad takumɨn unj dɔit na kɨ ɔji kamkẽ lon,
26Kɨ Bɨraɓe tur kumɨn kɨ roit, na kɨ adi kam kɨsokɨber.
27Titbe la a ndahn ne tɔm dɔ Israelagt, na mĩ m'a m'njang dɔd ho.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.