Qneepah 4
4
Slingan ka Petros ma Yohane
1Rmengo hbaro seediq ka snkgulan ciida, asi eyah ka dmsapuh, mpqlahang Sapah Thmkuwan ma seediq Sadokay. 2Mbrebur lnglungan daha, ado tmgesa seediq quri Yesu wada muudus peeyah hnqilan. 3Kiya de qrapun daha, ado gbiyan da, kiya de shetur daha betaq so kusun. 4Kiya de mnbahang kari we hbaro ka snhii. Rrseno nanak we ya ba dehuk 50'00.
5So kusun de msseli Yerusalem ka dmpqlahang seediq Yudaya, rdrudan ma dmptpatis. 6Meniq hiya uri ka Anas paru msapuh, Kayapas, Yohane, Aleksandria ma kana lutuc paru msapuh. 7Phyegun daha ckceka ka snkgulan de slingan daha: “Mnoda beyax maanu, mnoda ngayan nima qmneepah namu so nii ha?” 8Stngayan Bgihur Utux ciida ka Petros duma rmengo dheya: “Dmpdudul ma rdrudan! 9Nasi so ado malu qnepah ta seediq mqraqil ka ssiling ta daha saya, kiya ka wada hmuwa mesa malu mnarux na seediq nii. 10So kiya de, kana namu ma seediq Israel we kkela kana. Seediq nii mheyu berah namu we mnoda ngayan Yesu Kiristo seediq Najare, kiya ka pnteetu namu jyujika ma wada pkdusun Utux Baro peeyah hnqilan. 11Yesu nii we:
Btunux nlixan seediq namu mpsmalu sapah,
wada ssmalu tgkingal btunux muxi sapah di.
12Wano heya uka ka pkuudus. Ado bobo dxeral ge, uka ka ngayan bnege ngngalan ta stmaun pkuudus.”
13Taan dseediq ka pahung na Petros ma Yohane, kiya uri we taan daha uxe mnuuyas ka dheya de msklui bale. Klaun daha smnegul Yesu ka dheya. 14Taan daha uri gaga msuupu dheya mheyu ka seediq pnkmalu de, uka daha klaan hmetur rmengo. 15Kiya de lwaqan daha nganguc peeyah pnssliyan ka dheya, mpprengo ka dheya, 16rmengo: “Huwa ta kesun ka 2 seediq nii ho? Ado truura bale qneepah 1 pnskraya qnpahan ka dheya. Mkela kana ka seediq ga meniq Yerusalem, uka kkesun uka ka nii uri. 17So uxe maha krinah mkgarang seediq ka noda nii we, asi ta ka scugan ka dheya, rngagi dheya, iya pooda ngayan nii rmengo seediq.”
18Kiya de splawa daha ka daha seediq kiya. Pdkarun daha iya ba pooda ngayan Yesu rmengo ma tmgesa seediq. 19Cmiyuk ka Petros ma Yohane: “Qmbahang yamu ma ini qbahang Utux Baro we, berah Utux Baro we kenu ka mlengu ho? Lngelung nanak yamu! 20Ntaan nami ma qnbhangan nami we uka ka uxe mprengo.” 21Ado seediq, uka ka hhwaan daha ppkdira dheya ka dmpdudul. Kiya de malan daha smiicu de srwaun daha da. Nii we ado qneepah pnskraya qnpahan ma tmdahu Utux Baro ka kana seediq. 22Mnoda pskraya qneepah wada malu ka seediq nii we 40 sngari knkawas na.
Dmurun Pahung daha Ka Dsnheyi
23Wada srwaun ka 2 seediq de mosa dseediq daha nanak hiya. Srengo na dheya kana ka rnengo dpusu msapuh ma rdrudan. 24Mbahang so nii ka dheya de msuupu lnglungan pmbaro quwaq daha rmengo Utux Baro: “Bukung! Isu we smnalu karac, dxeral, rcilung ma ani maanu ga ckceka na hiya. 25Isu we spooda su Bgihur Utux ma quwaq rudan nami Dawid tnqliyan su rmengo:
‘Hmuwa, seediq icil qnlhangan we, ma mrrudu?
Kana seediq we, ma ooda skbrhuwan ka gaga daha lnglungun?
26Msuupu mtutuy ka dqbsuran paru bobo dxeral, dmpqlahang we msseli uri tbrinah Utux Baro ma Kiristo na.’
27Hrodes, Pontios Pilatos, seediq icil qnlhangan ma seediq Israel msseli alang hini, tbrinah Yesu laqi pnheyu su. 28Mpbale baga su ma mmaha niqun ka pnugeela kari so lnglungan su nii. 29Smiicu yami ka dheya, Bukung! Saya sleesi mita. Biqi dtnqliyan su ka kknremun rmengo kari su. 30Hkero baga su pkmalu mnarux. Ado ngayan Yesu mrtaso tnqliyan su peeyah ka pnskraya qneepah ma sklwiun.” 31Mnhedu dmurun de mlgelu ka pssliyan daha. Dheya de stngayan Bgihur Utux ka kana daha. Kiya de mnpahung rmengo kari Utux Baro.
Spuun Dmoi Ka Kana Qyqeya
32Dsnhii seediq we ms1 lhebun ma 1 lnglungan daha. Uka ani 1 seediq rmengo, qyqeya na we niqan 1 ka nheya nanak. Pntnaun daha dmoi kana. 33Paru ba beyax daha ka Snkgulan ma pgkela Yesu Bukung muudus peeyah hnqilan. Kana seediq we mangal paru ba huwe Utux Baro uri. 34Ckceka daha hiya we uka ani 1 ka ini pttuku na. Ado dheya we wada daha brigun kana ka dxeral ma sapah daha. Desun daha ka pila bnaruy daha. 35Psaun daha berah snkgulan, kiya de spuyu daha so ddooyun knkingal seediq ma saasu daha. 36Niqan 1 seediq Lewiy, mntuting Kupros. Ngayan na we Yosehu, Brnabas knesa tmngayan snkgulan. (Hdilun ka kari nii we seediq mpsbbeyax). 37Heya we niqan dxeral na ma wada na brigun da. Desun na berah papak snkgulan ka pila bnrigan na.
Currently Selected:
Qneepah 4: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
