Lntadan 1
1
Hbaro Riyung ka Seediq Israel
1Lqlaqi Israel we madis tnsapah daha nanak, mtheyaq Yakobu mosa Micrayim. Ngayan daha we so nii: 2Reuben, Simeon, Lewiy, Yehudah, 3Yisaskar, Jebulun, Binyamin, 4Dan, Naptaliy, Gad ma Aser. 5Kana pneyah Yakobu we 70 heyi. Ciida, tena meniq Micrayim ka Yosehu. 6Yosehu ma kana mtswai na ma, kana dseediq knxalan ciida we wada mhuqil kana da. 7Kiya de dseediq Israel we mrana egu bale, hbaro ma mbeyax riyung, mrrana dxeral hiya.
Trqilun ka Dseediq Israel
8Mtutuy ka kingal bgurah qbsuran paru ini kela Yosehu qmlahang Micrayim. 9Rmengo quri seediq na ka heya: “Tai, dseediq Israel we mrana knhbragan na ita hini ma mbeyax uri. 10Aguh, pdae ta knkela ta smterung dheya, so maha uxe krinah mrana ka dheya. Bobo na nasi mccebu de maha mpsuupu pais cmebu ita ka dheya ma, mplatac ita peeyah hini di.” 11Kiya de smkagul mpqlahang dmpqeepah ka seediq Micrayim, ptyexan daha psqrinuc pqeepah ka dseediq Israel. Saun daha pqeepah smalu alang ppsaun uqun Paroh ka dheya. Alang nii we kiya ka Pitom ma Rameses. 12Kiya de krinah tmraqil Israel ka dheya de, krinah mrana ma hbaro. Kiya de so nii ka dseediq Israel de mnarux tunux ka dseediq Micrayim.
13Krinah psteeyux pqeepah dseediq Israel ka seediq Micrayim. 14Smbqerus neepah nii de maha mqraqil noda daha ka dheya. Ani pnrumu dxeral, smalu rengga ma, lmlamu qpahun qnpahan, kana ooda we pkdira ba pqeepah dheya.
15Dungal ka qbsuran paru Micrayim we mlawa 2 mqedil Hiburu mdayo mptnlaqi. Siprah ngayan na ka 1 ma Puah ka 1. Rmengo dheya ka heya: 16“Mosa namu ptnlaqi dmqedil seediq Hiburu ciida, nasi laqi rseno we phuqil, nasi mqedil we pkdusi kiya.” 17Kiya de mqedil mptnlaqi nii we miicu Utux Baro ka dheya, ini puyu kari dnurun qbsuran paru Micrayim, pkdusun na ka laqi rseno. 18Mlawa mqedil mptnlaqi nii ka Qbsuran Micrayim, rmengo dheya: “Ma namu so nii meepah, pkdusun namu ka laqi rseno ho?” 19Rmengo Paroh ka dmqedil mptnlaqi: “Ado ini pntena mqedil Micrayim ka mqedil Hiburu. Mbeyax heyi daha ka mqedil Israel. Ini dehuk na ka mqedil mptnlaqi de tena mtuting ka laqi daha da.” 20Smbleyaq dmqedil mptnlaqi nii ka Utux Baro. Mrana bale ma mbeyax riyung ka dseediq Israel. 21Ado miicu Utux Baro ka dmqedil mptnlaqi nii de, Utux Baro we sbleqan na psmalu tnsapah daha ka dheya. 22Posa kari dmurun dseediq na ka Paroh, rmengo: “Sani qmada yayung Yeor ka knkingal laqi rseno pntingan daha, kiya we pkdusi ka lqlaqi mqedil.”
Currently Selected:
Lntadan 1: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 1
1
Hbaro Riyung ka Seediq Israel
1Lqlaqi Israel we madis tnsapah daha nanak, mtheyaq Yakobu mosa Micrayim. Ngayan daha we so nii: 2Reuben, Simeon, Lewiy, Yehudah, 3Yisaskar, Jebulun, Binyamin, 4Dan, Naptaliy, Gad ma Aser. 5Kana pneyah Yakobu we 70 heyi. Ciida, tena meniq Micrayim ka Yosehu. 6Yosehu ma kana mtswai na ma, kana dseediq knxalan ciida we wada mhuqil kana da. 7Kiya de dseediq Israel we mrana egu bale, hbaro ma mbeyax riyung, mrrana dxeral hiya.
Trqilun ka Dseediq Israel
8Mtutuy ka kingal bgurah qbsuran paru ini kela Yosehu qmlahang Micrayim. 9Rmengo quri seediq na ka heya: “Tai, dseediq Israel we mrana knhbragan na ita hini ma mbeyax uri. 10Aguh, pdae ta knkela ta smterung dheya, so maha uxe krinah mrana ka dheya. Bobo na nasi mccebu de maha mpsuupu pais cmebu ita ka dheya ma, mplatac ita peeyah hini di.” 11Kiya de smkagul mpqlahang dmpqeepah ka seediq Micrayim, ptyexan daha psqrinuc pqeepah ka dseediq Israel. Saun daha pqeepah smalu alang ppsaun uqun Paroh ka dheya. Alang nii we kiya ka Pitom ma Rameses. 12Kiya de krinah tmraqil Israel ka dheya de, krinah mrana ma hbaro. Kiya de so nii ka dseediq Israel de mnarux tunux ka dseediq Micrayim.
13Krinah psteeyux pqeepah dseediq Israel ka seediq Micrayim. 14Smbqerus neepah nii de maha mqraqil noda daha ka dheya. Ani pnrumu dxeral, smalu rengga ma, lmlamu qpahun qnpahan, kana ooda we pkdira ba pqeepah dheya.
15Dungal ka qbsuran paru Micrayim we mlawa 2 mqedil Hiburu mdayo mptnlaqi. Siprah ngayan na ka 1 ma Puah ka 1. Rmengo dheya ka heya: 16“Mosa namu ptnlaqi dmqedil seediq Hiburu ciida, nasi laqi rseno we phuqil, nasi mqedil we pkdusi kiya.” 17Kiya de mqedil mptnlaqi nii we miicu Utux Baro ka dheya, ini puyu kari dnurun qbsuran paru Micrayim, pkdusun na ka laqi rseno. 18Mlawa mqedil mptnlaqi nii ka Qbsuran Micrayim, rmengo dheya: “Ma namu so nii meepah, pkdusun namu ka laqi rseno ho?” 19Rmengo Paroh ka dmqedil mptnlaqi: “Ado ini pntena mqedil Micrayim ka mqedil Hiburu. Mbeyax heyi daha ka mqedil Israel. Ini dehuk na ka mqedil mptnlaqi de tena mtuting ka laqi daha da.” 20Smbleyaq dmqedil mptnlaqi nii ka Utux Baro. Mrana bale ma mbeyax riyung ka dseediq Israel. 21Ado miicu Utux Baro ka dmqedil mptnlaqi nii de, Utux Baro we sbleqan na psmalu tnsapah daha ka dheya. 22Posa kari dmurun dseediq na ka Paroh, rmengo: “Sani qmada yayung Yeor ka knkingal laqi rseno pntingan daha, kiya we pkdusi ka lqlaqi mqedil.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020