Lntadan 10
10
Pnqraqil Tg8: Utun
1Rmengo Moseh ka Utux Tmninun: “Osa Paroh hiya ka isu. Ado yaku ka pskere lhebun na. Dmdayo heya uri we gisu mu pskrayun lhebun uri. So maha ptuura ckceka daha ka qmeepah ku pnskraya mu nii. 2So namu sgarang birac laqi ma lqlaqi laqi namu ka noda mu pkdira Micrayim ma pnskraya qneepah mu ckceka daha. So daha klaun yaku ka Utux Tmninun.” 3Kiya de wada Paroh hiya ka Moseh ma Aharon. Rmengo heya: “Utux Tmninun, Utux Baro nHiburu we, so nii kari na: ‘Mppbetaq su knuwan ini psbiciq lhebun su ho? Posa ka dseediq mu, so thmuku daha kenan. 4Nasi su ini mkpaalix dseediq de, tai, kusun we mpskagul ku utun meyah qnlhangan su. 5Meyah mubung dxeral su, betaq su ini qtai kana ka dxeral. Meyah mekan knrngiyan quyux huda. Kiya ka knrngiyan mu dyamu. Kiya uri ma meyah mekan kana qqhuni gaga mdakil ckceka qnpahan namu. 6Nniqan su ma sapah dmdayo sunan ma, kana sapah dseediq Micrayim we, yahun tmlibu utun kana. Ddrudan su ma ddrudan su cbeyo we uxe bale mnita so nii kana ka dheya.’” Kiya de wada nganguc mlatac Paroh ka Moseh.
7Rmengo Paroh ka dmdayo heya: “Mpbetaq knuwan mqerac ita ka seediq nii ha? Asi psai ka dseediq nii maha thmuku Utux Tmninun, Utux Baro daha! Uxe beyo mpkuuka ka Micrayim da, ini su klai nana peni?” 8Kiya de mlawa Moseh ma Aharon ka Paroh. Rmengo dheya ka Paroh: “Osa! Osa thmuku Utux Tmninun, Utux Baro namu! Kiya de miima namu ka maha peni?” 9Rmengo ka Moseh: “Maadis ku ddrudan ma drriso mosa, maadis ku lqlaqi nami rseno ma weewa, kiya uri ma miric ma dapa nami mpsuupu mosa uri. Ado maha nami smseman Utux Tmninun ka yami.” 10Rmengo dheya ka Paroh: “Tai so mpsuupu yamu mosa ka Utux Tmninun! Nasi ku smruwa posa lqlaqi namu de, tai, gisu niqan naqah lnglungan namu! 11Iya psai kana! Drseno nanak ka osa thmuku Utux Tmninun. Ado nii ka pnesa namu.” Kiya de Paroh we lwaqun na peeyah berah na ka dheya.
12Rmengo Moseh ka Utux Tmninun: “Psquri dxeral Micrayim ka baga su, so meyah bobo dxeral Micrayim ka utun. Meyah mekan kana knrngiyan quyux huda.” 13Kiya de Moseh ge, mquri dxeral Micrayim pheyu hukuc ka heya. Utux Tmninun we psbhurun na 1 ali 1 rabi ka bgihur pneyah nklaan hido ka dxeral Micrayim. Betaq mgrebu so kusun de, bgihur nklaan hido we pyahun na ka utun da. 14Meyah dxeral Micrayim ka kana utun, stenge kana qnhlangan Micrayim. Egu ba riyung. So nii kneegu riyung ka utun we uxe ba qntaan. 15Mubung kana dxeral ka utun, betaq mkuung kana ka dxeral. Qhdeun daha mekan ka kana cmnriyu dxeral ma, kana knrngiyan quyux huda heyi meniq bobo qhuni. Kana dxeral Micrayim, ani qhuni, kana hmneru ckceka qnpahan we uka bale ka mgsama na kmnrangi hiya. 16Kiya de naaguh bale mlawa Moseh ma Aharon ka Paroh. Rmengo: “Wada ku moda qnquwan noda Utux Tmninun, Utux Baro namu ka yaku. Kiya uri we wada ku qmnaqah yamu duri. 17Saya, braho maku bale, wano nii srwai ku ba hiya ka qnquwan noda mu. Druni bale ka Utux Tmninun, Utux Baro namu, so maha dmoi baga yaku pqduriq pphuqil nii.” 18Mswaye Paroh ka Moseh ma, mosa dmurun Utux Tmninun. 19Utux Tmninun we kmnpryuxun na ka bgihur. Speeyah na pryaxan hido ka mbeyax ba bgihur. Kiya de wada yupan betaq rcilung Mtanah ka utun. Kana dxeral Micrayim de uka ani 1 ka utun msngari na. 20Kiya de Utux Tmninun we pskrayun na ka lhebun Paroh ma ini na srwai posa ka dseediq Israel.
Pnqraqil Tg9: Pnqraqil Kuung
21Rmengo Moseh ka Utux Tmninun: “Psquri karac baro ka baga su, so maha bungun kuung ka dxeral Micrayim. Knkuung nii we betaq uka qqtaan baga.” 22Moseh we mquri karac baro ka baga na. Kiya de kuung mknedux riyung we meyah mubung kana dxeral Micrayim betaq 3 ali. 23Mk3 ali nii we, ini ppqita ka seediq. Ani ima we ini pmlatac peeyah nniqan daha. Kiya de dxeral nniqan dseediq Israel we niqan ledax ka kiya. 24Mlawa Moseh ka Paroh ma rmengo: “Osa, osa thmuku Utux Tmninun! Peeniq hini ka miric ma dapa namu. Lqlaqi namu we mpsuupu yamu mosa kiya.” 25Rmengo ka Moseh: “Asi su ka sbege baga nami ka ssapuh ma ssapuh psqmaun. Kiya ka ssapuh miyan Utux Tmninun, Utux Baro nami. 26Asi ka mtheyaq yami mosa ka tnbugan nami. Uxe rngiun ani 1 papak tnbugan. Ado mpgao nami peeyah ckceka tnbugan nami hiya ka sqeepah nami Utux Tmninun, Utux Baro nami. Ini nami dehuk hiya hayan we, ini nami klai maanu ka qqeepah nami Utux Tmninun nana.” 27Kiya de Utux Tmninun we pskrayun na ka lhebun Paroh, ini sruwa posa dheya. 28Rmengo Moseh ka Paroh: “Asi latac peeyah yaku! Qlahang ka isu, iya ku pqtaani dungal ka dqeras su. Ado ali qmita ku sunan dungal we mphuqil su ka isu!” 29Rmengo ka Moseh: “Kraani so rnengo su, uxe ku mpqita dqeras su ka yaku uri da!”
Currently Selected:
Lntadan 10: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 10
10
Pnqraqil Tg8: Utun
1Rmengo Moseh ka Utux Tmninun: “Osa Paroh hiya ka isu. Ado yaku ka pskere lhebun na. Dmdayo heya uri we gisu mu pskrayun lhebun uri. So maha ptuura ckceka daha ka qmeepah ku pnskraya mu nii. 2So namu sgarang birac laqi ma lqlaqi laqi namu ka noda mu pkdira Micrayim ma pnskraya qneepah mu ckceka daha. So daha klaun yaku ka Utux Tmninun.” 3Kiya de wada Paroh hiya ka Moseh ma Aharon. Rmengo heya: “Utux Tmninun, Utux Baro nHiburu we, so nii kari na: ‘Mppbetaq su knuwan ini psbiciq lhebun su ho? Posa ka dseediq mu, so thmuku daha kenan. 4Nasi su ini mkpaalix dseediq de, tai, kusun we mpskagul ku utun meyah qnlhangan su. 5Meyah mubung dxeral su, betaq su ini qtai kana ka dxeral. Meyah mekan knrngiyan quyux huda. Kiya ka knrngiyan mu dyamu. Kiya uri ma meyah mekan kana qqhuni gaga mdakil ckceka qnpahan namu. 6Nniqan su ma sapah dmdayo sunan ma, kana sapah dseediq Micrayim we, yahun tmlibu utun kana. Ddrudan su ma ddrudan su cbeyo we uxe bale mnita so nii kana ka dheya.’” Kiya de wada nganguc mlatac Paroh ka Moseh.
7Rmengo Paroh ka dmdayo heya: “Mpbetaq knuwan mqerac ita ka seediq nii ha? Asi psai ka dseediq nii maha thmuku Utux Tmninun, Utux Baro daha! Uxe beyo mpkuuka ka Micrayim da, ini su klai nana peni?” 8Kiya de mlawa Moseh ma Aharon ka Paroh. Rmengo dheya ka Paroh: “Osa! Osa thmuku Utux Tmninun, Utux Baro namu! Kiya de miima namu ka maha peni?” 9Rmengo ka Moseh: “Maadis ku ddrudan ma drriso mosa, maadis ku lqlaqi nami rseno ma weewa, kiya uri ma miric ma dapa nami mpsuupu mosa uri. Ado maha nami smseman Utux Tmninun ka yami.” 10Rmengo dheya ka Paroh: “Tai so mpsuupu yamu mosa ka Utux Tmninun! Nasi ku smruwa posa lqlaqi namu de, tai, gisu niqan naqah lnglungan namu! 11Iya psai kana! Drseno nanak ka osa thmuku Utux Tmninun. Ado nii ka pnesa namu.” Kiya de Paroh we lwaqun na peeyah berah na ka dheya.
12Rmengo Moseh ka Utux Tmninun: “Psquri dxeral Micrayim ka baga su, so meyah bobo dxeral Micrayim ka utun. Meyah mekan kana knrngiyan quyux huda.” 13Kiya de Moseh ge, mquri dxeral Micrayim pheyu hukuc ka heya. Utux Tmninun we psbhurun na 1 ali 1 rabi ka bgihur pneyah nklaan hido ka dxeral Micrayim. Betaq mgrebu so kusun de, bgihur nklaan hido we pyahun na ka utun da. 14Meyah dxeral Micrayim ka kana utun, stenge kana qnhlangan Micrayim. Egu ba riyung. So nii kneegu riyung ka utun we uxe ba qntaan. 15Mubung kana dxeral ka utun, betaq mkuung kana ka dxeral. Qhdeun daha mekan ka kana cmnriyu dxeral ma, kana knrngiyan quyux huda heyi meniq bobo qhuni. Kana dxeral Micrayim, ani qhuni, kana hmneru ckceka qnpahan we uka bale ka mgsama na kmnrangi hiya. 16Kiya de naaguh bale mlawa Moseh ma Aharon ka Paroh. Rmengo: “Wada ku moda qnquwan noda Utux Tmninun, Utux Baro namu ka yaku. Kiya uri we wada ku qmnaqah yamu duri. 17Saya, braho maku bale, wano nii srwai ku ba hiya ka qnquwan noda mu. Druni bale ka Utux Tmninun, Utux Baro namu, so maha dmoi baga yaku pqduriq pphuqil nii.” 18Mswaye Paroh ka Moseh ma, mosa dmurun Utux Tmninun. 19Utux Tmninun we kmnpryuxun na ka bgihur. Speeyah na pryaxan hido ka mbeyax ba bgihur. Kiya de wada yupan betaq rcilung Mtanah ka utun. Kana dxeral Micrayim de uka ani 1 ka utun msngari na. 20Kiya de Utux Tmninun we pskrayun na ka lhebun Paroh ma ini na srwai posa ka dseediq Israel.
Pnqraqil Tg9: Pnqraqil Kuung
21Rmengo Moseh ka Utux Tmninun: “Psquri karac baro ka baga su, so maha bungun kuung ka dxeral Micrayim. Knkuung nii we betaq uka qqtaan baga.” 22Moseh we mquri karac baro ka baga na. Kiya de kuung mknedux riyung we meyah mubung kana dxeral Micrayim betaq 3 ali. 23Mk3 ali nii we, ini ppqita ka seediq. Ani ima we ini pmlatac peeyah nniqan daha. Kiya de dxeral nniqan dseediq Israel we niqan ledax ka kiya. 24Mlawa Moseh ka Paroh ma rmengo: “Osa, osa thmuku Utux Tmninun! Peeniq hini ka miric ma dapa namu. Lqlaqi namu we mpsuupu yamu mosa kiya.” 25Rmengo ka Moseh: “Asi su ka sbege baga nami ka ssapuh ma ssapuh psqmaun. Kiya ka ssapuh miyan Utux Tmninun, Utux Baro nami. 26Asi ka mtheyaq yami mosa ka tnbugan nami. Uxe rngiun ani 1 papak tnbugan. Ado mpgao nami peeyah ckceka tnbugan nami hiya ka sqeepah nami Utux Tmninun, Utux Baro nami. Ini nami dehuk hiya hayan we, ini nami klai maanu ka qqeepah nami Utux Tmninun nana.” 27Kiya de Utux Tmninun we pskrayun na ka lhebun Paroh, ini sruwa posa dheya. 28Rmengo Moseh ka Paroh: “Asi latac peeyah yaku! Qlahang ka isu, iya ku pqtaani dungal ka dqeras su. Ado ali qmita ku sunan dungal we mphuqil su ka isu!” 29Rmengo ka Moseh: “Kraani so rnengo su, uxe ku mpqita dqeras su ka yaku uri da!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020