Lntadan 12
12
Smseman Hrnasan Utux Tmninun
1Rmengo Moseh ma Aharon meniq Micrayim ka Utux Tmninun: 2“Idas nii we ngali tgplaale ba idas namu 1 knkawas. 3Yamu we sai rmengo kana ka seediq Israel: Ali 10 idas nii we, pdai knkingal sapah namu mangal wawa miric, 1 sapah we 1 wawa miric. 4Netun ini khbaro ka tnsapah, uxe namu qqhdeun mekan ka 1 wawa miric de, pdai knhbragan namu psuupu ssiyo namu mangal 1 wawa miric. Yamu we pdai bale uuqun txtaxa namu smeung wawa miric. 5Angal 1 mttuku hnyegan ma 1 knkawas ka baus wawa miric peeyah ckceka miric rudu ma miric bale. 6Htii hiya betaq ali 14 idas nii. Gbiyan ciida de, kana namu seediq Israel we gdrai ka miric da. 7Angal ka dara na ma rchaani eruc rhengun ma bobo rhengun sapah meekan namu miric nii keeman ciida. 8Keeman ciida we meekan heyi miric. Nuduh daha ka heyi ma, spuun daha pang ini psai tgeda ma sama mngihur. 9Iya qlmuqi ka heyi na ma, iya hngedi qsiya. Ida kiya thiqan tunux, papak ma lhebun na we uduh ma ekan. 10Ani biciq iya bale krngii betaq so kusun. Nasi namu krngiun betaq so kusun de, asi sqmai puniq kiya di. 11Mekan namu wawa miric nii ciida we keso nii, hbiki ka hwinuk, pkrmili ka papak, doi hukuc ka baga ma, ekan nhari. Nii we kiya ka smseman hrnasan Utux Tmninun. 12Ado keeman ciida we, meeyah ku mkkesa kana dxeral Micrayim, kana tgqbsuran na gaga dxeral Micrayim, ani seediq ma tnbugan we phqilun mu kana. Pkdraun mu ka kana duutux Micrayim. Yaku we Utux Tmninun. 13Dara mneniq sapah nniqan namu we kiya ka pnskraya. Mita ku dara nii de, mphrinas ku yamu. Moda ku phuqil dxeral Micrayim ciida, pnqraqil nii we uxe meyah smeeliq heyi namu.”
Smseman Ini Psai Tgeda
14“Lnglungi ka ali nii. Ali nii we smseman Utux Tmninun. Lqlaqi laqi namu nexal we puyu ali smseman nii ani betaq knuwan. 15Mekan namu pang ini psai tgeda mk7 ali. Tgplaale ba ali we pkuuka peeyah sapah namu ka kana tgeda. Ado mnekan uqun pnsaan tgeda ckceka peeyah tgkingal ali betaq tg7 ali na we, asi ka pkngalun peeyah ckceka Israel. 16Tgkingal ali ciida we asi ka niqan mrtaso pnssliyan thmuku. Tg7 ali uri we asi ka niqan mrtaso pnssliyan thmuku. 2 ali nii we iya qeepah ani maanu qqpahun. Wano psramal uqun txtaxa namu. Wano nii ka dai meepah. 17Ndwai bale muyu ka ali smseman nii. Ado ali nii we kiya ka dmnudul ku supi namu mlatac peeyah dxeral Micrayim. So kiya de, yamu we ndwai bale muyu ka ali nii betaq ani knuwan. Psdehu ptgaya betaq ani knuwan. 18Peeyah ali 14 idas keeman nii, betaq ali 21 keeman ciida, yamu we ekan pang ini psai tgeda. 19Mk7 ali nii we iya pniqi tgeda ka knkingal sapah namu. Ado kana mnekan uqun pnsaan tgeela we, ani dseediq tnooda ma, dseediq mneniq hini we asi ka pkngalun peeyah seediq Israel. 20Kana uqun gaga niqan tgeda we iya bale uqi. Ekan bale pang ini psai tgeda meniq nniqan namu.”
Pheyu Smseman Hrnasan
21So kiya de, mlawa kana ddrudan seediq Israel ka Moseh. Rmengo dheya: “Ngali wawa miric tnsapah namu. Wawa miric hrnasan nii we sliqi di. 22Ngali 1 bnkean waso hisopu, rbgaani dara gaga liwas, rchaani bobo rhengun ma eruc rhengun. Yamu we betaq mgrebu iya bale osa nganguc ka yamu. 23Ado Utux Tmninun we mpkkesa kana dxeral Micrayim ma mooda pphuqil. Taan na ka dara gaga meniq bobo rhengun ma eruc rhengun de, mphrinas rhengun nii ka Utux Tmninun. Uxe meyah mremux sapah su ka mpphuqil ma mpphuqil knuudus su. 24Puyu bale kari pnosa nii. Ngali pntgaya betaq ani knuwan yamu ma lqlaqi laqi namu. 25Bobo na, mremux namu dxeral sntangan bbege Utux Tmninun ciida de, asi namu ka moda smseman nii. 26Nasi smiling yamu ka lqlaqi namu: ‘Maanu ba elu kari na ka smseman nii ha?’ 27Rengo ka yamu: ‘Nii we ssapuh ta smseman hrnasan Utux Tmninun ka nii. Ado phuqil dseediq Micrayim ciida ka Utux Tmninun we, wada moda hmrinas sapah seediq Israel mosa sapah Micrayim. Betaq dmoi baga kana knkingal sapah ta ka heya.’” Kiya de tgtemaq thmuku Utux Tmninun ka seediq Israel. 28Kiya de moda so nii ka dseediq Israel. So Utux Tmninun rnengo na Moseh ma Aharon ka pyugun daha moda.
Pnqraqil Tg10: Phuqil Pnlaale Mtuting
29Betaq ckceka rabi, Utux Tmninun we daan na phuqil kana ka dtqbsuran laqi rseno seediq Micrayim. Kiya ka speeyah na laqi Paroh tleung tluungan qbsuran, betaq dtqbsuran laqi dseediq gaga shetur sapah kuung ma, kana pnlaale mtuting tnbugan wada phqilun kana. 30Mtutuy ckceka rabi ka Paroh, dseediq mdayo heya, tnqliyan na ma, kana dseediq Micrayim. Paru bale diras daha lmingis ka seediq Micrayim. Ado uka ini qhuqil seediq ka knkingal sapah daha. 31Keeman ciida, mlawa Moseh ma Aharon ka Paroh, rmengo: “Ttui da! Isu ma dseediq Israel we latac peeyah dseediq mu osa da! Puyu so rnengo namu, osa thmuku Utux Tmninun namu! 32Puyu so kari namu, ani miric ma dapa we desi uri. Kiya we sbleqi ku dmurun ka yaku wa!”
33Seediq Micrayim we smkagul dheya nhari mlatac peeyah dheya dxeral hiya. Ado rmengo ka seediq Micrayim: “Mphuqil nami kana da!” 34Kiya de seediq Israel we mangal nemu mugi ini psai tgeda ma, lbuun daha lukus spaapa daha ahing. 35Muyu kari Moseh ka dseediq Israel, mquri seediq Micrayim mesa qyqeya king, ging ma, lukus. 36Utux Tmninun we ppspruun na quri seediq na nanak ka lnglungan seediq Micrayim de, mege ngngalun daha ka seediq Micrayim. So kiya de wada moda gmeeluk dseediq Micrayim ka dheya da.
Mlatac Peeyah Micrayim
37Seediq Israel we kndalax Rameses mkkesa mquri Sukot. Ini spegi ka laqi we, drseno gaga mkkesa na we ya ba 60 mang heyi. 38Hbaro bale ka klegan seediq qnlhangan icil ma, dapa ma miric ka tqene dheya mosa uri. 39Dheya we mekan pang ini psai tgeda peeyah nemu mugi. Nemu mugi nii we ini psai tgeda. Ado ptyexan mlatac peeyah Micrayim ka dheya, sai ka ini oda mlgila, kiya ka ini psramal uqun daha nanak.
40Nniqan daha Micrayim ka seediq Israel we 4'30 knkawas. 41Qnhdean bale ali 4'30 knkawas ciida, kana supi Utux Tmninun mlatac peeyah Micrayim da. 42Keeman nii we kiya ka rabi smseman mquri Utux Tmninun. Heya ka dmnudul dheya peeyah dxeral Micrayim. Rabi nii we kiya ka rabi smseman mquri Utux Tmninun dseediq Israel betaq ani knuwan ka nii.
Gaya smseman Hrnasan
43Rmengo Moseh ma Aharon ka Utux Tmninun: “Gaya smseman hrnasan nii we so nii, dseediq pneyah icil qnlhangan we asi ka ini ekan wawa miric nii. 44Kiya de, dseediq bnaruy namu ma, tnqliyan mnoda ptgaya psalak we ani nak mekan kiya. 45Tnooda meniq hiya ma dseediq meyah smtuku na we asi ka ini ekan kana daha. 46Asi namu ka mekan ckceka 1 sapah truma. Iya ba desi nganguc ka heyi ma buuc, uri we iya bale gremi mekan. 47Kana dseediq Israel we asi ka muyu gaya smseman nii. 48Nasi niqan ka dseediq tnooda yamu hiya we, asi ka moda smseman Hrnasan Utux Tmninun nii ka dheya uri. Kana rseno daha we asi ka mnoda ptgaya psalak. So kiya de ani nak ngalun dseediq ita hini kiya di ma, srwaun ta psteme smseman hrnasan nii di. Kiya ka gaya ini oda ptgaya psalak na we ini ekan wawa miric nii kiya. 49Ani seediq hini ma seediq tnooda ckceka namu we asi ka moda muyu gaya nii kana.” 50Moda so nii ka kana seediq Israel. So Utux Tmninun rnengo na Moseh ma Aharon ka pyugun daha moda. 51Ali nii ciida, kiya ka Utux Tmninun we dmnudul pnsnakan dseediq Israel mlatac peeyah dxeral Micrayim.
Currently Selected:
Lntadan 12: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 12
12
Smseman Hrnasan Utux Tmninun
1Rmengo Moseh ma Aharon meniq Micrayim ka Utux Tmninun: 2“Idas nii we ngali tgplaale ba idas namu 1 knkawas. 3Yamu we sai rmengo kana ka seediq Israel: Ali 10 idas nii we, pdai knkingal sapah namu mangal wawa miric, 1 sapah we 1 wawa miric. 4Netun ini khbaro ka tnsapah, uxe namu qqhdeun mekan ka 1 wawa miric de, pdai knhbragan namu psuupu ssiyo namu mangal 1 wawa miric. Yamu we pdai bale uuqun txtaxa namu smeung wawa miric. 5Angal 1 mttuku hnyegan ma 1 knkawas ka baus wawa miric peeyah ckceka miric rudu ma miric bale. 6Htii hiya betaq ali 14 idas nii. Gbiyan ciida de, kana namu seediq Israel we gdrai ka miric da. 7Angal ka dara na ma rchaani eruc rhengun ma bobo rhengun sapah meekan namu miric nii keeman ciida. 8Keeman ciida we meekan heyi miric. Nuduh daha ka heyi ma, spuun daha pang ini psai tgeda ma sama mngihur. 9Iya qlmuqi ka heyi na ma, iya hngedi qsiya. Ida kiya thiqan tunux, papak ma lhebun na we uduh ma ekan. 10Ani biciq iya bale krngii betaq so kusun. Nasi namu krngiun betaq so kusun de, asi sqmai puniq kiya di. 11Mekan namu wawa miric nii ciida we keso nii, hbiki ka hwinuk, pkrmili ka papak, doi hukuc ka baga ma, ekan nhari. Nii we kiya ka smseman hrnasan Utux Tmninun. 12Ado keeman ciida we, meeyah ku mkkesa kana dxeral Micrayim, kana tgqbsuran na gaga dxeral Micrayim, ani seediq ma tnbugan we phqilun mu kana. Pkdraun mu ka kana duutux Micrayim. Yaku we Utux Tmninun. 13Dara mneniq sapah nniqan namu we kiya ka pnskraya. Mita ku dara nii de, mphrinas ku yamu. Moda ku phuqil dxeral Micrayim ciida, pnqraqil nii we uxe meyah smeeliq heyi namu.”
Smseman Ini Psai Tgeda
14“Lnglungi ka ali nii. Ali nii we smseman Utux Tmninun. Lqlaqi laqi namu nexal we puyu ali smseman nii ani betaq knuwan. 15Mekan namu pang ini psai tgeda mk7 ali. Tgplaale ba ali we pkuuka peeyah sapah namu ka kana tgeda. Ado mnekan uqun pnsaan tgeda ckceka peeyah tgkingal ali betaq tg7 ali na we, asi ka pkngalun peeyah ckceka Israel. 16Tgkingal ali ciida we asi ka niqan mrtaso pnssliyan thmuku. Tg7 ali uri we asi ka niqan mrtaso pnssliyan thmuku. 2 ali nii we iya qeepah ani maanu qqpahun. Wano psramal uqun txtaxa namu. Wano nii ka dai meepah. 17Ndwai bale muyu ka ali smseman nii. Ado ali nii we kiya ka dmnudul ku supi namu mlatac peeyah dxeral Micrayim. So kiya de, yamu we ndwai bale muyu ka ali nii betaq ani knuwan. Psdehu ptgaya betaq ani knuwan. 18Peeyah ali 14 idas keeman nii, betaq ali 21 keeman ciida, yamu we ekan pang ini psai tgeda. 19Mk7 ali nii we iya pniqi tgeda ka knkingal sapah namu. Ado kana mnekan uqun pnsaan tgeela we, ani dseediq tnooda ma, dseediq mneniq hini we asi ka pkngalun peeyah seediq Israel. 20Kana uqun gaga niqan tgeda we iya bale uqi. Ekan bale pang ini psai tgeda meniq nniqan namu.”
Pheyu Smseman Hrnasan
21So kiya de, mlawa kana ddrudan seediq Israel ka Moseh. Rmengo dheya: “Ngali wawa miric tnsapah namu. Wawa miric hrnasan nii we sliqi di. 22Ngali 1 bnkean waso hisopu, rbgaani dara gaga liwas, rchaani bobo rhengun ma eruc rhengun. Yamu we betaq mgrebu iya bale osa nganguc ka yamu. 23Ado Utux Tmninun we mpkkesa kana dxeral Micrayim ma mooda pphuqil. Taan na ka dara gaga meniq bobo rhengun ma eruc rhengun de, mphrinas rhengun nii ka Utux Tmninun. Uxe meyah mremux sapah su ka mpphuqil ma mpphuqil knuudus su. 24Puyu bale kari pnosa nii. Ngali pntgaya betaq ani knuwan yamu ma lqlaqi laqi namu. 25Bobo na, mremux namu dxeral sntangan bbege Utux Tmninun ciida de, asi namu ka moda smseman nii. 26Nasi smiling yamu ka lqlaqi namu: ‘Maanu ba elu kari na ka smseman nii ha?’ 27Rengo ka yamu: ‘Nii we ssapuh ta smseman hrnasan Utux Tmninun ka nii. Ado phuqil dseediq Micrayim ciida ka Utux Tmninun we, wada moda hmrinas sapah seediq Israel mosa sapah Micrayim. Betaq dmoi baga kana knkingal sapah ta ka heya.’” Kiya de tgtemaq thmuku Utux Tmninun ka seediq Israel. 28Kiya de moda so nii ka dseediq Israel. So Utux Tmninun rnengo na Moseh ma Aharon ka pyugun daha moda.
Pnqraqil Tg10: Phuqil Pnlaale Mtuting
29Betaq ckceka rabi, Utux Tmninun we daan na phuqil kana ka dtqbsuran laqi rseno seediq Micrayim. Kiya ka speeyah na laqi Paroh tleung tluungan qbsuran, betaq dtqbsuran laqi dseediq gaga shetur sapah kuung ma, kana pnlaale mtuting tnbugan wada phqilun kana. 30Mtutuy ckceka rabi ka Paroh, dseediq mdayo heya, tnqliyan na ma, kana dseediq Micrayim. Paru bale diras daha lmingis ka seediq Micrayim. Ado uka ini qhuqil seediq ka knkingal sapah daha. 31Keeman ciida, mlawa Moseh ma Aharon ka Paroh, rmengo: “Ttui da! Isu ma dseediq Israel we latac peeyah dseediq mu osa da! Puyu so rnengo namu, osa thmuku Utux Tmninun namu! 32Puyu so kari namu, ani miric ma dapa we desi uri. Kiya we sbleqi ku dmurun ka yaku wa!”
33Seediq Micrayim we smkagul dheya nhari mlatac peeyah dheya dxeral hiya. Ado rmengo ka seediq Micrayim: “Mphuqil nami kana da!” 34Kiya de seediq Israel we mangal nemu mugi ini psai tgeda ma, lbuun daha lukus spaapa daha ahing. 35Muyu kari Moseh ka dseediq Israel, mquri seediq Micrayim mesa qyqeya king, ging ma, lukus. 36Utux Tmninun we ppspruun na quri seediq na nanak ka lnglungan seediq Micrayim de, mege ngngalun daha ka seediq Micrayim. So kiya de wada moda gmeeluk dseediq Micrayim ka dheya da.
Mlatac Peeyah Micrayim
37Seediq Israel we kndalax Rameses mkkesa mquri Sukot. Ini spegi ka laqi we, drseno gaga mkkesa na we ya ba 60 mang heyi. 38Hbaro bale ka klegan seediq qnlhangan icil ma, dapa ma miric ka tqene dheya mosa uri. 39Dheya we mekan pang ini psai tgeda peeyah nemu mugi. Nemu mugi nii we ini psai tgeda. Ado ptyexan mlatac peeyah Micrayim ka dheya, sai ka ini oda mlgila, kiya ka ini psramal uqun daha nanak.
40Nniqan daha Micrayim ka seediq Israel we 4'30 knkawas. 41Qnhdean bale ali 4'30 knkawas ciida, kana supi Utux Tmninun mlatac peeyah Micrayim da. 42Keeman nii we kiya ka rabi smseman mquri Utux Tmninun. Heya ka dmnudul dheya peeyah dxeral Micrayim. Rabi nii we kiya ka rabi smseman mquri Utux Tmninun dseediq Israel betaq ani knuwan ka nii.
Gaya smseman Hrnasan
43Rmengo Moseh ma Aharon ka Utux Tmninun: “Gaya smseman hrnasan nii we so nii, dseediq pneyah icil qnlhangan we asi ka ini ekan wawa miric nii. 44Kiya de, dseediq bnaruy namu ma, tnqliyan mnoda ptgaya psalak we ani nak mekan kiya. 45Tnooda meniq hiya ma dseediq meyah smtuku na we asi ka ini ekan kana daha. 46Asi namu ka mekan ckceka 1 sapah truma. Iya ba desi nganguc ka heyi ma buuc, uri we iya bale gremi mekan. 47Kana dseediq Israel we asi ka muyu gaya smseman nii. 48Nasi niqan ka dseediq tnooda yamu hiya we, asi ka moda smseman Hrnasan Utux Tmninun nii ka dheya uri. Kana rseno daha we asi ka mnoda ptgaya psalak. So kiya de ani nak ngalun dseediq ita hini kiya di ma, srwaun ta psteme smseman hrnasan nii di. Kiya ka gaya ini oda ptgaya psalak na we ini ekan wawa miric nii kiya. 49Ani seediq hini ma seediq tnooda ckceka namu we asi ka moda muyu gaya nii kana.” 50Moda so nii ka kana seediq Israel. So Utux Tmninun rnengo na Moseh ma Aharon ka pyugun daha moda. 51Ali nii ciida, kiya ka Utux Tmninun we dmnudul pnsnakan dseediq Israel mlatac peeyah dxeral Micrayim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020