Lntadan 14
14
Mntaril rcilung Mtanah
1Rmengo Moseh ka Utux Tmninun: 2“Sai rmengo, brinah kesi ka seediq Israel, osa meniq berah Piy Haxirot, cenga Migdol ma rcilung Mtanah, pkobu berah Baal Cepon. Eeniq sipo, pkobu daling ssiyo rcilung Mtanah hiya. 3So nii moda ka dseediq Israel de, mprengo ka Paroh: ‘Gisu mgedang elu ka dheya di, gisu tghetur tadus brenux ka dheya.’ 4Pskrayun mu lhebun ka Paroh de, mpsdurak dheya ka heya. Yaku de maangal ku knledax berah Paroh ma kana supi na ka yaku. Kiya de dseediq Micrayim de mpkela yaku ka Utux Tmninun.” Muyu so nii moda ka dseediq Israel.
5Niqan seediq meyah rmengo qbsuran paru Micrayim: “Wada qduriq ka dseediq da!” Kiya de knpriyux lnglungan daha ka Paroh ma dseediq na. Mpprengo: “Psaun ta ka dseediq Israel uxe mpqeepah ita de, mpkela ta maanu meepah ooda nii ka ita da ho?” 6Kiya de Paroh we psramal rulu mccebu, madis supi na suupu mosa. 7Heya we madis 6'00 rulu mccebu gnao na ma, kana rulu mccebu gaga meniq Micrayim. Knkingal rulu we spdudul na dqbsuran supi. 8Utux Tmninun we pskrayun na ka lhebun Paroh qbsuran paru Micrayim, kiya de mosa smdurak seediq Israel ka heya. Dseediq Israel we mtutuy ma mlatac meyah nganguc ka dheya. 9Smdurak dheya ka dseediq Micrayim. Kiya de kana dmay Paroh, rulu mccebu, dmdudul rulu ma, supi we dehuk ssiyo rcilung ka dheya. Sklaan daha msdaling Piy Haxirot, meniq berah Baal Cepon, kiya ka nniqan daha pkobu hiya.
10Msdaling ka Paroh ciida, qmita ka dseediq Israel. Tai, gisu smdurak dheya ka dseediq Micrayim. Miicu riyung ka dheya, asi psquri Utux Tmninun mlawa dmurun. 11Rmengo Moseh ka dheya: “Uka ba habung ka Micrayim peni? Betaq su madis yami mphuqil tadus brenux hini? Ma su mchaya menan madis yami mlatac peeyah Micrayim ha? 12Uxe nami rmnengo isu meniq Micrayim ciida peni, iya nami yahi prrudu, ptqliyan miyan dseediq Micrayim? Ado nuuqu mgkala malu ptqliyan nami meepah dseediq Micrayim ka meyah nami mphuqil tadus brenux hini.” 13Rmengo dseediq ka Moseh: “Iya kiicu! Tgdehu mheyu. Tai moda dmoi baga yamu saya ka Utux Tmninun. Ado dseediq Micrayim qnita namu we uxe namu qqtaan betaq ani knuwan da. 14Utux Tmninun ka mpririh yamu mccebu dheya. Gmmelux ka yamu!”
15Rmengo Moseh ka Utux Tmninun: “Hmuwa, ma su tgllingis dmurun kenan? Pquri berah mkkesa kesi rmengo ka dseediq Israel. 16Pheyu baga su psquri rcilung ka hukuc ma ptdhai ka rcilung. Seediq Israel we maha ckceka rcilung, mpkkesa bobo dxeral mdengu. 17Tai, pskrayun mu ka lhebun dseediq Micrayim, kiya de maha smnegul ckceka rcilung ka dheya. Maha ku mangal knledax meniq Paroh, kana supi na, rulu na mccebu ma, dmdudul rulu ka yaku. 18Maangal ku knledax meniq Paroh, rulu na mccebu, dmdudul rulu mccebu ciida de, mpkela ka dseediq Micrayim, yaku we kiya ka Utux Tmninun.”
19Snkgulan baro ka mnkesa berah rahul Israel we theruy mosa bukuy ka dheya. Plabu uri we theruy peeyah berah mosa mheyu bukuy daha uri. 20Mosa meniq ckceka dseediq Micrayim ma Israel ka heya. Niqan plabu ma mnkuung ka icil ma, pldaxun na ledax ani keeman ka icil. 1 knmanan uka daha sdlingan ka ddheya.
21Mqquri rcilung hmkero baga na ka Moseh de, peeyah 1 mbeyax ba bgihur kndalax nklaan hido ka Utux Tmninun. Kiya de asi seelih ka qsiya rcilung ma, dxeral mdengu ka rcilung di. Mt2 traguh mheyu ka rcilung uri di. 22Seediq Israel we mosa ckceka rcilung ma, mkkesa bobo dxeral mdengu. Kiya ka rcilung we gisu mheyu ssiyo daha mntena so qnabil. 23Smdurak dheya ka seediq Micrayim. Kana dapa dmay Paroh, rulu na mccebu ma, mdudul rulu we wada mosa ckceka rcilung kana. 24Pkelu srmesung, Utux Tmninun we peeyah ckceka eruc plabu ma eruc puniq qmita dsupi Micrayim ka heya. Kiya de prrwaun na ka qpuruh supi daha. 25Betaq mtuting ka gukuc rulu daha mccebu ma ini kkesa di. Rmengo ka dseediq Micrayim: “Qduriq ta nhari berah dseediq Israel ka ita! Ado gaga dmayo seediq Israel ka Utux Tmninun ma, nii smeeliq ita.”
26Rmengo Moseh ka Utux Tmninun: “Psquri rcilung hmkero ka baga su, so maha mbrinah quri dseediq Micrayim, rulu na mccebu ma dmdudul rulu daha ka qsiya.” 27Kiya de spquri na rcilung hmkero baga na ka Moseh. Betaq lmedax karac ciida de wada nak mtbale so nkiya dungal ka rcilung. Qduriq peeyah ckceka rcilung ka seediq Micrayim we, Utux Tmninun we scikul na ckceka rcilung ka dheya. 28Mbrinah mptbale ka rcilung de, bungun na ka rulu mccebu ma dmdudul rulu ma, kana suupu Paroh ka snnegul dseediq Israel mosa ckceka rcilung na we, uka ani ima ka mtngari. 29Kiya de seediq Israel we mkkesa dxeral mndengu ckceka rcilung ka dheya. Qsiya rcilung we mheyu ssiyo daha mntena so qnabil.
30Ali ciida, Utux Tmninun we dmoi baga seediq Israel peeyah baga seediq Micrayim. Seediq Israel we taan daha gisu mhuqil ssiyo rcilung ka seediq Micrayim. 31Seediq Israel we qmita paru beyax pnooda Utux Tmninun mquri Micrayim de, miicu riyung Utux Tmninun ka dheya. Kiya de snhii ba Utux Tmninun ma Moseh tnqliyan na ka dheya.
Currently Selected:
Lntadan 14: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 14
14
Mntaril rcilung Mtanah
1Rmengo Moseh ka Utux Tmninun: 2“Sai rmengo, brinah kesi ka seediq Israel, osa meniq berah Piy Haxirot, cenga Migdol ma rcilung Mtanah, pkobu berah Baal Cepon. Eeniq sipo, pkobu daling ssiyo rcilung Mtanah hiya. 3So nii moda ka dseediq Israel de, mprengo ka Paroh: ‘Gisu mgedang elu ka dheya di, gisu tghetur tadus brenux ka dheya.’ 4Pskrayun mu lhebun ka Paroh de, mpsdurak dheya ka heya. Yaku de maangal ku knledax berah Paroh ma kana supi na ka yaku. Kiya de dseediq Micrayim de mpkela yaku ka Utux Tmninun.” Muyu so nii moda ka dseediq Israel.
5Niqan seediq meyah rmengo qbsuran paru Micrayim: “Wada qduriq ka dseediq da!” Kiya de knpriyux lnglungan daha ka Paroh ma dseediq na. Mpprengo: “Psaun ta ka dseediq Israel uxe mpqeepah ita de, mpkela ta maanu meepah ooda nii ka ita da ho?” 6Kiya de Paroh we psramal rulu mccebu, madis supi na suupu mosa. 7Heya we madis 6'00 rulu mccebu gnao na ma, kana rulu mccebu gaga meniq Micrayim. Knkingal rulu we spdudul na dqbsuran supi. 8Utux Tmninun we pskrayun na ka lhebun Paroh qbsuran paru Micrayim, kiya de mosa smdurak seediq Israel ka heya. Dseediq Israel we mtutuy ma mlatac meyah nganguc ka dheya. 9Smdurak dheya ka dseediq Micrayim. Kiya de kana dmay Paroh, rulu mccebu, dmdudul rulu ma, supi we dehuk ssiyo rcilung ka dheya. Sklaan daha msdaling Piy Haxirot, meniq berah Baal Cepon, kiya ka nniqan daha pkobu hiya.
10Msdaling ka Paroh ciida, qmita ka dseediq Israel. Tai, gisu smdurak dheya ka dseediq Micrayim. Miicu riyung ka dheya, asi psquri Utux Tmninun mlawa dmurun. 11Rmengo Moseh ka dheya: “Uka ba habung ka Micrayim peni? Betaq su madis yami mphuqil tadus brenux hini? Ma su mchaya menan madis yami mlatac peeyah Micrayim ha? 12Uxe nami rmnengo isu meniq Micrayim ciida peni, iya nami yahi prrudu, ptqliyan miyan dseediq Micrayim? Ado nuuqu mgkala malu ptqliyan nami meepah dseediq Micrayim ka meyah nami mphuqil tadus brenux hini.” 13Rmengo dseediq ka Moseh: “Iya kiicu! Tgdehu mheyu. Tai moda dmoi baga yamu saya ka Utux Tmninun. Ado dseediq Micrayim qnita namu we uxe namu qqtaan betaq ani knuwan da. 14Utux Tmninun ka mpririh yamu mccebu dheya. Gmmelux ka yamu!”
15Rmengo Moseh ka Utux Tmninun: “Hmuwa, ma su tgllingis dmurun kenan? Pquri berah mkkesa kesi rmengo ka dseediq Israel. 16Pheyu baga su psquri rcilung ka hukuc ma ptdhai ka rcilung. Seediq Israel we maha ckceka rcilung, mpkkesa bobo dxeral mdengu. 17Tai, pskrayun mu ka lhebun dseediq Micrayim, kiya de maha smnegul ckceka rcilung ka dheya. Maha ku mangal knledax meniq Paroh, kana supi na, rulu na mccebu ma, dmdudul rulu ka yaku. 18Maangal ku knledax meniq Paroh, rulu na mccebu, dmdudul rulu mccebu ciida de, mpkela ka dseediq Micrayim, yaku we kiya ka Utux Tmninun.”
19Snkgulan baro ka mnkesa berah rahul Israel we theruy mosa bukuy ka dheya. Plabu uri we theruy peeyah berah mosa mheyu bukuy daha uri. 20Mosa meniq ckceka dseediq Micrayim ma Israel ka heya. Niqan plabu ma mnkuung ka icil ma, pldaxun na ledax ani keeman ka icil. 1 knmanan uka daha sdlingan ka ddheya.
21Mqquri rcilung hmkero baga na ka Moseh de, peeyah 1 mbeyax ba bgihur kndalax nklaan hido ka Utux Tmninun. Kiya de asi seelih ka qsiya rcilung ma, dxeral mdengu ka rcilung di. Mt2 traguh mheyu ka rcilung uri di. 22Seediq Israel we mosa ckceka rcilung ma, mkkesa bobo dxeral mdengu. Kiya ka rcilung we gisu mheyu ssiyo daha mntena so qnabil. 23Smdurak dheya ka seediq Micrayim. Kana dapa dmay Paroh, rulu na mccebu ma, mdudul rulu we wada mosa ckceka rcilung kana. 24Pkelu srmesung, Utux Tmninun we peeyah ckceka eruc plabu ma eruc puniq qmita dsupi Micrayim ka heya. Kiya de prrwaun na ka qpuruh supi daha. 25Betaq mtuting ka gukuc rulu daha mccebu ma ini kkesa di. Rmengo ka dseediq Micrayim: “Qduriq ta nhari berah dseediq Israel ka ita! Ado gaga dmayo seediq Israel ka Utux Tmninun ma, nii smeeliq ita.”
26Rmengo Moseh ka Utux Tmninun: “Psquri rcilung hmkero ka baga su, so maha mbrinah quri dseediq Micrayim, rulu na mccebu ma dmdudul rulu daha ka qsiya.” 27Kiya de spquri na rcilung hmkero baga na ka Moseh. Betaq lmedax karac ciida de wada nak mtbale so nkiya dungal ka rcilung. Qduriq peeyah ckceka rcilung ka seediq Micrayim we, Utux Tmninun we scikul na ckceka rcilung ka dheya. 28Mbrinah mptbale ka rcilung de, bungun na ka rulu mccebu ma dmdudul rulu ma, kana suupu Paroh ka snnegul dseediq Israel mosa ckceka rcilung na we, uka ani ima ka mtngari. 29Kiya de seediq Israel we mkkesa dxeral mndengu ckceka rcilung ka dheya. Qsiya rcilung we mheyu ssiyo daha mntena so qnabil.
30Ali ciida, Utux Tmninun we dmoi baga seediq Israel peeyah baga seediq Micrayim. Seediq Israel we taan daha gisu mhuqil ssiyo rcilung ka seediq Micrayim. 31Seediq Israel we qmita paru beyax pnooda Utux Tmninun mquri Micrayim de, miicu riyung Utux Tmninun ka dheya. Kiya de snhii ba Utux Tmninun ma Moseh tnqliyan na ka dheya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020