Lntadan 17
17
Hmeru Qsiya ka Tasil
(Spe 20:1-13)
1Kana seediq Israel we muyu kari Utux Tmninun peeyah Sin tadus brenux mosa snkingal theruy dxeral icil. Dehuk Repidim de pkobu hiya ka dheya. Kiya we uka qsiya mahun daha ka dseediq. 2Kiya de meyah smmeriq smnetur Moseh ka dheya, rmengo: “Biqi miyan qsiya mahun!” Rmengo dheya ka Moseh: “Ma namu smmeriq smnetur kenan ho? Ma namu gisu psseung Utux Tmninun ho?” 3Mhqeni riyung ma kmkmimah qsiya meniq hiya ka dseediq de mquri Moseh smmeriq smnetur ka dheya. Rmengo: “Hmuwa su lux platac menan peeyah Micrayim peni? Ppowoda su knhrqeni pphuqil su menan ma laqi miyan ma, tnbugan miyan ha?” 4Kiya de mlawa dmurun Utux Tmninun ka Moseh: “Huwa mu ba kesun ka dseediq nii ho? Huwa ku daha buyi btunux pphuqil ka yaku da.” 5Rmengo Moseh ka Utux Tmninun: “Adis ka duma ddrudan dmpdudul Israel, pksai berah dseediq. Baga su we doi hukuc snbetan su yayung Yeor tgberah na. 6Tai, maha ku meniq ckceka pusu tasil Xoreb hiya, mpheyu ku berah namu. Ssebuc btasil nii ka isu, kiya de mpheru peeyah ckceka tasil nii ka qsiya ma, pmahi kana seediq.” Kiya de wada moda so nii meniq berah ddrudan ma dmpdudul Israel ka Moseh da. 7Masah kesun na tmngayan ka dxeral kiya. Kesun daha Meribah tmngayan uri ka kiya, ado dseediq Israel we smeriq smnetur ma psseung Utux Tmninun meniq hiya ka dheya, rmengo: “Nii theyaq ita ka Utux Tmninun peni?”
Mbeyax Mccebu Seediq Amaleq
8Ciida, meyah Repidim ka seediq Amaleq ma meyah mccebu seediq Israel. 9Rmengo Yehosua ka Moseh: “Geegi duma seediq maha mccebu seediq Amaleq. Maha ku mheyu bungu dgiyaq ka kusun. Baga mu we dmoi ku hukuc nuUtux Baro.” 10Kiya de Yehosua we muyu kari rnengo Moseh moda ka heya, mosa mccebu dseediq Amaleq. Moseh, Aharon ma, Xur we mosa bungu dgiyaq ka dheya. 11Pheyu baga so knuwan ka Moseh de mbeyax so ciida ka seediq Israel. Muuwic baga na ka Moseh de mbeyax ka seediq Amaleq. 12Muuwic bale ka baga Moseh de, mosa mangal 1 btunux ka dheya ma tleung bobo hiya ka heya. Mheyu ssiyo plekuh baga na ka Aharon ma Xur de mddehu riyung betaq priyax hido. 13So nii Yehosua we sdoi na hlmadac wada na ini baka ka seediq Amaleq dseediq na.
14Rmengo Moseh ka Utux Tmninun: “Ptasi ckceka patis hiya ka noda nii, so namu maha lnglungun. Kiya uri ma pqbhangi ka Yehosua: Sresun mu peeyah kana qnhlangan ka ngayan Amaleq.” 15Kiya de mharac 1 spuhan ka Moseh: “Utux Tmninun Nisi” kesun na tmngayan. 16Rmengo ka heya: “Spooda mu tnlungan Utux Tmninun psdehu, Utux Tmninun we maha mccebu seediq Amaleq betaq ani knuwan.”
Currently Selected:
Lntadan 17: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 17
17
Hmeru Qsiya ka Tasil
(Spe 20:1-13)
1Kana seediq Israel we muyu kari Utux Tmninun peeyah Sin tadus brenux mosa snkingal theruy dxeral icil. Dehuk Repidim de pkobu hiya ka dheya. Kiya we uka qsiya mahun daha ka dseediq. 2Kiya de meyah smmeriq smnetur Moseh ka dheya, rmengo: “Biqi miyan qsiya mahun!” Rmengo dheya ka Moseh: “Ma namu smmeriq smnetur kenan ho? Ma namu gisu psseung Utux Tmninun ho?” 3Mhqeni riyung ma kmkmimah qsiya meniq hiya ka dseediq de mquri Moseh smmeriq smnetur ka dheya. Rmengo: “Hmuwa su lux platac menan peeyah Micrayim peni? Ppowoda su knhrqeni pphuqil su menan ma laqi miyan ma, tnbugan miyan ha?” 4Kiya de mlawa dmurun Utux Tmninun ka Moseh: “Huwa mu ba kesun ka dseediq nii ho? Huwa ku daha buyi btunux pphuqil ka yaku da.” 5Rmengo Moseh ka Utux Tmninun: “Adis ka duma ddrudan dmpdudul Israel, pksai berah dseediq. Baga su we doi hukuc snbetan su yayung Yeor tgberah na. 6Tai, maha ku meniq ckceka pusu tasil Xoreb hiya, mpheyu ku berah namu. Ssebuc btasil nii ka isu, kiya de mpheru peeyah ckceka tasil nii ka qsiya ma, pmahi kana seediq.” Kiya de wada moda so nii meniq berah ddrudan ma dmpdudul Israel ka Moseh da. 7Masah kesun na tmngayan ka dxeral kiya. Kesun daha Meribah tmngayan uri ka kiya, ado dseediq Israel we smeriq smnetur ma psseung Utux Tmninun meniq hiya ka dheya, rmengo: “Nii theyaq ita ka Utux Tmninun peni?”
Mbeyax Mccebu Seediq Amaleq
8Ciida, meyah Repidim ka seediq Amaleq ma meyah mccebu seediq Israel. 9Rmengo Yehosua ka Moseh: “Geegi duma seediq maha mccebu seediq Amaleq. Maha ku mheyu bungu dgiyaq ka kusun. Baga mu we dmoi ku hukuc nuUtux Baro.” 10Kiya de Yehosua we muyu kari rnengo Moseh moda ka heya, mosa mccebu dseediq Amaleq. Moseh, Aharon ma, Xur we mosa bungu dgiyaq ka dheya. 11Pheyu baga so knuwan ka Moseh de mbeyax so ciida ka seediq Israel. Muuwic baga na ka Moseh de mbeyax ka seediq Amaleq. 12Muuwic bale ka baga Moseh de, mosa mangal 1 btunux ka dheya ma tleung bobo hiya ka heya. Mheyu ssiyo plekuh baga na ka Aharon ma Xur de mddehu riyung betaq priyax hido. 13So nii Yehosua we sdoi na hlmadac wada na ini baka ka seediq Amaleq dseediq na.
14Rmengo Moseh ka Utux Tmninun: “Ptasi ckceka patis hiya ka noda nii, so namu maha lnglungun. Kiya uri ma pqbhangi ka Yehosua: Sresun mu peeyah kana qnhlangan ka ngayan Amaleq.” 15Kiya de mharac 1 spuhan ka Moseh: “Utux Tmninun Nisi” kesun na tmngayan. 16Rmengo ka heya: “Spooda mu tnlungan Utux Tmninun psdehu, Utux Tmninun we maha mccebu seediq Amaleq betaq ani knuwan.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020