Lntadan 35
35
Gaya Ali Sngayan
1Psseli dseediq Israel ka Moseh, rmengo dheya: “Nii we pnosa kari Utux Tmninun ddaun namu qmeepah: 2Qeepah ka 6 ali, kiya de tg7 ali de, ngali ali mrtaso sngayan thmuku ta Utux Tmninun msange kana ani maanu ka ali nii. Kana meepah ali nii we, asi ka phqilun. 3Ali sngayan nii we, iya bale psrading puniq kana nniqan namu.”
Mege Kobu Mrtaso
(Lnt 25:1-9)
4Rmengo kana seediq Israel ka Moseh: “So nii tnugesa na ka kari Utux Tmninun. Rmengo: 5Aangal lnabu peeyah ckceka namu mege Utux Tmninun. Kana so mqaras mege we, tduwa namu madis lnabu bbege Utux Tmninun. Kiya ka king, ging ma, limuk. 6Selung mtlawa, mgtdiyuc, mtanah ma malu ware keguy, ubal miric, 7qraqil baus miric rncuhan mtanah, malu ba qraqil camac, tgebil, 8abura camo, abura ssmalu malu kenux, lmlamu ricuh malu sknexan, 9btunux rako ma btunux qrari pniqun bobo ipudi ma torih.
Qyqeya Kobu Mrtaso
(Lnt 39:32-43)
10Niqan ba knkela lhebun ckceka namu we eyah kana. Slmei kana ka tnugesa Utux Tmninun. 11Kiya ka kobu, pala kobu, pala dnamux kobu, daung, qrtinuh qnabil, rgero, eruc ma, tluungan eruc, 12kulu pnsdhegan, phelan kulu Pnsdhegan, gemuk kulu pnsdhegan, pala ptaayus, 13psaan spuhan, phelan psaan spuhan, kana qyqeya ddooyun psaan smapuh ma bbege pang, 14pcmagan, qyqeya gaga theyaq kiya, sara pcmagan, abura camo, 15spuhan psknexan, phelan na, mrtaso abura, skenux mrtaso, qqeerung rhengun tmayan kobu, 16spuhan psqmaan, kadi limuk, phelan na, kana qyqeya gaga theyaq hiya, ribo trmaan ma, tluungan na, 17pala qnalang mtqiri nganguc, eruc, tluungan niqan doriq na, qqeerung rhengun ttmayan nganguc, 18xiluy kobu mrtaso, xiluy qnalang nganguc, negul sniyuk, 19kana mrtaso lukus plkusun daha msapuh qmeepah mrtaso nniqan, lukus mrtaso Aharon ma lqlaqi na dooyun daha meepah spuhan ciida.”
Madis Bbege Daha ka Seediq
20Peeyah berah Moseh mosa nganguc ka kana dseediq Israel. 21Kana gaga slgelu lhebun ma gisu tbyaxun Bgihur we madis bbege daha Utux Tmninun kana. Nii we ssmalu daha kobu mrtaso, kana qyqeya ckceka hiya ma, ssais daha lukus mrtaso. 22Kana mqaras mege na we, ana rseno ma mqedil we meyah kana. Madis lmlamu king, kiya ka mege gidi, muxi birac, pqecul baga, pcequr sniru nduyung ma lmlamu king slgelu daha mege Utux Tmninun. 23Desun daha kana ka ware selung mtlawa, mgtdiyuc, mtanah ma, malu ware keguy, ubal miric, qraqil miric rncuhan mtanah, malu ba qraqil camac. 24Kana mqaras mege ging ma limuk we desun daha mege Utux Tmninun kana ka bbege daha. Kana niqan tgebil tduwa daha slmeun lmlamu qyqeya we desun daha uri. 25Kana niqan knkela lhebun daha mtduwa tminun ka mqedil we, ana ware snuyuk daha, ana ware selung mtlawa, mgtdiyuc, mtanah ma, malu ware keguy we desun daha kana. 26Kana niqan knkela, gaga slgelu lhebun daha ka mqedil we, meyah tminun ubal miric. 27Dmpdudul na we madis btunux rako, btunux qrari psaun daha bobo lukus ipudi torih meniq berah. 28Kiya ma ssmalu daha malu sknexan, abura mrtaso, sknexan ma abura camo we desun daha uri. 29Seediq Israel, ana rseno ana mqedil, kana wada slgelu lhebun we, mqaras bale madis snapuh daha mege Utux Tmninun ka kana daha. Kiya ka qqeepah daha kana ooda Utux Tmninun tnugesa na Moseh.
Dmsalu Kobu Mrtaso
(Lnt 31:1-11)
30Rmengo seediq Israel ka Moseh: “Tai, Becalel, laqi Uriy ma lqlaqi laqi Xur ma pusu rudan Yehudah. Mnlawa heya ka Utux Tmninun. 31Stngayan Bgihur Utux Baro ka heya de, pniqan na knkela, mkela tunux, gnkela tduwa mooda ani maanu ooda. 32Tduwa matis patis, dmoi king, ging ma, limuk smalu ani maanu qyqeya. 33Mkela qmrequr pqapah btunux qrari ma, qmrequr qhuni ma lmlamu qmeepah ani maanu. 34Mege mptgesa lhebun seediq Ahaliab, laqi Axisamak lqlaqi laqi pusu rudan Dan heya ka Utux Tmninun. 35Utux Tmninun we pthngayun na knkela ka lhebun daha, kiya de tduwa mooda ani maanu qpahun. Ana mooda qpahun qmrequr, smmalu patis ssmalu, qpahun miri dmoi ana ware selung mtlawa, mgtdiyuc, mtanah ma, malu ware keguy ma, qqeepah mooda tminun we klaun daha mooda kana. Kiya ma mkela smmalu lmlamu hnyegan uri.”
Currently Selected:
Lntadan 35: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 35
35
Gaya Ali Sngayan
1Psseli dseediq Israel ka Moseh, rmengo dheya: “Nii we pnosa kari Utux Tmninun ddaun namu qmeepah: 2Qeepah ka 6 ali, kiya de tg7 ali de, ngali ali mrtaso sngayan thmuku ta Utux Tmninun msange kana ani maanu ka ali nii. Kana meepah ali nii we, asi ka phqilun. 3Ali sngayan nii we, iya bale psrading puniq kana nniqan namu.”
Mege Kobu Mrtaso
(Lnt 25:1-9)
4Rmengo kana seediq Israel ka Moseh: “So nii tnugesa na ka kari Utux Tmninun. Rmengo: 5Aangal lnabu peeyah ckceka namu mege Utux Tmninun. Kana so mqaras mege we, tduwa namu madis lnabu bbege Utux Tmninun. Kiya ka king, ging ma, limuk. 6Selung mtlawa, mgtdiyuc, mtanah ma malu ware keguy, ubal miric, 7qraqil baus miric rncuhan mtanah, malu ba qraqil camac, tgebil, 8abura camo, abura ssmalu malu kenux, lmlamu ricuh malu sknexan, 9btunux rako ma btunux qrari pniqun bobo ipudi ma torih.
Qyqeya Kobu Mrtaso
(Lnt 39:32-43)
10Niqan ba knkela lhebun ckceka namu we eyah kana. Slmei kana ka tnugesa Utux Tmninun. 11Kiya ka kobu, pala kobu, pala dnamux kobu, daung, qrtinuh qnabil, rgero, eruc ma, tluungan eruc, 12kulu pnsdhegan, phelan kulu Pnsdhegan, gemuk kulu pnsdhegan, pala ptaayus, 13psaan spuhan, phelan psaan spuhan, kana qyqeya ddooyun psaan smapuh ma bbege pang, 14pcmagan, qyqeya gaga theyaq kiya, sara pcmagan, abura camo, 15spuhan psknexan, phelan na, mrtaso abura, skenux mrtaso, qqeerung rhengun tmayan kobu, 16spuhan psqmaan, kadi limuk, phelan na, kana qyqeya gaga theyaq hiya, ribo trmaan ma, tluungan na, 17pala qnalang mtqiri nganguc, eruc, tluungan niqan doriq na, qqeerung rhengun ttmayan nganguc, 18xiluy kobu mrtaso, xiluy qnalang nganguc, negul sniyuk, 19kana mrtaso lukus plkusun daha msapuh qmeepah mrtaso nniqan, lukus mrtaso Aharon ma lqlaqi na dooyun daha meepah spuhan ciida.”
Madis Bbege Daha ka Seediq
20Peeyah berah Moseh mosa nganguc ka kana dseediq Israel. 21Kana gaga slgelu lhebun ma gisu tbyaxun Bgihur we madis bbege daha Utux Tmninun kana. Nii we ssmalu daha kobu mrtaso, kana qyqeya ckceka hiya ma, ssais daha lukus mrtaso. 22Kana mqaras mege na we, ana rseno ma mqedil we meyah kana. Madis lmlamu king, kiya ka mege gidi, muxi birac, pqecul baga, pcequr sniru nduyung ma lmlamu king slgelu daha mege Utux Tmninun. 23Desun daha kana ka ware selung mtlawa, mgtdiyuc, mtanah ma, malu ware keguy, ubal miric, qraqil miric rncuhan mtanah, malu ba qraqil camac. 24Kana mqaras mege ging ma limuk we desun daha mege Utux Tmninun kana ka bbege daha. Kana niqan tgebil tduwa daha slmeun lmlamu qyqeya we desun daha uri. 25Kana niqan knkela lhebun daha mtduwa tminun ka mqedil we, ana ware snuyuk daha, ana ware selung mtlawa, mgtdiyuc, mtanah ma, malu ware keguy we desun daha kana. 26Kana niqan knkela, gaga slgelu lhebun daha ka mqedil we, meyah tminun ubal miric. 27Dmpdudul na we madis btunux rako, btunux qrari psaun daha bobo lukus ipudi torih meniq berah. 28Kiya ma ssmalu daha malu sknexan, abura mrtaso, sknexan ma abura camo we desun daha uri. 29Seediq Israel, ana rseno ana mqedil, kana wada slgelu lhebun we, mqaras bale madis snapuh daha mege Utux Tmninun ka kana daha. Kiya ka qqeepah daha kana ooda Utux Tmninun tnugesa na Moseh.
Dmsalu Kobu Mrtaso
(Lnt 31:1-11)
30Rmengo seediq Israel ka Moseh: “Tai, Becalel, laqi Uriy ma lqlaqi laqi Xur ma pusu rudan Yehudah. Mnlawa heya ka Utux Tmninun. 31Stngayan Bgihur Utux Baro ka heya de, pniqan na knkela, mkela tunux, gnkela tduwa mooda ani maanu ooda. 32Tduwa matis patis, dmoi king, ging ma, limuk smalu ani maanu qyqeya. 33Mkela qmrequr pqapah btunux qrari ma, qmrequr qhuni ma lmlamu qmeepah ani maanu. 34Mege mptgesa lhebun seediq Ahaliab, laqi Axisamak lqlaqi laqi pusu rudan Dan heya ka Utux Tmninun. 35Utux Tmninun we pthngayun na knkela ka lhebun daha, kiya de tduwa mooda ani maanu qpahun. Ana mooda qpahun qmrequr, smmalu patis ssmalu, qpahun miri dmoi ana ware selung mtlawa, mgtdiyuc, mtanah ma, malu ware keguy ma, qqeepah mooda tminun we klaun daha mooda kana. Kiya ma mkela smmalu lmlamu hnyegan uri.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020