Lntadan 6
6
Sntangan Mdoi Baga Israel ka Utux Baro
1Rmengo Moseh ka Utux Tmninun: “Saya, mpqita su qneepah mu Paroh ka isu. Heya we ado paru beyax baga mu, kika psaun na seediq Israel. Ado paru beyax baga mu mosa lmiwaq dheya peeyah dxeral na.” 2Rmengo Moseh ka Utux Baro: “Yaku we Utux Tmninun. 3Utux Baro Kana Beyax ka pnqita mu Abraham, Yijxaq ma, Yakobu cuuxal ka yaku. Quri so ngayan mu Utux Tmninun we, uxe daha gnklaan. 4Yaku we psdehu ku pnsdehu mu dheya. Kiya ka dxeral Kenaan, dxeral ndaan daha tnooda we bege mu dheya. 5Mnbahang ku rengac pnqraqil seediq Micrayim ka seediq Israel de, lmngelung ku pnsdehu mu. 6So kiya de, sai rmengo ka seediq Israel: ‘Yaku we Utux Tmninun. Ngalun mu ka pnqraqil namu na seediq Micrayim. Mdoi ku hiqur baga mu pqduriq pnqraqil na ddyamu. Mphkero ka hiqur baga mu spooda mu paru pnkdira mu dheya dmoi baga yamu. 7Mpseediq mu ka yamu. Yaku we maha ku Utux Baro namu. Ngalun mu ka pnqraqil bnege seediq Micrayim. Kiya de maha namu klaun, yaku we Utux Tmninun, Utux Baro namu. 8Pnsdehu ku sntangan bbege Abraham, Yijxaq ma, Yakobu ka dxeral nii. Mpdudul ku yamu mremux hiya. Dxeral kiya we bbege mu yamu, maha dnoi namu ka kiya. Yaku we Utux Tmninun.’” 9Moseh we srengo na seediq Israel ka kari nii. Kiya de, mnarux ba tunux daha ka dheya. Ado qqeepah pnqraqil nii we, ini qbahang kari Moseh ka dheya.
10Dmurun Moseh ka Utux Tmninun: 11“Sai rmengo ka Paroh qbsuran paru Micrayim, pplatac peeyah dxeral hiya ka seediq Israel.” 12Rmengo berah Utux Tmninun ka Moseh: “Tai, betaq ini qbahang yaku ka seediq Israel de, maha hmuwa mbahang kari seediq yaku nii ini kela rmengo ka Paroh ho?” 13Dmurun Moseh ma Aharon ka Utux Tmninun, Posa kari dheya mosa dseediq Israel ma Paroh qbsuran paru Micrayim hiya. Desun daha nganguc peeyah dxeral Micrayim ka seediq Israel.
Patis Ltlutuc Tnsapah Moseh ma Aharon
14Ngayan pnswayan pusu rudan Israel we so nii: Lqlaqi Reuben tgqbsuran ba laqi Israel we, Xanok, Palu, Xecron ma Karmiy. Nii we tnsapah Reuben ka nii. 15Lqlaqi Simeon we, Yemuel, Yamin, Ohad, Yaking, Coxar ma Saul pntuting weewa pneyah Kenaan. Nii we tnsapah Simeon. 16Toma na nii de, lqlaqi Lewiy, spooda patis ltlutuc tnsapah daha ka ngayan: Gerson, Qahat ma Merariy. Kndesan Lewiy we 1'37 knkawas. 17Spooda tnsapah de Lqlaqi Gerson we, Libniy ma Simiy. 18Lqlaqi Qahat we, Amram, Yichar, Xebron ma Ujiel. Knuudus Qahat we 1'33 knkawas. 19Lqlaqi Merariy we Maxliy ma Musi. Dnii ka pnooda patis ltlutuc tnsapah Lewiy. 20Amram we msterung Yokebed mtswai tama na. Heya we ptuting Aharon ma Moseh. Knuudus Amram we 1'37 knkawas. 21Lqlaqi Yichar we, Qorax, Nepeg ma Jikriy. 22Lqlaqi Ujiel we Misael, Elcapan ma Sitriy. 23Aharon we smterung Elisaba weewa na Aminadab, mtswai Naxson. Heya we tnlaqi Nadab, Abihu, Elajar ma Itamar. 24Lqlaqi Qorax we Asir, Elqanah ma Abiasap. Dnii we tnsapah Qorax. 25Elajar lqlaqi Aharon we mnsterung weewa na Putiel. Heya we mntuting Pinexas. Dnii we pnooda pnswayan pusu rudan tnsapah Lewiy. 26Dnii we kiya ka mnbahang peeyah Utux Tmninun, rmnengo: Aharon ma Moseh “Psaasu psqpuruh platac dmudul peeyah Micrayim ka dseediq Israel” ka nii. 27Kiya ka rmnengo Paroh qbsuran paru Micrayim maadis dseediq Israel peeyah Micrayim we, kiya ka Moseh ma Aharon nii uri.
Posa Kari Tqita Paroh ka Moseh ma Aharon
28Rmnengo Moseh meniq Micrayim hiya ka Utux Tmninun ciida, 29rmengo Moseh ka Utux Tmninun: “Yaku we Utux Tmninun. Kana kari rnengo mu sunan we, sai rmengo Paroh qbsuran paru Micrayim kana.” 30Rmengo berah Utux Tmninun ka Moseh: “Tai, seediq ku ini kela rmengo ka yaku. Maha hmuwa mbahang kari mu ka Paroh da ho?”
Currently Selected:
Lntadan 6: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Lntadan 6
6
Sntangan Mdoi Baga Israel ka Utux Baro
1Rmengo Moseh ka Utux Tmninun: “Saya, mpqita su qneepah mu Paroh ka isu. Heya we ado paru beyax baga mu, kika psaun na seediq Israel. Ado paru beyax baga mu mosa lmiwaq dheya peeyah dxeral na.” 2Rmengo Moseh ka Utux Baro: “Yaku we Utux Tmninun. 3Utux Baro Kana Beyax ka pnqita mu Abraham, Yijxaq ma, Yakobu cuuxal ka yaku. Quri so ngayan mu Utux Tmninun we, uxe daha gnklaan. 4Yaku we psdehu ku pnsdehu mu dheya. Kiya ka dxeral Kenaan, dxeral ndaan daha tnooda we bege mu dheya. 5Mnbahang ku rengac pnqraqil seediq Micrayim ka seediq Israel de, lmngelung ku pnsdehu mu. 6So kiya de, sai rmengo ka seediq Israel: ‘Yaku we Utux Tmninun. Ngalun mu ka pnqraqil namu na seediq Micrayim. Mdoi ku hiqur baga mu pqduriq pnqraqil na ddyamu. Mphkero ka hiqur baga mu spooda mu paru pnkdira mu dheya dmoi baga yamu. 7Mpseediq mu ka yamu. Yaku we maha ku Utux Baro namu. Ngalun mu ka pnqraqil bnege seediq Micrayim. Kiya de maha namu klaun, yaku we Utux Tmninun, Utux Baro namu. 8Pnsdehu ku sntangan bbege Abraham, Yijxaq ma, Yakobu ka dxeral nii. Mpdudul ku yamu mremux hiya. Dxeral kiya we bbege mu yamu, maha dnoi namu ka kiya. Yaku we Utux Tmninun.’” 9Moseh we srengo na seediq Israel ka kari nii. Kiya de, mnarux ba tunux daha ka dheya. Ado qqeepah pnqraqil nii we, ini qbahang kari Moseh ka dheya.
10Dmurun Moseh ka Utux Tmninun: 11“Sai rmengo ka Paroh qbsuran paru Micrayim, pplatac peeyah dxeral hiya ka seediq Israel.” 12Rmengo berah Utux Tmninun ka Moseh: “Tai, betaq ini qbahang yaku ka seediq Israel de, maha hmuwa mbahang kari seediq yaku nii ini kela rmengo ka Paroh ho?” 13Dmurun Moseh ma Aharon ka Utux Tmninun, Posa kari dheya mosa dseediq Israel ma Paroh qbsuran paru Micrayim hiya. Desun daha nganguc peeyah dxeral Micrayim ka seediq Israel.
Patis Ltlutuc Tnsapah Moseh ma Aharon
14Ngayan pnswayan pusu rudan Israel we so nii: Lqlaqi Reuben tgqbsuran ba laqi Israel we, Xanok, Palu, Xecron ma Karmiy. Nii we tnsapah Reuben ka nii. 15Lqlaqi Simeon we, Yemuel, Yamin, Ohad, Yaking, Coxar ma Saul pntuting weewa pneyah Kenaan. Nii we tnsapah Simeon. 16Toma na nii de, lqlaqi Lewiy, spooda patis ltlutuc tnsapah daha ka ngayan: Gerson, Qahat ma Merariy. Kndesan Lewiy we 1'37 knkawas. 17Spooda tnsapah de Lqlaqi Gerson we, Libniy ma Simiy. 18Lqlaqi Qahat we, Amram, Yichar, Xebron ma Ujiel. Knuudus Qahat we 1'33 knkawas. 19Lqlaqi Merariy we Maxliy ma Musi. Dnii ka pnooda patis ltlutuc tnsapah Lewiy. 20Amram we msterung Yokebed mtswai tama na. Heya we ptuting Aharon ma Moseh. Knuudus Amram we 1'37 knkawas. 21Lqlaqi Yichar we, Qorax, Nepeg ma Jikriy. 22Lqlaqi Ujiel we Misael, Elcapan ma Sitriy. 23Aharon we smterung Elisaba weewa na Aminadab, mtswai Naxson. Heya we tnlaqi Nadab, Abihu, Elajar ma Itamar. 24Lqlaqi Qorax we Asir, Elqanah ma Abiasap. Dnii we tnsapah Qorax. 25Elajar lqlaqi Aharon we mnsterung weewa na Putiel. Heya we mntuting Pinexas. Dnii we pnooda pnswayan pusu rudan tnsapah Lewiy. 26Dnii we kiya ka mnbahang peeyah Utux Tmninun, rmnengo: Aharon ma Moseh “Psaasu psqpuruh platac dmudul peeyah Micrayim ka dseediq Israel” ka nii. 27Kiya ka rmnengo Paroh qbsuran paru Micrayim maadis dseediq Israel peeyah Micrayim we, kiya ka Moseh ma Aharon nii uri.
Posa Kari Tqita Paroh ka Moseh ma Aharon
28Rmnengo Moseh meniq Micrayim hiya ka Utux Tmninun ciida, 29rmengo Moseh ka Utux Tmninun: “Yaku we Utux Tmninun. Kana kari rnengo mu sunan we, sai rmengo Paroh qbsuran paru Micrayim kana.” 30Rmengo berah Utux Tmninun ka Moseh: “Tai, seediq ku ini kela rmengo ka yaku. Maha hmuwa mbahang kari mu ka Paroh da ho?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020