Smnlean 30
30
1Rajie we qmita ini pntlaqi Yakobu ka heya de, snhuur qbsuran na da. Rmengo Yakobu: “Pniqi ku laqi, netun uxe so kiya de psai ku phuqil da!” 2Mseang Rajie ka Yakobu, rmengo: “Mpririh ku Utux Baro ini ku bege laqi isu peni?” 3Rmengo ka Rajie: “Tai, nii hini ka Bilhah tnqliyan mu mqedil. Tduwa su msuupu mtaqi heya, so maha tmlaqi ka heya meniq yaku hini. Spooda mu heya mtduwa ku mangal laqi ka yaku uri.” 4Kiya de Rajie we sbege na rseno na mpqedil ka Bilhah tnqliyan na mqedil. Msuupu mtaqi heya ka Yakobu. 5Mchedil ka Bilhah de, tmlaqi 1 laqi rseno Yakobu. 6Rajie de Dan kesun na tmngayan ka heya, rmengo: “Utux Baro we wada mnduwa ba psgao kenan, mbahang hrenang mu uri ma, biqan ku na 1 laqi rseno.” 7Mchedil dungal ka Bilhah tnqliyan mqedil Rajie, tmlaqi tg2 laqi rseno Yakobu. 8Rajie we Naptaliy kesun na tmngayan ka heya, rmengo: “Mntgdiyal miyan qbsuran mu we wada ku mbeyax da.”
9Klaun na wada msetuq qqeeniq na laqi ka Leah de asi na ngali ka Jilpah tnqliyan na mqedil ma ngalan na dadal Yakobu. 10Jilpah tnqliyan Leah we stnlaqi na 1 laqi rseno ka Yakobu. 11Leah we Gad kesun na tmngayan ma rmengo: “Yaku we bale ba malu utux mu!” 12Jilpah tnqliyan Leah we stnlaqi na tg2 laqi rseno ka Yakobu. 13Rmengo ka Leah: “Bale ku ba mbleyaq wa! Kana mmqedil we ‘Mpbleyaq su bale’ kesun ku daha” mesa ma kiya de Aser kesun na tmngayan ka laqi.
14Pkelu bale qbrungan mugi ciida, mosa ckceka qnpahan ka Reuben, smdiyal sudu pkbesu ka heya. Kiya de sbege na Leah bubu na. Rmengo Leah ka Rajie: “Biqi ku tikuh ka sudu pkbesu nangal laqi su.” 15Cmiyuk ka Leah: “Tikuh ooda ka wada su gmeeluk rseno mu peni? Saya dungal we kmpgeluk su sudu pkbesu nlaqi mu dungal peni?” Rmengo ka Rajie: “Keeman saya, tduwa msuupu mtaqi isu ka heya. Ppriyux ta sudu pkbesu nlaqi su.” 16Betaq keeman de, peeyah qnpahan meyah ka Yakobu, mosa smterung heya ka Leah, rmengo: “Isu ge mpsuupu su mtaqi yaku. Ado bale ba wada mu spooda sudu pkbesu nlaqi mu mangal ka isu da.” Keeman ciida, msuupu mtaqi heya ka Yakobu. 17Cmiyuk Leah ka Utux Baro, kiya de mchedil ka heya, tmlaqi tg5 laqi rseno Yakobu ka heya. 18Leah we Yisaskar kesun na tmngayan ka heya, rmengo: “Mege cyukan meepah ka Utux Baro, ado wada mu sbege rseno mu ka tnqliyan mqedil mu.” 19Mchedil dungal ka Leah, tmlaqi tg6 laqi rseno Yakobu. 20Leah we Jebulun kesun na tmngayan ka heya, rmengo: “Mege knedux ba bnege na kenan ka Utux Baro. Nii we, maha psparu mita yaku ka rseno mu da, ado tmlaqi ku tg6 heya ka yaku da.” 21Bobo de tmlaqi 1 laqi mqedil, Dinah kesun na ka ngayan na.
22Psbrinah lmngelung Rajie ka Utux Baro, cmiyuk heya ma ppniqan na laqi. 23Rajie de mchedil ma tmlaqi, rmengo: “Wada ku na sresun hiya ka qnsiqa mu ka Utux Baro.” 24Kiya de Rajie we Yosehu kesun na tmngayan ka heya. Rmengo: “Tai so maha mege 1 laqi yaku dungal ka Utux Tmninun.”
Pprengo Sntkean ka Rapan ma Yakobu
25Bobo mntuting Yosehu ka Rajie de, rmengo Rapan ka Yakobu: “Braho misu, posa ku ka yaku da. Pbrinah ku mosa alang mu ma ddxeral mu. 26Braho su biqi ku hiya ka mqedil mu ma laqi nangal mu qmneepah isu. Posa ku ka yaku da! Wada ku hmuwa mesa meepah sunan we, ida su klaun kana.” 27Rmengo heya ka Rapan: “So su maha smparu mita yaku, ado pndaan mu psbunul we klaun mu, ririh isu kiya ka smbleyaq yaku ka Utux Tmninun.” 28Rmengo dungal: “So su maha rmengo sntkean ngngalun su, bege mu isu ka kiya.” 29Cmiyuk ka Yakobu: “Wada ku huwa mesa qmeepah sunan, wada huwa mesa ka tnbugan miric su meniq yaku hini we ida su klaun kana. 30Ini ku eyah ciida, ini keegu ka nniqan su. Saya de wada mrana bale da. Ado Utux Tmninun we smnegul dapil papak mu smbleyaq ka heya. Saya, mpknuwan ka mtduwa ku pheyu tnsapah mu nanak da ho?” 31Rmengo ka Rapan: “Maanu ka bbege mu sunan ho?” Cmiyuk ka Yakobu: “Ani su ini bege ani maanu. Wano nii ka daun su de, mplutuc ku mptabu miric su ka yaku. 32Saya maha ku mkkesa ckceka rahul miric rudu su, geegun mu ka niqan trbangan ma rako. Ckceka miric ba we niqan trbangan ma rako we sntkean mu ka kiya di. 33Bobo na de eyah mita sntkean mu. Netun niqan ka uka trbangan ma rako ka miric ma, uxe mqalux ka miric rudu de, ngalun ta kesun gneeguy ka kiya di. Nii we ptuura ku msderux noda mu ka yaku.” 34Rmengo ka Rapan: “Tai, pdai so rnengo su dhenu.” 35Ali ciida, Rapan ge, ptgnaki na gmao ka kana ga niqan rako, trbangan baus miric, kana niqan trbangan ma rako ma, niqan biciq bhege ka bubu miric ma, kana mqalux ka miric rudu. Sbege na baga laqi na kana. 36Kiya de smtheya 3 ali ksaun elu hiya ka Yakobu. Yakobu de mosa tmabu mnsngari miric Rapan.
37Yakobu we mangal rabu cida rbuqil, qhuni dara ma, aring mtumun. Rheqan na ma tqita bhege rako, mtruura bhege ka cida qhuni. 38Ngali na ka cdcida rnheqan na, spquri na miric, sgcuqi na toma ddaun ma asu qsiya mmahun rahul miric. Meyah mimah qsiya ciida ka miric de, mnhemuc mssayuk ka dmmiric. 39Mssayuk quri ciida nii ka miric de, tmwawa niqan rako, trbangan ma tnbrnahan ka miric. 40Yakobu we psnakan na icil ka miric rudu, mssipo mquri miric niqan rako ma, kana mqalux na. So kiya de wada na psnakun ka nheya nanak, ini na pspui prgimax miric Rapan. 41Dmbbeyax miric kmssayuk ciida, Yakobu we asi na gqii ckceka daun qsiya ka cida, kiya de mssayuk quri cida ka miric. 42Netun kmssayuk ka miric dmuuwic we, ini syegcuqi cida ka kiya. So kiya de, dmiric muuwic na we nRapan kana, mtbeno ma mbeyax na we nuYakobu kana. 43Kiya de seediq nii we mrana riyung, niqan egu riyung rahul miric, tnqliyan, tnqliyan mqedil, dapa bukung ma, dapa roba.
Currently Selected:
Smnlean 30: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Smnlean 30
30
1Rajie we qmita ini pntlaqi Yakobu ka heya de, snhuur qbsuran na da. Rmengo Yakobu: “Pniqi ku laqi, netun uxe so kiya de psai ku phuqil da!” 2Mseang Rajie ka Yakobu, rmengo: “Mpririh ku Utux Baro ini ku bege laqi isu peni?” 3Rmengo ka Rajie: “Tai, nii hini ka Bilhah tnqliyan mu mqedil. Tduwa su msuupu mtaqi heya, so maha tmlaqi ka heya meniq yaku hini. Spooda mu heya mtduwa ku mangal laqi ka yaku uri.” 4Kiya de Rajie we sbege na rseno na mpqedil ka Bilhah tnqliyan na mqedil. Msuupu mtaqi heya ka Yakobu. 5Mchedil ka Bilhah de, tmlaqi 1 laqi rseno Yakobu. 6Rajie de Dan kesun na tmngayan ka heya, rmengo: “Utux Baro we wada mnduwa ba psgao kenan, mbahang hrenang mu uri ma, biqan ku na 1 laqi rseno.” 7Mchedil dungal ka Bilhah tnqliyan mqedil Rajie, tmlaqi tg2 laqi rseno Yakobu. 8Rajie we Naptaliy kesun na tmngayan ka heya, rmengo: “Mntgdiyal miyan qbsuran mu we wada ku mbeyax da.”
9Klaun na wada msetuq qqeeniq na laqi ka Leah de asi na ngali ka Jilpah tnqliyan na mqedil ma ngalan na dadal Yakobu. 10Jilpah tnqliyan Leah we stnlaqi na 1 laqi rseno ka Yakobu. 11Leah we Gad kesun na tmngayan ma rmengo: “Yaku we bale ba malu utux mu!” 12Jilpah tnqliyan Leah we stnlaqi na tg2 laqi rseno ka Yakobu. 13Rmengo ka Leah: “Bale ku ba mbleyaq wa! Kana mmqedil we ‘Mpbleyaq su bale’ kesun ku daha” mesa ma kiya de Aser kesun na tmngayan ka laqi.
14Pkelu bale qbrungan mugi ciida, mosa ckceka qnpahan ka Reuben, smdiyal sudu pkbesu ka heya. Kiya de sbege na Leah bubu na. Rmengo Leah ka Rajie: “Biqi ku tikuh ka sudu pkbesu nangal laqi su.” 15Cmiyuk ka Leah: “Tikuh ooda ka wada su gmeeluk rseno mu peni? Saya dungal we kmpgeluk su sudu pkbesu nlaqi mu dungal peni?” Rmengo ka Rajie: “Keeman saya, tduwa msuupu mtaqi isu ka heya. Ppriyux ta sudu pkbesu nlaqi su.” 16Betaq keeman de, peeyah qnpahan meyah ka Yakobu, mosa smterung heya ka Leah, rmengo: “Isu ge mpsuupu su mtaqi yaku. Ado bale ba wada mu spooda sudu pkbesu nlaqi mu mangal ka isu da.” Keeman ciida, msuupu mtaqi heya ka Yakobu. 17Cmiyuk Leah ka Utux Baro, kiya de mchedil ka heya, tmlaqi tg5 laqi rseno Yakobu ka heya. 18Leah we Yisaskar kesun na tmngayan ka heya, rmengo: “Mege cyukan meepah ka Utux Baro, ado wada mu sbege rseno mu ka tnqliyan mqedil mu.” 19Mchedil dungal ka Leah, tmlaqi tg6 laqi rseno Yakobu. 20Leah we Jebulun kesun na tmngayan ka heya, rmengo: “Mege knedux ba bnege na kenan ka Utux Baro. Nii we, maha psparu mita yaku ka rseno mu da, ado tmlaqi ku tg6 heya ka yaku da.” 21Bobo de tmlaqi 1 laqi mqedil, Dinah kesun na ka ngayan na.
22Psbrinah lmngelung Rajie ka Utux Baro, cmiyuk heya ma ppniqan na laqi. 23Rajie de mchedil ma tmlaqi, rmengo: “Wada ku na sresun hiya ka qnsiqa mu ka Utux Baro.” 24Kiya de Rajie we Yosehu kesun na tmngayan ka heya. Rmengo: “Tai so maha mege 1 laqi yaku dungal ka Utux Tmninun.”
Pprengo Sntkean ka Rapan ma Yakobu
25Bobo mntuting Yosehu ka Rajie de, rmengo Rapan ka Yakobu: “Braho misu, posa ku ka yaku da. Pbrinah ku mosa alang mu ma ddxeral mu. 26Braho su biqi ku hiya ka mqedil mu ma laqi nangal mu qmneepah isu. Posa ku ka yaku da! Wada ku hmuwa mesa meepah sunan we, ida su klaun kana.” 27Rmengo heya ka Rapan: “So su maha smparu mita yaku, ado pndaan mu psbunul we klaun mu, ririh isu kiya ka smbleyaq yaku ka Utux Tmninun.” 28Rmengo dungal: “So su maha rmengo sntkean ngngalun su, bege mu isu ka kiya.” 29Cmiyuk ka Yakobu: “Wada ku huwa mesa qmeepah sunan, wada huwa mesa ka tnbugan miric su meniq yaku hini we ida su klaun kana. 30Ini ku eyah ciida, ini keegu ka nniqan su. Saya de wada mrana bale da. Ado Utux Tmninun we smnegul dapil papak mu smbleyaq ka heya. Saya, mpknuwan ka mtduwa ku pheyu tnsapah mu nanak da ho?” 31Rmengo ka Rapan: “Maanu ka bbege mu sunan ho?” Cmiyuk ka Yakobu: “Ani su ini bege ani maanu. Wano nii ka daun su de, mplutuc ku mptabu miric su ka yaku. 32Saya maha ku mkkesa ckceka rahul miric rudu su, geegun mu ka niqan trbangan ma rako. Ckceka miric ba we niqan trbangan ma rako we sntkean mu ka kiya di. 33Bobo na de eyah mita sntkean mu. Netun niqan ka uka trbangan ma rako ka miric ma, uxe mqalux ka miric rudu de, ngalun ta kesun gneeguy ka kiya di. Nii we ptuura ku msderux noda mu ka yaku.” 34Rmengo ka Rapan: “Tai, pdai so rnengo su dhenu.” 35Ali ciida, Rapan ge, ptgnaki na gmao ka kana ga niqan rako, trbangan baus miric, kana niqan trbangan ma rako ma, niqan biciq bhege ka bubu miric ma, kana mqalux ka miric rudu. Sbege na baga laqi na kana. 36Kiya de smtheya 3 ali ksaun elu hiya ka Yakobu. Yakobu de mosa tmabu mnsngari miric Rapan.
37Yakobu we mangal rabu cida rbuqil, qhuni dara ma, aring mtumun. Rheqan na ma tqita bhege rako, mtruura bhege ka cida qhuni. 38Ngali na ka cdcida rnheqan na, spquri na miric, sgcuqi na toma ddaun ma asu qsiya mmahun rahul miric. Meyah mimah qsiya ciida ka miric de, mnhemuc mssayuk ka dmmiric. 39Mssayuk quri ciida nii ka miric de, tmwawa niqan rako, trbangan ma tnbrnahan ka miric. 40Yakobu we psnakan na icil ka miric rudu, mssipo mquri miric niqan rako ma, kana mqalux na. So kiya de wada na psnakun ka nheya nanak, ini na pspui prgimax miric Rapan. 41Dmbbeyax miric kmssayuk ciida, Yakobu we asi na gqii ckceka daun qsiya ka cida, kiya de mssayuk quri cida ka miric. 42Netun kmssayuk ka miric dmuuwic we, ini syegcuqi cida ka kiya. So kiya de, dmiric muuwic na we nRapan kana, mtbeno ma mbeyax na we nuYakobu kana. 43Kiya de seediq nii we mrana riyung, niqan egu riyung rahul miric, tnqliyan, tnqliyan mqedil, dapa bukung ma, dapa roba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020