Smnlean 40
40
Pgkela Sepi Hnetur ka Yosehu
1Bobo noda nii, moda mnaqah qneepah daha qbsuran paru Micrayim ka qbsuran mpqlahang sino ma qbsuran mpqlahang hnpure. 2Mseang riyung dheya ka Paroh. 3Saun na posa sapah kuung gaga meniq qbsuran mpqlahang, kiya ka gaga hteran Yosehu hiya. 4Qbsuran mpqlahang we sbege na Yosehu ka 2 seediq nii. Kiya de qmlahang dheya ka Yosehu. Bsiyaq hari ka shetur daha hiya ka dheya. 52 seediq gaga shetur nii we qbsuran mpqlahang sino ma qbsuran mpqlahang hnpure qbsuran paru Micrayim. Msepi 1 sepi mntena 1 rabi ka dheya. Sepi daha we ini pntena tnugesa na. 6Mgrebu de Yosehu ge, meyah qmita dheya. Tai, gaga naqah kuxul ka dheya. 7Kiya de smiling 1 mpqlahang tnpusu sapah na Paroh hiya, rmengo: “Hmuwa ma namu naqah ba kuxul saya?” 8Rmengo ka dheya: “Mnsepi miyan pn1 sepi, kiya de uka seediq mtduwa pgkela sepi nami.” Rmengo dheya ka Yosehu: “Mpkela sepi we uxe asi ka peeyah Utux Baro peni? Braho namu srnani kenan ka sepi namu.”
9Kiya de rmengo Yosehu ka qbsuran mpqlahang sino, rmengo heya: “Meniq sepi mu ckceka hiya. Tai, niqan 1 pusu lipas meniq berah mu. 10Niqan 3 cida na. Cida na we smtasil, asi phepah ma mhada ka tunux heyi na lipas uri. 11Meniq baga mu ka pngerah mahan Paroh. Kiya de qmepu ku lipas psaun mu truma pngerah mahan Paroh ma, kiya de sbege mu baga na ka pngerah mahan nii.” 12Rmengo heya ka Yosehu: “So nii ka tnugesa sepi nii, 3 cida nii we kiya ka 3 ali. 13Mk3 ali de, pttuyun su na ka Paroh, pqpahun su na qneepah su dungal. Isu we ida su maha mege pngerah mahan baga na, mntena so qneepah su qbsuran qmlahang sino tgberah na. 14Kiya de maangal su snbleqan ciida de, braho su iya ku hiya chngii, glaani ku uri. Meniq su berah Paroh tgsai heya ka yaku, so su mdayo yaku mlatac peeyah sapah kuung nii. 15Bale ba ka yaku we pnqbriqan ku daha pneyah dxeral dseediq Hiburu. Meniq ku hini we ini ku ooda ani maanu ka yaku, kiya de shetur ku daha sapah kuung.”
16Qbsuran mpqlahang hnpure we taan na malu ka pnugkela de, rmengo Yosehu: “Meniq sepi mu hiya. Tai, niqan 3 rawa ka bobo tunux mu. 17Tgbaro ba rawa we gaga psaan lmlamu uuqun nuduh Paroh. Meyah mekan uqun ckceka rawa bobo tunux mu ka qbheni.” 18Rmengo ka Yosehu: “So nii ka tnugesa sepi nii, 3 rawa we kiya ka 3 ali. 19Mk3 ali de, pltadun su peeyah sapah kuung ka Paroh ma, mphuqil su. Pqyaun su na bobo eruc, maha meyah mekan heyi su ka qbheni.”
20Mk3 ali de, ali pnttingan qbsuran paru Paroh. Heya we psramar puqun qdalun na kana mdayo ma tnqliyan na, kiya uri we pyahun na nganguc ka qbsuran mpqlahang sino ma qbsuran mpqlahang hnpure. 21Pqpahun na neepah na dungal ka qbsuran mpqlahang sino, ida mege sino baga Paroh ka heya na. 22Psduyun na phuqil ka qbsuran mpqlahang hnpure. Mntena so rnengo Yosehu. 23Ani so kiya we, wada cmhungi Yosehu ka qbsuran mpqlahang sino, ini na klai da.
Currently Selected:
Smnlean 40: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Smnlean 40
40
Pgkela Sepi Hnetur ka Yosehu
1Bobo noda nii, moda mnaqah qneepah daha qbsuran paru Micrayim ka qbsuran mpqlahang sino ma qbsuran mpqlahang hnpure. 2Mseang riyung dheya ka Paroh. 3Saun na posa sapah kuung gaga meniq qbsuran mpqlahang, kiya ka gaga hteran Yosehu hiya. 4Qbsuran mpqlahang we sbege na Yosehu ka 2 seediq nii. Kiya de qmlahang dheya ka Yosehu. Bsiyaq hari ka shetur daha hiya ka dheya. 52 seediq gaga shetur nii we qbsuran mpqlahang sino ma qbsuran mpqlahang hnpure qbsuran paru Micrayim. Msepi 1 sepi mntena 1 rabi ka dheya. Sepi daha we ini pntena tnugesa na. 6Mgrebu de Yosehu ge, meyah qmita dheya. Tai, gaga naqah kuxul ka dheya. 7Kiya de smiling 1 mpqlahang tnpusu sapah na Paroh hiya, rmengo: “Hmuwa ma namu naqah ba kuxul saya?” 8Rmengo ka dheya: “Mnsepi miyan pn1 sepi, kiya de uka seediq mtduwa pgkela sepi nami.” Rmengo dheya ka Yosehu: “Mpkela sepi we uxe asi ka peeyah Utux Baro peni? Braho namu srnani kenan ka sepi namu.”
9Kiya de rmengo Yosehu ka qbsuran mpqlahang sino, rmengo heya: “Meniq sepi mu ckceka hiya. Tai, niqan 1 pusu lipas meniq berah mu. 10Niqan 3 cida na. Cida na we smtasil, asi phepah ma mhada ka tunux heyi na lipas uri. 11Meniq baga mu ka pngerah mahan Paroh. Kiya de qmepu ku lipas psaun mu truma pngerah mahan Paroh ma, kiya de sbege mu baga na ka pngerah mahan nii.” 12Rmengo heya ka Yosehu: “So nii ka tnugesa sepi nii, 3 cida nii we kiya ka 3 ali. 13Mk3 ali de, pttuyun su na ka Paroh, pqpahun su na qneepah su dungal. Isu we ida su maha mege pngerah mahan baga na, mntena so qneepah su qbsuran qmlahang sino tgberah na. 14Kiya de maangal su snbleqan ciida de, braho su iya ku hiya chngii, glaani ku uri. Meniq su berah Paroh tgsai heya ka yaku, so su mdayo yaku mlatac peeyah sapah kuung nii. 15Bale ba ka yaku we pnqbriqan ku daha pneyah dxeral dseediq Hiburu. Meniq ku hini we ini ku ooda ani maanu ka yaku, kiya de shetur ku daha sapah kuung.”
16Qbsuran mpqlahang hnpure we taan na malu ka pnugkela de, rmengo Yosehu: “Meniq sepi mu hiya. Tai, niqan 3 rawa ka bobo tunux mu. 17Tgbaro ba rawa we gaga psaan lmlamu uuqun nuduh Paroh. Meyah mekan uqun ckceka rawa bobo tunux mu ka qbheni.” 18Rmengo ka Yosehu: “So nii ka tnugesa sepi nii, 3 rawa we kiya ka 3 ali. 19Mk3 ali de, pltadun su peeyah sapah kuung ka Paroh ma, mphuqil su. Pqyaun su na bobo eruc, maha meyah mekan heyi su ka qbheni.”
20Mk3 ali de, ali pnttingan qbsuran paru Paroh. Heya we psramar puqun qdalun na kana mdayo ma tnqliyan na, kiya uri we pyahun na nganguc ka qbsuran mpqlahang sino ma qbsuran mpqlahang hnpure. 21Pqpahun na neepah na dungal ka qbsuran mpqlahang sino, ida mege sino baga Paroh ka heya na. 22Psduyun na phuqil ka qbsuran mpqlahang hnpure. Mntena so rnengo Yosehu. 23Ani so kiya we, wada cmhungi Yosehu ka qbsuran mpqlahang sino, ini na klai da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020