Smnlean 47
47
1Mosa rmengo Paroh ka Yosehu: “Mnadis miric ma dapa ma kana dnoi daha ka tama mu ma dmtswai mu pneeyah Kenaan da. Tai! Gaga meniq dxeral Gosen ka dheya.” 2Gmao 5 heyi ckceka mtswai na, ddulun na mosa berah Paroh ka dheya. 3Smiling dmtswai Yosehu ka Paroh: “Maanu ka qpahun namu ho?” Rmengo Paroh ka dheya: “Tnqliyan su we tnabu nami miric. Yami ma ddrudan nami we ida so kiya kana.” 4Rmengo Paroh dungal ka dheya: “Sgcuqi ba daan krayan ka dxeral Kenaan, kiya de uka speriq uqun daha ka miric tnqliyan su. Saya de, braho su bale srwai tnqliyan su peeniq nami dxeral Gosen.” 5Rmengo Yosehu ka Paroh: “Gisu hini ka tama su ma dmtswai su da. 6Gaga meniq berah su ka dxeral Micrayim. Pniqi dxeral malu ka tama su ma dmtswai su. Tduwa meniq dxeral Gosen ka dheya. Nasi su klaun niqan knkela daha ka ckceka namu uri we, skgule ka dheya meyah qmlahang tnbugan mu.”
7Yosehu ge, desun na ka tama na, phyegun na berah Paroh. Yakobu de smbleyaq Paroh. 8Rmengo Yakobu ka Paroh: “Piya knkawas su da ho?” 9Rmengo Paroh ka Yakobu: “Nniqan mu tnooda bobo dxeral we 1'30 knkawas. Knkawas mu nii we llebu ba ma mqraqil riyung. Ini hrinas knkawas ddrudan mu.” 10Yakobu we smbleyaq Paroh dungal. Kiya de mlatac berah Paroh mosa nganguc da.
11Mhedu pgbleyaq peeniq tama na ma dmtswai na ka Yosehu de, muyu kari pnosa Paroh, sbege na dheya ka dxeral Rameses, kiya ka malu bale dxeral qlhangan Micrayim. 12Yosehu we mege uqun tama na ma dmtswai na ma, kana seediq tnsapah. Spooda na so knhbragan daha mege dheya.
Krayan Riyung
13Sgcuqi bale ka krayan de, msetuq uqun kana ka dxeral. Ani Micrayim ma dxeral Kenaan we gaga sgliqan krayan nii kana. 14Yosehu we psliun na kana ka pila dxeral Micrayim ma Kenaan. Kiya ka pila pneyah daha maruy uqun. Pila kiya we desun na nniqan Paroh hiya. 15Wada mhedu smeeliq pila daha ka dxeral Micrayim ma Kenaan de, meyah Yosehu hiya ka seediq Micrayim, rmengo: “Uka kana ka pila miyan da. Braho su biqi nami uqun! Ma miyan mphuqil berah su da ho?” 16Rmengo ka Yosehu: “Nasi namu wada qhdeun dmoi ka pila namu de desi tnbugan namu ma brigi kenan. Kiya de pryuxi uqun bbege mu yamu ka tnbugan namu.” 17Kiya de madis tnbugan betaq Yosehu hiya ka dheya. Yosehu we asi na pryuxi uqun ka dapa dmay, miric, dapa ma, dapa roba. Knkawas ciida ka dheya we tnbugan ka sriyux na uqun ma pkuudus dheya. 18Wada ka 1 knkawas, tg2 knkawas de meyah berah Yosehu dungal ka dheya. Rmengo heya: “Pusu qbsuran mu, ini nami qberiq. Wada miyan qhdeun dmoi kana ka pila miyan ma, wada miyan sbege sunan kana ka tnbugan miyan uri da. Meniq nami pusu qbsuran mu we wano nanak heyi ma dxeral nami de uka ani maanu da. 19Mtduwa su maanu qmita yami mphuqil ma liixun kana ka dxeral da peni? Braho su pryuxi miyan uqun ka yami ma dxeral nami, kiya de yami ma dxeral nami de maha nami qmeepah Paroh. Biqi nami rehak ka yami, so nami maha muudus uxe mphuqil, dxeral nami uri we uxe maha mmaku nlixan.”
20Kiya de, Yosehu ge, pririh Paroh wada na brigun kana ka dxeral Micrayim. Ado krayan ciida, dseediq Micrayim we wada daha sbaruy kana ka dxeral daha ma nParo kana ka dxeral daha da. 21Quri so dseediq de, kana dseediq peeyah hini betaq ssiyo dxeral Micrayim we gisu ngalun tnqliyan kana ka dheya. 22Wano dxeral dmsapuh we ini ba brigi Yosehu. Ado maangal peeyah bnege Paroh ka dheya. Nii ka skuudus daha, kiya ka ini daha brigi ka dxeral daha.
23Rmengo seediq ka Yosehu: “Tai, ririh Paroh saya we wada mu brigun ka yamu ma dxeral namu. Tai, sbege mu yamu ka rehak nii, tduwa namu mosa rmehak dxeral. 24Bobo kmetuy namu de bqani Paroh ka 1 mtg5 nangal namu. Msngari na 4 de tduwa namu ngalun rehak ddxeral namu ma, uuqun namu ma kana tnsapah namu.” 25Rmengo ka dheya: “Isu ka wada pkuudus knuudus nami. Tai so maangal nami huwe meniq berah pusu qbsuran mu ka yami. Mpsruwa nami mptnqliyan Paroh ka yami.” 26Kiya de, Yosehu ge, smalu gaya quri dxeral Micrayim betaq saya ka heya. Kiya ka 1 mtg5 nangal we asi ka sbege Paroh. Wano dxeral dmpsapuh we uxe nParo kiya.
Qhdean Dnurun Yakobu
27Meniq dxeral Gosen Micrayim hiya ka dseediq Israel. Dheya we maangal peeyah hiya ka dnoi daha ma, mrana ba ka kneegu daha uri. 28Meniq dxeral Micrayim hiya ka Yosehu we 17 knkawas. Kana knuudus Yakobu we betaq 1'47 knkawas. 29Daling ka hhqilan Israel da. Kiya de mlawa laqi na Yosehu ka heya. Rmengo heya: “Netun ku mangal huwe berah su de, posa toma bteriq mu ka baga su. Pdai huwe ma bale ba psdehu yaku. Iya ku hiya skui peeniq Micrayim hini. 30Mntheyaq ku mtaqi ddrudan mu ciida de, asi su ka desun peeyah Micrayim smeku gaga skuwan ddrudan mu hiya.” Rmengo ka Yosehu: “Ida ku mpuyu kari dnurun su moda.” 31Rmengo ka Yakobu: “Psquri yaku smdehu!” Kiya de Yosehu ge, mqquri heya smdehu ka heya da. Kiya de thmuku Utux Baro meniq tunux qlapo hiya ka Israel.
Currently Selected:
Smnlean 47: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Smnlean 47
47
1Mosa rmengo Paroh ka Yosehu: “Mnadis miric ma dapa ma kana dnoi daha ka tama mu ma dmtswai mu pneeyah Kenaan da. Tai! Gaga meniq dxeral Gosen ka dheya.” 2Gmao 5 heyi ckceka mtswai na, ddulun na mosa berah Paroh ka dheya. 3Smiling dmtswai Yosehu ka Paroh: “Maanu ka qpahun namu ho?” Rmengo Paroh ka dheya: “Tnqliyan su we tnabu nami miric. Yami ma ddrudan nami we ida so kiya kana.” 4Rmengo Paroh dungal ka dheya: “Sgcuqi ba daan krayan ka dxeral Kenaan, kiya de uka speriq uqun daha ka miric tnqliyan su. Saya de, braho su bale srwai tnqliyan su peeniq nami dxeral Gosen.” 5Rmengo Yosehu ka Paroh: “Gisu hini ka tama su ma dmtswai su da. 6Gaga meniq berah su ka dxeral Micrayim. Pniqi dxeral malu ka tama su ma dmtswai su. Tduwa meniq dxeral Gosen ka dheya. Nasi su klaun niqan knkela daha ka ckceka namu uri we, skgule ka dheya meyah qmlahang tnbugan mu.”
7Yosehu ge, desun na ka tama na, phyegun na berah Paroh. Yakobu de smbleyaq Paroh. 8Rmengo Yakobu ka Paroh: “Piya knkawas su da ho?” 9Rmengo Paroh ka Yakobu: “Nniqan mu tnooda bobo dxeral we 1'30 knkawas. Knkawas mu nii we llebu ba ma mqraqil riyung. Ini hrinas knkawas ddrudan mu.” 10Yakobu we smbleyaq Paroh dungal. Kiya de mlatac berah Paroh mosa nganguc da.
11Mhedu pgbleyaq peeniq tama na ma dmtswai na ka Yosehu de, muyu kari pnosa Paroh, sbege na dheya ka dxeral Rameses, kiya ka malu bale dxeral qlhangan Micrayim. 12Yosehu we mege uqun tama na ma dmtswai na ma, kana seediq tnsapah. Spooda na so knhbragan daha mege dheya.
Krayan Riyung
13Sgcuqi bale ka krayan de, msetuq uqun kana ka dxeral. Ani Micrayim ma dxeral Kenaan we gaga sgliqan krayan nii kana. 14Yosehu we psliun na kana ka pila dxeral Micrayim ma Kenaan. Kiya ka pila pneyah daha maruy uqun. Pila kiya we desun na nniqan Paroh hiya. 15Wada mhedu smeeliq pila daha ka dxeral Micrayim ma Kenaan de, meyah Yosehu hiya ka seediq Micrayim, rmengo: “Uka kana ka pila miyan da. Braho su biqi nami uqun! Ma miyan mphuqil berah su da ho?” 16Rmengo ka Yosehu: “Nasi namu wada qhdeun dmoi ka pila namu de desi tnbugan namu ma brigi kenan. Kiya de pryuxi uqun bbege mu yamu ka tnbugan namu.” 17Kiya de madis tnbugan betaq Yosehu hiya ka dheya. Yosehu we asi na pryuxi uqun ka dapa dmay, miric, dapa ma, dapa roba. Knkawas ciida ka dheya we tnbugan ka sriyux na uqun ma pkuudus dheya. 18Wada ka 1 knkawas, tg2 knkawas de meyah berah Yosehu dungal ka dheya. Rmengo heya: “Pusu qbsuran mu, ini nami qberiq. Wada miyan qhdeun dmoi kana ka pila miyan ma, wada miyan sbege sunan kana ka tnbugan miyan uri da. Meniq nami pusu qbsuran mu we wano nanak heyi ma dxeral nami de uka ani maanu da. 19Mtduwa su maanu qmita yami mphuqil ma liixun kana ka dxeral da peni? Braho su pryuxi miyan uqun ka yami ma dxeral nami, kiya de yami ma dxeral nami de maha nami qmeepah Paroh. Biqi nami rehak ka yami, so nami maha muudus uxe mphuqil, dxeral nami uri we uxe maha mmaku nlixan.”
20Kiya de, Yosehu ge, pririh Paroh wada na brigun kana ka dxeral Micrayim. Ado krayan ciida, dseediq Micrayim we wada daha sbaruy kana ka dxeral daha ma nParo kana ka dxeral daha da. 21Quri so dseediq de, kana dseediq peeyah hini betaq ssiyo dxeral Micrayim we gisu ngalun tnqliyan kana ka dheya. 22Wano dxeral dmsapuh we ini ba brigi Yosehu. Ado maangal peeyah bnege Paroh ka dheya. Nii ka skuudus daha, kiya ka ini daha brigi ka dxeral daha.
23Rmengo seediq ka Yosehu: “Tai, ririh Paroh saya we wada mu brigun ka yamu ma dxeral namu. Tai, sbege mu yamu ka rehak nii, tduwa namu mosa rmehak dxeral. 24Bobo kmetuy namu de bqani Paroh ka 1 mtg5 nangal namu. Msngari na 4 de tduwa namu ngalun rehak ddxeral namu ma, uuqun namu ma kana tnsapah namu.” 25Rmengo ka dheya: “Isu ka wada pkuudus knuudus nami. Tai so maangal nami huwe meniq berah pusu qbsuran mu ka yami. Mpsruwa nami mptnqliyan Paroh ka yami.” 26Kiya de, Yosehu ge, smalu gaya quri dxeral Micrayim betaq saya ka heya. Kiya ka 1 mtg5 nangal we asi ka sbege Paroh. Wano dxeral dmpsapuh we uxe nParo kiya.
Qhdean Dnurun Yakobu
27Meniq dxeral Gosen Micrayim hiya ka dseediq Israel. Dheya we maangal peeyah hiya ka dnoi daha ma, mrana ba ka kneegu daha uri. 28Meniq dxeral Micrayim hiya ka Yosehu we 17 knkawas. Kana knuudus Yakobu we betaq 1'47 knkawas. 29Daling ka hhqilan Israel da. Kiya de mlawa laqi na Yosehu ka heya. Rmengo heya: “Netun ku mangal huwe berah su de, posa toma bteriq mu ka baga su. Pdai huwe ma bale ba psdehu yaku. Iya ku hiya skui peeniq Micrayim hini. 30Mntheyaq ku mtaqi ddrudan mu ciida de, asi su ka desun peeyah Micrayim smeku gaga skuwan ddrudan mu hiya.” Rmengo ka Yosehu: “Ida ku mpuyu kari dnurun su moda.” 31Rmengo ka Yakobu: “Psquri yaku smdehu!” Kiya de Yosehu ge, mqquri heya smdehu ka heya da. Kiya de thmuku Utux Baro meniq tunux qlapo hiya ka Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020