Ruka 5
5
Plaale Gmao Tnugsaan Na ka Yesu
(Mat 4:18-22. Mrk 1:16-20)
1Mheyu ssiyo rcilung Gennesaret ka Yesu ciida, mqqheruy tmbenu heya ka hbaro ba seediq qqbahang daha kari Utux Baro. 2Taan na ga ssiyo rcilung hiya ka 2 asu. Seediq mptqcurux we tena mlatac peeyah asu ma ga smino kadi daha. 3NSimon ka 1 asu, mosa baro asu ka Yesu ma rmengo heya oosa na tikuh thngali. Kiya de tleung ma peeyah ckceka asu tmgesa hbaro ba seediq. 4Mnhedu rmengo de rngagan na ka Simon: “Osa quri tgtruma hari qsiya ka asu ma posa hiya ka kadi aangal namu qcurux.” 5Rmengo ka Simon: “Mptgesa, wada nami mgseme knkmanan ma ini nami angal ani maanu. Kiya de ado so nii ka kari su de psaun mu ka kadi.” 6Wada posa kadi ka dheya. Kiya de tdiyalun egu bale qcurux ma huwa ksgaliq ka kadi daha. 7Kiya de tosun daha mlawa ka gexal daha ga meniq asu hiya meeyah dmayo dheya. Meyah ka dheya ma stenge daha qcurux ka 2 asu betaq so psqrebu. 8Taan Simon Petros ka nii de asi tmbqelic berah Yesu ma rmengo: “Bukung! Latac peeyah kenan, seediq ku niqan qnquwan noda ka yaku!” 9Mskluwi bale so nii egu qcurux nangal daha ka Petros ma kana seediq ga msuupu hiya. 10So kiya ka mskluwi ka Yakobu ma Yohane laqi Cebeday bais Simon. Kiya de rngagan Yesu ka Simon: “Iya kiicu! Mpkadi su seediq ka peeyah saya da.” 11Kiya de desun daha ssiyo ka 2 asu daha de htiyan daha malix ka kana ani maanu ma smnegul Yesu.
Pkmalu Msburo Heyi Seediq
(Mat 8:1-4. Mrk 1:40-45)
12Mntexal meniq 1 alang ka Yesu, niqan ka 1 seediq msburo kana heyi na. Mita Yesu ka heya de asi tgtemaq dxeral ma rmengo heya: “Bukung! Nasi su smruwa, mptduwa su pkuuka buro heyi mu da.” 13Hmkero baga na tmelung heya ka Yesu ma rmengo: “Smruwa ku, kuuka ka buro heyi su da!” Kiya de asi pkaangal peeyah heyi na ka buro heyi da. 14Mdakar rmengo heya ka Yesu: “Iya ba rngaani seediq ani ima. Wano osa pqita msapuh ma pygaani gaya Moseh saani smapuh ppgkela seediq wada sbrahun ka heyi su da.” 15Kiya de krinah mkgarang ka ngayan Yesu. Meyah msseli mbahang kari ka hbaro bale seediq. Kiya we kmpkmalu mnarux daha uri. 16Kiya de wada mbrinah tadus brenux ka Yesu ma dmurun hiya.
Pklmeun Ka Ini Pklgelu Heyi
(Mat 9:1-8. Mrk 2:1-12)
171 ali ciida, tmgesa ka Yesu we ga tleung ssiyo hiya ka duma seediq Parisay ma duma dmptgesa gaya pndakar. Dheya we pneyah kana alang Galil, Yudaya ma pneyah Yerusalem. Ga msuupu Yesu ka beyax Bukung ppkmalu na mnarux. 18Ciida, spapa desun duma seediq ka ga mtaqi tqiyan ka ga mnarux ini pklgelu heyi. Dheya we kmpsaun daha berah Yesu ka heya. 19Ado hbaro ka seediq, kiya we ini sdiyal elu ooda daha mheal mremux. Kiya du mosa dnamux ma ida kiya tqiyan na psdooyun daha ptuting berah Yesu peeyah cenga dnamux ka mnarux. 20Mita snhiyan daha ka Yesu de rmengo seediq ini klgelu heyi: “Dangi, wada srwaun ka qnquwan su da.” 21Kiya de mssiling mpprengo ka seediq Parisay ma dmptpatis: “Seediq ima ka nii betaq rmengo kari smngayan Utux Baro ho? Wano ba Utux Baro ima ka mtduwa smruwa qnquwan peni?” 22Ga daha prngagun we klaun Yesu de cmiyuk rmengo dheya: “Hmuwa, ma namu mssiling ckceka lhebun namu ho? 23Ani rmengo so ‘wada srwaun ka qnquwan su da.’ Uxe uri we rmengo: ‘Isu we tutuy ma kkesa.’ Tgiinu ka msleexan na ho? 24Kiya de so pgkela yamu, niqan pusu beyax ssruwa na qnquwan bobo dxeral ka Laqi seediq.” Kiya de rmengo seediq mnarux ini pklgelu heyi: “Rngage su mu. Tutuy! Aangal tqiyan su ma osa sapah su!” 25Kiya de asi tutuy berah hbaro seediq ka heya ma maangal tnqiyan na ma tndahu Utux Baro mosa sapah na da. 26Mskluwi ka hbaro seediq duma tmdahu Utux Baro ma miicu bale da. Rmengo: “Ali saya qmnita ta sklwiun ooda di.”
Mlawa Lewiy ka Yesu
(Mat 9:9-13. Mrk 2:13-17)
27Bobo na nii de mlatac ka Yesu, taan na ga tleung ngalan pila nqbsuran hiya ka Lewiy. Kiya de rmengo heya: “Snegul kenan!” 28Kiya de htiyan na malix ka kana ani maanu, mtutuy ma smnegul Yesu. 29Kiya de Lewiy we pure uqun mqaras sapah na hiya qqdiyal na Yesu ma hbaro ba mangal pila nqbsuran ma hbaro ba duma seediq msuupu dheya tleung mekan hiya. 30Seediq Parisay ma dmptpatis we smnetur quri tnugsaan Yesu: “Ma namu msuupu mekan ma mimah dseediq maangal pila nqbsuran ma seediq niqan qnquwan noda ho?” 31Cmiyuk rmengo dheya ka Yesu: “Mbeyax heyi na ka seediq we ini ging ising, wano mnarux seediq ka asi ka puising. 32Uxe ku meyah mlawa msderux ooda seediq ka yaku, seediq niqan qnquwan noda ka splawa mu.”
Gaya Ptgaya Ini Ekan
(Mat 9:14-17. Mrk 2:18-22)
33Rmengo Yesu ka dheya: “Tnugsaan Yohane we mneegu ptgaya ini ekan ka dheya. So nii uri ka tnugsaan seediq Parisay. Kiya de tnugsaan su we mekan ma mimah ka dheya.” 34Rmengo dheya ka Yesu: “Msuupu riso pstrengun ciida han we mtduwa ptgaya ini ekan ka ddangi riso pstrengun peni? 35Mpdehuk ka ali, mplatac dheya ka riso pstrengun. Ali ciida kesa ptgaya uxe mekan ka dheya.”
36Rmengo 1 pnungalan kari dheya dungal ka Yesu: “Uka ani ima ka scapang na cmucac lukus ka snegliqan na bgurah lukus. Nasi mchaya de sgliqun na ka bgurah lukus ma ini mnuglengu cmucac ka cnapang nangal na peeyah bgurah. 37Ani ima uri we ini na psai cmucac lubuy qraqil ka bgurah sino. Nasi mchaya de prequn bgurah sino ka lubuy qraqil duma mpqcuwaq ka sino ma msgaliq ka lubuy qraqil. 38Asi ka psaun bgurah lubuy qraqil ka bgurah sino. 39Uka ka seediq bobo mnimah bsiyaq snmalu sino de mkmimah bgurah sino dungal. Ida mprengo, malu ka bsiyaq snmalu sino.”
Currently Selected:
Ruka 5: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Ruka 5
5
Plaale Gmao Tnugsaan Na ka Yesu
(Mat 4:18-22. Mrk 1:16-20)
1Mheyu ssiyo rcilung Gennesaret ka Yesu ciida, mqqheruy tmbenu heya ka hbaro ba seediq qqbahang daha kari Utux Baro. 2Taan na ga ssiyo rcilung hiya ka 2 asu. Seediq mptqcurux we tena mlatac peeyah asu ma ga smino kadi daha. 3NSimon ka 1 asu, mosa baro asu ka Yesu ma rmengo heya oosa na tikuh thngali. Kiya de tleung ma peeyah ckceka asu tmgesa hbaro ba seediq. 4Mnhedu rmengo de rngagan na ka Simon: “Osa quri tgtruma hari qsiya ka asu ma posa hiya ka kadi aangal namu qcurux.” 5Rmengo ka Simon: “Mptgesa, wada nami mgseme knkmanan ma ini nami angal ani maanu. Kiya de ado so nii ka kari su de psaun mu ka kadi.” 6Wada posa kadi ka dheya. Kiya de tdiyalun egu bale qcurux ma huwa ksgaliq ka kadi daha. 7Kiya de tosun daha mlawa ka gexal daha ga meniq asu hiya meeyah dmayo dheya. Meyah ka dheya ma stenge daha qcurux ka 2 asu betaq so psqrebu. 8Taan Simon Petros ka nii de asi tmbqelic berah Yesu ma rmengo: “Bukung! Latac peeyah kenan, seediq ku niqan qnquwan noda ka yaku!” 9Mskluwi bale so nii egu qcurux nangal daha ka Petros ma kana seediq ga msuupu hiya. 10So kiya ka mskluwi ka Yakobu ma Yohane laqi Cebeday bais Simon. Kiya de rngagan Yesu ka Simon: “Iya kiicu! Mpkadi su seediq ka peeyah saya da.” 11Kiya de desun daha ssiyo ka 2 asu daha de htiyan daha malix ka kana ani maanu ma smnegul Yesu.
Pkmalu Msburo Heyi Seediq
(Mat 8:1-4. Mrk 1:40-45)
12Mntexal meniq 1 alang ka Yesu, niqan ka 1 seediq msburo kana heyi na. Mita Yesu ka heya de asi tgtemaq dxeral ma rmengo heya: “Bukung! Nasi su smruwa, mptduwa su pkuuka buro heyi mu da.” 13Hmkero baga na tmelung heya ka Yesu ma rmengo: “Smruwa ku, kuuka ka buro heyi su da!” Kiya de asi pkaangal peeyah heyi na ka buro heyi da. 14Mdakar rmengo heya ka Yesu: “Iya ba rngaani seediq ani ima. Wano osa pqita msapuh ma pygaani gaya Moseh saani smapuh ppgkela seediq wada sbrahun ka heyi su da.” 15Kiya de krinah mkgarang ka ngayan Yesu. Meyah msseli mbahang kari ka hbaro bale seediq. Kiya we kmpkmalu mnarux daha uri. 16Kiya de wada mbrinah tadus brenux ka Yesu ma dmurun hiya.
Pklmeun Ka Ini Pklgelu Heyi
(Mat 9:1-8. Mrk 2:1-12)
171 ali ciida, tmgesa ka Yesu we ga tleung ssiyo hiya ka duma seediq Parisay ma duma dmptgesa gaya pndakar. Dheya we pneyah kana alang Galil, Yudaya ma pneyah Yerusalem. Ga msuupu Yesu ka beyax Bukung ppkmalu na mnarux. 18Ciida, spapa desun duma seediq ka ga mtaqi tqiyan ka ga mnarux ini pklgelu heyi. Dheya we kmpsaun daha berah Yesu ka heya. 19Ado hbaro ka seediq, kiya we ini sdiyal elu ooda daha mheal mremux. Kiya du mosa dnamux ma ida kiya tqiyan na psdooyun daha ptuting berah Yesu peeyah cenga dnamux ka mnarux. 20Mita snhiyan daha ka Yesu de rmengo seediq ini klgelu heyi: “Dangi, wada srwaun ka qnquwan su da.” 21Kiya de mssiling mpprengo ka seediq Parisay ma dmptpatis: “Seediq ima ka nii betaq rmengo kari smngayan Utux Baro ho? Wano ba Utux Baro ima ka mtduwa smruwa qnquwan peni?” 22Ga daha prngagun we klaun Yesu de cmiyuk rmengo dheya: “Hmuwa, ma namu mssiling ckceka lhebun namu ho? 23Ani rmengo so ‘wada srwaun ka qnquwan su da.’ Uxe uri we rmengo: ‘Isu we tutuy ma kkesa.’ Tgiinu ka msleexan na ho? 24Kiya de so pgkela yamu, niqan pusu beyax ssruwa na qnquwan bobo dxeral ka Laqi seediq.” Kiya de rmengo seediq mnarux ini pklgelu heyi: “Rngage su mu. Tutuy! Aangal tqiyan su ma osa sapah su!” 25Kiya de asi tutuy berah hbaro seediq ka heya ma maangal tnqiyan na ma tndahu Utux Baro mosa sapah na da. 26Mskluwi ka hbaro seediq duma tmdahu Utux Baro ma miicu bale da. Rmengo: “Ali saya qmnita ta sklwiun ooda di.”
Mlawa Lewiy ka Yesu
(Mat 9:9-13. Mrk 2:13-17)
27Bobo na nii de mlatac ka Yesu, taan na ga tleung ngalan pila nqbsuran hiya ka Lewiy. Kiya de rmengo heya: “Snegul kenan!” 28Kiya de htiyan na malix ka kana ani maanu, mtutuy ma smnegul Yesu. 29Kiya de Lewiy we pure uqun mqaras sapah na hiya qqdiyal na Yesu ma hbaro ba mangal pila nqbsuran ma hbaro ba duma seediq msuupu dheya tleung mekan hiya. 30Seediq Parisay ma dmptpatis we smnetur quri tnugsaan Yesu: “Ma namu msuupu mekan ma mimah dseediq maangal pila nqbsuran ma seediq niqan qnquwan noda ho?” 31Cmiyuk rmengo dheya ka Yesu: “Mbeyax heyi na ka seediq we ini ging ising, wano mnarux seediq ka asi ka puising. 32Uxe ku meyah mlawa msderux ooda seediq ka yaku, seediq niqan qnquwan noda ka splawa mu.”
Gaya Ptgaya Ini Ekan
(Mat 9:14-17. Mrk 2:18-22)
33Rmengo Yesu ka dheya: “Tnugsaan Yohane we mneegu ptgaya ini ekan ka dheya. So nii uri ka tnugsaan seediq Parisay. Kiya de tnugsaan su we mekan ma mimah ka dheya.” 34Rmengo dheya ka Yesu: “Msuupu riso pstrengun ciida han we mtduwa ptgaya ini ekan ka ddangi riso pstrengun peni? 35Mpdehuk ka ali, mplatac dheya ka riso pstrengun. Ali ciida kesa ptgaya uxe mekan ka dheya.”
36Rmengo 1 pnungalan kari dheya dungal ka Yesu: “Uka ani ima ka scapang na cmucac lukus ka snegliqan na bgurah lukus. Nasi mchaya de sgliqun na ka bgurah lukus ma ini mnuglengu cmucac ka cnapang nangal na peeyah bgurah. 37Ani ima uri we ini na psai cmucac lubuy qraqil ka bgurah sino. Nasi mchaya de prequn bgurah sino ka lubuy qraqil duma mpqcuwaq ka sino ma msgaliq ka lubuy qraqil. 38Asi ka psaun bgurah lubuy qraqil ka bgurah sino. 39Uka ka seediq bobo mnimah bsiyaq snmalu sino de mkmimah bgurah sino dungal. Ida mprengo, malu ka bsiyaq snmalu sino.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020