Ruka 7
7
Pkmalu Tnqliyan Qbsuran Supi Ruma
(Mat 8:5-13)
1Mnhedu rmengo seediq kana kari na nii ka Yesu de mremux Kaparnaom. 2Niqan 1 tnqliyan qbsuran 1'00 supi Ruma gaga mnarux ma uxe beyo huqil. 3Wada mbahang noda Yesu ka heya, kiya de skgulan na Yesu hiya ka drudan mpqlahang seediq Yudaya so meyah mesa pkmalu tnqliyan na. 4Meyah Yesu hiya ka dheya de asi so uuriq mesa heya: “Mnuglengu ba heya ka meepah su so nii. 5Ado sgaalu na ka duita ma wada nami na smlean hiya ka sapah pssliyan nami.” 6Kiya de msuupu dheya mosa ka Yesu. Smdaling sapah na ciida de smkagul dadal na ka qbsuran 1'00 supi ma mosa rmengo Yesu: “Bukung! Iya so smuuwic. Ado ini ku pnlengu yahan su sapah mu. 7Ini ku pnlengu mosa mita sunan mesa ku. Wano 1 ba kari su de mpkmalu ka tnqliyan mu da. 8Ado nii ku qnlhangan toma pusu beyax ka yaku, gaga toma mu uri we niqan dungal ka supi: ‘Osa’, ida asi ka mosa. Rmengo ku heya: ‘Aguh’, ida meyah ka heya. Rmengo ku tnqliyan mu dhenu: ‘Qpahi ka nii’, ida maha qmeepah ka heya.” 9Mbahang so kari nii ka Yesu de mskluwi ma mspgeriq mquri bukuy ma rngagan na ka hbaro seediq ga smnegul heya: “Rngage maku, so nii knparu snhiyan we ani ckceka Israel, uxe mu ba ntaan.” 10Mosa sapah ka seediq snkgulan na de taan daha tena nii malu ka tnqliyan na da.
Pkuudus Laqi Mqedil Mqrinuc
11Bobo na hiya ini qbsiyaq, mosa 1 alang ngayan na we Nain ka Yesu. Msuupu heya mosa ka tnugsaan na ma hbaro bale seediq. 12Smdaling rhengun alang, niqan ka 1 seediq mnhuqil gisu spheal pneyah alang. Seediq nii we wano heya ka laqi bubu na. Bubu na we mqedil mqrinuc uri. Ga msuupu bubu na mosa smeku ka hbaro bale seediq pneyah alang hiya. 13Taan Bukung ka mqedil mqrinuc nii de sgaalu na bale. Kiya de rmengo heya: “Iya lingis!” 14Kiya de meyah berah tmelung kulu, asi heyu ka mpheal na da. Rmengo ka Yesu: “Riso, rngage su mu, tutuy!” 15Kiya de tleung ka seediq mnhuqil ma prading rmengo uri. Kiya de Yesu we sbege na bubu na ka heya da. 16Mkluwi ba kana seediq ma tmdahu Utux Baro, rmengo: “Nii mtutuy ckceka ta ita hini ka paru ba mpgeela kari da!” Rmengo dungal: “Wada qmlahang bale seediq na ka Utux Baro!” 17Noda quri Yesu nii we wada mkgarang kana Yudaya ma kana dxeral mtqiri hiya.
Snkgulan Yohane Mptgaya Smino
(Mat 11:2-19)
18Tnugsaan Yohane we ssneeru daha Yohane ka kana so nii. Kiya de Yohane we tosun na mlawa ka 2 tnugsaan na ma, 19skgulan na psiling Bukung hiya: “Isu ka mmeyah na kiya ho? Uxe uri we mtara nami 1 seediq dungal ho?” 20Meyah Yesu hiya ka 2 seediq nii ma rmengo: “Skgulan nami Yohane mptgaya smino meyah nami smiling sunan: ‘Isu ka mmeyah na ho? Uxe uri we mtara nami 1 seediq dungal ho?’” 21Ciida pklmeun na ka hbaro ba mnarux ma narux mgeegul ma ga sdooyan bgihur naqah na. Dungal we pqtaun na ka hbaro ba mbudu uri. 22Cmiyuk rmengo dheya ka Yesu: “Saani smneru Yohane ka qntaan namu ma bnhangan namu. Kiya ka wada qmita ka mbudu, mkkesa ka mrikic, msbgurah heyi ka msburo heyi, mbahang ka mrbuni, pkdusun ka wada mhuqil ma grangan malu kari ka seediq qrinuc. 23Ani ima ririh yaku ini ktakur we niqan mbleyaq.”
24Wada ka snkgulan Yohane da. Rmengo hbaro ba seediq quri Yohane ka Yesu: “Mosa namu mita maanu tadus brenux cbeyo ho? Mita namu slgelu bgihur ka brhengil ho? 25Maanu ba ka nsaan namu mita ho? Ye seediq mlukus malu lukus ho? Tai! Ga meniq sapah qbsuran paru ka seediq mlukus malu lukus. 26So kiya de maanu ba ka nsaan namu mita ho? Qmita namu mpgeela kari ho? Rngage maku, bale ba, heya ge mgkala mpgeela kari ka heya. 27Heya ge kiya ka seediq gaga spatis Patis:
‘Tai, Mpskagul ku snkgulan mu mptgeela berah su.
Meeniq berah su mpsramal elu.’
28Bale ba rngage maku, so ka mntuting ckceka mqedil we uka ka mgkala Yohane knpruwan na. Ani so kiya, so ka tgbiciq bale ga Qnlhangan Baro hiya we mgkala heya knparu. 29Mnoda ptgaya psino Yohane ma mnbahang kari na nii ka kana seediq ma seediq maangal pila nqbsuran de ngalan daha msderux nooda ka Utux Baro. 30Ini ooda ptgaya psino ka seediq Parisay ma dmptpatis we ado dheya nanak wada maalix lnglungan Utux Baro.
31Rmengo dungal ka Bukung: So kiya de pntnaun mu so maanu ka seediq mknexal saya ho? Mntena maanu ka dheya ho? 32Dheya we mntena so lqlaqi tleung bbrigan ma mpplawa:
‘Ani nami miyuk yupan yamu we ini namu keeki.
Ani miyan muyas mbasi we ini namu lingis.’
33Meyah ka Yohane mptgaya smino we ini ekan paang ma ini imah sino. Ga sdooyan bgihur naqah ka heya, mesa namu. 34Meyah ka Laqi seediq we mekan ma mimah. Mppsnekan ma mptsino, dadal maangal pila nqbsuran ma dadal seediq niqan qnquwan noda, kesun namu. 35Kiya de niqan knkela we ida pnkela kana seediq niqan knkela.”
Wada Srwaan ka Mqedil Niqan Qnquwan
36Niqan 1 Parisay mlawa Yesu theyaq heya mekan hnpure. Kiya de mosa mremux sapah na ka Yesu ma tleung mekan hiya. 37Ga meeniq alang hiya ka 1 mqedil, heya we seediq niqan qnquwan noda. Klaun na ga tleung mekan sapah Parisay ka Yesu de desun na ka rusuq snmalu malu btunux ga psaan abura malu sknexan. 38Mheyu bukuy Yesu smdaling papak na ma lmingis. Sghuriq na papak na ka rusuq doriq na ma sresan na snuunux na. Kiya de ttnguhan na ka papak na ma rcuhan na abura malu sknexan. 39Mita so nii ka Parisay peekan hnpure de, rmengo ka lnglungan na: “Nasi mpgeela kari ka seediq nii we ida maha mkela tmnelung heya we ima ka heya? Mqedil maanu ka heya? Ado seediq niqan qnquwan noda ka heya.” 40Cmiyuk rmengo heya ka Yesu: “Simon, niqan kari rrengo mu sunan.” Cmiyuk ka heya: “Mptgesa, rengo ho?” 41Rmengo ka Yesu: “1 seediq kbrexan pila we 2 ka kmbarux pila na. 1 seediq we 5'00 hbangan ging knbrexan na, 1 seediq we 50 hbangan ging knbrexan na. 42Ado uka pila ppririh daha ma wada na srwaan ka 2 seediq nii da. Maanu so kiya de ima daha ka rmabang gmaalu heya ho?” 43Cmiyuk rmengo heya ka Simon: “Ida ba yaa quri seediq egu snrwaan na.” Rmengo heya ka Yesu: “Bale ka pnsgeegan su.” 44Kiya de mspgeriq quri mqedil kiya ma rngagan na ka Simon: “Taan su ka mqedil nii ho? Mremux ku sapah su we ini saku biqi qsiya ttrima papak. Kiya de heya we rusuq doriq na ka sghuriq na papak mu ma sresan na snuunux na. 45Isu we ini su tunguh kenan. Kiya de mqedil nii we peeyah ku mremux ciida, ini psetuq tmunguh papak mu. 46Isu we ini su ricuh abura tunux mu. Kiya de mqedil nii we abura malu sknexan ka sricuh na papak mu. 47Maanu so kiya de rngage su mu. Wada srwaan kana ka qnquwan na da. Ado egu ka gnaalu na han. Kiya de uxe egu qnnaqah na ka wada srwaan we uxe egu ka gnaalu na uri.” 48Kiya de rngagan na ka mqedil kiya: “Ga srwaan ka qnquwan su da.” 49Rmengo lhebun daha ka dseediq msuupu tleung mekan hiya: “Ima ka seediq nii, dehuk smruwa qnquwan seediq ho?” 50Rmengo mqedil nii ka Yesu: “Wada pkuudus sunan ka snhiyan su da. Psbale lhebun su mosa!”
Currently Selected:
Ruka 7: Stgdaya
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Ruka 7
7
Pkmalu Tnqliyan Qbsuran Supi Ruma
(Mat 8:5-13)
1Mnhedu rmengo seediq kana kari na nii ka Yesu de mremux Kaparnaom. 2Niqan 1 tnqliyan qbsuran 1'00 supi Ruma gaga mnarux ma uxe beyo huqil. 3Wada mbahang noda Yesu ka heya, kiya de skgulan na Yesu hiya ka drudan mpqlahang seediq Yudaya so meyah mesa pkmalu tnqliyan na. 4Meyah Yesu hiya ka dheya de asi so uuriq mesa heya: “Mnuglengu ba heya ka meepah su so nii. 5Ado sgaalu na ka duita ma wada nami na smlean hiya ka sapah pssliyan nami.” 6Kiya de msuupu dheya mosa ka Yesu. Smdaling sapah na ciida de smkagul dadal na ka qbsuran 1'00 supi ma mosa rmengo Yesu: “Bukung! Iya so smuuwic. Ado ini ku pnlengu yahan su sapah mu. 7Ini ku pnlengu mosa mita sunan mesa ku. Wano 1 ba kari su de mpkmalu ka tnqliyan mu da. 8Ado nii ku qnlhangan toma pusu beyax ka yaku, gaga toma mu uri we niqan dungal ka supi: ‘Osa’, ida asi ka mosa. Rmengo ku heya: ‘Aguh’, ida meyah ka heya. Rmengo ku tnqliyan mu dhenu: ‘Qpahi ka nii’, ida maha qmeepah ka heya.” 9Mbahang so kari nii ka Yesu de mskluwi ma mspgeriq mquri bukuy ma rngagan na ka hbaro seediq ga smnegul heya: “Rngage maku, so nii knparu snhiyan we ani ckceka Israel, uxe mu ba ntaan.” 10Mosa sapah ka seediq snkgulan na de taan daha tena nii malu ka tnqliyan na da.
Pkuudus Laqi Mqedil Mqrinuc
11Bobo na hiya ini qbsiyaq, mosa 1 alang ngayan na we Nain ka Yesu. Msuupu heya mosa ka tnugsaan na ma hbaro bale seediq. 12Smdaling rhengun alang, niqan ka 1 seediq mnhuqil gisu spheal pneyah alang. Seediq nii we wano heya ka laqi bubu na. Bubu na we mqedil mqrinuc uri. Ga msuupu bubu na mosa smeku ka hbaro bale seediq pneyah alang hiya. 13Taan Bukung ka mqedil mqrinuc nii de sgaalu na bale. Kiya de rmengo heya: “Iya lingis!” 14Kiya de meyah berah tmelung kulu, asi heyu ka mpheal na da. Rmengo ka Yesu: “Riso, rngage su mu, tutuy!” 15Kiya de tleung ka seediq mnhuqil ma prading rmengo uri. Kiya de Yesu we sbege na bubu na ka heya da. 16Mkluwi ba kana seediq ma tmdahu Utux Baro, rmengo: “Nii mtutuy ckceka ta ita hini ka paru ba mpgeela kari da!” Rmengo dungal: “Wada qmlahang bale seediq na ka Utux Baro!” 17Noda quri Yesu nii we wada mkgarang kana Yudaya ma kana dxeral mtqiri hiya.
Snkgulan Yohane Mptgaya Smino
(Mat 11:2-19)
18Tnugsaan Yohane we ssneeru daha Yohane ka kana so nii. Kiya de Yohane we tosun na mlawa ka 2 tnugsaan na ma, 19skgulan na psiling Bukung hiya: “Isu ka mmeyah na kiya ho? Uxe uri we mtara nami 1 seediq dungal ho?” 20Meyah Yesu hiya ka 2 seediq nii ma rmengo: “Skgulan nami Yohane mptgaya smino meyah nami smiling sunan: ‘Isu ka mmeyah na ho? Uxe uri we mtara nami 1 seediq dungal ho?’” 21Ciida pklmeun na ka hbaro ba mnarux ma narux mgeegul ma ga sdooyan bgihur naqah na. Dungal we pqtaun na ka hbaro ba mbudu uri. 22Cmiyuk rmengo dheya ka Yesu: “Saani smneru Yohane ka qntaan namu ma bnhangan namu. Kiya ka wada qmita ka mbudu, mkkesa ka mrikic, msbgurah heyi ka msburo heyi, mbahang ka mrbuni, pkdusun ka wada mhuqil ma grangan malu kari ka seediq qrinuc. 23Ani ima ririh yaku ini ktakur we niqan mbleyaq.”
24Wada ka snkgulan Yohane da. Rmengo hbaro ba seediq quri Yohane ka Yesu: “Mosa namu mita maanu tadus brenux cbeyo ho? Mita namu slgelu bgihur ka brhengil ho? 25Maanu ba ka nsaan namu mita ho? Ye seediq mlukus malu lukus ho? Tai! Ga meniq sapah qbsuran paru ka seediq mlukus malu lukus. 26So kiya de maanu ba ka nsaan namu mita ho? Qmita namu mpgeela kari ho? Rngage maku, bale ba, heya ge mgkala mpgeela kari ka heya. 27Heya ge kiya ka seediq gaga spatis Patis:
‘Tai, Mpskagul ku snkgulan mu mptgeela berah su.
Meeniq berah su mpsramal elu.’
28Bale ba rngage maku, so ka mntuting ckceka mqedil we uka ka mgkala Yohane knpruwan na. Ani so kiya, so ka tgbiciq bale ga Qnlhangan Baro hiya we mgkala heya knparu. 29Mnoda ptgaya psino Yohane ma mnbahang kari na nii ka kana seediq ma seediq maangal pila nqbsuran de ngalan daha msderux nooda ka Utux Baro. 30Ini ooda ptgaya psino ka seediq Parisay ma dmptpatis we ado dheya nanak wada maalix lnglungan Utux Baro.
31Rmengo dungal ka Bukung: So kiya de pntnaun mu so maanu ka seediq mknexal saya ho? Mntena maanu ka dheya ho? 32Dheya we mntena so lqlaqi tleung bbrigan ma mpplawa:
‘Ani nami miyuk yupan yamu we ini namu keeki.
Ani miyan muyas mbasi we ini namu lingis.’
33Meyah ka Yohane mptgaya smino we ini ekan paang ma ini imah sino. Ga sdooyan bgihur naqah ka heya, mesa namu. 34Meyah ka Laqi seediq we mekan ma mimah. Mppsnekan ma mptsino, dadal maangal pila nqbsuran ma dadal seediq niqan qnquwan noda, kesun namu. 35Kiya de niqan knkela we ida pnkela kana seediq niqan knkela.”
Wada Srwaan ka Mqedil Niqan Qnquwan
36Niqan 1 Parisay mlawa Yesu theyaq heya mekan hnpure. Kiya de mosa mremux sapah na ka Yesu ma tleung mekan hiya. 37Ga meeniq alang hiya ka 1 mqedil, heya we seediq niqan qnquwan noda. Klaun na ga tleung mekan sapah Parisay ka Yesu de desun na ka rusuq snmalu malu btunux ga psaan abura malu sknexan. 38Mheyu bukuy Yesu smdaling papak na ma lmingis. Sghuriq na papak na ka rusuq doriq na ma sresan na snuunux na. Kiya de ttnguhan na ka papak na ma rcuhan na abura malu sknexan. 39Mita so nii ka Parisay peekan hnpure de, rmengo ka lnglungan na: “Nasi mpgeela kari ka seediq nii we ida maha mkela tmnelung heya we ima ka heya? Mqedil maanu ka heya? Ado seediq niqan qnquwan noda ka heya.” 40Cmiyuk rmengo heya ka Yesu: “Simon, niqan kari rrengo mu sunan.” Cmiyuk ka heya: “Mptgesa, rengo ho?” 41Rmengo ka Yesu: “1 seediq kbrexan pila we 2 ka kmbarux pila na. 1 seediq we 5'00 hbangan ging knbrexan na, 1 seediq we 50 hbangan ging knbrexan na. 42Ado uka pila ppririh daha ma wada na srwaan ka 2 seediq nii da. Maanu so kiya de ima daha ka rmabang gmaalu heya ho?” 43Cmiyuk rmengo heya ka Simon: “Ida ba yaa quri seediq egu snrwaan na.” Rmengo heya ka Yesu: “Bale ka pnsgeegan su.” 44Kiya de mspgeriq quri mqedil kiya ma rngagan na ka Simon: “Taan su ka mqedil nii ho? Mremux ku sapah su we ini saku biqi qsiya ttrima papak. Kiya de heya we rusuq doriq na ka sghuriq na papak mu ma sresan na snuunux na. 45Isu we ini su tunguh kenan. Kiya de mqedil nii we peeyah ku mremux ciida, ini psetuq tmunguh papak mu. 46Isu we ini su ricuh abura tunux mu. Kiya de mqedil nii we abura malu sknexan ka sricuh na papak mu. 47Maanu so kiya de rngage su mu. Wada srwaan kana ka qnquwan na da. Ado egu ka gnaalu na han. Kiya de uxe egu qnnaqah na ka wada srwaan we uxe egu ka gnaalu na uri.” 48Kiya de rngagan na ka mqedil kiya: “Ga srwaan ka qnquwan su da.” 49Rmengo lhebun daha ka dseediq msuupu tleung mekan hiya: “Ima ka seediq nii, dehuk smruwa qnquwan seediq ho?” 50Rmengo mqedil nii ka Yesu: “Wada pkuudus sunan ka snhiyan su da. Psbale lhebun su mosa!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020