Spegan 1
1
Mnugaya ba Smepu Kneegu Seediq Israel
1Ali 1 idas 2 tg2 knkawas bobo mnlatac peeyah Micrayim ka seediq Israel we, rmengo Moseh truma kobu mrtaso tadus brenux Sinay hiya ka Utux Tmninun: 2“Pdai pusu rudan, tnsapah ma, ngayan seediq smepu kana ka rseno seediq Israel. 3Kana hmrinas 20 knkawas mkela mccebu ckceka seediq Israel we, sai smepu isu ma Aharon ka knhbragan daha. 4Txtaxa pusu rudan we, ngali pn1 mpqbsuran mdayo yamu. 5Nii ka ngayan daha,
quri so Reuben we, Elicur laqi Sedeyur.
6Simeon we, Selumiel laqi Curisaday.
7Yehudah we, Naxson laqi Aminadab.
8Yisaskar we, Netanel laqi Cuar.
9Jebulun we, Eliyab laqi Xelon.
10Eprayim we, Elisama laqi Amihud, lqlaqi Yosehu. Menaseh we, Gamliel laqi Pedahcur.
11Binyamin we, Abidan laqi Gidiuni.
12Dan we, Axiejer laqi Amisaday.
13Aser we, Pagiel laqi Okran.
14Gad we, Elyasap laqi Deuel.
15Naptaliy we, Axira laqi Eynan.”
16Gneegan pneeyah psliyan kana, mpqbsuran knkingal dpusu rudan. Ngalan dqbsuran mdudul kana supi Israel kiya.
17Kiya de, Moseh ma Aharon we psliun na ka 12 heyi niqan ngayan nii. 181 ali 2 idas ciida de, psliun na kana ka seediq. Dseediq we, muyu bnkegan daha pusu rudan, tnsapah, ngayan peeyah 20 knkawas smepu patis ngayan lqlaqi laqi daha nanak. 19Huwa mesa rmengo Moseh ka Utux Tmninun de, Moseh we sun na haya smepu ka dheya meniq Sinay tadus brenux.
20Lqlaqi laqi Reuben tgqbsuran ba laqi Israel, spooda pusu rudan, tnsapah ma, ngayan daha ge, kana hmrinas 20 knkawas mkela mccebu ka rseno daha. 21Snepu daha pnswayan rudan Reuben we 4 mang 65'00 heyi.
22Lqlaqi laqi Simeon, spooda pusu rudan, tnsapah ma, ngayan daha ge, kana hmrinas 20 knkawas mkela mccebu ka rseno daha. 23Snepu daha pnswayan rudan Simeon we 5 mang 93'00 heyi.
24Lqlaqi laqi Gad, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 25Snepu daha pnswayan rudan Gad we 4 mang 56'00 heyi. 26Lqlaqi laqi Yehudah, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 27Snepu daha pnswayan rudan Yehudah we 7 mang 46'00 heyi.
28Lqlaqi laqi Yisaskar, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 29Snepu daha pnswayan rudan Yisaskar we 5 mang 44'00 heyi.
30Lqlaqi laqi Jebulun, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 31Snepu daha pnswayan rudan Jebulun we 5 mang 74'00 heyi.
32Lqlaqi laqi Eprayim, nlqlaqi laqi Yosehu, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 33Snepu daha pnswayan rudan Eprayim we 4 mang ma 5'00 heyi.
34Lqlaqi laqi Menaseh, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 35Snepu daha pnswayan rudan Menaseh we 3 mang 22'00 heyi.
36Lqlaqi laqi Binyamin, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 37Snepu daha pnswayan rudan Binyamin we 3 mang 54'00 heyi.
38Lqlaqi laqi Dan, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 39Snepu daha pnswayan rudan Dan we 6 mang 27'00 heyi.
40Lqlaqi laqi Aser, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 41Snepu daha pnswayan rudan Aser we 4 mang 15'00 heyi.
42Lqlaqi laqi Naptaliy, spooda pusu rudan, tnsapah ma, ngayan daha ge, kana hmrinas 20 knkawas mkela mccebu. 43Snepu daha pnswayan rudan Naptaliy we 5 mang 34'00 heyi.
44So nii ka snpegan daha. Kiya ka snepu Moseh, Aharon ma, 12 qbsuran mdudul Israel. Knkingal qbsuran mdudul we kingal tnsapah rudan. 45Kana snpegan dseediq Israel, kiya ka pnoda tnsapah rudan, kana hmrinas 20 knkawas mkela mccebu. 46Kana bale snpegan daha we 60 mang 35'50 heyi.
47Seediq Lewiy we ini pdai pnswayan rudan smepu ka ckceka daha kiya. 48Rmengo Moseh ka Utux Tmninun: 49“Wano pnswayan rudan Lewiy ka iya spegi. Iya spegi ckceka dseediq Israel ka dheya. 50Isu we skagul seediq Lewiy mpqlahang kulu pnsdhegan ma kana qyqeya ckceka kobu mrtaso ma, kana qyqeya nkobu mrtaso. Mpkudo kobu mrtaso ma kana qyqeya ckceka hiya ka dheya. Kiya ma mooda ooda mpqlahang kobu mrtaso ma, meniq ssiyo kobu mrtaso ka dheya. 51Theruy mquri berah ka kobu mrtaso de, asi ka seediq Lewiy ka mphurah na. Mpkobu we asi ka seediq Lewiy ka mpkobu na uri. Ima ka meyah smdaling we, asi ka phqilun. 52Dseediq Israel we, asi ka muyu tnqpuruh daha pkobu, mosa kobu daha nanak ma, mosa pnswayan rudan daha nanak. 53Kiya de seediq Lewiy we, asi ka pkobu ssiyo kobu mrtaso ka dheya. Kiya de so uxe meeyah dseediq Israel ka seang. Asi ka seediq Lewiy ka qmlahang kobu mrtaso kulu pnsdhegan.” 54Muyu so nii moda ka dseediq Israel. Kana tnugesa na Moseh ka Utux Tmninun we, wada muyu ba moda ka dheya.
Currently Selected:
Spegan 1: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020