Spegan 11
11
Smmeriq Smnetur Meniq Tadus Brenux
1Smmeriq smnetur ka dseediq, kari daha naqah we betaq birac Utux Tmninun hiya. Mnbahang ka Utux Tmninun de mseang riyung. Kiya de sqama ckceka daha ka puniq Utux Tmninun, betaq wada sqmaun ka ssiyo nganguc pnkobu. 2Mddiras mosa mesa rmengo Moseh ka dseediq. Meyah dmurun Utux Tmninun ka Moseh, kiya de mpahung ka puniq di. 3Ngayan dxeral hiya we Taberah. Ado puniq Utux Tmninun we snqama ckceka daha hiya.
4Duma seediq icil tnheyaq dheya we meyah ka lnglungan daha kmkmekan uqun. Kiya de meyah lmingis rmengo dungal ka seediq Israel: “Ima ka pqdiyan wawa ita? 5Lnglungun ta meniq Micrayim hiya ciida, ani ta ini seeliq pila de mekan ta qcurux. Kiya uri we niqan ka ciyak, sika, pixil qucul, pixil mtumun ma, pixil skenux. 6Saya de mdengu kana ka beyax ta da. Wano bale mana ka uqun ta ma, uka ani maanu meniq berah ta di.”
7Mana nii we mntena rehak srqemu bhege. Taan ta we mntena ba geluq qhuni. 8Mmkkesa ani inu skadi ma lmamu mana ka dseediq. Rtretan daha ptnemu ma tkanun daha duhung, uxe uri we rtretan daha, psaun daha ckceka kama slmeun daha pang. Uqun we mntena ba pang pnugmaxan abura. 9Keeman meyah mtuting ckceka kobu daha ka sipa de, mtheyaq mtuting ka mana uri.
10Mbahang knkingal sapah dseediq gaga lmingis rhengun kobu daha ka Moseh. Kiya de, paru bale seang na ka Utux Tmninun. Ini qqaras mita so nii ka Moseh uri. 11Rmengo Utux Tmninun ka Moseh: “Hmuwa, ma su so nii pqraqil tnqliyan su ho? Ma su ini bege huwe kenan meniq berah doriq su ho? Betaq su so nii paha heyi mu ka knchdilan dseediq nii? 12Dseediq nii we uxe yaku ka pntuting dheya? Ma su betaq rmengo: ‘Emux berah su ka dheya, mntena so tama mdanga memux laqi rabu piimah nunuh nurac. Mexun na betaq dehuk dxeral sntangan bnege nrudan daha.’ 13Mpeeyah inu ka wawa qqdiyal mu dseediq nii ho? Lmingis quri kenan ka dheya: ‘Qdali miyan wawa!’ 14Yaku taxa heyi nii we uka mu kklaan dmudul dheya. Teyal ba knchedil ka nii da. 15Nasi su so nii ka noda su yaku de, nuuqu malu asi saku phqili dhenu! Nasi ku dehuk mangal huwe meniq berah doriq su de, ani ba rabang iya ku krnahi mege so nii pnqraqil.”
70 Rdrudan
16Rmengo Moseh ka Utux Tmninun: “Psseli ka 70 heyi peeyah rdrudan ckceka Israel. Kiya ka klaun su, ngalun rdrudan mpqlahang ma mpdudul na. Desi kobu mrtaso ka dheya ma ptheyaq isu mheyu hiya. 17Meeyah ku yamu hiya ka yaku. Mprengo ku yamu ma, asu mu dheya ka Bgihur bnege mu isu. Kiya de dheya we mptheyaq isu moda meepah dmudul seediq. So uxe wano isu nanak ka pqeepah. 18Rngagi ka dseediq: ‘Prtaso psaanak yamu nanak quri so ddaun kusun. Mpeekan namu wawa ka yamu. Ado lmingis namu rmengo, Ima ka pqdiyan wawa yami ho? Malu ba ka meniq ta Micrayim! Hrenang namu nii we wada betaq birac Utux Tmninun da. So kiya de qdalun namu na wawa ka heya. 19Yamu we uxe wano 1 ali, 2 ali, 5 ali, 10 ali ma, 20 ali ka mekan namu. 20Meekan namu betaq 1 idas ma, betaq namu pcriyu peeyah muhing namu ka wawa pkhngeras yamu. Ado pkhngeras namu Utux Tmninun gaga ckceka namu ka yamu. Mlingis namu berah na ma rmengo: Hmuwa, ma ta mlatac Micrayim ho?’”
21Rmengo ka Moseh: “Dseediq rseno mtheyaq yaku mkkesa we niqan 60 mang. Rmengo su uri: ‘Biqun mu wawa uqun daha ma, maha betaq 1 idas ka uqun daha.’ 22Betaq ta phqilun kana ka dapa ma miric de, mpttuku sbege dheya da peni? Uxe uri we saun ta mangal kana ka qcurux gaga ckceka rcilung de, mpttuku sbege dheya di peni?” 23Rmengo Moseh ka Utux Tmninun: “Hiqur baga Utux Tmninun we gisu mtlebu di peni? Saya, yamu we mpqita namu kari mu, ya maha mpbale ma, ya uxe mpbale quri yamu.”
24Mosa nganguc ka Moseh, saun na rmengo seediq ka kari Utux Tmninun. Kiya ma psseli 70 rdrudan peeyah ckceka seediq ma, phyegun na kssiyo kobu mrtaso. 25Meyah tqita ckceka plabu ka Utux Tmninun, rmengo Moseh ma, saasu na 70 rdrudan ka Bgihur bnege na Moseh. Meniq heyi daha ka Bgihur de, mkela rmengo kari pgeela ka dheya. Bobo na de ini rengo da.
26Kiya de gaga meniq kobu hiya ka 2 heyi rdrudan, Eldad ma Meydad. Dheya we niqan ngayan daha pnatis uri ma, ini osa kobu mrtaso hiya. Ida meniq heyi daha ka Bgihur, kiya de rmengo kari pgeela meniq kobu ka dheya. 27Niqan 1 riso tmalang mosa rmengo Moseh: “Eldad dhaka Meydad we gaga rmengo kari pgeela meniq kobu mrtaso hiya ka dheya.” 28Rmengo ka Yehosua laqi Nun, riso ciida dmnayo Moseh: “Pusu qbsuran mu Moseh, hteri ka dheya.” 29Rmengo heya ka Moseh: “Isu we snhuur su kenan ho? Tai so mpgeela kari kana ka seediq nuUtux Tmninun. Tai so Bgihur Utux Tmninun we meeyah meniq heyi daha!” 30Kiya de, mbrinah mosa kobu ka Moseh ma, mbrinah uri ka rdrudan Israel.
Qbheni Blebul
31Asi lux niqan bgihur pneeyah Utux Tmninun hiya, speeyah na rcilung madis ka qbheni blebul meyah ttama ssiyo kobu. Icil we 1 ali kksaan, icil we 1 ali kksaan uri. 2 sese knddexan na peeyah dxeral. 32Mtutuy ka seediq, peeyah mgrebu betaq keeman, ani so kusun 1 ali gaga qmerac qbheni blebul ka dheya. Txtaxa daha we betaq 10 hmeyu qnerac daha ma, psaun daha ssiyo kobu daha nanak. 33Kiya de, ini qhedu psekan cenga rupun daha ka heyi qbheni blebul nana we, mquri dheya mseang ka Utux Tmninun. Peeyah paru ba sneeliq na phuqil seediq. 34Dxeral hiya de ga kesun Qibrot Hataawah ka ngayan na. Ado daha wada reesun hiya ka dseediq msnekan. 35Theruy peeyah Qibrot Hataawah ka seediq ma betaq Xacerot. Kiya de meniq Xacerot ka dheya.
Currently Selected:
Spegan 11: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Spegan 11
11
Smmeriq Smnetur Meniq Tadus Brenux
1Smmeriq smnetur ka dseediq, kari daha naqah we betaq birac Utux Tmninun hiya. Mnbahang ka Utux Tmninun de mseang riyung. Kiya de sqama ckceka daha ka puniq Utux Tmninun, betaq wada sqmaun ka ssiyo nganguc pnkobu. 2Mddiras mosa mesa rmengo Moseh ka dseediq. Meyah dmurun Utux Tmninun ka Moseh, kiya de mpahung ka puniq di. 3Ngayan dxeral hiya we Taberah. Ado puniq Utux Tmninun we snqama ckceka daha hiya.
4Duma seediq icil tnheyaq dheya we meyah ka lnglungan daha kmkmekan uqun. Kiya de meyah lmingis rmengo dungal ka seediq Israel: “Ima ka pqdiyan wawa ita? 5Lnglungun ta meniq Micrayim hiya ciida, ani ta ini seeliq pila de mekan ta qcurux. Kiya uri we niqan ka ciyak, sika, pixil qucul, pixil mtumun ma, pixil skenux. 6Saya de mdengu kana ka beyax ta da. Wano bale mana ka uqun ta ma, uka ani maanu meniq berah ta di.”
7Mana nii we mntena rehak srqemu bhege. Taan ta we mntena ba geluq qhuni. 8Mmkkesa ani inu skadi ma lmamu mana ka dseediq. Rtretan daha ptnemu ma tkanun daha duhung, uxe uri we rtretan daha, psaun daha ckceka kama slmeun daha pang. Uqun we mntena ba pang pnugmaxan abura. 9Keeman meyah mtuting ckceka kobu daha ka sipa de, mtheyaq mtuting ka mana uri.
10Mbahang knkingal sapah dseediq gaga lmingis rhengun kobu daha ka Moseh. Kiya de, paru bale seang na ka Utux Tmninun. Ini qqaras mita so nii ka Moseh uri. 11Rmengo Utux Tmninun ka Moseh: “Hmuwa, ma su so nii pqraqil tnqliyan su ho? Ma su ini bege huwe kenan meniq berah doriq su ho? Betaq su so nii paha heyi mu ka knchdilan dseediq nii? 12Dseediq nii we uxe yaku ka pntuting dheya? Ma su betaq rmengo: ‘Emux berah su ka dheya, mntena so tama mdanga memux laqi rabu piimah nunuh nurac. Mexun na betaq dehuk dxeral sntangan bnege nrudan daha.’ 13Mpeeyah inu ka wawa qqdiyal mu dseediq nii ho? Lmingis quri kenan ka dheya: ‘Qdali miyan wawa!’ 14Yaku taxa heyi nii we uka mu kklaan dmudul dheya. Teyal ba knchedil ka nii da. 15Nasi su so nii ka noda su yaku de, nuuqu malu asi saku phqili dhenu! Nasi ku dehuk mangal huwe meniq berah doriq su de, ani ba rabang iya ku krnahi mege so nii pnqraqil.”
70 Rdrudan
16Rmengo Moseh ka Utux Tmninun: “Psseli ka 70 heyi peeyah rdrudan ckceka Israel. Kiya ka klaun su, ngalun rdrudan mpqlahang ma mpdudul na. Desi kobu mrtaso ka dheya ma ptheyaq isu mheyu hiya. 17Meeyah ku yamu hiya ka yaku. Mprengo ku yamu ma, asu mu dheya ka Bgihur bnege mu isu. Kiya de dheya we mptheyaq isu moda meepah dmudul seediq. So uxe wano isu nanak ka pqeepah. 18Rngagi ka dseediq: ‘Prtaso psaanak yamu nanak quri so ddaun kusun. Mpeekan namu wawa ka yamu. Ado lmingis namu rmengo, Ima ka pqdiyan wawa yami ho? Malu ba ka meniq ta Micrayim! Hrenang namu nii we wada betaq birac Utux Tmninun da. So kiya de qdalun namu na wawa ka heya. 19Yamu we uxe wano 1 ali, 2 ali, 5 ali, 10 ali ma, 20 ali ka mekan namu. 20Meekan namu betaq 1 idas ma, betaq namu pcriyu peeyah muhing namu ka wawa pkhngeras yamu. Ado pkhngeras namu Utux Tmninun gaga ckceka namu ka yamu. Mlingis namu berah na ma rmengo: Hmuwa, ma ta mlatac Micrayim ho?’”
21Rmengo ka Moseh: “Dseediq rseno mtheyaq yaku mkkesa we niqan 60 mang. Rmengo su uri: ‘Biqun mu wawa uqun daha ma, maha betaq 1 idas ka uqun daha.’ 22Betaq ta phqilun kana ka dapa ma miric de, mpttuku sbege dheya da peni? Uxe uri we saun ta mangal kana ka qcurux gaga ckceka rcilung de, mpttuku sbege dheya di peni?” 23Rmengo Moseh ka Utux Tmninun: “Hiqur baga Utux Tmninun we gisu mtlebu di peni? Saya, yamu we mpqita namu kari mu, ya maha mpbale ma, ya uxe mpbale quri yamu.”
24Mosa nganguc ka Moseh, saun na rmengo seediq ka kari Utux Tmninun. Kiya ma psseli 70 rdrudan peeyah ckceka seediq ma, phyegun na kssiyo kobu mrtaso. 25Meyah tqita ckceka plabu ka Utux Tmninun, rmengo Moseh ma, saasu na 70 rdrudan ka Bgihur bnege na Moseh. Meniq heyi daha ka Bgihur de, mkela rmengo kari pgeela ka dheya. Bobo na de ini rengo da.
26Kiya de gaga meniq kobu hiya ka 2 heyi rdrudan, Eldad ma Meydad. Dheya we niqan ngayan daha pnatis uri ma, ini osa kobu mrtaso hiya. Ida meniq heyi daha ka Bgihur, kiya de rmengo kari pgeela meniq kobu ka dheya. 27Niqan 1 riso tmalang mosa rmengo Moseh: “Eldad dhaka Meydad we gaga rmengo kari pgeela meniq kobu mrtaso hiya ka dheya.” 28Rmengo ka Yehosua laqi Nun, riso ciida dmnayo Moseh: “Pusu qbsuran mu Moseh, hteri ka dheya.” 29Rmengo heya ka Moseh: “Isu we snhuur su kenan ho? Tai so mpgeela kari kana ka seediq nuUtux Tmninun. Tai so Bgihur Utux Tmninun we meeyah meniq heyi daha!” 30Kiya de, mbrinah mosa kobu ka Moseh ma, mbrinah uri ka rdrudan Israel.
Qbheni Blebul
31Asi lux niqan bgihur pneeyah Utux Tmninun hiya, speeyah na rcilung madis ka qbheni blebul meyah ttama ssiyo kobu. Icil we 1 ali kksaan, icil we 1 ali kksaan uri. 2 sese knddexan na peeyah dxeral. 32Mtutuy ka seediq, peeyah mgrebu betaq keeman, ani so kusun 1 ali gaga qmerac qbheni blebul ka dheya. Txtaxa daha we betaq 10 hmeyu qnerac daha ma, psaun daha ssiyo kobu daha nanak. 33Kiya de, ini qhedu psekan cenga rupun daha ka heyi qbheni blebul nana we, mquri dheya mseang ka Utux Tmninun. Peeyah paru ba sneeliq na phuqil seediq. 34Dxeral hiya de ga kesun Qibrot Hataawah ka ngayan na. Ado daha wada reesun hiya ka dseediq msnekan. 35Theruy peeyah Qibrot Hataawah ka seediq ma betaq Xacerot. Kiya de meniq Xacerot ka dheya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020