Spegan 14
14
Smmeriq Smnetur ka Seediq Israel
1Mrrudu paru hrenang daha, pksrabi lmingis ka seediq. 2Smmeriq smnetur Moseh ma Aharon ka seediq Israel, rmengo ka kana daha: “Nuuqu miyan asi huqil dxeral Micrayim ka yami, nuuqu miyan asi qhuqil tadus brenux hini ka yami! 3Utux Tmninun we, hmuwa, ma madis menan betaq dxeral hini ma, phqilun miyan na hlmadac hini? Uxe nuuqu malu mosa miyan mbrinah Micrayim peni?” 4Mpprengo ka dheya: “Geego ta 1 mdudul ita, mpbrinah ta Micrayim wa!”
5Tgtemaq dxeral berah kana seediq Israel ka Moseh ma Aharon. 6Ckceka mpkuuruy, Yehosua laqi Nun ma Kaleb laqi Yepuneh we asi sgaliq lukus daha. 7Rmengo kana seediq Israel ka dheya: “Knksaan miyan ma kmnuruy miyan ka dxeral kiya we malu riyung. 8Nasi smkuxul ita ka Utux Tmninun we, maha ta na ddulun betaq hiya ma bege na ita ka malu dxeral psbyeqan nunuh ma walu. 9Kiya de iya ba tbrinah Utux Tmninun ka yamu ma, iya kcugi ka seediq gaga meniq dxeral hiya. Ado ngalun ta uuqun ka dheya. Wada sntheya dheya ka mpqlahang dheya di ma, Utux Tmninun we gisu mtheyaq ita kiya. Iya kiicu dheya!” 10Gisu rmengo ma mkmangal btunux phuqil dheya ka dseediq ciida we, asi ptqita dseediq Israel ckceka kobu mrtaso ka ledax Utux Tmninun.
Dmurun Seediq Israel ka Moseh
11Rmengo Moseh ka Utux Tmninun: “Mpbetaq knuwan smbiciq qmita yaku ka seediq nii ho? Ani wada egu ba ka qneepah mu pnskraya quri ckceka dheya we mpbetaq knuwan ini snhii nana? 12Mpeeyah ku mnarux punu phuqil dheya, kiya ka uxe mpdehuk mangal dxeral kiya. Kiya de isu we mpgkala dheya knparu ma, maha paru ka qnlhangan su.”
13Kiya de rmengo Utux Tmninun ka Moseh: “Maha mbahang riyung ka seediq Micrayim, ado sdoi su paru bale beyax dmnudul su peeyah Micrayim ka dseediq nii. 14Maha rmengo seediq hini ka seediq Micrayim. Bnhangan daha ka isu we Utux Tmninun meniq su ckceka daha. Ado isu, Utux Tmninun we ptuura su dqeras spleexan su mtqita isu nanak. Plabu su we psngayun su bobo daha. Diyan we meniq su ckceka eruc plabu ma, keeman we meniq su ckceka eruc puniq dmnudul su berah daha. 15Nasi su phqilun ka seediq nii, mntena so phuqil 1 seediq de, mnbahang ngayan su ka kana qlhangan we mpkeso rmengo: 16‘Utux Tmninun we, ado ini na dheki psteme dxeral sntangan na, kiya ka wada phuqil dseediq nii meniq tadus brenux.’ 17Saya, braho su ptuura beyax su, puyu kari rnengo su:
18‘Utux Tmninun we ini smhemuc mseang,
mpstenge ka gnaalu na.
Smruwa qnquwan noda ma qnnaqah noda ka heya.
Ini na ngali niqan qnquwan noda ka uka qnquwan noda.
Asi ka pkdraun ka qnquwan noda seediq,
peeyah tama betaq msn3, msn4 knxalan pkdira lqlaqi daha.’
19Ani ba rabang, pdaani so knpruwan gnaalu su smruwa ka qnquwan noda seediq nii. Mntena su smruwa dseediq nii peeyah Micrayim betaq saya.”
20Rmengo ka Utux Tmninun: “So kari su srwaun mu ka dheya. 21Kiya de, mpsdehu ku peeyah uka psteqan knuudus mu ma ledax Utux Tmninun stenge kana bobo dxeral: 22Dseediq nii we ani mnita knledax mu ma, pnskraya qneepah mu meniq Micrayim ma tadus brenux ciida ge, ida nak kiya mn10 psseung kenan ma ini qbahang kari mu. 23Dheya we uxe bale mpqita dxeral sntangan mu mege rdrudan daha. Kana smbiciq qmita kenan we, ani 1 ka uxe mpqita. 24Wano Kaleb tnqliyan mu. Ado pskingal ba ka lhebun na ma thei ba kenan. Ddulun mu psteme dxeral nsaan na ka heya. Lqlaqi ltlutuc na we maha mangal dxeral kiya. 25Gaga meniq ayu hiya ka seediq Amaleq ma Kenaan saya. Kiya de kusun ka yamu we pspgeriq quri elu rcilung Mtanah ma osa tadus brenux.”
Pkdraun ka Seediq Israel
26Rmengo Moseh ma Aharon ka Utux Tmninun: 27“Mpbetaq knuwan tbrinah smnetur kenan ka dqnaqah seediq nii ho? Ssnetur na quri kenan ka dseediq Israel we wada mu bhangun di. 28Tgsai ka dheya, rmengo ka Utux Tmninun: ‘Psdehu ku uka psteqan knuudus mu, mpuyu ku rnengo namu gaga birac mu maha so kiya pkdira yamu. 29Heyi mnhuqil namu we mpksaro tadus brenux. Snpegan ckceka namu we, kiya ka hmrinas 20 knkawas dsmnetur kenan na ge, 30uxe mpteme dxeral sndehu mu sntangan ppeeniq yamu hiya. Wano Yehosua laqi Nun ma Kaleb laqi Yepuneh maha mteme hiya. 31Lqlaqi namu, kiya ka rnengo namu qqrapun we, ddulun mu mpteme ka dheya. 32Quri so yamu, heyi hnhqilan namu we maha mksaro tadus brenux hiya. 33Lqlaqi namu we maha 40 knkawas mtmabu miric tadus brenux, kiya ka mpririh qnquwan noda namu ini snhii. Asi ka betaq namu mhuqil kana meniq tadus brenux hiya. 34Pyugun mu 40 ali pnkruyan namu dxeral kiya we, ngalun mu 1 knkawas ka 1 ali. Asi ka mpheal qnquwan noda namu 40 knkawas, kiya de maha namu klaun gisu ku smtheya yamu ka yaku di.’ 35Yaku, Utux Tmninun we rmnengo ku, mpkeso nii pkdraun mu ka dnaqah seediq mnsseli tbrinah smnetur kenan nii. Dheya we asi ka mpkuuka ckceka tadus brenux ma mphuqil hini.”
36Dseediq snkgulan Moseh mnosa kmuuruy dxeral ka meyah pqnaqah prana rmengo seediq quri dxeral kiya. Kiya ka tbrinah smnetur Moseh ka dheya. 37Dseediq prana rmengo nii we mpknarux punu ma, mphuqil berah Utux Tmninun ka seediq nii. 38Ckceka mnosa kmuuruy dxeral kiya we, wano Yehosua laqi Nun ma Kaleb laqi Yepuneh ka mpkuudus.
Kmremux Dxeral Kenaan ini Baka
(Meg 1:41-46)
39Kari nii we srengo na seediq Israel ka Moseh. Kiya de naqah ba kuxul daha ka dheya. 40So mgrebu kusun, mtutuy ka dheya ma mosa bungu dgiyaq, rmengo: “Tai! Asi ta ka mosa dxeral rnengo Utux Tmninun. Ado wada ta moda qnquwan noda di.” 41Rmengo ka Moseh: “Ma namu ini qbahang kari tnugesa Utux Tmninun ho? Quri so ooda nii we uxe namu mpdehuk. 42Iya osa baro. Ado Utux Tmninun we gaga ini stheyaq yamu. Kiya de Maha namu ini baka pais namu ka yamu da. 43Meniq berah namu ka seediq Amaleq ma Kenaan ma, mpksaro namu hlmadac daha ka yamu. Ado tbrinah namu ma, ini thei Utux Tmninun. Kiya de uxe mptheyaq yamu ka Utux Tmninun.” 44Knhemuc mosa bungu dgiyaq ka dheya. Kiya de kulu pnsdhegan Utux Tmninun ma Moseh we ini latac kobu ka dheya. 45So kiya de wada ini baka dseediq Amaleq ma Kenaan ka dheya ma, sdrapun daha betaq Xormah ka dheya.
Currently Selected:
Spegan 14: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Spegan 14
14
Smmeriq Smnetur ka Seediq Israel
1Mrrudu paru hrenang daha, pksrabi lmingis ka seediq. 2Smmeriq smnetur Moseh ma Aharon ka seediq Israel, rmengo ka kana daha: “Nuuqu miyan asi huqil dxeral Micrayim ka yami, nuuqu miyan asi qhuqil tadus brenux hini ka yami! 3Utux Tmninun we, hmuwa, ma madis menan betaq dxeral hini ma, phqilun miyan na hlmadac hini? Uxe nuuqu malu mosa miyan mbrinah Micrayim peni?” 4Mpprengo ka dheya: “Geego ta 1 mdudul ita, mpbrinah ta Micrayim wa!”
5Tgtemaq dxeral berah kana seediq Israel ka Moseh ma Aharon. 6Ckceka mpkuuruy, Yehosua laqi Nun ma Kaleb laqi Yepuneh we asi sgaliq lukus daha. 7Rmengo kana seediq Israel ka dheya: “Knksaan miyan ma kmnuruy miyan ka dxeral kiya we malu riyung. 8Nasi smkuxul ita ka Utux Tmninun we, maha ta na ddulun betaq hiya ma bege na ita ka malu dxeral psbyeqan nunuh ma walu. 9Kiya de iya ba tbrinah Utux Tmninun ka yamu ma, iya kcugi ka seediq gaga meniq dxeral hiya. Ado ngalun ta uuqun ka dheya. Wada sntheya dheya ka mpqlahang dheya di ma, Utux Tmninun we gisu mtheyaq ita kiya. Iya kiicu dheya!” 10Gisu rmengo ma mkmangal btunux phuqil dheya ka dseediq ciida we, asi ptqita dseediq Israel ckceka kobu mrtaso ka ledax Utux Tmninun.
Dmurun Seediq Israel ka Moseh
11Rmengo Moseh ka Utux Tmninun: “Mpbetaq knuwan smbiciq qmita yaku ka seediq nii ho? Ani wada egu ba ka qneepah mu pnskraya quri ckceka dheya we mpbetaq knuwan ini snhii nana? 12Mpeeyah ku mnarux punu phuqil dheya, kiya ka uxe mpdehuk mangal dxeral kiya. Kiya de isu we mpgkala dheya knparu ma, maha paru ka qnlhangan su.”
13Kiya de rmengo Utux Tmninun ka Moseh: “Maha mbahang riyung ka seediq Micrayim, ado sdoi su paru bale beyax dmnudul su peeyah Micrayim ka dseediq nii. 14Maha rmengo seediq hini ka seediq Micrayim. Bnhangan daha ka isu we Utux Tmninun meniq su ckceka daha. Ado isu, Utux Tmninun we ptuura su dqeras spleexan su mtqita isu nanak. Plabu su we psngayun su bobo daha. Diyan we meniq su ckceka eruc plabu ma, keeman we meniq su ckceka eruc puniq dmnudul su berah daha. 15Nasi su phqilun ka seediq nii, mntena so phuqil 1 seediq de, mnbahang ngayan su ka kana qlhangan we mpkeso rmengo: 16‘Utux Tmninun we, ado ini na dheki psteme dxeral sntangan na, kiya ka wada phuqil dseediq nii meniq tadus brenux.’ 17Saya, braho su ptuura beyax su, puyu kari rnengo su:
18‘Utux Tmninun we ini smhemuc mseang,
mpstenge ka gnaalu na.
Smruwa qnquwan noda ma qnnaqah noda ka heya.
Ini na ngali niqan qnquwan noda ka uka qnquwan noda.
Asi ka pkdraun ka qnquwan noda seediq,
peeyah tama betaq msn3, msn4 knxalan pkdira lqlaqi daha.’
19Ani ba rabang, pdaani so knpruwan gnaalu su smruwa ka qnquwan noda seediq nii. Mntena su smruwa dseediq nii peeyah Micrayim betaq saya.”
20Rmengo ka Utux Tmninun: “So kari su srwaun mu ka dheya. 21Kiya de, mpsdehu ku peeyah uka psteqan knuudus mu ma ledax Utux Tmninun stenge kana bobo dxeral: 22Dseediq nii we ani mnita knledax mu ma, pnskraya qneepah mu meniq Micrayim ma tadus brenux ciida ge, ida nak kiya mn10 psseung kenan ma ini qbahang kari mu. 23Dheya we uxe bale mpqita dxeral sntangan mu mege rdrudan daha. Kana smbiciq qmita kenan we, ani 1 ka uxe mpqita. 24Wano Kaleb tnqliyan mu. Ado pskingal ba ka lhebun na ma thei ba kenan. Ddulun mu psteme dxeral nsaan na ka heya. Lqlaqi ltlutuc na we maha mangal dxeral kiya. 25Gaga meniq ayu hiya ka seediq Amaleq ma Kenaan saya. Kiya de kusun ka yamu we pspgeriq quri elu rcilung Mtanah ma osa tadus brenux.”
Pkdraun ka Seediq Israel
26Rmengo Moseh ma Aharon ka Utux Tmninun: 27“Mpbetaq knuwan tbrinah smnetur kenan ka dqnaqah seediq nii ho? Ssnetur na quri kenan ka dseediq Israel we wada mu bhangun di. 28Tgsai ka dheya, rmengo ka Utux Tmninun: ‘Psdehu ku uka psteqan knuudus mu, mpuyu ku rnengo namu gaga birac mu maha so kiya pkdira yamu. 29Heyi mnhuqil namu we mpksaro tadus brenux. Snpegan ckceka namu we, kiya ka hmrinas 20 knkawas dsmnetur kenan na ge, 30uxe mpteme dxeral sndehu mu sntangan ppeeniq yamu hiya. Wano Yehosua laqi Nun ma Kaleb laqi Yepuneh maha mteme hiya. 31Lqlaqi namu, kiya ka rnengo namu qqrapun we, ddulun mu mpteme ka dheya. 32Quri so yamu, heyi hnhqilan namu we maha mksaro tadus brenux hiya. 33Lqlaqi namu we maha 40 knkawas mtmabu miric tadus brenux, kiya ka mpririh qnquwan noda namu ini snhii. Asi ka betaq namu mhuqil kana meniq tadus brenux hiya. 34Pyugun mu 40 ali pnkruyan namu dxeral kiya we, ngalun mu 1 knkawas ka 1 ali. Asi ka mpheal qnquwan noda namu 40 knkawas, kiya de maha namu klaun gisu ku smtheya yamu ka yaku di.’ 35Yaku, Utux Tmninun we rmnengo ku, mpkeso nii pkdraun mu ka dnaqah seediq mnsseli tbrinah smnetur kenan nii. Dheya we asi ka mpkuuka ckceka tadus brenux ma mphuqil hini.”
36Dseediq snkgulan Moseh mnosa kmuuruy dxeral ka meyah pqnaqah prana rmengo seediq quri dxeral kiya. Kiya ka tbrinah smnetur Moseh ka dheya. 37Dseediq prana rmengo nii we mpknarux punu ma, mphuqil berah Utux Tmninun ka seediq nii. 38Ckceka mnosa kmuuruy dxeral kiya we, wano Yehosua laqi Nun ma Kaleb laqi Yepuneh ka mpkuudus.
Kmremux Dxeral Kenaan ini Baka
(Meg 1:41-46)
39Kari nii we srengo na seediq Israel ka Moseh. Kiya de naqah ba kuxul daha ka dheya. 40So mgrebu kusun, mtutuy ka dheya ma mosa bungu dgiyaq, rmengo: “Tai! Asi ta ka mosa dxeral rnengo Utux Tmninun. Ado wada ta moda qnquwan noda di.” 41Rmengo ka Moseh: “Ma namu ini qbahang kari tnugesa Utux Tmninun ho? Quri so ooda nii we uxe namu mpdehuk. 42Iya osa baro. Ado Utux Tmninun we gaga ini stheyaq yamu. Kiya de Maha namu ini baka pais namu ka yamu da. 43Meniq berah namu ka seediq Amaleq ma Kenaan ma, mpksaro namu hlmadac daha ka yamu. Ado tbrinah namu ma, ini thei Utux Tmninun. Kiya de uxe mptheyaq yamu ka Utux Tmninun.” 44Knhemuc mosa bungu dgiyaq ka dheya. Kiya de kulu pnsdhegan Utux Tmninun ma Moseh we ini latac kobu ka dheya. 45So kiya de wada ini baka dseediq Amaleq ma Kenaan ka dheya ma, sdrapun daha betaq Xormah ka dheya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020