Spegan 4
4
Lqlaqi Laqi Qahat
1Utux Tmninun we rmengo Moseh ma Aharon: 2“Pdai tnpusu rudan ma tnsapah smepu ka seediq Lewiy Ckceka seediq Lewiy gaga ckceka lqlaqi laqi Qahat. 3Kiya ka peeyah 30 knkawas betaq 50 knkawas, kana mneyah qmeepah mrtaso na. 4So nii ka qpahun daha qyqeya mrtaso ckceka kobu mrtaso ka lqlaqi laqi Qahat.
5Mptheruy mosa ciida, Aharon daha ka lqlaqi na we mremux mosa truma kobu mrtaso. Mosa hmurah pala qqeerung, sbubung na kulu pnsdhegan. 6Bungan na bobo na ka qraqil camac ma hlgaanun na galiq mtblawa ka baro na. Bobo na de, lhugan daha ka phelan. 7Dheya we ssapo daha galiq mtblawa ka bobo psaan spuhan ma, psaun daha bobo hiya ka sara, guhi, dahur ma, rusuq hrigan sino. Htiyan daha bobo hiya ka pang spuhan klaali. 8Dheya we asi ka sbubung daha galiq mtanah ka baro na ma, bungan na qraqil camac dungal ka bobo na. Kiya de lhugan daha ka phelan na. 9Dheya we bungun daha galiq mtblawa ka pcmagan, sara pcmagan, dahur begu, sara psaan begu ma, kana qyqeya psaan abura mrtaso. 10Dungal we blequn daha lmabu qraqil camac ka pcmagan ma kana qyqeya pcmagan. Kiya de pniqun daha bobo phelan. 11Dheya we spagun daha pala mtblawa ka bobo spuhan snlmean king. Bungun daha qraqil camac malu ka baro na. Kiya de lhugan ka phelan na. 12Blequn daha lmabu pala mtblawa ka kana qyqeya ddooyun kobu mrtaso truma. Dungal we bungun daha malu qraqil camac tgbaro na. Kiya de pniqun na daha bobo phelan. 13Sksikun ka bengux dxeral bobo spuhan, spagun bobo spuhan ka galiq mgtdiyuc. 14Dungal we psaun daha bobo spuhan hiya ka kana qyqeya ddooyun daha. Kiya ka kana qyqeya ddooyun smapuh, sara psaan puniq, dahur heyi, karuk ma rusuq. Bungi qraqil camac malu ma lhugan hiya ka phelan.
15Mptheruy mosa ciida, bobo mhedu mubung mrtaso truma ma kana qyqeya mrtaso truma ka Aharon ma lqlaqi na de, kiya ka meyah dmidil ka lqlaqi laqi Qahat. So uxe mphuqil tmnelung qyqeya mrtaso ka dheya. Spapa lqlaqi laqi Qahat meniq ckceka kobu mrtaso ka nii.
16Qlhangun Elajar laqi Aharon msapuh we, abura psmagun, skenux mrtaso, pnhgalang ssapuh, abura pnrtaso. Heya we mpqlahang kana kobu mrtaso ma kana meniq hiya, kiya ma mrtaso truma ma qyqeya mrtaso truma hiya.”
17Rmengo Moseh ma Aharon ka Utux Tmninun: 18“Iya bale pkuuka peeyah ckceka seediq Lewiy ka tnpusu rudan seediq Qahat. 19Smdaling qyqeya mrtaso ka dheya we, pdai so nii ka dheya so maha muudus ma uxe mphuqil ka dheya. Aharon ma lqlaqi na ka mosa mremux ma maasu qqpahun txtaxa ma phelan daha. 20Kiya de asi ka ini osa qmita hmurah mrtaso truma hiya ka dheya, so uxe mphuqil ka dheya.”
Lqlaqi Laqi Gerson
21Rmengo Moseh ka Utux Tmninun: 22“Isu we pdai tnsapah ma tnpusu rudan smepu ka lqlaqi laqi Gerson. 23Peeyah 30 knkawas betaq 50 knkawas qmnepah ckceka kobu mrtaso na we spegi kana. 24Tnpusu rudan dseediq Gerson we nii ka qpahun, ddaun daha ma, spapa daha: 25Dheya we mpdidil bubung kobu truma, kobu mrtaso ma bubung kobu mgbaro, qraqil camac nubung mgbaro, qeerung rhengun, 26pala nganguc gaga mtqiri kobu mrtaso ma spuhan, snuyuk, qeerung rhengun nganguc, kana negul pgdehu nii ma, kana ooda quri so qyqeya nii. So nii ka daun daha meepah. 27Kana qpahun lqlaqi laqi Gerson, kiya ka spapa ma daun daha we, asi ka muyu tnugesa Aharon ma laqi na. Spapa daha we, yamu ka mpskagul na. 28Qpahun tnpusu rudan lqlaqi laqi Gerson meniq truma kobu mrtaso ka nii. Dheya we mqeepah truma Itamar laqi Aharon ka dheya.
Lqlaqi Laqi Merariy
29Quri so lqlaqi laqi Merariy we, pdai tnpusu rudan ma tnsapah smepu ka dheya. 30Peeyah 30 knkawas betaq 50 knkawas, kana mneyah meepah ckceka kobu mrtaso we spegi isu kana. 31Qqeepah daha ckceka kobu mrtaso ka nii. Dheya we mpheal qrtinuh qnabil, rgero, eruc, tluungan niqan doriq eruc, 32eruc ssiyo nganguc ma tluungan niqan doriq eruc, xiluy, negul ma kana qyqeya ma, kana qyqeya ddooyun smapuh. Yamu we pdai ngayan meku qyqeya spapa daha. 33Qpahun lqlaqi laqi Merariy meniq ckceka kobu mrtaso ka nii. Dheya we meepah toma Itamar laqi Aharon msapuh ka dheya.”
Smepu Rseno Seediq Lewiy
34Moseh ma Aharon ma, dmpdudul kana seediq we, spooda daha tnpusu rudan ma tnsapah smepu ka lqlaqi laqi Qahat. 35Peeyah 30 knkawas betaq 50 knkawas ka kana mneyah qmeepah truma kobu mrtaso na. 36Pnooda tnpusu rudan snpegan we 27'50 heyi. 37Nii we kiya ka tnpusu rudan dseediq Qahat qmneepah ckceka kobu mrtaso. Pnuyu daha Utux Tmninun tnugesa na Moseh ma Aharon smepu.
38Pnooda tnpusu rudan ma kingal rudan tnsapah smepu ka lqlaqi laqi Gerson. 39Peeyah 30 knkawas betaq 50 knkawas ka kana mneyah qmeepah truma qpahun kobu mrtaso na. 40Pnooda tnpusu rudan ma tnsapah smpegan we 26'30 heyi. 41Nii we kiya ka tnpusu rudan dseediq Gerson qmneepah ckceka kobu mrtaso. Pnuyu daha Utux Tmninun tnugesa na Moseh ma Aharon smepu.
42Pnooda tnpusu rudan ma tnsapah smepu ka lqlaqi laqi Merariy. 43Peeyah 30 knkawas betaq 50 knkawas ka kana mneyah qmeepah qpahun kobu mrtaso na. 44Pnooda tnpusu rudan ma tnsapah snpegan we 32'00 heyi. 45Nii we kiya ka tnpusu rudan dseediq Merariy. Pnuyu daha Utux Tmninun tnugesa na Moseh ma Aharon smepu.
46Moseh, Aharon ma, dqbsuran mdudul Israel, spooda daha tnpusu rudan ma tnsapah smepu seediq Lewiy. 47Peeyah 30 knkawas betaq 50 knkawas ka kana mneyah qmeepah truma kobu mrtaso, qmneepah ooda mheal na. 48Kana snpegan daha we 85'80 heyi. 49Pnuyu daha Utux Tmninun rnengo na Moseh maasu qqpahun txtaxa daha ma ddaun daha. So nii wada daun smepu ka dheya, mntena so tnugesa Utux Tmninun rnengo na Moseh.
Currently Selected:
Spegan 4: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Spegan 4
4
Lqlaqi Laqi Qahat
1Utux Tmninun we rmengo Moseh ma Aharon: 2“Pdai tnpusu rudan ma tnsapah smepu ka seediq Lewiy Ckceka seediq Lewiy gaga ckceka lqlaqi laqi Qahat. 3Kiya ka peeyah 30 knkawas betaq 50 knkawas, kana mneyah qmeepah mrtaso na. 4So nii ka qpahun daha qyqeya mrtaso ckceka kobu mrtaso ka lqlaqi laqi Qahat.
5Mptheruy mosa ciida, Aharon daha ka lqlaqi na we mremux mosa truma kobu mrtaso. Mosa hmurah pala qqeerung, sbubung na kulu pnsdhegan. 6Bungan na bobo na ka qraqil camac ma hlgaanun na galiq mtblawa ka baro na. Bobo na de, lhugan daha ka phelan. 7Dheya we ssapo daha galiq mtblawa ka bobo psaan spuhan ma, psaun daha bobo hiya ka sara, guhi, dahur ma, rusuq hrigan sino. Htiyan daha bobo hiya ka pang spuhan klaali. 8Dheya we asi ka sbubung daha galiq mtanah ka baro na ma, bungan na qraqil camac dungal ka bobo na. Kiya de lhugan daha ka phelan na. 9Dheya we bungun daha galiq mtblawa ka pcmagan, sara pcmagan, dahur begu, sara psaan begu ma, kana qyqeya psaan abura mrtaso. 10Dungal we blequn daha lmabu qraqil camac ka pcmagan ma kana qyqeya pcmagan. Kiya de pniqun daha bobo phelan. 11Dheya we spagun daha pala mtblawa ka bobo spuhan snlmean king. Bungun daha qraqil camac malu ka baro na. Kiya de lhugan ka phelan na. 12Blequn daha lmabu pala mtblawa ka kana qyqeya ddooyun kobu mrtaso truma. Dungal we bungun daha malu qraqil camac tgbaro na. Kiya de pniqun na daha bobo phelan. 13Sksikun ka bengux dxeral bobo spuhan, spagun bobo spuhan ka galiq mgtdiyuc. 14Dungal we psaun daha bobo spuhan hiya ka kana qyqeya ddooyun daha. Kiya ka kana qyqeya ddooyun smapuh, sara psaan puniq, dahur heyi, karuk ma rusuq. Bungi qraqil camac malu ma lhugan hiya ka phelan.
15Mptheruy mosa ciida, bobo mhedu mubung mrtaso truma ma kana qyqeya mrtaso truma ka Aharon ma lqlaqi na de, kiya ka meyah dmidil ka lqlaqi laqi Qahat. So uxe mphuqil tmnelung qyqeya mrtaso ka dheya. Spapa lqlaqi laqi Qahat meniq ckceka kobu mrtaso ka nii.
16Qlhangun Elajar laqi Aharon msapuh we, abura psmagun, skenux mrtaso, pnhgalang ssapuh, abura pnrtaso. Heya we mpqlahang kana kobu mrtaso ma kana meniq hiya, kiya ma mrtaso truma ma qyqeya mrtaso truma hiya.”
17Rmengo Moseh ma Aharon ka Utux Tmninun: 18“Iya bale pkuuka peeyah ckceka seediq Lewiy ka tnpusu rudan seediq Qahat. 19Smdaling qyqeya mrtaso ka dheya we, pdai so nii ka dheya so maha muudus ma uxe mphuqil ka dheya. Aharon ma lqlaqi na ka mosa mremux ma maasu qqpahun txtaxa ma phelan daha. 20Kiya de asi ka ini osa qmita hmurah mrtaso truma hiya ka dheya, so uxe mphuqil ka dheya.”
Lqlaqi Laqi Gerson
21Rmengo Moseh ka Utux Tmninun: 22“Isu we pdai tnsapah ma tnpusu rudan smepu ka lqlaqi laqi Gerson. 23Peeyah 30 knkawas betaq 50 knkawas qmnepah ckceka kobu mrtaso na we spegi kana. 24Tnpusu rudan dseediq Gerson we nii ka qpahun, ddaun daha ma, spapa daha: 25Dheya we mpdidil bubung kobu truma, kobu mrtaso ma bubung kobu mgbaro, qraqil camac nubung mgbaro, qeerung rhengun, 26pala nganguc gaga mtqiri kobu mrtaso ma spuhan, snuyuk, qeerung rhengun nganguc, kana negul pgdehu nii ma, kana ooda quri so qyqeya nii. So nii ka daun daha meepah. 27Kana qpahun lqlaqi laqi Gerson, kiya ka spapa ma daun daha we, asi ka muyu tnugesa Aharon ma laqi na. Spapa daha we, yamu ka mpskagul na. 28Qpahun tnpusu rudan lqlaqi laqi Gerson meniq truma kobu mrtaso ka nii. Dheya we mqeepah truma Itamar laqi Aharon ka dheya.
Lqlaqi Laqi Merariy
29Quri so lqlaqi laqi Merariy we, pdai tnpusu rudan ma tnsapah smepu ka dheya. 30Peeyah 30 knkawas betaq 50 knkawas, kana mneyah meepah ckceka kobu mrtaso we spegi isu kana. 31Qqeepah daha ckceka kobu mrtaso ka nii. Dheya we mpheal qrtinuh qnabil, rgero, eruc, tluungan niqan doriq eruc, 32eruc ssiyo nganguc ma tluungan niqan doriq eruc, xiluy, negul ma kana qyqeya ma, kana qyqeya ddooyun smapuh. Yamu we pdai ngayan meku qyqeya spapa daha. 33Qpahun lqlaqi laqi Merariy meniq ckceka kobu mrtaso ka nii. Dheya we meepah toma Itamar laqi Aharon msapuh ka dheya.”
Smepu Rseno Seediq Lewiy
34Moseh ma Aharon ma, dmpdudul kana seediq we, spooda daha tnpusu rudan ma tnsapah smepu ka lqlaqi laqi Qahat. 35Peeyah 30 knkawas betaq 50 knkawas ka kana mneyah qmeepah truma kobu mrtaso na. 36Pnooda tnpusu rudan snpegan we 27'50 heyi. 37Nii we kiya ka tnpusu rudan dseediq Qahat qmneepah ckceka kobu mrtaso. Pnuyu daha Utux Tmninun tnugesa na Moseh ma Aharon smepu.
38Pnooda tnpusu rudan ma kingal rudan tnsapah smepu ka lqlaqi laqi Gerson. 39Peeyah 30 knkawas betaq 50 knkawas ka kana mneyah qmeepah truma qpahun kobu mrtaso na. 40Pnooda tnpusu rudan ma tnsapah smpegan we 26'30 heyi. 41Nii we kiya ka tnpusu rudan dseediq Gerson qmneepah ckceka kobu mrtaso. Pnuyu daha Utux Tmninun tnugesa na Moseh ma Aharon smepu.
42Pnooda tnpusu rudan ma tnsapah smepu ka lqlaqi laqi Merariy. 43Peeyah 30 knkawas betaq 50 knkawas ka kana mneyah qmeepah qpahun kobu mrtaso na. 44Pnooda tnpusu rudan ma tnsapah snpegan we 32'00 heyi. 45Nii we kiya ka tnpusu rudan dseediq Merariy. Pnuyu daha Utux Tmninun tnugesa na Moseh ma Aharon smepu.
46Moseh, Aharon ma, dqbsuran mdudul Israel, spooda daha tnpusu rudan ma tnsapah smepu seediq Lewiy. 47Peeyah 30 knkawas betaq 50 knkawas ka kana mneyah qmeepah truma kobu mrtaso, qmneepah ooda mheal na. 48Kana snpegan daha we 85'80 heyi. 49Pnuyu daha Utux Tmninun rnengo na Moseh maasu qqpahun txtaxa daha ma ddaun daha. So nii wada daun smepu ka dheya, mntena so tnugesa Utux Tmninun rnengo na Moseh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020