Spegan 5
5
Seediq Mrutiq
1Rmengo Moseh ka Utux Tmninun: 2“Tgsai isu ka seediq Israel, sai posa nganguc kobu ka dseediq mnarux msburo heyi, mmhemuc meyah ma, so mrutiq tmnelung mnhuqil. 3Ani rseno ani mqedil desi kana, desi nganguc kobu ka dheya. So uxe mpsrutiq ckceka namu ka dheya.” 4Muyu so nii moda ka seediq Israel, desun daha nganguc kobu ka dheya. Hmuwa mesa tnugesa na Moseh ka Utux Tmninun de, muyu so kiya moda ka seediq Israel.
Ptuura Qnquwan Noda ma Spririh
5Rmengo Moseh ka Utux Tmninun: 6“Tgsai ka seediq Israel: Ani rseno ma mqedil nasi wada moda ani maanu qnquwan noda ka seediq, betaq tbrinah Utux Tmninun we niqan qnquwan noda ka seediq kiya. 7Heya we asi na ka spgkela ka qnquwan noda na, asi ka dmahur prana mege 1 tnugrmaan pnririh na seediq ka heya. Sbege na seediq snhuran na. 8Nasi uka ka dadal na meyah mangal pnririh na de, maha nuUtux Tmninun, asi ka sbege na msapuh. Dungal we asi ka mege 1 balas miric snapuh mpsruwa qnquwan noda na. 9Kana ckceka mrtaso bnege seediq Israel, bnege daha lnabu msapuh we nmsapuh kana kiya. 10Nnamu nanak ka mrtaso bnege txtaxa namu, bbege snapuh we asi ka sbege msapuh kiya.”
Hmili Kmmhemuc ka Mqedil
11Rmengo Moseh ka Utux Tmninun: 12“Tgsai ka seediq Israel, rngagi ka dheya. Nasi kmmhemuc ka mqedil betaq tbrinah rseno na. 13Mmhemuc msuupu mtaqi heya ka seediq, ini klai rseno na ma, ini qtai seediq. Mqedil nii we gisu psrutiq heya nanak. Uka ka seediq meyah tmiyu qnquwan na ma ini qrapi uri. 14Nasi hmili mqedil na wada smrutiq heya nanak mesa ka lhebun rseno na. Uxe uri we hmili mqedil na ka lhebun rseno, betaq qmnriqu hmili heya ka rseno na de, 15rseno na de asi na ka desun berah msapuh hiya ka mqedil. Kiya uri ma asi ka madis 1 tnugmxalan igipa nemu mugi ngalun na snapuh. Iya gmaxi abura ma iya gmaxi sknexan. Ado snapuh pnhgalang hmili ka nii, mplmngelung ma mpkkela qnquwan noda ka nii.
16Msapuh we asi ka pyahun na berah ka mqedil, phyegun na berah Utux Tmninun. 17Msapuh we hrigun na qsiya mrtaso ka rusuq ma, mangal biciq bengux dxeral pneyah dxeral kobu mrtaso psaun na ckceka qsiya hiya. 18Msapuh we desun na pheyu berah Utux Tmninun ka mqedil kiya. Heya we asi ka mrrudu ka snuunux na. Kiya de asi ka psaun qapal baga na ka snapuh pnhgalang mpkkela, kiya ka snapuh pnhgalang hmili. Baga msapuh we mdoi qsiya mngihur cmiyus. 19Mpsdehu mqedil nii ka msapuh, mprengo heya: ‘Nasi ini suupu mtaqi isu ka seediq, nasi su ini kmhemuc tbukuy rseno su moda noda rutiq de, maha su lhlahun ka qsiya mngihur sniyus nii. 20Kiya de tbukuy su seno, msuupu su mtaqi rseno icil smrutiq su isu nanak.’ 21Mpsiyus psdehu ka mqedil, mptgesa heya ka msapuh: ‘Pkpiyung bteriq su ma pklabu nbuyas su ka Utux Tmninun ciida de, tai so Utux Tmninun we syusun su na daha ma snyanun su na daha ckceka dseediq.’ 22Tai so mpteme nbuyas su ka qsiya sniyus nii, pklabu nbuyas su ma, pkpiyung bteriq su. Mqedil we asi ka rmengo: ‘Ameng! Ameng!’
23Msapuh we asi ka spatis na patis hiya ka sniyus nii, kiya de mdoi qsiya mnihur nii smerus. 24Dungal we pmahun na qsiya mngihur sniyus nii ka mqedil. Mngihur qsiya sniyus nii we maha mremux heyi na ma mpqraqil heya. 25Msapuh we ngalun na peeyah baga mqedil kiya ka snapuh pnhgalang mhili. Slgelu na berah Utux Tmninun ka snapuh pnhgalang ma desun na berah spuhan. 26Dungal we mangal duma peeyah ckceka snapuh pnhgalang ma ngalun na so mplmngelung. Psqmaun na bobo spuhan, kiya de pmahun na mqedil nii ka qsiya nii. 27Bobo pnmahan msapuh ka mqedil, nasi snrutiq heya nanak ka heya ma bale ba pnaqah rseno na de, qsiya sniyus nii we maha mremux heyi na ma, mpqraqil heya. Mplabu ka nbuyas na ma bteriq na we maha mpiyung. Maha daha ngalun mpsiyus ka mqedil nii meniq ckceka seediq. 28Nasi ini oda snrutiq heya nanak ka mqedil nii, bale ba bgurah ka heya we, uxe maangal sneeliq nii ka heya, kiya ma mptnlaqi ka heya uri.
29Gaya hmili mqedil kmmhemuc bukuy rseno ma smrutiq heya nanak ka nii. 30Uxe uri we nasi hmili ka lhebun rseno, hliun na ka mqedil na de, asi ka phyegun na berah Utux Tmninun ka mqedil nii. Mpuyu gaya nii moda heyi na. 31Uka qnquwan na ka rseno. Mqedil we asi ka mapa qnquwan na nanak.”
Currently Selected:
Spegan 5: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020