Spegan 6
6
Gaya Seediq Najir
1Rmengo Moseh ka Utux Tmninun: 2“Tgsai ka seediq Israel, rngagi ka dheya: Ani rseno ma mqedil netun wada moda psdehu pnsnakan, kiya ka psdehu seediq Najir mpsruwa smtheya seediq nuUtux Tmninun ka heya. 3Heya we asi ka smtheya sino ma sino mngihur riyung. Dungal we asi ka ini imah beyuq lipas ma, ini ekan lipas ma lipas mndengu. 4Ali smtheya su ciida, kana gnhei lipas, ani buuc na ma rehaq na we iya bale uqi.
5Meniq ali pnsgaya na smtheya seediq ciida we, iya bale buyuh snuunux. Ini pttuku ali na smtheya seediq berah nuUtux Tmninun ciida we, asi ka mrtaso ka heya ma kndkilan na snuunux we uqu nak mdakil. 6Kana ali smtheya seediq nuUtux Tmninun ciida we iya bale smdaling mnhuqil. 7Ani mhuqil ka tama ma bubu na ma, mtswai na we, ini dehuk psrutiq heya nanak. Ado niqan pnskraya smtheya seediq ka tunux na ka heya. 8Meniq kana ali na smtheya seediq ciida we, pnrtaso Utux Tmninun ka heya.
9Nasi asi lux mhuqil ssiyo na ka seediq, kiya de betaq smrutiq tunux smtheya seediq na. So kiya de asi ka byuhan ka snuunux na bobo mk7 ali bgurah ciida ka heya. 10Tg8 ali de asi ka madis 2 byugu uxe uri we 2 deerang mosa rhengun kobu mrtaso ma sbege na msapuh. 11Msapuh we ssapuh na prtaso qnnaqah noda ka 1 ma, 1 we ngalun na snapuh psqmaun. Ririh qnquwan noda tnelung na heyi mnhuqil. Kiya ma meniq ali ciida, mprtaso ka tunux na. 12Heya we migin ali smtheya seediq nuUtux Tmninun ciida, madis 1 knkawas balas wawa miric ngalun na snapuh prtaso qnquwan. Tberah ndaan na we uka ririh na ka kiya di. Ado wada srtiqan ka ali sntheya na seediq di.
13Gaya seediq Najir we so nii: Mttuku ka ali sntheya na seediq de, msapuh we asi ka desun na rhengun kobu mrtaso. 14Heya we asi ka mege snapuh Utux Tmninun, kiya ka 1 knkawas wawa miric baus uka luqah ngalun na snapuh psqmaun. 1 knkawas uka luqah ka gipu wawa miric rudu we ngalun snapuh psruwa qnquwan noda. 1 uka luqah baus miric rudu we ngalun snapuh ptbale. 15Dungal we pang snmalu malu mugi ini psai tgeda ma gnmaxan abura ma, pang ini psai tgeda gnmaxan abura we, pspui snapuh pnhgalang ma snapuh sino mege. 16Msapuh we asi ka meyah berah Utux Tmninun mssmapuh mege snapuh psruwa qnquwan noda ma snapuh psqmaun. 17Msapuh we ngalun na snapuh ptbale biqun Utux Tmninun ka baus miric ma pang ini psai tgeda. Kiya ma spuun na mege ka snapuh pnhgalang ma snapuh sino. 18Seediq Najir we asi ka matak snuunux na berah rhengun kobu mrtaso. Kiya ma psaun na bobo puniq snapuh ptbale hiya ka snuunux sntheya na seediq. 19Mnhedu matak tunux ka heya de, msapuh we asi ka mangal 1 icil papak mnhada baus miric rudu ma, 1 pang ini psai tgeda ma, 1 pang epux ini psai tgeda psaun na qapal baga na. 20Msapuh we mangal nii ma slgelu na berah Utux Tmninun, ngalun na snapuh slgelu. Nii we mntena so snapuh slgelu heyi berah ma papak ge mrtaso kiya ma nmsapuh ka kiya. Bobo na de ani nak mimah sino ka seediq Najir.
21Gaya sndehu seediq Najir ka nii. Asi ka niqan beyax na moda so nii ka heya, kiya ka ani nak mege snapuh na Utux Tmninun smtheya na seediq. Hmuwa mesa ka sndehu na we asi ka muyu gaya smtheya seediq nii moda.”
Smbleqan Msapuh
22Rmengo Moseh ka Utux Tmninun: 23Rngagi ka Aharon ma lqlaqi na: Yamu we sbleqi ka seediq Israel. Rengo so nii:
24Tai so mpbleyaq sunan ka Utux Tmninun ma mpqlahang sunan.
25Tai so mpthido sunan ka ledax dqeras Utux Tmninun ma mege huwe sunan.
26Tai so mpsquri sunan ka dqeras Utux Tmninun ma mbege ptbale lhebun sunan.
27“Mpuso nii mdoi ngayan mu smbleyaq seediq Israel ka dheya. Yaku we mpsbleyaq ku dheya uri.”
Currently Selected:
Spegan 6: Stgdaya
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020
Spegan 6
6
Gaya Seediq Najir
1Rmengo Moseh ka Utux Tmninun: 2“Tgsai ka seediq Israel, rngagi ka dheya: Ani rseno ma mqedil netun wada moda psdehu pnsnakan, kiya ka psdehu seediq Najir mpsruwa smtheya seediq nuUtux Tmninun ka heya. 3Heya we asi ka smtheya sino ma sino mngihur riyung. Dungal we asi ka ini imah beyuq lipas ma, ini ekan lipas ma lipas mndengu. 4Ali smtheya su ciida, kana gnhei lipas, ani buuc na ma rehaq na we iya bale uqi.
5Meniq ali pnsgaya na smtheya seediq ciida we, iya bale buyuh snuunux. Ini pttuku ali na smtheya seediq berah nuUtux Tmninun ciida we, asi ka mrtaso ka heya ma kndkilan na snuunux we uqu nak mdakil. 6Kana ali smtheya seediq nuUtux Tmninun ciida we iya bale smdaling mnhuqil. 7Ani mhuqil ka tama ma bubu na ma, mtswai na we, ini dehuk psrutiq heya nanak. Ado niqan pnskraya smtheya seediq ka tunux na ka heya. 8Meniq kana ali na smtheya seediq ciida we, pnrtaso Utux Tmninun ka heya.
9Nasi asi lux mhuqil ssiyo na ka seediq, kiya de betaq smrutiq tunux smtheya seediq na. So kiya de asi ka byuhan ka snuunux na bobo mk7 ali bgurah ciida ka heya. 10Tg8 ali de asi ka madis 2 byugu uxe uri we 2 deerang mosa rhengun kobu mrtaso ma sbege na msapuh. 11Msapuh we ssapuh na prtaso qnnaqah noda ka 1 ma, 1 we ngalun na snapuh psqmaun. Ririh qnquwan noda tnelung na heyi mnhuqil. Kiya ma meniq ali ciida, mprtaso ka tunux na. 12Heya we migin ali smtheya seediq nuUtux Tmninun ciida, madis 1 knkawas balas wawa miric ngalun na snapuh prtaso qnquwan. Tberah ndaan na we uka ririh na ka kiya di. Ado wada srtiqan ka ali sntheya na seediq di.
13Gaya seediq Najir we so nii: Mttuku ka ali sntheya na seediq de, msapuh we asi ka desun na rhengun kobu mrtaso. 14Heya we asi ka mege snapuh Utux Tmninun, kiya ka 1 knkawas wawa miric baus uka luqah ngalun na snapuh psqmaun. 1 knkawas uka luqah ka gipu wawa miric rudu we ngalun snapuh psruwa qnquwan noda. 1 uka luqah baus miric rudu we ngalun snapuh ptbale. 15Dungal we pang snmalu malu mugi ini psai tgeda ma gnmaxan abura ma, pang ini psai tgeda gnmaxan abura we, pspui snapuh pnhgalang ma snapuh sino mege. 16Msapuh we asi ka meyah berah Utux Tmninun mssmapuh mege snapuh psruwa qnquwan noda ma snapuh psqmaun. 17Msapuh we ngalun na snapuh ptbale biqun Utux Tmninun ka baus miric ma pang ini psai tgeda. Kiya ma spuun na mege ka snapuh pnhgalang ma snapuh sino. 18Seediq Najir we asi ka matak snuunux na berah rhengun kobu mrtaso. Kiya ma psaun na bobo puniq snapuh ptbale hiya ka snuunux sntheya na seediq. 19Mnhedu matak tunux ka heya de, msapuh we asi ka mangal 1 icil papak mnhada baus miric rudu ma, 1 pang ini psai tgeda ma, 1 pang epux ini psai tgeda psaun na qapal baga na. 20Msapuh we mangal nii ma slgelu na berah Utux Tmninun, ngalun na snapuh slgelu. Nii we mntena so snapuh slgelu heyi berah ma papak ge mrtaso kiya ma nmsapuh ka kiya. Bobo na de ani nak mimah sino ka seediq Najir.
21Gaya sndehu seediq Najir ka nii. Asi ka niqan beyax na moda so nii ka heya, kiya ka ani nak mege snapuh na Utux Tmninun smtheya na seediq. Hmuwa mesa ka sndehu na we asi ka muyu gaya smtheya seediq nii moda.”
Smbleqan Msapuh
22Rmengo Moseh ka Utux Tmninun: 23Rngagi ka Aharon ma lqlaqi na: Yamu we sbleqi ka seediq Israel. Rengo so nii:
24Tai so mpbleyaq sunan ka Utux Tmninun ma mpqlahang sunan.
25Tai so mpthido sunan ka ledax dqeras Utux Tmninun ma mege huwe sunan.
26Tai so mpsquri sunan ka dqeras Utux Tmninun ma mbege ptbale lhebun sunan.
27“Mpuso nii mdoi ngayan mu smbleyaq seediq Israel ka dheya. Yaku we mpsbleyaq ku dheya uri.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible Society in Taiwan, 2020
© 台灣聖經公會版權所有，2020