मत्ती 17
17
ईसु को रूप बदलबो
(मरकुस 9:2–13; लूका 9:28–36)
1छ दिना क पाछै ईसु आपका चेला मऊँ पतरस, याकूब अर बिका भाई यहून्नानै सागै लेर डूँगरी प गयो। 2बठै बा चेला क सामै ईसु को रूप बदलगो। बिको मुंडो बी सूरज की जंय्यां भळका मारबा लाग्यो अर गाबा चमकबा लाग्या। 3अर बठै बाकै सामै एलिआ अर मूसा परगट होया, बे ईसुऊँ बतळावै हा। 4पतरस बानै देखर ईसुऊँ बोल्यो, “ओ परबु आ कत्ती चोखी बात ह क आपा अठै हां! ज थे चाओ तो म अठै तीन पंडाळ बणा द्युँ एक थारै ताँई एक मूसा ताँई अर एक एलिआ ताँई।” 5#मत्त 3:17; 12:18; मर 1:11; लूक 3:22#2 पत 1:17,18पतरस अंय्यां बोलर्योई हो क एक भळकतो बादळ आर बानै ढक लिओ अर बि बादळ मऊँ हेलो आयो, “ओ मेरो लाडलो बेटो ह। जिऊँ म बोळो राजी हूँ थे इकी मानो।” 6अर चेला ओ हेलो सुणर बोळा डरग्या अर उंदा मुंडै गिरगा। 7जणा ईसु बाकै हात अड़ार ओडायो, “खड़्या होवो डरो मना।” 8अर बे उठर देख्या जणा बानै बठै ईसुनै छोडर कोईबी कोनी दिख्यो। 9अर जद बे डूँगरीऊँ तळै आर्या हा जणा ईसु बा तीन्यानै चेतार हुकम दिओ, “जोक्यु बी थे देख्या हो बिकै बारां म कोईनैई क्युंई मना खिज्यो जद ताँई क मिनख को बेटो मरेड़ा मऊँ ओज्यु जीवतो नइ होज्या।” 10जणा चेला बिनै बुज्या, “यहूदि धरमसास्तरी क्याले बोलै ह क, ‘एलिआ को पेल्या आबो पक्को ह?’” 11ईसु बाऊँ बोल्यो, “आ सची ह क्युं क परमेसर कोल बचन कर्यो ह क मसी क आबा ताँई लोगा का हियानै त्यार करबा एलिआ आसी। 12#मत्त 11:14पण म थारूँ खेऊँ हूँ एलिआ तो आरई गयो। पण आपणा नेता बिनै देखर बी कोनी पिछाण्या अर जंय्यां बे बिकै सागै करबो चावा हा बंय्यांई बिकै सागै कर्यो। अर बे मिनख का बेटा क सागै बी बंय्यांई करसी।” 13पण चेला समज्या क, “ओ आपानै बतिस्मो देबाळा यहून्ना क बारां म बोलर्यो ह।”
ईसु छोरा मऊँ ओपरी बलाय काडी
(मरकुस 9:14–29; लूका 9:37–43a)
14जद ईसु भीड़ कनै आयो जणा बठै एक मिनख बिकन आयो अर धोक खाई। 15अर बोल्यो, “हे परबु थे माखाळा छोरा प दया करो! बिनै जद बी मिरगी आवै ह जणा बो बोळो तड़फै ह अर बो आग अर पाणी म गिर जावै ह। 16म बिनै थारा चेला कनै ल्याओ हो पण बे बिनै निरोगो कोनी कर सक्या।” 17ईसु बिकी बात सुणर बोल्यो, “अरै भेम करबाळो अर कुटिचर मिनखो, म कद ताँई थारै सागै रेहस्युं? अर थानै भोगस्युं? बि छोरानै मेरै कनै ल्याओ।” 18ईसु बि ओपरी बलायनै बि छोरा मऊँ निकळबा ताँई दकाल्यो अर बा बलाय बिमैऊँ निकळगी अर बो छोरो बि घड़ीई निरोगो होगो। 19अर जद ईसु एकलो हो जणा चेला बिनै बुज्या, “म्हें बि बलायनै क्युं कोनी काड सक्या?” 20-21#मत्त 21:21; मर 11:23; 1 कुरन्थी 13:2ईसु बाऊँ बोल्यो, “थारै म बिस्वास की कमी ही। म थारूँ सची खेऊँ हूँ ज थारै म राई क दाणो जत्तो बी बिस्वास होसी अर थे इ डूँगरऊँ बोलस्यो अठैऊँ हटर बठै चल्योजा जणा बो चल्यो ज्यासी। थारै ताँई क्युंई बी अणहोतो कोनी।”#17:20–21 क्युंक हातऊँ मांडेड़ी पोथ्या म 21वी आयतनै जोड़्यो गयो ह जिमै अंय्यां मंडर्यो ह क आ जात खाली अरदास अर बरतऊँई निकळै ह। पण चोखी पोथ्या म आ आयत कोनी।
ईसु ओज्यु आपकी मोत क बारां म बतायो
(मरकुस 9:30–32; लूका 9:43–45)
22ईसु आपका चेला क सागै गलिल म गयो अर बानै खयो, “मिनख को बेटो मिनखा क हाता म सूप्यो जाबाळो ह। 23बे बिनै मार गेरसी पण परमेसर तीसरा दिन बिनै ओज्यु जिंदो कर देसी।” चेला आ बात सुणर दुखी होया।
मनदर को कर चुकाबो
24जद बे कफरनूम म आया जणा मनदर को कर लेबाळा, पतरसनै बुज्यो, “थारो गरूजी मनदर को कर#17:24 मनदर को कर दो दिना की मजुरी देवै ह के?” 25पतरस बोल्यो, “हाँ देवै ह।” अर जद पतरस घरा आयो जणा बिकै कर हाळी बात चलाबाऊँ पेलीई ईसु बिनै बोल्यो, “ओ समोन तू काँई सोचै ह? इ धरती का राजा किऊँ-किऊँ लगान लेवै ह? आपका बेटाऊँ नहिस पराया मिनखाऊँ।” 26पतरस बोल्यो, “परायाऊँ#17:26 परायाऊँ बा दिना म राजा जीतेड़ा देसा का मिनखाऊँ कर लेता हा आपका देस का मिनखाऊँ कोनी लेता हा। लेवै ह।” अंय्यां सुणर ईसु बोल्यो, “जणा तो बेटा कर कोनी देवीं। 27पण आपा आको अपमान कोनी करां इ ताँई दरिआव क किनारै काँटो गेर अर जखी पेली मछी हात आवै बिको मुंडो पा'ड़र देखजे तनै बिकै मुंडा म एक सीक्को मिलसी। बिनै तेरै अर मेरै ताँई कर म दे दिजे।”
Currently Selected:
मत्ती 17: एस डब्लु वी
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
