ಮತ್ತಾಯೆ 21
21
ಯೆರೂಸಲೇಮುಗು ಯೇಸುನ ಅರಸು ಮರ್ಜಿದ ಪ್ರವೇಶ
(ಮಾರ್ಕೆ 11:1-11; ಲೂಕೆ 19:28-40; ಯೋಹಾನೆ 12:12-19)
1ಅಕುಲು ಯೆರೂಸಲೇಮುಗು ಕೈತಲಾನಗ ಇಪ್ಪೆಗುಡ್ಡೆದ ಕೈತಲಿತ್ತಿ ಬೇತ್ಫಗೆಗ್ ಬತ್ತೆರ್. ಅಪಗ ಯೇಸು ತನ ರಡ್ಡ್ ಶಿಷ್ಯೆರೆನ್ ಲೆತ್ತ್‌ದ್, 2“ನಿಕ್ಲೆ ಎದುರುಡುಪ್ಪು ಹಳ್ಳಿಗ್ ಪೋಲೆ. ಐತ ಉಲಯಿ ಪೋಯಿ ಕೂಡ್ಲೆ, ಅಲ್ಪ ಕಟ್ಟ್‌ದುಪ್ಪು ಕತ್ತೆನ್ಲಾ ಐತ ಒಟ್ಟುಡುಪ್ಪು ಕಿನ್ನಿನ್ಲಾ ತೂಪರ್, ಅವೆನ್ ಗಿರ್ತ್‌ದ್ ಎನ ಕೈತಲ್‌ ಕನಲೆ. 3ಏರಾಂಡಲಾ ನಿಕ್ಲೆಗ್ ಎಂಚಿನಾಂಡಲಾ ಪಂಡೆರ್ಡ, ‘ಉಂದು ಸ್ವಾಮಿಗ್ ಬೋಡಾತ್ಂಡ್,’ ಅಪಗನೇ ಅವೆನ್ ಬುಡ್ದು ಕೊರುವೆ,” ಪಂಡ್ದ್ ಕಡಪುಡಿಯೆ. 4ಒರಿ ಪ್ರವಾದಿಡ್ದ್ ಪನ್ಪಾಯಿ ಪಾತೆರ ನಡಪುಲೆಕ್ಕ ಉಂದು ಆಂಡ್. ಅವು ದಾನೆಂದ್ಂಡ,
5“‘ಚೀಯೋನು ಮಗಲೇ,
ತೂಲ, ನಿನ ಅರಸು ನಿನ ಕೈತಲ್‌ ಬರ್ಪೆ,
ಆಯೆ ಶಾಂತ ಗುಣತಾಯೆ ಆದ್, ಕತ್ತೆನ್ ಅಂದ್,
ಪ್ರಾಯದ ಕತ್ತೆದ ಕಿನ್ನಿದ ಮಿತ್ತ್ ಕುಲ್ಲೊಂದು
ಬರ್ಪೆ,’ ಅಂದ್‌ದ್ ಪನ್ಲೆ,” ಪನ್ಪಿನವು.
6ಅಪಗ ಶಿಷ್ಯೆರ್ ಪೋದು ಯೇಸು ಅಪ್ಪಣೆ ಕೊರಿಲೆಕ್ಕನೇ 7ಕತ್ತೆನ್ಲಾ ಐತ ಕಿನ್ನಿನ್ಲಾ ಕನತ್‌ದ್ ತನ್ಕುಲೆ ಕುಂಟುಲೆನ್ ಐತ ಮಿತ್ತ್ ಪಾಡಿ ಬೊಕ್ಕ ಯೇಸು ಐತ ಮಿತ್ತ್ ಕುಲ್ಲಿಯೆ. 8ಅಪಗ ಜನೊಕುಲೆ ಗುಂಪುಡು ಮಸ್ತ್ ಜನ ತನ್ಕುಲೆ ಕುಂಟುಲೆನ್ ಸಾದಿಡ್ ಬುಡ್ಪಾಯೆರ್. ಬೇತೆ ಕೆಲೆವೆರ್ ಮರತ ಕೊಡಿಕ್ಕ್‌ಲೆನ್ ಪೊಲ್ತುದು ಸಾದಿಡ್ ಪಾಡೊಂದಿತ್ತೆರ್. 9ಆಯನ ಪಿರವುಡ್ಲಾ ದುಂಬುಡ್ಲಾ ಗುಂಪಾದ್ ಪೋವೊಂದಿತ್ತಿ ಜನೊಕುಲು,
“ದಾವೀದನ ಮಗಕ್ಕ್ ಹೊಸನ್ನಾ!
ಕರ್ತವ ಪುದರ್‌ಡ್ ಬರ್ಪಿನಾಯಗ್ ಆಶೀರ್ವಾದ,
ಮಿತ್ತ್‌ದ ಲೋಕೊಡು ಹೊಸನ್ನಾ!”
ಅಂದ್‌ದ್ ಬೊಬ್ಬೆ ಪಾಡಿಯೆರ್.
10ಆಯೆ ಯೆರೂಸಲೇಮುಗು ಸೇರಿನಪಗ ಇಡೀ ಪಟ್ಟಣದಾಕುಲು ಬಾರಿ ಗದ್ದಲೊಡು “ಉಂಬೆ ಏರ್?” ಅಂದ್‌ದ್ ಕೇಂಡೆರ್. 11ಐಕ್ ಆ ಜನೊಕುಲೆ ಗುಂಪುದಾಕುಲು, “ಉಂಬೆ ಪ್ರವಾದಿ, ಗಲಿಲಾಯದ ನಜರೇತ್‌ದ ಯೇಸು,” ಪಂಡೆರ್.
ದೇವಾಲಯೊಡು ಯೇಸು
(ಮಾರ್ಕೆ 11:15-19; ಲೂಕೆ 19:45-48; ಯೋಹಾನೆ 2:13-22)
12ಐಡ್ದ್ ಬೊಕ್ಕ ಯೇಸು ದೇವಾಲಯೊಗು ಪೋದು, ಅಲ್ಪ ಮಾರುನ, ದೆತ್ತೊನುನ ಮಾತೆರೆನ್ಲಾ ಗಿಡ್ತ್‌ದ್, ಕಾಸ್ ಬದಲಿ ಮಲ್ಪುನಾಕುಲೆನ ಮೇಜಿಲೆನ್ಲಾ, ಪುದ ಮಾರುನಾಕುಲೆನ ಮಣೆಕ್ಲೆನ್ಲಾ ಮರತ್ ಪಾಡಿಯೆ. 13ಅಕ್ಲೆಗ್, “‘ಎನ ಇಲ್ಲ್ ಪ್ರಾರ್ಥನೆದ ಇಲ್ಲ್ ಆದುಂಡು,’ ಅಂದ್‌ದ್ ಬರೆತ್ಂಡ್. ಆಂಡ ನಿಕುಲು ಅವೆನ್ ಕಲ್ವೆರೆ ಮಾಟೆ ಮಲ್ತ್‌ದರ್,” ಅಂದ್‌ದ್ ಪಂಡೆ. 14ಅಪಗ ಕುರುಡೆರ್ಲಾ, ಕುಂಟೆರ್‌ಲಾ ದೇವಾಲಯೊಡು ಆಯನ ಕೈತಲ್‌ ಬತ್ತಿನಪಗ ಅಕ್ಲೆನ್ ಗುಣ ಮಲ್ತೆ. 15ಆಂಡ ಪ್ರಧಾನಯಾಜಕೆರ್‌ಲಾ, ಶಾಸ್ತ್ರಿಲುಲಾ ಆಯೆ ಮಲ್ತಿನ ಕಾರ್ನಿಕೊಲೆನ್ಲಾ ದಾವೀದನ ಮಗಕ್ಕ್ ಹೊಸನ್ನಾ ಪಂಡ್ದ್ ದೇವಾಲಯೊಡು ಬೊಬ್ಬೆ ದೀವೊಂದುಪ್ಪುನ ಜೋಕುಲೆನ್ಲಾ ತೂದು ಕೋಪ ಮಲ್ತೆರ್. 16ಐಕ್ ಆಯಡ, “ಮೊಕುಲು ಪನ್ಪಿನೆನ್ ಕೇನೊಂದುಲ್ಲನಾ?” ಅಂದ್‌ದ್ ಪನ್ನಗ ಯೇಸು, “ಅಂದ್ ಕೇನೊಂದುಲ್ಲೆ, ‘ಎಲ್ಯ ಜೋಕುಲೆ ಬಾಯಿಡ್ದ್‌ಲಾ, ಮಿರೆತಿನ್ಪಿ ಬಾಲೆಲೆ ಬಾಯಿಡ್ದ್‌ಲಾ ಪುಗರಿಕೆ ಮಲ್ತೊಂಡ,’ ಇನ್ಪಿನೆನ್ ಶಾಸ್ತ್ರೊಡು ನಿಕುಲು ಏಪಾಂಡಲಾ ಓದುದುಜರಾ?” ಪಂಡೆ. 17ಐಡ್ದ್ ಬೊಕ್ಕ ಅಕ್ಲೆನ್ ಬುಡ್ದು ಪಟ್ಟಣಡ್ದ್ ಪಿದಾಡ್ದ್ ಬೇಥಾನ್ಯೊಗು ಬತ್ತ್‌ದ್ ರಾತ್ರೆ ಅಲ್ಪ ಇತ್ತೆ.
ಅಂಜೂರದ ಮರೊಕು ಶಾಪ
(ಮಾರ್ಕೆ 11:12-14,20-24)
18ಮನದಾನಿ ಆಯೆ ಬೆಥ್ಯಾನ ಬುಡ್ದು ಬನ್ನಗ ಆಯಗ್ ಬಡವು ಆಂಡ್. 19ಸಾದಿಡ್ ಒಂಜಿ ಅಂಜೂರದ ಮರೊನು ತೂದು ಐತ ಕೈತಲ್‌ ಪೋದು ತನ್ಕ್ ತಿನಿಯೆರೆ ಅಂಜೂರದ ಪರ್ಂದ್ ತಿಕ್ಕು ಪಂಡ್ದ್ ಮರತ ಕೈತಲ್‌ ಬತ್ತ್‌ದ್ ತೂನಗ ಐಟ್ಟ್ ಬಜೀ ಇರೆ ಅತ್ತಂದೆ ದಾಲಾ ತೋಜಿಜಿ. ಅಪಗ ಐಕ್, “ನನ ಮಿತ್ತ್ ಏಪೊಗ್ಲಾ ನಿನಡ್ ಫಲ ಆವಂದೆನೇ ಪೋವಡ್!” ಅಂದ್‌ದ್ ಪಂಡಿ ಕೂಡ್ಲೆ ಆ ಮರ ನುಂಗುದು ಪೋಂಡು. 20ಶಿಷ್ಯೆರ್ ಅವೆನ್ ತೂದು ಅಚ್ಚಿರ ಆದ್, “ಈ ಅಂಜೂರದ ಮರ ಎಂಚ ಪಕ್ಕನೆ ನುಂಗುದು ಪೋಂಡು?” ಪಂಡೆರ್. 21ಐಕ್ ಯೇಸು, “ನಿಕ್ಲೆಗ್ ನಿಜಾದ್ ಪನ್ಪೆ, ನಿಕುಲು ಸಂಶಯ ಮಲ್ಪಂದೆ ನಂಬಿಯರ್ಡ ಯಾನ್ ಅಂಜೂರದ ಮರೊಕು ಮಲ್ತಿನೆನ್ ನಿಕುಲುಲಾ ಮಲ್ಪುವರ್. ಉಂದು ಮಾತ್ರ ಅತ್ತಂದೆ ಈ ಗುಡ್ಡೆಡ, ‘ಈ ಲಕ್ಕ್‌ದ್ ಪೋದು ಕಡಲ್ಡ್ ಬೂರು,’ ಅಂದ್‌ದ್ ಪಂಡರ್ಡ ಅವುಲಾ ಆಪುಂಡು. 22ನಿಕುಲು ನಂಬೊಂದು ಪ್ರಾರ್ಥನೆಡ್ ಎಂಚೆಂಚಿನೆನ್ ನಟ್ಟೊನುವರಾ ಅವು ಮಾತಲಾ ನಿಕ್ಲೆಗ್ ತಿಕ್ಕುಂಡು.”
ಯೇಸುನ ಅಧಿಕಾರದ ಬಗೆಟ್ ಶಾಸ್ತ್ರಿಲೆನ ಪ್ರಶ್ನೆ
(ಮಾರ್ಕೆ 11:27-33; ಲೂಕೆ 20:1-8)
23ಬೊಕ್ಕ ಆಯೆ ದೇವಾಲಯೊಗು ಬತ್ತ್‌ದ್ ಬೋಧನೆ ಮಲ್ತೊಂದುಪ್ಪುನಗ ಪ್ರಧಾನಯಾಜಕೆರ್‌ಲಾ, ಪ್ರಜೆಕುಲೆ ಹಿರಿಯೆರ್‌ಲಾ ಆಯ ಕೈತಲ್‌ ಬತ್ತ್‌ದ್, “ಈ ವಾ ಅಧಿಕಾರೊಡು ಉಂದೆನ್ ಮಾತ ಮಲ್ತೊಂದುಲ್ಲ? ಈ ಅಧಿಕಾರೊನು ನಿಕ್ಕ್ ಏರ್ ಕೊರಿಯೆರ್?” ಅಂದ್‌ದ್ ಕೇಂಡಿನೆಕ್ಕ್ 24ಯೇಸು ಅಕ್ಲೆಗ್ ಪಂಡಿನಿ ದಾನೆಂದ್ಂಡ, “ಯಾನ್ಲಾ ನಿಕ್ಲೆಡ ಒಂಜಿ ಪಾತೆರ ಕೇನ್ವೆ. ಅವೆನ್ ನಿಕುಲು ಎಂಕ್ ಪಂಡರ್ಡ ಯಾನ್ಲಾ ವಾ ಅಧಿಕಾರೊಡು ಉಂದೆನ್ ಮಲ್ಪುವೆ ಪನ್ಪಿನೆನ್ ನಿಕ್ಲೆಗ್ ಪನ್ಪೆ. 25ದೀಕ್ಷಾಸ್ನಾನ ಮಲ್ಪಾವುನ ಅಧಿಕಾರ ಯೋಹಾನಗ್ ಒಲ್ತುಡ್ದು ಬತ್ತ್ಂಡ್? ಪರಲೋಕೊಡ್ದಾ, ನರಮಾನಿಲೆಡ್ದಾ?” ಅಂದ್‌ದ್ ಅಕ್ಲೆಡ ಕೇಂಡೆ. ಅಪಗ ಅಕುಲು, “‘ಪರಲೋಕೊಡ್ದು,’ ಅಂದ್‌ದ್ ನಮ ಪಂಡ್ಂಡ, ‘ನಿಕುಲು ಆಯನ್ ದಾಯೆಗ್ ನಂಬುಜರ್?’ ಅಂದ್‌ದ್ ನಮಡ ಕೇನೆ. 26‘ನರಮಾನಿಲೆಡ್ದ್ ಬೈದ್‌ಂಡ್ ಅಂದ್‌ದ್’ ಪಂಡ್ಂಡ, ಎಂಕ್ಲೆಗ್ ಜನೊಕುಲೆ ಪೋಡಿಗೆ ಉಂಡು. ಯೋಹಾನನ್ ಪ್ರವಾದಿ ಅಂದ್‌ದ್ ಮಾತೆರ್ಲಾ ಎನ್ನುವೆರತ್ತಾ,” ಅಂದ್‌ದ್ ತನ್ಕುಲೆ ಉಲಯಿ ಪಾತೆರೊಂಡೆರ್. 27ಕಡೆಕ್ಕ್ ಅಕುಲು, “ಎಂಕ್ಲೆಗ್ ಗೊತ್ತಿಜ್ಜಿ,” ಅಂದ್‌ದ್ ಯೇಸುಗು ಉತ್ತರ ಕೊರಿಯೆರ್. ಅಪಗ ಆಯೆ ಅಕ್ಲೆಗ್, “ವಾ ಅಧಿಕಾರೊಡು ಉಂದೆನ್ ಮಾತೆನ್ಲಾ ಮಲ್ಪುವೆನಾ ಅವೆನ್ ಯಾನ್ಲಾ ನಿಕ್ಲೆಗ್ ಪನ್ಪುಜಿ.”
ಮೆಗ್ಯೆಪಲಯಾಡ್ಲೆ ಉಪಕತೆ
28“ಆಂಡ ನಿಕ್ಲೆಗ್ ಎಂಚ ತೋಜುಂಡು? ಒರಿ ನರಮಾನಿಗ್ ರಡ್ಡ್ ಜೋಕುಲಿತ್ತೆರ್. ಆಯೆ ಸುರುತ್ತಾಯನ ಕೈತಲ್‌ ಬತ್ತ್‌ದ್, ‘ಮಗಾ, ಪೋದು ಇನಿ ದ್ರಾಕ್ಷೆತೋಟೊಡು ಬೇಲೆ ಮಲ್ಪು,’ ಪಂಡಿನಪಗ 29ಆಯೆ, ‘ಯಾನ್ ಪೋಪುಜಿ,’ ಅಂದ್‌ದ್ ಪಂಡೆಡಲಾ ಬೊಕ್ಕ ಪಶ್ಚಾತಾಪ ಪಡೆದ್ ತೋಟೊಗು ಪೋಯೆ. 30ಬೊಕ್ಕ ರಡ್ಡನೆದಾಯನ ಕೈತಲ್‌ ಬತ್ತ್‌ದ್ ಅವ್ವೇ ಪಾತೆರೊನು ಪಂಡಿನಪಗ ಆಯೆ, ‘ಯಾನ್ ಪೋಪೆ ಅಪ್ಪಾ,’ ಪಂಡೆಡಲಾ ಪೋಯಿನೇ ಇಜ್ಜಿ. 31ಅಕ್ಲೆಡ್ ಇರ್ವೆರೆಡ್ ಅಮ್ಮೆರೆ ಚಿತ್ತದ ಲೆಕ್ಕ ನಡತಿನಾಯೆ ಏರ್?” ಅಂದ್‌ದ್ ಕೇಂಡಿನೆಕ್ಕ್ ಅಕುಲು, “ಸುರುತ್ತಾಯೆನೇ,” ಪಂಡೆರ್. ಅಪಗ ಯೇಸು ಅಕ್ಲೆಡ, “ಸುಂಕದಾಕುಲುಲಾ, ಸೂಳೆಲುಲಾ ನಿಕ್ಲೆಡ್ದ್ ದುಂಬು ದೇವೆರೆ ರಾಜ್ಯೊನು ಸೇರುವೆರ್ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 32ಯೋಹಾನೆ ನಿಕ್ಲೆಗ್ ನೀತಿದ ಮಾರ್ಗ ತೋಜಪಾಯೆರೆ ನಿಕ್ಲೆ ಕೈತಲ್‌ ಬತ್ತೆ. ನಿಕುಲು ಆಯನ್ ನಂಬಿಜರ್. ಆಂಡ ಸುಂಕದಾಕುಲುಲಾ, ಸೂಳೆಲುಲಾ ಆಯನ್ ನಂಬಿಯೆರ್. ನಿಕುಲು ಉಂದೆನ್ ತೂಯರ್ಡಲಾ ಪಶ್ಚಾತಾಪ ಪಡೆಯಿಜರ್, ಆಯನ್ ನಂಬಿಜರ್.”
ದ್ರಾಕ್ಷೆತೋಟದ ಒಕ್ಕೆಲ್‌ದಾಕುಲು
(ಮಾರ್ಕೆ 12:1-12; ಲೂಕೆ 20:9-19)
33“ಕುಡೊಂಜಿ ಉಪಕತೆನ್ ಕೇನ್ಲೆ. ಒರಿ ಇಲ್ಲದ ಯಜಮಾನೆ ಇತ್ತೆ. ಆಯೆ ಒಂಜಿ ದ್ರಾಕ್ಷೆತೋಟೊನು ಮಲ್ತ್‌ದ್ ಐತ ಸುತ್ತಲಾ ಬೇಲಿ ಪಾಡ್ಪಾದ್ ನಡುಟು ಗಾಣಲಾ ಮಲ್ಪಾದ್ ಕಾಪುನ ಗೋಪುರ ಒಕ್ಕೆಲ್‌ದಾಕುಲೆಗ್ ಬಾಡಿಗೆಗ್ ಕೊರ್ದು ಬೊಕ್ಕೊಂಜಿ ದೇಶೊಗು ಪೋಯೆ. 34ಫಲತ್ತ ಕಾಲ ಕೈತಲ್‌ ಬತ್ತಿನಪಗ ತನ್ಕ್ ಬರೊಡಾಯಿ ದ್ರಾಕ್ಷೆ ಪರ್ಂದ್‌ಲೆನ್ ದೆತ್ತೊಂದು ಬರಿಯೆರೆ ಆ ಒಕ್ಕೆಲ್‌ದಾಕುಲೆ ಕೈತಲ್‌ ತನ ಬೇಲೆದಾಕುಲೆನ್ ಕಡಪುಡಿಯೆ. 35ಒಕ್ಕೆಲ್‌ದಾಕುಲು ಬೇಲೆದಾಕುಲೆನ್ ಪತ್ತ್‌ದ್ ಒರಿಯಗ್ ಹಾಕ್‌ದ್. ಒರಿಯನ್ ಕೆರ್ದ್, ಒರಿಯಗ್ ಕಲ್ಲ್ ದಕ್ಕಿಯೆರ್. 36ಕುಡ ಸುರುಡ್ದು ಹೆಚ್ಚ್ ಜನ ಬೇಲೆದಾಕುಲೆನ್ ಕಡಪುಡಿಯೆ. ಅಕ್ಲೆಗ್ಲಾ ಅಂಚೆನೇ ಮಲ್ತೆರ್. 37ಐಡ್ದ್ ಬೊಕ್ಕ ‘ಎನ ಮಗಕ್ಕಾಂಡಲಾ ಮರ್ಯಾದಿ ತೋಜಾವೆರೆ ಯಾವು,’ ಅಂದ್‌ದ್ ತನ ಮಗನ್ ಅಕಲ್ನ ಕೈತಲ್‌ ಕಡಪುಡಿಯೆ. 38ಆಂಡ ಆ ಒಕ್ಕೆಲ್‌ದಾಕುಲು ಆಯನ ಮಗನ್ ತೂದು, ‘ಇಂಬೆನೇ ಹಕ್ಕ್‌ದಾಯೆ ಬಲೆ, ಇಂಬ್ಯನ್ ಕೆರ್ದ್ ಪಾಡ್‌ಗ, ಇಂಬ್ಯನ ಸೊತ್ತುನು ನಮನೇ ಒಯಿಸೊನುಗ,’ ಅಂದ್‌ದ್ ತನ್ಕುಲೆ ಉಲಯಿ ಪಾತೆರೊಂಡೆರ್. 39ಬೊಕ್ಕ ಅಕುಲು ಆಯನ್ ಪತ್ತ್‌ದ್ ದ್ರಾಕ್ಷೆತೋಟೊಡ್ದು ಪಿದಯಿ ಪಾಡ್ದ್ ಕೆರಿಯೆರ್.
40“ಅಂಚಾಂಡ ಆ ದ್ರಾಕ್ಷೆತೋಟದ ಯಜಮಾನೆ ಬತ್ತಿನಪಗ ಆ ಒಕ್ಕೆಲ್‌ದಾಕುಲೆಗ್ ದಾದ ಮಲ್ಪೆ?” ಪಂಡೆ. 41ಅಕುಲು ಆಯಡ, “ಆ ಪಡಿಕೆಂತಿನಾಕುಲೆನ್ ಕಠಿಣ ತರೊಟು ಕೆರ್ದ್ ಪಾಡುವೆ. ಕಾಲೊಗು ಸರಿಯಾದ್ ಫಲೊನು ಕೊರ್ಪಿ ಬೇತೆ ಒಕ್ಕೆಲ್‌ದಾಕುಲೆಗ್ ತನ ತೋಟೊನು ಕೊರುವೆ,” ಅಂದ್‌ದ್ ಪಂಡೆರ್.
42ಯೇಸು ಅಕ್ಲೆಡ,
“‘ಇಲ್ಲ್ ಕಟ್ಟುನಾಕುಲು ಬೊಡ್ಚಿಂದ್‌ದ್ ಬುಡ್ತಿ ಕಲ್ಲೇ
ಮೂಲೆದ ತರೆಕಲ್ಲ್‌ ಆಂಡ್.
ಉಂದು ಕರ್ತವಡ್ದೇ ಆಂಡ್.
ನಂಕ್ ಅಚ್ಚಿರ ಆದ್ ತೋಜುಂಡು,
ಪನ್ಪಿ ಪಾತೆರೊನು ನಿಕುಲು ಶಾಸ್ತ್ರೊಡು ಏಪಾಂಡಲಾ ಓದುದಿಜರಾ?’
43“ಅಂಚಾಯಿನೆಡ್ದ್ ದೇವೆರೆ ರಾಜ್ಯ ನಿಕ್ಲೆಡ್ದ್ ದೆತ್ತ್ ಪಾಡ್ದ್ ಐತ ಫಲೊಕ್ಲೆನ್ ಕೊರ್ಪಿ ಜನೊಕುಲೆಗ್ ಕೊರ್ಪುಂಡು. 44ಈ ಕಲ್ಲ್‌ದ ಮಿತ್ತ್ ಬೂರುನಾಯೆ ತುಂಡು ತುಂಡಾದ್ ಪೋಪೆ. ಉಂದು ಏರೆನ ಮಿತ್ತ್ ಬೂರುಂಡಾ ಆಯನ್ ಪೊಡಿ ಪೊಡಿ ಮಲ್ಪುಂಡು,” ಅಂದ್‌ದ್ ಪಂಡೆ. 45ಪ್ರಧಾನಯಾಜಕೆರ್‌ಲಾ ಪರಿಸಾಯೆರ್‌ಲಾ ಈ ಪಾತೆರೊಲೆನ್ ಕೇಂಡ್ದ್ ಎಂಕುಲೆಗೇ ಈ ಉಪಕತೆನ್ ಪಂಡೆ ಅಂದ್‌ದ್ ತೆರಿಯೊಂದು, 46ಆಯನ್ ಪತ್ತಿಯೆರೆ ಸಮಯ ತೂವೊಂದಿತ್ತೆರ್. ಆಂಡ ಜನೊಕುಲು ಆಯನ್ ಪ್ರವಾದಿ ಅಂದ್‌ದ್ ಎನ್ನೊಂದಿತ್ತಿನೆಡ್ದ್ ಅಕ್ಲೆಗ್ ಪೋಡಿಯೆರ್.
Currently Selected:
ಮತ್ತಾಯೆ 21: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮತ್ತಾಯೆ 21
21
ಯೆರೂಸಲೇಮುಗು ಯೇಸುನ ಅರಸು ಮರ್ಜಿದ ಪ್ರವೇಶ
(ಮಾರ್ಕೆ 11:1-11; ಲೂಕೆ 19:28-40; ಯೋಹಾನೆ 12:12-19)
1ಅಕುಲು ಯೆರೂಸಲೇಮುಗು ಕೈತಲಾನಗ ಇಪ್ಪೆಗುಡ್ಡೆದ ಕೈತಲಿತ್ತಿ ಬೇತ್ಫಗೆಗ್ ಬತ್ತೆರ್. ಅಪಗ ಯೇಸು ತನ ರಡ್ಡ್ ಶಿಷ್ಯೆರೆನ್ ಲೆತ್ತ್‌ದ್, 2“ನಿಕ್ಲೆ ಎದುರುಡುಪ್ಪು ಹಳ್ಳಿಗ್ ಪೋಲೆ. ಐತ ಉಲಯಿ ಪೋಯಿ ಕೂಡ್ಲೆ, ಅಲ್ಪ ಕಟ್ಟ್‌ದುಪ್ಪು ಕತ್ತೆನ್ಲಾ ಐತ ಒಟ್ಟುಡುಪ್ಪು ಕಿನ್ನಿನ್ಲಾ ತೂಪರ್, ಅವೆನ್ ಗಿರ್ತ್‌ದ್ ಎನ ಕೈತಲ್‌ ಕನಲೆ. 3ಏರಾಂಡಲಾ ನಿಕ್ಲೆಗ್ ಎಂಚಿನಾಂಡಲಾ ಪಂಡೆರ್ಡ, ‘ಉಂದು ಸ್ವಾಮಿಗ್ ಬೋಡಾತ್ಂಡ್,’ ಅಪಗನೇ ಅವೆನ್ ಬುಡ್ದು ಕೊರುವೆ,” ಪಂಡ್ದ್ ಕಡಪುಡಿಯೆ. 4ಒರಿ ಪ್ರವಾದಿಡ್ದ್ ಪನ್ಪಾಯಿ ಪಾತೆರ ನಡಪುಲೆಕ್ಕ ಉಂದು ಆಂಡ್. ಅವು ದಾನೆಂದ್ಂಡ,
5“‘ಚೀಯೋನು ಮಗಲೇ,
ತೂಲ, ನಿನ ಅರಸು ನಿನ ಕೈತಲ್‌ ಬರ್ಪೆ,
ಆಯೆ ಶಾಂತ ಗುಣತಾಯೆ ಆದ್, ಕತ್ತೆನ್ ಅಂದ್,
ಪ್ರಾಯದ ಕತ್ತೆದ ಕಿನ್ನಿದ ಮಿತ್ತ್ ಕುಲ್ಲೊಂದು
ಬರ್ಪೆ,’ ಅಂದ್‌ದ್ ಪನ್ಲೆ,” ಪನ್ಪಿನವು.
6ಅಪಗ ಶಿಷ್ಯೆರ್ ಪೋದು ಯೇಸು ಅಪ್ಪಣೆ ಕೊರಿಲೆಕ್ಕನೇ 7ಕತ್ತೆನ್ಲಾ ಐತ ಕಿನ್ನಿನ್ಲಾ ಕನತ್‌ದ್ ತನ್ಕುಲೆ ಕುಂಟುಲೆನ್ ಐತ ಮಿತ್ತ್ ಪಾಡಿ ಬೊಕ್ಕ ಯೇಸು ಐತ ಮಿತ್ತ್ ಕುಲ್ಲಿಯೆ. 8ಅಪಗ ಜನೊಕುಲೆ ಗುಂಪುಡು ಮಸ್ತ್ ಜನ ತನ್ಕುಲೆ ಕುಂಟುಲೆನ್ ಸಾದಿಡ್ ಬುಡ್ಪಾಯೆರ್. ಬೇತೆ ಕೆಲೆವೆರ್ ಮರತ ಕೊಡಿಕ್ಕ್‌ಲೆನ್ ಪೊಲ್ತುದು ಸಾದಿಡ್ ಪಾಡೊಂದಿತ್ತೆರ್. 9ಆಯನ ಪಿರವುಡ್ಲಾ ದುಂಬುಡ್ಲಾ ಗುಂಪಾದ್ ಪೋವೊಂದಿತ್ತಿ ಜನೊಕುಲು,
“ದಾವೀದನ ಮಗಕ್ಕ್ ಹೊಸನ್ನಾ!
ಕರ್ತವ ಪುದರ್‌ಡ್ ಬರ್ಪಿನಾಯಗ್ ಆಶೀರ್ವಾದ,
ಮಿತ್ತ್‌ದ ಲೋಕೊಡು ಹೊಸನ್ನಾ!”
ಅಂದ್‌ದ್ ಬೊಬ್ಬೆ ಪಾಡಿಯೆರ್.
10ಆಯೆ ಯೆರೂಸಲೇಮುಗು ಸೇರಿನಪಗ ಇಡೀ ಪಟ್ಟಣದಾಕುಲು ಬಾರಿ ಗದ್ದಲೊಡು “ಉಂಬೆ ಏರ್?” ಅಂದ್‌ದ್ ಕೇಂಡೆರ್. 11ಐಕ್ ಆ ಜನೊಕುಲೆ ಗುಂಪುದಾಕುಲು, “ಉಂಬೆ ಪ್ರವಾದಿ, ಗಲಿಲಾಯದ ನಜರೇತ್‌ದ ಯೇಸು,” ಪಂಡೆರ್.
ದೇವಾಲಯೊಡು ಯೇಸು
(ಮಾರ್ಕೆ 11:15-19; ಲೂಕೆ 19:45-48; ಯೋಹಾನೆ 2:13-22)
12ಐಡ್ದ್ ಬೊಕ್ಕ ಯೇಸು ದೇವಾಲಯೊಗು ಪೋದು, ಅಲ್ಪ ಮಾರುನ, ದೆತ್ತೊನುನ ಮಾತೆರೆನ್ಲಾ ಗಿಡ್ತ್‌ದ್, ಕಾಸ್ ಬದಲಿ ಮಲ್ಪುನಾಕುಲೆನ ಮೇಜಿಲೆನ್ಲಾ, ಪುದ ಮಾರುನಾಕುಲೆನ ಮಣೆಕ್ಲೆನ್ಲಾ ಮರತ್ ಪಾಡಿಯೆ. 13ಅಕ್ಲೆಗ್, “‘ಎನ ಇಲ್ಲ್ ಪ್ರಾರ್ಥನೆದ ಇಲ್ಲ್ ಆದುಂಡು,’ ಅಂದ್‌ದ್ ಬರೆತ್ಂಡ್. ಆಂಡ ನಿಕುಲು ಅವೆನ್ ಕಲ್ವೆರೆ ಮಾಟೆ ಮಲ್ತ್‌ದರ್,” ಅಂದ್‌ದ್ ಪಂಡೆ. 14ಅಪಗ ಕುರುಡೆರ್ಲಾ, ಕುಂಟೆರ್‌ಲಾ ದೇವಾಲಯೊಡು ಆಯನ ಕೈತಲ್‌ ಬತ್ತಿನಪಗ ಅಕ್ಲೆನ್ ಗುಣ ಮಲ್ತೆ. 15ಆಂಡ ಪ್ರಧಾನಯಾಜಕೆರ್‌ಲಾ, ಶಾಸ್ತ್ರಿಲುಲಾ ಆಯೆ ಮಲ್ತಿನ ಕಾರ್ನಿಕೊಲೆನ್ಲಾ ದಾವೀದನ ಮಗಕ್ಕ್ ಹೊಸನ್ನಾ ಪಂಡ್ದ್ ದೇವಾಲಯೊಡು ಬೊಬ್ಬೆ ದೀವೊಂದುಪ್ಪುನ ಜೋಕುಲೆನ್ಲಾ ತೂದು ಕೋಪ ಮಲ್ತೆರ್. 16ಐಕ್ ಆಯಡ, “ಮೊಕುಲು ಪನ್ಪಿನೆನ್ ಕೇನೊಂದುಲ್ಲನಾ?” ಅಂದ್‌ದ್ ಪನ್ನಗ ಯೇಸು, “ಅಂದ್ ಕೇನೊಂದುಲ್ಲೆ, ‘ಎಲ್ಯ ಜೋಕುಲೆ ಬಾಯಿಡ್ದ್‌ಲಾ, ಮಿರೆತಿನ್ಪಿ ಬಾಲೆಲೆ ಬಾಯಿಡ್ದ್‌ಲಾ ಪುಗರಿಕೆ ಮಲ್ತೊಂಡ,’ ಇನ್ಪಿನೆನ್ ಶಾಸ್ತ್ರೊಡು ನಿಕುಲು ಏಪಾಂಡಲಾ ಓದುದುಜರಾ?” ಪಂಡೆ. 17ಐಡ್ದ್ ಬೊಕ್ಕ ಅಕ್ಲೆನ್ ಬುಡ್ದು ಪಟ್ಟಣಡ್ದ್ ಪಿದಾಡ್ದ್ ಬೇಥಾನ್ಯೊಗು ಬತ್ತ್‌ದ್ ರಾತ್ರೆ ಅಲ್ಪ ಇತ್ತೆ.
ಅಂಜೂರದ ಮರೊಕು ಶಾಪ
(ಮಾರ್ಕೆ 11:12-14,20-24)
18ಮನದಾನಿ ಆಯೆ ಬೆಥ್ಯಾನ ಬುಡ್ದು ಬನ್ನಗ ಆಯಗ್ ಬಡವು ಆಂಡ್. 19ಸಾದಿಡ್ ಒಂಜಿ ಅಂಜೂರದ ಮರೊನು ತೂದು ಐತ ಕೈತಲ್‌ ಪೋದು ತನ್ಕ್ ತಿನಿಯೆರೆ ಅಂಜೂರದ ಪರ್ಂದ್ ತಿಕ್ಕು ಪಂಡ್ದ್ ಮರತ ಕೈತಲ್‌ ಬತ್ತ್‌ದ್ ತೂನಗ ಐಟ್ಟ್ ಬಜೀ ಇರೆ ಅತ್ತಂದೆ ದಾಲಾ ತೋಜಿಜಿ. ಅಪಗ ಐಕ್, “ನನ ಮಿತ್ತ್ ಏಪೊಗ್ಲಾ ನಿನಡ್ ಫಲ ಆವಂದೆನೇ ಪೋವಡ್!” ಅಂದ್‌ದ್ ಪಂಡಿ ಕೂಡ್ಲೆ ಆ ಮರ ನುಂಗುದು ಪೋಂಡು. 20ಶಿಷ್ಯೆರ್ ಅವೆನ್ ತೂದು ಅಚ್ಚಿರ ಆದ್, “ಈ ಅಂಜೂರದ ಮರ ಎಂಚ ಪಕ್ಕನೆ ನುಂಗುದು ಪೋಂಡು?” ಪಂಡೆರ್. 21ಐಕ್ ಯೇಸು, “ನಿಕ್ಲೆಗ್ ನಿಜಾದ್ ಪನ್ಪೆ, ನಿಕುಲು ಸಂಶಯ ಮಲ್ಪಂದೆ ನಂಬಿಯರ್ಡ ಯಾನ್ ಅಂಜೂರದ ಮರೊಕು ಮಲ್ತಿನೆನ್ ನಿಕುಲುಲಾ ಮಲ್ಪುವರ್. ಉಂದು ಮಾತ್ರ ಅತ್ತಂದೆ ಈ ಗುಡ್ಡೆಡ, ‘ಈ ಲಕ್ಕ್‌ದ್ ಪೋದು ಕಡಲ್ಡ್ ಬೂರು,’ ಅಂದ್‌ದ್ ಪಂಡರ್ಡ ಅವುಲಾ ಆಪುಂಡು. 22ನಿಕುಲು ನಂಬೊಂದು ಪ್ರಾರ್ಥನೆಡ್ ಎಂಚೆಂಚಿನೆನ್ ನಟ್ಟೊನುವರಾ ಅವು ಮಾತಲಾ ನಿಕ್ಲೆಗ್ ತಿಕ್ಕುಂಡು.”
ಯೇಸುನ ಅಧಿಕಾರದ ಬಗೆಟ್ ಶಾಸ್ತ್ರಿಲೆನ ಪ್ರಶ್ನೆ
(ಮಾರ್ಕೆ 11:27-33; ಲೂಕೆ 20:1-8)
23ಬೊಕ್ಕ ಆಯೆ ದೇವಾಲಯೊಗು ಬತ್ತ್‌ದ್ ಬೋಧನೆ ಮಲ್ತೊಂದುಪ್ಪುನಗ ಪ್ರಧಾನಯಾಜಕೆರ್‌ಲಾ, ಪ್ರಜೆಕುಲೆ ಹಿರಿಯೆರ್‌ಲಾ ಆಯ ಕೈತಲ್‌ ಬತ್ತ್‌ದ್, “ಈ ವಾ ಅಧಿಕಾರೊಡು ಉಂದೆನ್ ಮಾತ ಮಲ್ತೊಂದುಲ್ಲ? ಈ ಅಧಿಕಾರೊನು ನಿಕ್ಕ್ ಏರ್ ಕೊರಿಯೆರ್?” ಅಂದ್‌ದ್ ಕೇಂಡಿನೆಕ್ಕ್ 24ಯೇಸು ಅಕ್ಲೆಗ್ ಪಂಡಿನಿ ದಾನೆಂದ್ಂಡ, “ಯಾನ್ಲಾ ನಿಕ್ಲೆಡ ಒಂಜಿ ಪಾತೆರ ಕೇನ್ವೆ. ಅವೆನ್ ನಿಕುಲು ಎಂಕ್ ಪಂಡರ್ಡ ಯಾನ್ಲಾ ವಾ ಅಧಿಕಾರೊಡು ಉಂದೆನ್ ಮಲ್ಪುವೆ ಪನ್ಪಿನೆನ್ ನಿಕ್ಲೆಗ್ ಪನ್ಪೆ. 25ದೀಕ್ಷಾಸ್ನಾನ ಮಲ್ಪಾವುನ ಅಧಿಕಾರ ಯೋಹಾನಗ್ ಒಲ್ತುಡ್ದು ಬತ್ತ್ಂಡ್? ಪರಲೋಕೊಡ್ದಾ, ನರಮಾನಿಲೆಡ್ದಾ?” ಅಂದ್‌ದ್ ಅಕ್ಲೆಡ ಕೇಂಡೆ. ಅಪಗ ಅಕುಲು, “‘ಪರಲೋಕೊಡ್ದು,’ ಅಂದ್‌ದ್ ನಮ ಪಂಡ್ಂಡ, ‘ನಿಕುಲು ಆಯನ್ ದಾಯೆಗ್ ನಂಬುಜರ್?’ ಅಂದ್‌ದ್ ನಮಡ ಕೇನೆ. 26‘ನರಮಾನಿಲೆಡ್ದ್ ಬೈದ್‌ಂಡ್ ಅಂದ್‌ದ್’ ಪಂಡ್ಂಡ, ಎಂಕ್ಲೆಗ್ ಜನೊಕುಲೆ ಪೋಡಿಗೆ ಉಂಡು. ಯೋಹಾನನ್ ಪ್ರವಾದಿ ಅಂದ್‌ದ್ ಮಾತೆರ್ಲಾ ಎನ್ನುವೆರತ್ತಾ,” ಅಂದ್‌ದ್ ತನ್ಕುಲೆ ಉಲಯಿ ಪಾತೆರೊಂಡೆರ್. 27ಕಡೆಕ್ಕ್ ಅಕುಲು, “ಎಂಕ್ಲೆಗ್ ಗೊತ್ತಿಜ್ಜಿ,” ಅಂದ್‌ದ್ ಯೇಸುಗು ಉತ್ತರ ಕೊರಿಯೆರ್. ಅಪಗ ಆಯೆ ಅಕ್ಲೆಗ್, “ವಾ ಅಧಿಕಾರೊಡು ಉಂದೆನ್ ಮಾತೆನ್ಲಾ ಮಲ್ಪುವೆನಾ ಅವೆನ್ ಯಾನ್ಲಾ ನಿಕ್ಲೆಗ್ ಪನ್ಪುಜಿ.”
ಮೆಗ್ಯೆಪಲಯಾಡ್ಲೆ ಉಪಕತೆ
28“ಆಂಡ ನಿಕ್ಲೆಗ್ ಎಂಚ ತೋಜುಂಡು? ಒರಿ ನರಮಾನಿಗ್ ರಡ್ಡ್ ಜೋಕುಲಿತ್ತೆರ್. ಆಯೆ ಸುರುತ್ತಾಯನ ಕೈತಲ್‌ ಬತ್ತ್‌ದ್, ‘ಮಗಾ, ಪೋದು ಇನಿ ದ್ರಾಕ್ಷೆತೋಟೊಡು ಬೇಲೆ ಮಲ್ಪು,’ ಪಂಡಿನಪಗ 29ಆಯೆ, ‘ಯಾನ್ ಪೋಪುಜಿ,’ ಅಂದ್‌ದ್ ಪಂಡೆಡಲಾ ಬೊಕ್ಕ ಪಶ್ಚಾತಾಪ ಪಡೆದ್ ತೋಟೊಗು ಪೋಯೆ. 30ಬೊಕ್ಕ ರಡ್ಡನೆದಾಯನ ಕೈತಲ್‌ ಬತ್ತ್‌ದ್ ಅವ್ವೇ ಪಾತೆರೊನು ಪಂಡಿನಪಗ ಆಯೆ, ‘ಯಾನ್ ಪೋಪೆ ಅಪ್ಪಾ,’ ಪಂಡೆಡಲಾ ಪೋಯಿನೇ ಇಜ್ಜಿ. 31ಅಕ್ಲೆಡ್ ಇರ್ವೆರೆಡ್ ಅಮ್ಮೆರೆ ಚಿತ್ತದ ಲೆಕ್ಕ ನಡತಿನಾಯೆ ಏರ್?” ಅಂದ್‌ದ್ ಕೇಂಡಿನೆಕ್ಕ್ ಅಕುಲು, “ಸುರುತ್ತಾಯೆನೇ,” ಪಂಡೆರ್. ಅಪಗ ಯೇಸು ಅಕ್ಲೆಡ, “ಸುಂಕದಾಕುಲುಲಾ, ಸೂಳೆಲುಲಾ ನಿಕ್ಲೆಡ್ದ್ ದುಂಬು ದೇವೆರೆ ರಾಜ್ಯೊನು ಸೇರುವೆರ್ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ. 32ಯೋಹಾನೆ ನಿಕ್ಲೆಗ್ ನೀತಿದ ಮಾರ್ಗ ತೋಜಪಾಯೆರೆ ನಿಕ್ಲೆ ಕೈತಲ್‌ ಬತ್ತೆ. ನಿಕುಲು ಆಯನ್ ನಂಬಿಜರ್. ಆಂಡ ಸುಂಕದಾಕುಲುಲಾ, ಸೂಳೆಲುಲಾ ಆಯನ್ ನಂಬಿಯೆರ್. ನಿಕುಲು ಉಂದೆನ್ ತೂಯರ್ಡಲಾ ಪಶ್ಚಾತಾಪ ಪಡೆಯಿಜರ್, ಆಯನ್ ನಂಬಿಜರ್.”
ದ್ರಾಕ್ಷೆತೋಟದ ಒಕ್ಕೆಲ್‌ದಾಕುಲು
(ಮಾರ್ಕೆ 12:1-12; ಲೂಕೆ 20:9-19)
33“ಕುಡೊಂಜಿ ಉಪಕತೆನ್ ಕೇನ್ಲೆ. ಒರಿ ಇಲ್ಲದ ಯಜಮಾನೆ ಇತ್ತೆ. ಆಯೆ ಒಂಜಿ ದ್ರಾಕ್ಷೆತೋಟೊನು ಮಲ್ತ್‌ದ್ ಐತ ಸುತ್ತಲಾ ಬೇಲಿ ಪಾಡ್ಪಾದ್ ನಡುಟು ಗಾಣಲಾ ಮಲ್ಪಾದ್ ಕಾಪುನ ಗೋಪುರ ಒಕ್ಕೆಲ್‌ದಾಕುಲೆಗ್ ಬಾಡಿಗೆಗ್ ಕೊರ್ದು ಬೊಕ್ಕೊಂಜಿ ದೇಶೊಗು ಪೋಯೆ. 34ಫಲತ್ತ ಕಾಲ ಕೈತಲ್‌ ಬತ್ತಿನಪಗ ತನ್ಕ್ ಬರೊಡಾಯಿ ದ್ರಾಕ್ಷೆ ಪರ್ಂದ್‌ಲೆನ್ ದೆತ್ತೊಂದು ಬರಿಯೆರೆ ಆ ಒಕ್ಕೆಲ್‌ದಾಕುಲೆ ಕೈತಲ್‌ ತನ ಬೇಲೆದಾಕುಲೆನ್ ಕಡಪುಡಿಯೆ. 35ಒಕ್ಕೆಲ್‌ದಾಕುಲು ಬೇಲೆದಾಕುಲೆನ್ ಪತ್ತ್‌ದ್ ಒರಿಯಗ್ ಹಾಕ್‌ದ್. ಒರಿಯನ್ ಕೆರ್ದ್, ಒರಿಯಗ್ ಕಲ್ಲ್ ದಕ್ಕಿಯೆರ್. 36ಕುಡ ಸುರುಡ್ದು ಹೆಚ್ಚ್ ಜನ ಬೇಲೆದಾಕುಲೆನ್ ಕಡಪುಡಿಯೆ. ಅಕ್ಲೆಗ್ಲಾ ಅಂಚೆನೇ ಮಲ್ತೆರ್. 37ಐಡ್ದ್ ಬೊಕ್ಕ ‘ಎನ ಮಗಕ್ಕಾಂಡಲಾ ಮರ್ಯಾದಿ ತೋಜಾವೆರೆ ಯಾವು,’ ಅಂದ್‌ದ್ ತನ ಮಗನ್ ಅಕಲ್ನ ಕೈತಲ್‌ ಕಡಪುಡಿಯೆ. 38ಆಂಡ ಆ ಒಕ್ಕೆಲ್‌ದಾಕುಲು ಆಯನ ಮಗನ್ ತೂದು, ‘ಇಂಬೆನೇ ಹಕ್ಕ್‌ದಾಯೆ ಬಲೆ, ಇಂಬ್ಯನ್ ಕೆರ್ದ್ ಪಾಡ್‌ಗ, ಇಂಬ್ಯನ ಸೊತ್ತುನು ನಮನೇ ಒಯಿಸೊನುಗ,’ ಅಂದ್‌ದ್ ತನ್ಕುಲೆ ಉಲಯಿ ಪಾತೆರೊಂಡೆರ್. 39ಬೊಕ್ಕ ಅಕುಲು ಆಯನ್ ಪತ್ತ್‌ದ್ ದ್ರಾಕ್ಷೆತೋಟೊಡ್ದು ಪಿದಯಿ ಪಾಡ್ದ್ ಕೆರಿಯೆರ್.
40“ಅಂಚಾಂಡ ಆ ದ್ರಾಕ್ಷೆತೋಟದ ಯಜಮಾನೆ ಬತ್ತಿನಪಗ ಆ ಒಕ್ಕೆಲ್‌ದಾಕುಲೆಗ್ ದಾದ ಮಲ್ಪೆ?” ಪಂಡೆ. 41ಅಕುಲು ಆಯಡ, “ಆ ಪಡಿಕೆಂತಿನಾಕುಲೆನ್ ಕಠಿಣ ತರೊಟು ಕೆರ್ದ್ ಪಾಡುವೆ. ಕಾಲೊಗು ಸರಿಯಾದ್ ಫಲೊನು ಕೊರ್ಪಿ ಬೇತೆ ಒಕ್ಕೆಲ್‌ದಾಕುಲೆಗ್ ತನ ತೋಟೊನು ಕೊರುವೆ,” ಅಂದ್‌ದ್ ಪಂಡೆರ್.
42ಯೇಸು ಅಕ್ಲೆಡ,
“‘ಇಲ್ಲ್ ಕಟ್ಟುನಾಕುಲು ಬೊಡ್ಚಿಂದ್‌ದ್ ಬುಡ್ತಿ ಕಲ್ಲೇ
ಮೂಲೆದ ತರೆಕಲ್ಲ್‌ ಆಂಡ್.
ಉಂದು ಕರ್ತವಡ್ದೇ ಆಂಡ್.
ನಂಕ್ ಅಚ್ಚಿರ ಆದ್ ತೋಜುಂಡು,
ಪನ್ಪಿ ಪಾತೆರೊನು ನಿಕುಲು ಶಾಸ್ತ್ರೊಡು ಏಪಾಂಡಲಾ ಓದುದಿಜರಾ?’
43“ಅಂಚಾಯಿನೆಡ್ದ್ ದೇವೆರೆ ರಾಜ್ಯ ನಿಕ್ಲೆಡ್ದ್ ದೆತ್ತ್ ಪಾಡ್ದ್ ಐತ ಫಲೊಕ್ಲೆನ್ ಕೊರ್ಪಿ ಜನೊಕುಲೆಗ್ ಕೊರ್ಪುಂಡು. 44ಈ ಕಲ್ಲ್‌ದ ಮಿತ್ತ್ ಬೂರುನಾಯೆ ತುಂಡು ತುಂಡಾದ್ ಪೋಪೆ. ಉಂದು ಏರೆನ ಮಿತ್ತ್ ಬೂರುಂಡಾ ಆಯನ್ ಪೊಡಿ ಪೊಡಿ ಮಲ್ಪುಂಡು,” ಅಂದ್‌ದ್ ಪಂಡೆ. 45ಪ್ರಧಾನಯಾಜಕೆರ್‌ಲಾ ಪರಿಸಾಯೆರ್‌ಲಾ ಈ ಪಾತೆರೊಲೆನ್ ಕೇಂಡ್ದ್ ಎಂಕುಲೆಗೇ ಈ ಉಪಕತೆನ್ ಪಂಡೆ ಅಂದ್‌ದ್ ತೆರಿಯೊಂದು, 46ಆಯನ್ ಪತ್ತಿಯೆರೆ ಸಮಯ ತೂವೊಂದಿತ್ತೆರ್. ಆಂಡ ಜನೊಕುಲು ಆಯನ್ ಪ್ರವಾದಿ ಅಂದ್‌ದ್ ಎನ್ನೊಂದಿತ್ತಿನೆಡ್ದ್ ಅಕ್ಲೆಗ್ ಪೋಡಿಯೆರ್.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature