ಮಾರ್ಕೆ 2
2
ಯೇಸು ಪಕ್ಷವಾತದಾಯನ್ ಗುಣ ಮಲ್ಪುನವು
(ಮತ್ತಾಯೆ 9:1-8; ಲೂಕೆ 5:17-26)
1ಒಂತೆ ದಿನೊಡ್ದು ಬೊಕ್ಕ ಯೇಸು ಕಪೆರ್ನೌಮುಗು ಬತ್ತೆ. ಆಯೆ ಇಲ್ಲಡ್ ಉಲ್ಲೆ ಪನ್ಪಿನ ಸುದ್ಧಿ ಜನೊಕುಲೆಗ್ ತೆರಿಂಡ್. 2ಜನೊಕುಲು ಗುಂಪಾದ್ ಸೇರ್ದ್ ಬತ್ತಿನೆಡ್ದ್ ಬಾಕಿಲ್ದ ಬರಿಟ್ಟ್ಲಾ ಜಾಗ್ ಇತ್ತ್ಜಿ. ಅವುಲು ಯೇಸು ಅಕ್ಲೆಗ್ ದೇವೆರೆ ಪಾತೆರೊನು ಸಾರಿಯೊಂದಿತ್ತೆ. 3ಅಪಗ ನಾಲ್ವೆರ್ ಒರಿ ಪಕ್ಷವಾತದಾಯನ್ ತುಂಬೊಂದು ಯೇಸು ಕೈತಲ್ ಕನತೆರ್. 4ಆಂಡ ಜನೊಕುಲೆ ಮಲ್ಲ ಗುಂಪು ಇತ್ತಿನೆಡ್ದಾವರ ಅಕ್ಲೆಗ್ ಯೇಸುನ ಕೈತಲ್ ಕನವೆರೆ ಸಾದ್ಯ ಆಯಿಜಿ, ಅಂಚಾದ್ ಯೇಸು ಇತ್ತಿನ ಇಲ್ಲದ ಮಾಡ್ನ್ ಗಿರ್ತ್ದ್ ಪಕ್ಷವಾತದಾಯೆ ಜೆತ್ತ್ದಿತ್ತಿ ಪಜೆನ್ ತಿರ್ತ್ ಜಪುಡಾಯೆರ್. 5ಯೇಸು ಅಕ್ಲೆನ ನಂಬಿಕೆನ್ ತೂದು, ಆ ಪಕ್ಷವಾತದಾಯಡ, “ಮಗಾ, ನಿನ ಪಾಪೊಲು ಮಾಪು ಆತ್ಂಡ್,” ಅಂದ್ದ್ ಪಂಡೆ.
6-7ಅಲ್ಪ ಶಾಸ್ತ್ರಿಲೆಡ್ ಕೆಲೆವೆರ್ ಕುಲ್ಲುದಿತ್ತೆರ್. “ಇಂಬೆ ದಾಯೆಗ್ ಇಂಚ ಪಾತೆರ್ವೆ? ಉಂದು ದೇವದೂಷಣೆ, ದೇವೆರ್ ಒರಿಯೇ ಅತ್ತಂದೆ ಏರ್ಲಾ ಪಾಪೊಲೆನ್ ಬುಡುಗಡೆ ಮಲ್ಪೊಲಿಯಾ?” ಅಂದ್ದ್ ಅಕ್ಲೆ ಉಡಲ್ಡೇ ಎನ್ನೊಂದಿತ್ತೆರ್.
8ಇಂಚ ಎನ್ನೊಂದುಪ್ಪುನೆನ್ ಕೂಡ್ಲೆ ಯೇಸು ತನ ಆತ್ಮೊಡು ತೆರಿದ್ ಅಕ್ಲೆಡ, “ನಿಕುಲು ನಿಕ್ಲೆನ ಉಡಲ್ಡ್ ದಾಯೆಗ್ ಇಂಚ ಆಲೋಚನೆ ಮಲ್ತೊಂದುಲ್ಲರ್? 9ಒವು ಸುಲಭ? ಪಕ್ಷವಾತದಾಯಗ್ ‘ನಿನ ಪಾಪೊಲು ಮಾಪು ಆತ್ಂಡ್ ಪನ್ಪಿನವಾ,’ ಇಜ್ಜಿಂಡ, ‘ಲಕ್ಕ್ದ್ ನಿನ ಪಜೆನ್ ಪತ್ತೊಂದು ನಡಪು ಪನ್ಪಿನವಾ?’ 10ಆಂಡ ಪಾಪೊಲೆನ್ ಮಾಪು ಮಲ್ಪೆರೆ ನರಮಾನಿ ಮಗಕ್ಕ್ ಭೂಲೋಕೊಡು ಅಧಿಕಾರ ಉಂಡು ಪನ್ಪಿನವು ನಿಕ್ಲೆಗ್ ತೆರಿಯೊಡು,” ಅಂದ್ದ್ ಪಕ್ಷವಾತದಾಯನ್ ತೂದು, 11“ಲಕ್ಕ್ದ್ ನಿನ ಪಜೆನ್ ದೆತ್ತೊಂದು ಇಲ್ಲಗ್ ಪೋಲ,” ಅಂದ್ದ್ ನಿಕ್ಕ್ ಪನ್ಪೆ ಪಂಡ್ದ್ ಪಂಡೆ.
12ಆಯೆ ಲಕ್ಕ್ದ್ ಅಪಗನೇ ತನ ಪಜೆನ್ ಪತ್ತೊಂದು ಮಾತೆರೆ ಎದುರುಡ್ದು ಪಿದಾಡ್ದ್ ಪೋಯೆ. ಉಂದೆನ್ ತೂದು ಮಾತೆರ್ಲಾ ಅಚ್ಚಿರೊಡು, “ಈತ್ನೆಟ್ಟ ಎಂಕುಲು ಇಂಚಿನ ಕಾರ್ಯೊನು ತೂತಿನೆ ಇಜ್ಜಿ,” ಪನೊಂದು ದೇವೆರೆನ್ ಪುಗರಿಯೆರ್.
ಯೇಸು ಲೇವಿನ್ ಲೆಪ್ಪುನವು
(ಮತ್ತಾಯೆ 9:9-13; ಲೂಕೆ 5:27-32)
13ಯೇಸು ಕುಡ ಕಡಲ ಬರಿಕ್ಕ್ ಪೋಯೆ. ಜನೊಕುಲೆ ಗುಂಪು ಆಯನ ಕಡೆಕ್ಕ್ ಬತ್ತಿನಪಗ ಆಯೆ ಅಕ್ಲೆಗ್ ಬೋಧನೆ ಮಲ್ತೆ. 14ಅಲ್ಪಡ್ದ್ ಯೇಸು ಕಡಲ್ದ ಬರಿಟ್ಟೇ ಪೋವೊಂದುಪ್ಪುನಗ ಸುಂಕ ವಸೂಲಿ ಮಲ್ತೊಂದಿತ್ತಿ ಅಲ್ಫಾಯನ ಮಗೆ ಲೇವಿನ್ ತೂದು, “ಎನ ಬೆರಿಯೆ ಬಲ,” ಅಂದ್ದ್ ಲೆಪ್ಪುನಗ, ಆಯೆ ಲಕ್ಕ್ದ್ ಯೇಸುನ ಬೆರಿಯೆ ಪೋಯೆ.
15ಐಡ್ದ್ ಬೊಕ್ಕ ಯೇಸು ಲೇವಿನ ಇಲ್ಲಡ್ ವಣಸ್ಗ್ ಕುಲ್ಲೊಂದುಪ್ಪುನಗ ಮಸ್ತ್ ಜನ ಸುಂಕದಾಕುಲುಲಾ ಪಾಪಿಷ್ಟೆರ್ಲಾ ಯೇಸು ಬೊಕ್ಕ ಆಯ ಶಿಷ್ಯೆರೆ ಪಂತೆಡ್ ವಣಸ್ಗ್ ಕುಲ್ಲುದಿತ್ತೆರ್. ಮೊಕ್ಲೆಡ್ ಮಸ್ತ್ ಜನ ಯೇಸುನ ಬೆರಿಯೆ ಪೋಪಿನಾಕುಲು ಆದಿತ್ತೆರ್. 16ಪರಿಸಾಯೆರಾಯಿ ಶಾಸ್ತ್ರಿಲು, ಆಯೆ ಪಾಪಿಲು ಬೊಕ್ಕ ಸುಂಕದಾಕುಲೆಡೊಪ್ಪ ವಣಸ್ ಮಲ್ಪುನೆನ್ ತೂದು, ಆಯನ ಶಿಷ್ಯೆರೆಡ, “ಆಯೆ ಸುಂಕದಾಕುಲೆಡೊಪ್ಪಲಾ ಪಾಪಿಲೆಡೊಪ್ಪಲಾ ದಾಯೆಗ್ ವಣಸ್ ಮಲ್ಪುವೆ ತೂಲೆ.” ಅಂದ್ದ್ ಪಂಡೆರ್.
17ಯೇಸು ಅವೆನ್ ಕೇಂಡ್ದ್ ಅಕ್ಲೆಡ, “ಸೌಖ್ಯೊಡು ಉಪ್ಪುನಾಕುಲೆಗ್ ವೈದ್ಯೆ ಬೊಡ್ಚಿ, ಸೌಖ್ಯದಾಂತಿನಾಕುಲೆಗ್ ಮಾತ್ರ ಬೋಡು. ಯಾನ್ ನೀತಿವಂತೆರೆನ್ ಲೆಪ್ಪೆರೆ ಬೈದಿನಿ ಅತ್ತ್, ಪಾಪಿಷ್ಟೆರೆನ್ ಲೆಪ್ಪೆರೆ ಬೈದಿನಿ,” ಪಂಡೆ.
ಉಪವಾಸದ ಸಂಗತಿಡ್ ಚರ್ಚೆ
(ಮತ್ತಾಯೆ 9:14-17; ಲೂಕೆ 5:33-39)
18ಯೋಹಾನನ ಶಿಷ್ಯೆರ್ಲಾ ಪರಿಸಾಯೆರ್ಲಾ ಉಪವಾಸೊಡುಪ್ಪುನಗ, ಕೆಲೆವೆರ್ ಯೇಸುನ ಕೈತಲ್ ಬತ್ತ್ದ್, “ಯೋಹಾನನ ಶಿಷ್ಯೆರ್ ಬೊಕ್ಕ ಪರಿಸಾಯೆರೆ ಶಿಷ್ಯೆರ್ಲಾ ಉಪವಾಸ ಮಲ್ಪುವೆರತ್ತಾ? ನಿನ ಶಿಷ್ಯೆರ್ ದಾಯೆಗ್ ಉಪವಾಸ ಮಲ್ಪುಜೆರ್?” ಅಂದ್ದ್ ಕೇಂಡೆರ್.
19ಐಕ್ ಯೇಸು ಅಕ್ಲೆಡ, “ಮದ್ಮೆದ ದಿಬ್ಬಣದಾಕುಲು ತನ್ಕುಲೆಡೊಪ್ಪ ಮದ್ಮಯೆ ಉಪ್ಪುನಗ ಉಪವಾಸ ಮಲ್ಪೊಲಿಯಾ? ಮದ್ಮಯೆ ತನ್ಕುಲೆಡೊಪ್ಪ ಉಪ್ಪುನ ಮುಟ್ಟ ಅಕುಲು ಉಪವಾಸ ಮಲ್ಪಯೆರ್. 20ಆಂಡ ಮದ್ಮಯನ್ ಅಕ್ಲೆನ ಕೈತಲ್ಡ್ದ್ ದೆತ್ತೊಂದು ಪೋಪಿನ ಕಾಲ ಬರ್ಪುಂಡು, ಆ ಕಾಲೊಡು ಉಪವಾಸ ಮಲ್ಪುವೆರ್.
21“ಏರ್ಲಾ ಪೊಸ ಕುಂಟುದ ತುಂಡುನು ಪರ ಕುಂಟುಗು ಪತ್ತೆ ಪಾಡುಜೆರ್, ಪಾಡ್ಂಡ ಆ ಪೊಸ ಪತ್ತೆ ಪರ ಕುಂಟುನು ಒಯ್ತ್ದ್ ಪರ್ತೆಲ್ ಹೆಚ್ಚಾವು. 22ಅಂಚೆನೇ ಪರ ಚರ್ಮದ ಚೀರವುಡು ಪೊಸ ದ್ರಾಕ್ಷಾರಸೊನು ದಿಂಜಾವುಜೆರ್. ದಿಂಜಾಂಡ ದ್ರಾಕ್ಷಾರಸ ಚೀರವು ಪುಡಾದ್ ದ್ರಾಕ್ಷಾರಸಲಾ ಚೀರವುಲಾ ಹಾಳಾದ್ ಪೋಪುಂಡು. ಅಂಚಾಯಿನೆಡ್ದ್ ಪೊಸ ದ್ರಾಕ್ಷಾರಸೊನು ಪೊಸ ಚೀರವುಡು ಪಾಡ್ದ್ ದೀವೊಡು,” ಅಂದ್ದ್ ಪಂಡೆ.
ಸಬ್ಬತ್ದ ಸಂಗತಿಡ್ ಚರ್ಚೆ
(ಮತ್ತಾಯೆ 12:18; ಲೂಕೆ 6:15)
23ಯೇಸು ಸಬ್ಬತ್ದಿನೊಟು ಬುಲೆತ ಕಂಡೊಲೆನ್ ದಾಂಟ್ದ್ ಪೋವೊಂದುಪ್ಪುನಗ ಆಯನ ಶಿಷ್ಯೆರ್ ಕೊರಲ್ ರುಂಬುದು ತಿನೊಂದಿತ್ತೆರ್. 24ಪರಿಸಾಯೆರ್ ಯೇಸುಡ, “ತೂಲ, ಮೊಕುಲು ಸಬ್ಬತ್ದಿನೊಟು ಮಲ್ಪಂದಿ ಬೇಲೆನ್ ದಾಯೆಗ್ ಮಲ್ಪುವೆರ್?” ಅಂದ್ದ್ ಕೇಂಡೆರ್.
25ಅಪಗ ಯೇಸು ಅಕ್ಲೆಡ, “ದಾವೀದೆ, ತಾನ್ಲಾ ತನಡೊಪ್ಪ ಇತ್ತಿನಾಕುಲುಲಾ ಬಡವು ಆಯಿನಪಗ ದಾದ ಮಲ್ತೆರ್ ಪನ್ಪಿನೆನ್ ನಿಕುಲು ಓದುದಿಜರಾ? 26ಪ್ರಧಾನಯಾಜಕೆ ಆಯಿ ಅಬಿಯಾತರನ ಕಾಲೊಡು ದಾವೀದೆ ದೇವೆರೆ ಆಲಯದ ಉಲಯಿ ಪೋದು ಯಾಜಕೆರ್ ಅತ್ತಂದೆ ಬೇತೆ ಏರ್ಲಾ ತಿನಂದಿನ ನೈವೇದ್ಯದ ರೊಟ್ಟಿನ್ ತಾನ್ ತಿಂದ್ದ್, ತನಡೊಪ್ಪ ಇತ್ತಿನಾಕುಲೆಗ್ಲಾ ಕೊರಿಯೆ ಅತ್ತಾ?”
27ಬೊಕ್ಕ ಅಕ್ಲೆಡ, “ಸಬ್ಬತ್ದಿನೊನು ದೇವೆರ್ ನರಮಾನಿಲೆಗಾದೇ ಉಂಡು ಮಲ್ತ್ದಿನಿ ಅತ್ತಂದೆ ನರಮಾನಿಲೆನ್ ಸಬ್ಬತ್ದಿನೊಕಾದ್ ಮಲ್ತ್ದಿನಿ ಅತ್ತ್. 28ಅಂಚಾಯಿನೆಡ್ದ್ ನರಮಾನಿ ಮಗೆ ಸಬ್ಬತ್ದಿನತಲಾ ಕರ್ತವೆ ಆದುಲ್ಲೆ,” ಅಂದ್ದ್ ಪಂಡೆ.
Currently Selected:
ಮಾರ್ಕೆ 2: ತುಳು
Highlight
Share
Copy
Want to have your highlights saved across all your devices? Sign up or sign in
New Life Literature
ಮಾರ್ಕೆ 2
2
ಯೇಸು ಪಕ್ಷವಾತದಾಯನ್ ಗುಣ ಮಲ್ಪುನವು
(ಮತ್ತಾಯೆ 9:1-8; ಲೂಕೆ 5:17-26)
1ಒಂತೆ ದಿನೊಡ್ದು ಬೊಕ್ಕ ಯೇಸು ಕಪೆರ್ನೌಮುಗು ಬತ್ತೆ. ಆಯೆ ಇಲ್ಲಡ್ ಉಲ್ಲೆ ಪನ್ಪಿನ ಸುದ್ಧಿ ಜನೊಕುಲೆಗ್ ತೆರಿಂಡ್. 2ಜನೊಕುಲು ಗುಂಪಾದ್ ಸೇರ್ದ್ ಬತ್ತಿನೆಡ್ದ್ ಬಾಕಿಲ್ದ ಬರಿಟ್ಟ್ಲಾ ಜಾಗ್ ಇತ್ತ್ಜಿ. ಅವುಲು ಯೇಸು ಅಕ್ಲೆಗ್ ದೇವೆರೆ ಪಾತೆರೊನು ಸಾರಿಯೊಂದಿತ್ತೆ. 3ಅಪಗ ನಾಲ್ವೆರ್ ಒರಿ ಪಕ್ಷವಾತದಾಯನ್ ತುಂಬೊಂದು ಯೇಸು ಕೈತಲ್ ಕನತೆರ್. 4ಆಂಡ ಜನೊಕುಲೆ ಮಲ್ಲ ಗುಂಪು ಇತ್ತಿನೆಡ್ದಾವರ ಅಕ್ಲೆಗ್ ಯೇಸುನ ಕೈತಲ್ ಕನವೆರೆ ಸಾದ್ಯ ಆಯಿಜಿ, ಅಂಚಾದ್ ಯೇಸು ಇತ್ತಿನ ಇಲ್ಲದ ಮಾಡ್ನ್ ಗಿರ್ತ್ದ್ ಪಕ್ಷವಾತದಾಯೆ ಜೆತ್ತ್ದಿತ್ತಿ ಪಜೆನ್ ತಿರ್ತ್ ಜಪುಡಾಯೆರ್. 5ಯೇಸು ಅಕ್ಲೆನ ನಂಬಿಕೆನ್ ತೂದು, ಆ ಪಕ್ಷವಾತದಾಯಡ, “ಮಗಾ, ನಿನ ಪಾಪೊಲು ಮಾಪು ಆತ್ಂಡ್,” ಅಂದ್ದ್ ಪಂಡೆ.
6-7ಅಲ್ಪ ಶಾಸ್ತ್ರಿಲೆಡ್ ಕೆಲೆವೆರ್ ಕುಲ್ಲುದಿತ್ತೆರ್. “ಇಂಬೆ ದಾಯೆಗ್ ಇಂಚ ಪಾತೆರ್ವೆ? ಉಂದು ದೇವದೂಷಣೆ, ದೇವೆರ್ ಒರಿಯೇ ಅತ್ತಂದೆ ಏರ್ಲಾ ಪಾಪೊಲೆನ್ ಬುಡುಗಡೆ ಮಲ್ಪೊಲಿಯಾ?” ಅಂದ್ದ್ ಅಕ್ಲೆ ಉಡಲ್ಡೇ ಎನ್ನೊಂದಿತ್ತೆರ್.
8ಇಂಚ ಎನ್ನೊಂದುಪ್ಪುನೆನ್ ಕೂಡ್ಲೆ ಯೇಸು ತನ ಆತ್ಮೊಡು ತೆರಿದ್ ಅಕ್ಲೆಡ, “ನಿಕುಲು ನಿಕ್ಲೆನ ಉಡಲ್ಡ್ ದಾಯೆಗ್ ಇಂಚ ಆಲೋಚನೆ ಮಲ್ತೊಂದುಲ್ಲರ್? 9ಒವು ಸುಲಭ? ಪಕ್ಷವಾತದಾಯಗ್ ‘ನಿನ ಪಾಪೊಲು ಮಾಪು ಆತ್ಂಡ್ ಪನ್ಪಿನವಾ,’ ಇಜ್ಜಿಂಡ, ‘ಲಕ್ಕ್ದ್ ನಿನ ಪಜೆನ್ ಪತ್ತೊಂದು ನಡಪು ಪನ್ಪಿನವಾ?’ 10ಆಂಡ ಪಾಪೊಲೆನ್ ಮಾಪು ಮಲ್ಪೆರೆ ನರಮಾನಿ ಮಗಕ್ಕ್ ಭೂಲೋಕೊಡು ಅಧಿಕಾರ ಉಂಡು ಪನ್ಪಿನವು ನಿಕ್ಲೆಗ್ ತೆರಿಯೊಡು,” ಅಂದ್ದ್ ಪಕ್ಷವಾತದಾಯನ್ ತೂದು, 11“ಲಕ್ಕ್ದ್ ನಿನ ಪಜೆನ್ ದೆತ್ತೊಂದು ಇಲ್ಲಗ್ ಪೋಲ,” ಅಂದ್ದ್ ನಿಕ್ಕ್ ಪನ್ಪೆ ಪಂಡ್ದ್ ಪಂಡೆ.
12ಆಯೆ ಲಕ್ಕ್ದ್ ಅಪಗನೇ ತನ ಪಜೆನ್ ಪತ್ತೊಂದು ಮಾತೆರೆ ಎದುರುಡ್ದು ಪಿದಾಡ್ದ್ ಪೋಯೆ. ಉಂದೆನ್ ತೂದು ಮಾತೆರ್ಲಾ ಅಚ್ಚಿರೊಡು, “ಈತ್ನೆಟ್ಟ ಎಂಕುಲು ಇಂಚಿನ ಕಾರ್ಯೊನು ತೂತಿನೆ ಇಜ್ಜಿ,” ಪನೊಂದು ದೇವೆರೆನ್ ಪುಗರಿಯೆರ್.
ಯೇಸು ಲೇವಿನ್ ಲೆಪ್ಪುನವು
(ಮತ್ತಾಯೆ 9:9-13; ಲೂಕೆ 5:27-32)
13ಯೇಸು ಕುಡ ಕಡಲ ಬರಿಕ್ಕ್ ಪೋಯೆ. ಜನೊಕುಲೆ ಗುಂಪು ಆಯನ ಕಡೆಕ್ಕ್ ಬತ್ತಿನಪಗ ಆಯೆ ಅಕ್ಲೆಗ್ ಬೋಧನೆ ಮಲ್ತೆ. 14ಅಲ್ಪಡ್ದ್ ಯೇಸು ಕಡಲ್ದ ಬರಿಟ್ಟೇ ಪೋವೊಂದುಪ್ಪುನಗ ಸುಂಕ ವಸೂಲಿ ಮಲ್ತೊಂದಿತ್ತಿ ಅಲ್ಫಾಯನ ಮಗೆ ಲೇವಿನ್ ತೂದು, “ಎನ ಬೆರಿಯೆ ಬಲ,” ಅಂದ್ದ್ ಲೆಪ್ಪುನಗ, ಆಯೆ ಲಕ್ಕ್ದ್ ಯೇಸುನ ಬೆರಿಯೆ ಪೋಯೆ.
15ಐಡ್ದ್ ಬೊಕ್ಕ ಯೇಸು ಲೇವಿನ ಇಲ್ಲಡ್ ವಣಸ್ಗ್ ಕುಲ್ಲೊಂದುಪ್ಪುನಗ ಮಸ್ತ್ ಜನ ಸುಂಕದಾಕುಲುಲಾ ಪಾಪಿಷ್ಟೆರ್ಲಾ ಯೇಸು ಬೊಕ್ಕ ಆಯ ಶಿಷ್ಯೆರೆ ಪಂತೆಡ್ ವಣಸ್ಗ್ ಕುಲ್ಲುದಿತ್ತೆರ್. ಮೊಕ್ಲೆಡ್ ಮಸ್ತ್ ಜನ ಯೇಸುನ ಬೆರಿಯೆ ಪೋಪಿನಾಕುಲು ಆದಿತ್ತೆರ್. 16ಪರಿಸಾಯೆರಾಯಿ ಶಾಸ್ತ್ರಿಲು, ಆಯೆ ಪಾಪಿಲು ಬೊಕ್ಕ ಸುಂಕದಾಕುಲೆಡೊಪ್ಪ ವಣಸ್ ಮಲ್ಪುನೆನ್ ತೂದು, ಆಯನ ಶಿಷ್ಯೆರೆಡ, “ಆಯೆ ಸುಂಕದಾಕುಲೆಡೊಪ್ಪಲಾ ಪಾಪಿಲೆಡೊಪ್ಪಲಾ ದಾಯೆಗ್ ವಣಸ್ ಮಲ್ಪುವೆ ತೂಲೆ.” ಅಂದ್ದ್ ಪಂಡೆರ್.
17ಯೇಸು ಅವೆನ್ ಕೇಂಡ್ದ್ ಅಕ್ಲೆಡ, “ಸೌಖ್ಯೊಡು ಉಪ್ಪುನಾಕುಲೆಗ್ ವೈದ್ಯೆ ಬೊಡ್ಚಿ, ಸೌಖ್ಯದಾಂತಿನಾಕುಲೆಗ್ ಮಾತ್ರ ಬೋಡು. ಯಾನ್ ನೀತಿವಂತೆರೆನ್ ಲೆಪ್ಪೆರೆ ಬೈದಿನಿ ಅತ್ತ್, ಪಾಪಿಷ್ಟೆರೆನ್ ಲೆಪ್ಪೆರೆ ಬೈದಿನಿ,” ಪಂಡೆ.
ಉಪವಾಸದ ಸಂಗತಿಡ್ ಚರ್ಚೆ
(ಮತ್ತಾಯೆ 9:14-17; ಲೂಕೆ 5:33-39)
18ಯೋಹಾನನ ಶಿಷ್ಯೆರ್ಲಾ ಪರಿಸಾಯೆರ್ಲಾ ಉಪವಾಸೊಡುಪ್ಪುನಗ, ಕೆಲೆವೆರ್ ಯೇಸುನ ಕೈತಲ್ ಬತ್ತ್ದ್, “ಯೋಹಾನನ ಶಿಷ್ಯೆರ್ ಬೊಕ್ಕ ಪರಿಸಾಯೆರೆ ಶಿಷ್ಯೆರ್ಲಾ ಉಪವಾಸ ಮಲ್ಪುವೆರತ್ತಾ? ನಿನ ಶಿಷ್ಯೆರ್ ದಾಯೆಗ್ ಉಪವಾಸ ಮಲ್ಪುಜೆರ್?” ಅಂದ್ದ್ ಕೇಂಡೆರ್.
19ಐಕ್ ಯೇಸು ಅಕ್ಲೆಡ, “ಮದ್ಮೆದ ದಿಬ್ಬಣದಾಕುಲು ತನ್ಕುಲೆಡೊಪ್ಪ ಮದ್ಮಯೆ ಉಪ್ಪುನಗ ಉಪವಾಸ ಮಲ್ಪೊಲಿಯಾ? ಮದ್ಮಯೆ ತನ್ಕುಲೆಡೊಪ್ಪ ಉಪ್ಪುನ ಮುಟ್ಟ ಅಕುಲು ಉಪವಾಸ ಮಲ್ಪಯೆರ್. 20ಆಂಡ ಮದ್ಮಯನ್ ಅಕ್ಲೆನ ಕೈತಲ್ಡ್ದ್ ದೆತ್ತೊಂದು ಪೋಪಿನ ಕಾಲ ಬರ್ಪುಂಡು, ಆ ಕಾಲೊಡು ಉಪವಾಸ ಮಲ್ಪುವೆರ್.
21“ಏರ್ಲಾ ಪೊಸ ಕುಂಟುದ ತುಂಡುನು ಪರ ಕುಂಟುಗು ಪತ್ತೆ ಪಾಡುಜೆರ್, ಪಾಡ್ಂಡ ಆ ಪೊಸ ಪತ್ತೆ ಪರ ಕುಂಟುನು ಒಯ್ತ್ದ್ ಪರ್ತೆಲ್ ಹೆಚ್ಚಾವು. 22ಅಂಚೆನೇ ಪರ ಚರ್ಮದ ಚೀರವುಡು ಪೊಸ ದ್ರಾಕ್ಷಾರಸೊನು ದಿಂಜಾವುಜೆರ್. ದಿಂಜಾಂಡ ದ್ರಾಕ್ಷಾರಸ ಚೀರವು ಪುಡಾದ್ ದ್ರಾಕ್ಷಾರಸಲಾ ಚೀರವುಲಾ ಹಾಳಾದ್ ಪೋಪುಂಡು. ಅಂಚಾಯಿನೆಡ್ದ್ ಪೊಸ ದ್ರಾಕ್ಷಾರಸೊನು ಪೊಸ ಚೀರವುಡು ಪಾಡ್ದ್ ದೀವೊಡು,” ಅಂದ್ದ್ ಪಂಡೆ.
ಸಬ್ಬತ್ದ ಸಂಗತಿಡ್ ಚರ್ಚೆ
(ಮತ್ತಾಯೆ 12:18; ಲೂಕೆ 6:15)
23ಯೇಸು ಸಬ್ಬತ್ದಿನೊಟು ಬುಲೆತ ಕಂಡೊಲೆನ್ ದಾಂಟ್ದ್ ಪೋವೊಂದುಪ್ಪುನಗ ಆಯನ ಶಿಷ್ಯೆರ್ ಕೊರಲ್ ರುಂಬುದು ತಿನೊಂದಿತ್ತೆರ್. 24ಪರಿಸಾಯೆರ್ ಯೇಸುಡ, “ತೂಲ, ಮೊಕುಲು ಸಬ್ಬತ್ದಿನೊಟು ಮಲ್ಪಂದಿ ಬೇಲೆನ್ ದಾಯೆಗ್ ಮಲ್ಪುವೆರ್?” ಅಂದ್ದ್ ಕೇಂಡೆರ್.
25ಅಪಗ ಯೇಸು ಅಕ್ಲೆಡ, “ದಾವೀದೆ, ತಾನ್ಲಾ ತನಡೊಪ್ಪ ಇತ್ತಿನಾಕುಲುಲಾ ಬಡವು ಆಯಿನಪಗ ದಾದ ಮಲ್ತೆರ್ ಪನ್ಪಿನೆನ್ ನಿಕುಲು ಓದುದಿಜರಾ? 26ಪ್ರಧಾನಯಾಜಕೆ ಆಯಿ ಅಬಿಯಾತರನ ಕಾಲೊಡು ದಾವೀದೆ ದೇವೆರೆ ಆಲಯದ ಉಲಯಿ ಪೋದು ಯಾಜಕೆರ್ ಅತ್ತಂದೆ ಬೇತೆ ಏರ್ಲಾ ತಿನಂದಿನ ನೈವೇದ್ಯದ ರೊಟ್ಟಿನ್ ತಾನ್ ತಿಂದ್ದ್, ತನಡೊಪ್ಪ ಇತ್ತಿನಾಕುಲೆಗ್ಲಾ ಕೊರಿಯೆ ಅತ್ತಾ?”
27ಬೊಕ್ಕ ಅಕ್ಲೆಡ, “ಸಬ್ಬತ್ದಿನೊನು ದೇವೆರ್ ನರಮಾನಿಲೆಗಾದೇ ಉಂಡು ಮಲ್ತ್ದಿನಿ ಅತ್ತಂದೆ ನರಮಾನಿಲೆನ್ ಸಬ್ಬತ್ದಿನೊಕಾದ್ ಮಲ್ತ್ದಿನಿ ಅತ್ತ್. 28ಅಂಚಾಯಿನೆಡ್ದ್ ನರಮಾನಿ ಮಗೆ ಸಬ್ಬತ್ದಿನತಲಾ ಕರ್ತವೆ ಆದುಲ್ಲೆ,” ಅಂದ್ದ್ ಪಂಡೆ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Life Literature