لوقا 20
20
سُّلْطَا ن سِيذِيثْنغ عِيْسَى
1ئِجّن ن نْهَار ذݣ وُوْسَّان نِّي، عِيْسَى اَقَاث ذِي ثمْزِيذَا ثَمقّْرَانْت يسڒْمَاذ يوْذَان يتْبشَّار-يثن، ؤُسِين-د غَارس اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا ذ يمقّْرَانن ن أَيث-إِسْرَائِيل. 2كَّرن نَّان-اَس: "إِنِي-يَانغ شك، مَانِيس ذَاش د ثكَّا سُّلْطَا نِّي إِي زِي تݣّذ ثِمسْڒَايِين-أَ؟ وِي ذَاش يُوْشِين سُّلْطَا نِّي؟"
3-4ينَّا-ٱسن عِيْسَى: "ؤُڒَا ذ نش اَكنِّيو سّقْسِيغ خ يِجّن ن ثْمسْڒَايْث. إِنِيم-اَيِي: يَحْيَى، مَان سُّلْطَا إِي زِي يطهَّار س وَامَان، مَا زِي أَربِّـي مَا زݣ يِوْذَان؟"
5مْشَوَارن جَارَاسن نَّان: "سُّلْطَا نِّي، مڒَا ننَّا-اَس قَا ثكَّا-د زِي أَربِّـي، أَتَاف اَذَانغ يِينِي عِيْسَى مَايمِّي وَار زَّايس ثُوْمِينم شَا؟ 6وَلَكِن مڒَا ننَّا-اَس سُّلْطَا نِّي قَا ثكَّا-د زݣ يِوْذَان، أَتَاف مَارَّا يوْذَان اَذَانغ رجْمن مِينْزِي ؤُمْنن بلِّي يَحْيَى ذ نَّبِي." 7أُوشَا نَّان-اَس إِ عِيْسَى: "نشِّين وَار نسِّين شَا مَانِيس د ثكَّا سُّلْطَا نِّي نّس."
8ئِنْدق-د عِيْسَى ينَّا-ٱسن: "إِيوَا ؤُڒَا ذ نش وَار ذَاوم قَّارغ شَا مَانِيس ذَايِي د ثكَّا سُّلْطَا-يَا إِي زِي تݣّغ ثِمسْڒَايِين-أَ."
ڒْمَعْنَا ن يخمَّاسن إِي ذِي يدْجَا شَّرّْ
9ئِبْذَا عِيْسَى يسَّاوَاڒ اَك شَّعْب س ڒْمَعْنَا-يَا ثَانِيتَا ينَّا-ٱسن: "ئِجّن ن سِّيّد يࢲُّو اَضِيڒ ذݣ يِجّن ن ومَرْجع نّس، يجَّا ذَايس يخمَّاسن صَافِي يرُوْح يسَفَر اَطَّاس ن ڒْوقْث. 10وَامِي د يُوْوض ڒْوقْث ن وڒْقض ن وضِيڒ، ئِكَّر يسّكّ يجّن ن وخدَّام نّس غَار يخمَّاسن نِّي بَاش اَذَاس د وْشن ڒْحَقّ نّس ن ومَرْجع ن وضِيڒ. وَلَكِن مِين ݣِّين يخمَّاسن نِّي؟ ؤُوْثِين-ث، سّكّن-ث-يد يخْوَا. 11ئِرُوْح يسّكّ-اَسن يجّن ن وخدَّام نّغْنِي، وَلَكِن ؤُڒَا ذ ونِّي ؤُوْثِين-ث عدّن خَاس سّكّن-ث-يد يخْوَا. 12ئِسّكّ-اَسن حتَّا ذ يج وخدَّام وِيس ثْڒَاثَا، ؤُڒَا ذ ونِّي جَرْحن-ث ؤُزّْڒن خَاس.
13سّنِّي بَاب ن ومَرْجع ن وضِيڒ ينَّا، مِين غَا ݣّغ؟ صَافِي، نش اَذَاسن سّكّغ ممِّي يعِيزّن يمْكن اَث ݣّْوْذن. 14ئِخمَّاسن نِّي مِين ݣِّين؟ وَامِي ؤُفِين مِّيس يُوْسَا-د، كَّرن نَّان إِ وَايَاوْيَا: أَقَا ونِّي إِي غَا يوَارْثن! أَث نْنغ بَاش اَذَاس نَاوِي اَمَرْجع-أَ ن وضِيڒ! 15نْضَرن-ث-يذ غَار بَارَّا إِ ومَرْجع وضِيڒ نْغِين-ث.
إِوَا، مِين ذَاسن غَا يݣّ بَاب ن ومَرْجع نِّي وضِيڒ إِ يخمَّاسن نِّي؟ 16أَذ د يَاس نتَّا س يِيخف نّس اَذ ينغ يخمَّاسن نِّي مَارَّا، أَذ يجّ اَمَرْجع نِّي وضِيڒ إِ ينّغْنِي."
وَامِي سْڒِين إِ مَانَايَا نَّان: "أَربِّـي يسْتَر!"
17ئِخْزَر غَارْسن ينَّا: "مِين يخس اَذ يِينِي وَاوَاڒ-أَ إِي يُوْرِين ذِي لْكِتَاب؟
<أَزْرُو إِي عِيفّن يبنَّاين،
يوْقع ذݣ ومْشَان اَصبْحَان ذِي ثْغمَّارْث ن دْسَاس.>
18ونِّي غَا يوْضَان خ وزْرُو-يَا اَذ يرز.
ونِّي خف غَا يوْضَا وزْرُو-يَا اَذ ينڒْبࢲ."
19ڒخْدّنِّي يمْسڒْمَاذن ن شَّرِيعَا ذ اَرُّوْيَاس ن ڒْفُقَهَا رزُّوْن اَذ طّْفن عِيْسَى، فهْمن بلِّي يسَّاوَاڒ خَاسن س ڒْمَعْنَا-يَا وَلَكِن ݣّْوْذن زِي شَّعْب.
ضَّرِيبَا ن لْمَلِك قَيْصَر
20بْذَان يمْسڒْمَاذن نِّي ن شَّرِيعَا ذ اَرُّوْيَاس ن ڒْفُقَهَا حطَّان عِيْسَى، رزُّوْن اَث طّْفن خ شَان وَاوَاڒن نّس حمَا اَث سلّْمن إِ لْحَاكم ذ سُّلْطَا نّس. رُوْحن سّكّن-اَس إِ عِيْسَى شَان يِوْذَان سْنعْمِيڒن اَقَاثن نِيشَان وَلَكِن نِثْنِي ذ يبرْݣَاݣن. 21سّقْسَان-ث نَّان-اَس: "آ لْمُعَلِّم، نسّن بلِّي شك ثقَّارذ ڒْحَقّ ثْسڒْمَاذذ س ڒْحَقّ. وَار تݣّذ بُو ؤُذمَاون، ثْسڒْمَاذذ س ڒْحَقّ مَامّش يخس أَربِّـي أَ نْعِيش. 22إِنِي-يَانغ، مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟"
23ئِسّن عِيْسَى يخَرْوِيضن نِّي إِي ذَايْسن، ينَّا-ٱسن: 24"أَوِيم-د دِينَار نِّي ن ضَّرِيبَا حمَا اَث ࢲرغ." ينَّا-ٱسن: "وِي يِيڒَان تصْوِيرْث-أَ ذ يِيسم-أَ إِي ذَايس؟"
نَّان-اَس: "ن قَيْصَر."
25ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر، مِين يدْجَان ن أَربِّـي ؤُشم-اَس-ث إِ أَربِّـي." 26نِثْنِي وَار زمَّرن شَا اَذ شمْثن عِيْسَى زِي شَان وَاوَاڒ نّس زَّاث إِ شَّعْب. قِّيمن تْعجّْبن ذݣ وجَاوَاب نّس، وَار ؤُفِين شَا مِين غَا ينِين.
سِيذِيثْنغ عِيْسَى يتْبشَّار خ ثُوْذَارْث ن ڒبْدَا
27كَّرن شَان يِوْذَان زِي ڒْحِزب ن يصَدُّوْقِيْين قَارّْبن-د غَار عِيْسَى. (قَّارن نِثْنِي بلِّي يوْذَان وَار د تكَّرن شَا زِي ڒْموْث.) سقْسَان عِيْسَى نَّان-اَس: 28"آ لْمُعَلِّم، قَا يُوْرَا-ٱنغ مُوْسَى اَرْيَاز مڒَا يمُّوْث يجَّا ثَمْغَارْث نّس وَار كِذس د يجِّي بُو ثَارْوَا، ثَاجَّاڒْث نِّي لَابُد اَت يَاوِي ؤُڒْوس نّس بَاش اَكِذس د يجّ ثَارْوَا إِ وُوْمَاس نِّي يمُّوْثن. 29نشِّين تُوْغَا اَكِذْنغ سبْعَا ن وَاوْمَاثن، ئِمْڒش ومزْوَارُو يمُّوْث وَار ذ يجِّي بُو ثَارْوَا. 30-31ثَمْغَارْث نِّي يُوْوِي-ت وِيس ثْنَاين يمُّوْث وَار د يجِّي بُو ثَارْوَا. أَمنِّي عَاوذ وِيس ثْڒَاثَا اَڒ وِيس سبْعَا. 32أَڒ ونݣَّارُو ؤُڒَا ذ ثَمْغَارْث نِّي ثمُّوْث. 33يُوْم لْقِيَامَا، ؤُمِي غَا ثِيڒِي ثمْغَارْث نِّي؟ أَقَا ؤُوِين-ت س سبْعَا إِذْسن."
34يَارَّا خَاسن عِيْسَى ينَّا-ٱسن: "وَاه، ثَارْوَا ن دُّنشْت-أَ مدْجْشن تْوَاسْمدْجَاشن. 35وَلَكِن ينّغْنِي يحسّب-يثن أَربِّـي اَغَارْسن ثِيڒِي ثُوْذَارْث ن ڒبْدَا، خْمِي د غَا كَّرن زِي ڒْموْث اَتَاف نِثْنِي وَار مدْجْشن شَا وَار تْوَاسْمدْجِيشن شَا. 36وَار زمَّرن شَا اَذ مّْثن، أَذ يڒِين اَمشْنَاو لْمَلَائِكَاث. نِثْنِي ذ ثَارْوَا ن أَربِّـي، خڒْقن-د ذِي يُوْم لْقِيَامَا.
37وَلَكِن شُوْف، يِنِّي يمُّوْثن اَذ د كَّرن زِي ڒْموْث. ؤُڒَا ذ مُوْسَى يسْبيَّان-د مَانَايَا ذِي ڒْقِصَّا ن ؤُخْشَاب#20.37 مَاشِي مَعْرُوْف مِين يعْنَا وخْشَاب-أَ، وَلَكِن يمْكن ذ شَان اَرْبِيع اَم ثَابْغَا نِغ اَم شَان ثْشجَّارْث ثَمزْيَانْت ذَايس يسنَّانن. وَامِي ينَّا قَا سِيذِي أَربِّـي ذ أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يَعْقُوْب.#20.37 سِيذْنَا مُوْسَى تُوْغَا يرَاسّ ڒبْهَايم ن وذݣّْوَاڒ نّس قَّارن-اَس يَثْرُوْن ذ ڒفْقِي ن مِدْيَان. ئِجّن ن نْهَار ينْده ڒبْهَايم غَار صَّحْرَا حتَّا اَڒ مَانِي يُوْوض غَار وذْرَار ن أَربِّـي ؤُمِي قَّارن حُوْرِيب. ذِنِّي إِي ذَاس د ثْمظْهَار لْمَلَائِكَا ن سِيذِي أَربِّـي ذݣ وشعَّار ن ثْمسِّي زِي ڒْوسْط ن يِجّن ن ؤُخْشَاب. ئِࢲْرَا مُوْسَى اَخْشَاب نِّي يحَرّق بْڒَا مَا ث تشّ ثْمسِّي. ينَّا ذِي نّفْس نّس: "أَذ رَاحغ حمَا اَذ خْزَرغ ثَمسْڒَايْث-أَ يسذْهَاشن. مَايمِّي اَخْشَاب-أَ وَار يحَرّق شَا؟" وَامِي يرُوْح ذِنِّي اَذ يخْزَر، ئِࢲْرِي-ث سِيذِي أَربِّـي يبَرّح-اَس-د زِي ڒْوسْط ن ؤُخْشَاب ينَّا-ٱس: "آ مُوْسَى آ مُوْسَى." ينَّا-ٱس مُوْسَى: "هَاقَايِي". ينَّا-ٱس أَربِّـي: "وَار تْقَارّب شَا ذَانِيتَا. كّس ثِسِيڒَا زݣ يضَارن نّش ڒَاحقَّاش اَمْشَان-أَ إِي خف ثْبدّذ نتَّا ذ يجّن ن ثْمُوْرْث مُقدّس." أُوْشَا ينَّا-ٱس: "نش ذ أَربِّـي ن ڒجْذُوْذ نّش ذ أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يَعْقُوْب." ڒخْدّنِّي يسذْحَا مُوْسَى يسَاذَار اَغمْبُوْب نّس يݣّْوذ اَذ يࢲر أَربِّـي. 38نتَّا ذ أَربِّـي ن يِنِّي يدَّرن مَاشِي ن يِنِّي يمُّوثن، ڒَاحقَّاش نتَّا مَارَّا يوْذَان اَغَارس يڒِين دَّرن."
39نَّان-اَس شَان يمْسڒْمَاذن ن شَّرِيعَا: "آ سِيذِي، ثنِّيذ مْلِيح!" 40أُو سّنِّي وَار يزْعِيم حَدّ اَث يسّقْسَا عَاذ كْتَار.
لْمَسِيح نتَّا ذ سِيذس ن دَاود
41ئِنْدق-د عِيْسَى ينَّا-ٱسن: "مَايمِّي قَّارن قَا لْمَسِيح ذ مِّيس ن دَاود؟ 42قَا دَاود ينَّا نتَّا س يِيخف نّس ذِي لْكِتَاب ن زَّابُوْر:
<سِيذِي أَربِّـي ينَّا-ٱس إِ سِيذِي: قِّيم-د خ وفُوْسِي ينُو،
43أَڒ د غَا ݣّغ ڒْعَذْيَان نّش سْوَادَّاي إِ يضَارن نّش.>
44مَامّش غَا يِيڒِي لْمَسِيح ذ مِّيس ن دَاود؟ نتَّا دَاود يقَّار-اَس إِ لْمَسِيح آ سِيذِي."
لْمُنَافِقِين
45ينَّا-ٱسن عِيْسَى إِ يمحْضَارن نّس أُو مَارَّا شَّعْب يتسْڒَا-يَاس: 46"حْضَام يخف نْوم زݣ يمْسڒْمَاذن ن شَّرِيعَا. نِثْنِي تخْسن اَذ ؤُيُوْرن س يسڒْهَامن نِّي نْسن، تخْسن اَخَاسن سدْجْمن ذِي ڒسْوَاق، تخْسن اَذ قِّيمن ذݣ يمُوْشَان يمزْوُوْرَا ذِي ثمْزِيذَاوِين ذ ڒفْرُوْح. 47تتّن ثَاجَّاڒِين، سْمظْهَارن-د يخف نْسن تْࢲَادْجَان اَطَّاس حمَا اَذ بيّْنن إِ يِوْذَان بلِّي نِثْنِي صبْحن اَطَّاس زَعْمَا. يِيْنَا، لْحِسَاب نْسن اَذ يِيڒِي يقْصح اَطَّاس!"
Currently Selected:
لوقا 20: ريف
Highlight
Share
Copy
Want to have your highlights saved across all your devices? Sign up or sign in
لوقا 20
20
سُّلْطَا ن سِيذِيثْنغ عِيْسَى
1ئِجّن ن نْهَار ذݣ وُوْسَّان نِّي، عِيْسَى اَقَاث ذِي ثمْزِيذَا ثَمقّْرَانْت يسڒْمَاذ يوْذَان يتْبشَّار-يثن، ؤُسِين-د غَارس اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا ذ يمقّْرَانن ن أَيث-إِسْرَائِيل. 2كَّرن نَّان-اَس: "إِنِي-يَانغ شك، مَانِيس ذَاش د ثكَّا سُّلْطَا نِّي إِي زِي تݣّذ ثِمسْڒَايِين-أَ؟ وِي ذَاش يُوْشِين سُّلْطَا نِّي؟"
3-4ينَّا-ٱسن عِيْسَى: "ؤُڒَا ذ نش اَكنِّيو سّقْسِيغ خ يِجّن ن ثْمسْڒَايْث. إِنِيم-اَيِي: يَحْيَى، مَان سُّلْطَا إِي زِي يطهَّار س وَامَان، مَا زِي أَربِّـي مَا زݣ يِوْذَان؟"
5مْشَوَارن جَارَاسن نَّان: "سُّلْطَا نِّي، مڒَا ننَّا-اَس قَا ثكَّا-د زِي أَربِّـي، أَتَاف اَذَانغ يِينِي عِيْسَى مَايمِّي وَار زَّايس ثُوْمِينم شَا؟ 6وَلَكِن مڒَا ننَّا-اَس سُّلْطَا نِّي قَا ثكَّا-د زݣ يِوْذَان، أَتَاف مَارَّا يوْذَان اَذَانغ رجْمن مِينْزِي ؤُمْنن بلِّي يَحْيَى ذ نَّبِي." 7أُوشَا نَّان-اَس إِ عِيْسَى: "نشِّين وَار نسِّين شَا مَانِيس د ثكَّا سُّلْطَا نِّي نّس."
8ئِنْدق-د عِيْسَى ينَّا-ٱسن: "إِيوَا ؤُڒَا ذ نش وَار ذَاوم قَّارغ شَا مَانِيس ذَايِي د ثكَّا سُّلْطَا-يَا إِي زِي تݣّغ ثِمسْڒَايِين-أَ."
ڒْمَعْنَا ن يخمَّاسن إِي ذِي يدْجَا شَّرّْ
9ئِبْذَا عِيْسَى يسَّاوَاڒ اَك شَّعْب س ڒْمَعْنَا-يَا ثَانِيتَا ينَّا-ٱسن: "ئِجّن ن سِّيّد يࢲُّو اَضِيڒ ذݣ يِجّن ن ومَرْجع نّس، يجَّا ذَايس يخمَّاسن صَافِي يرُوْح يسَفَر اَطَّاس ن ڒْوقْث. 10وَامِي د يُوْوض ڒْوقْث ن وڒْقض ن وضِيڒ، ئِكَّر يسّكّ يجّن ن وخدَّام نّس غَار يخمَّاسن نِّي بَاش اَذَاس د وْشن ڒْحَقّ نّس ن ومَرْجع ن وضِيڒ. وَلَكِن مِين ݣِّين يخمَّاسن نِّي؟ ؤُوْثِين-ث، سّكّن-ث-يد يخْوَا. 11ئِرُوْح يسّكّ-اَسن يجّن ن وخدَّام نّغْنِي، وَلَكِن ؤُڒَا ذ ونِّي ؤُوْثِين-ث عدّن خَاس سّكّن-ث-يد يخْوَا. 12ئِسّكّ-اَسن حتَّا ذ يج وخدَّام وِيس ثْڒَاثَا، ؤُڒَا ذ ونِّي جَرْحن-ث ؤُزّْڒن خَاس.
13سّنِّي بَاب ن ومَرْجع ن وضِيڒ ينَّا، مِين غَا ݣّغ؟ صَافِي، نش اَذَاسن سّكّغ ممِّي يعِيزّن يمْكن اَث ݣّْوْذن. 14ئِخمَّاسن نِّي مِين ݣِّين؟ وَامِي ؤُفِين مِّيس يُوْسَا-د، كَّرن نَّان إِ وَايَاوْيَا: أَقَا ونِّي إِي غَا يوَارْثن! أَث نْنغ بَاش اَذَاس نَاوِي اَمَرْجع-أَ ن وضِيڒ! 15نْضَرن-ث-يذ غَار بَارَّا إِ ومَرْجع وضِيڒ نْغِين-ث.
إِوَا، مِين ذَاسن غَا يݣّ بَاب ن ومَرْجع نِّي وضِيڒ إِ يخمَّاسن نِّي؟ 16أَذ د يَاس نتَّا س يِيخف نّس اَذ ينغ يخمَّاسن نِّي مَارَّا، أَذ يجّ اَمَرْجع نِّي وضِيڒ إِ ينّغْنِي."
وَامِي سْڒِين إِ مَانَايَا نَّان: "أَربِّـي يسْتَر!"
17ئِخْزَر غَارْسن ينَّا: "مِين يخس اَذ يِينِي وَاوَاڒ-أَ إِي يُوْرِين ذِي لْكِتَاب؟
<أَزْرُو إِي عِيفّن يبنَّاين،
يوْقع ذݣ ومْشَان اَصبْحَان ذِي ثْغمَّارْث ن دْسَاس.>
18ونِّي غَا يوْضَان خ وزْرُو-يَا اَذ يرز.
ونِّي خف غَا يوْضَا وزْرُو-يَا اَذ ينڒْبࢲ."
19ڒخْدّنِّي يمْسڒْمَاذن ن شَّرِيعَا ذ اَرُّوْيَاس ن ڒْفُقَهَا رزُّوْن اَذ طّْفن عِيْسَى، فهْمن بلِّي يسَّاوَاڒ خَاسن س ڒْمَعْنَا-يَا وَلَكِن ݣّْوْذن زِي شَّعْب.
ضَّرِيبَا ن لْمَلِك قَيْصَر
20بْذَان يمْسڒْمَاذن نِّي ن شَّرِيعَا ذ اَرُّوْيَاس ن ڒْفُقَهَا حطَّان عِيْسَى، رزُّوْن اَث طّْفن خ شَان وَاوَاڒن نّس حمَا اَث سلّْمن إِ لْحَاكم ذ سُّلْطَا نّس. رُوْحن سّكّن-اَس إِ عِيْسَى شَان يِوْذَان سْنعْمِيڒن اَقَاثن نِيشَان وَلَكِن نِثْنِي ذ يبرْݣَاݣن. 21سّقْسَان-ث نَّان-اَس: "آ لْمُعَلِّم، نسّن بلِّي شك ثقَّارذ ڒْحَقّ ثْسڒْمَاذذ س ڒْحَقّ. وَار تݣّذ بُو ؤُذمَاون، ثْسڒْمَاذذ س ڒْحَقّ مَامّش يخس أَربِّـي أَ نْعِيش. 22إِنِي-يَانغ، مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟"
23ئِسّن عِيْسَى يخَرْوِيضن نِّي إِي ذَايْسن، ينَّا-ٱسن: 24"أَوِيم-د دِينَار نِّي ن ضَّرِيبَا حمَا اَث ࢲرغ." ينَّا-ٱسن: "وِي يِيڒَان تصْوِيرْث-أَ ذ يِيسم-أَ إِي ذَايس؟"
نَّان-اَس: "ن قَيْصَر."
25ئِنْدق-د عِيْسَى ينَّا-ٱسن: "مِين يدْجَان ن قَيْصَر ؤُشم-اَس-ث إِ قَيْصَر، مِين يدْجَان ن أَربِّـي ؤُشم-اَس-ث إِ أَربِّـي." 26نِثْنِي وَار زمَّرن شَا اَذ شمْثن عِيْسَى زِي شَان وَاوَاڒ نّس زَّاث إِ شَّعْب. قِّيمن تْعجّْبن ذݣ وجَاوَاب نّس، وَار ؤُفِين شَا مِين غَا ينِين.
سِيذِيثْنغ عِيْسَى يتْبشَّار خ ثُوْذَارْث ن ڒبْدَا
27كَّرن شَان يِوْذَان زِي ڒْحِزب ن يصَدُّوْقِيْين قَارّْبن-د غَار عِيْسَى. (قَّارن نِثْنِي بلِّي يوْذَان وَار د تكَّرن شَا زِي ڒْموْث.) سقْسَان عِيْسَى نَّان-اَس: 28"آ لْمُعَلِّم، قَا يُوْرَا-ٱنغ مُوْسَى اَرْيَاز مڒَا يمُّوْث يجَّا ثَمْغَارْث نّس وَار كِذس د يجِّي بُو ثَارْوَا، ثَاجَّاڒْث نِّي لَابُد اَت يَاوِي ؤُڒْوس نّس بَاش اَكِذس د يجّ ثَارْوَا إِ وُوْمَاس نِّي يمُّوْثن. 29نشِّين تُوْغَا اَكِذْنغ سبْعَا ن وَاوْمَاثن، ئِمْڒش ومزْوَارُو يمُّوْث وَار ذ يجِّي بُو ثَارْوَا. 30-31ثَمْغَارْث نِّي يُوْوِي-ت وِيس ثْنَاين يمُّوْث وَار د يجِّي بُو ثَارْوَا. أَمنِّي عَاوذ وِيس ثْڒَاثَا اَڒ وِيس سبْعَا. 32أَڒ ونݣَّارُو ؤُڒَا ذ ثَمْغَارْث نِّي ثمُّوْث. 33يُوْم لْقِيَامَا، ؤُمِي غَا ثِيڒِي ثمْغَارْث نِّي؟ أَقَا ؤُوِين-ت س سبْعَا إِذْسن."
34يَارَّا خَاسن عِيْسَى ينَّا-ٱسن: "وَاه، ثَارْوَا ن دُّنشْت-أَ مدْجْشن تْوَاسْمدْجَاشن. 35وَلَكِن ينّغْنِي يحسّب-يثن أَربِّـي اَغَارْسن ثِيڒِي ثُوْذَارْث ن ڒبْدَا، خْمِي د غَا كَّرن زِي ڒْموْث اَتَاف نِثْنِي وَار مدْجْشن شَا وَار تْوَاسْمدْجِيشن شَا. 36وَار زمَّرن شَا اَذ مّْثن، أَذ يڒِين اَمشْنَاو لْمَلَائِكَاث. نِثْنِي ذ ثَارْوَا ن أَربِّـي، خڒْقن-د ذِي يُوْم لْقِيَامَا.
37وَلَكِن شُوْف، يِنِّي يمُّوْثن اَذ د كَّرن زِي ڒْموْث. ؤُڒَا ذ مُوْسَى يسْبيَّان-د مَانَايَا ذِي ڒْقِصَّا ن ؤُخْشَاب#20.37 مَاشِي مَعْرُوْف مِين يعْنَا وخْشَاب-أَ، وَلَكِن يمْكن ذ شَان اَرْبِيع اَم ثَابْغَا نِغ اَم شَان ثْشجَّارْث ثَمزْيَانْت ذَايس يسنَّانن. وَامِي ينَّا قَا سِيذِي أَربِّـي ذ أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يَعْقُوْب.#20.37 سِيذْنَا مُوْسَى تُوْغَا يرَاسّ ڒبْهَايم ن وذݣّْوَاڒ نّس قَّارن-اَس يَثْرُوْن ذ ڒفْقِي ن مِدْيَان. ئِجّن ن نْهَار ينْده ڒبْهَايم غَار صَّحْرَا حتَّا اَڒ مَانِي يُوْوض غَار وذْرَار ن أَربِّـي ؤُمِي قَّارن حُوْرِيب. ذِنِّي إِي ذَاس د ثْمظْهَار لْمَلَائِكَا ن سِيذِي أَربِّـي ذݣ وشعَّار ن ثْمسِّي زِي ڒْوسْط ن يِجّن ن ؤُخْشَاب. ئِࢲْرَا مُوْسَى اَخْشَاب نِّي يحَرّق بْڒَا مَا ث تشّ ثْمسِّي. ينَّا ذِي نّفْس نّس: "أَذ رَاحغ حمَا اَذ خْزَرغ ثَمسْڒَايْث-أَ يسذْهَاشن. مَايمِّي اَخْشَاب-أَ وَار يحَرّق شَا؟" وَامِي يرُوْح ذِنِّي اَذ يخْزَر، ئِࢲْرِي-ث سِيذِي أَربِّـي يبَرّح-اَس-د زِي ڒْوسْط ن ؤُخْشَاب ينَّا-ٱس: "آ مُوْسَى آ مُوْسَى." ينَّا-ٱس مُوْسَى: "هَاقَايِي". ينَّا-ٱس أَربِّـي: "وَار تْقَارّب شَا ذَانِيتَا. كّس ثِسِيڒَا زݣ يضَارن نّش ڒَاحقَّاش اَمْشَان-أَ إِي خف ثْبدّذ نتَّا ذ يجّن ن ثْمُوْرْث مُقدّس." أُوْشَا ينَّا-ٱس: "نش ذ أَربِّـي ن ڒجْذُوْذ نّش ذ أَربِّـي ن بْرَاهِيم ذ أَربِّـي ن إِسْحَاق ذ أَربِّـي ن يَعْقُوْب." ڒخْدّنِّي يسذْحَا مُوْسَى يسَاذَار اَغمْبُوْب نّس يݣّْوذ اَذ يࢲر أَربِّـي. 38نتَّا ذ أَربِّـي ن يِنِّي يدَّرن مَاشِي ن يِنِّي يمُّوثن، ڒَاحقَّاش نتَّا مَارَّا يوْذَان اَغَارس يڒِين دَّرن."
39نَّان-اَس شَان يمْسڒْمَاذن ن شَّرِيعَا: "آ سِيذِي، ثنِّيذ مْلِيح!" 40أُو سّنِّي وَار يزْعِيم حَدّ اَث يسّقْسَا عَاذ كْتَار.
لْمَسِيح نتَّا ذ سِيذس ن دَاود
41ئِنْدق-د عِيْسَى ينَّا-ٱسن: "مَايمِّي قَّارن قَا لْمَسِيح ذ مِّيس ن دَاود؟ 42قَا دَاود ينَّا نتَّا س يِيخف نّس ذِي لْكِتَاب ن زَّابُوْر:
<سِيذِي أَربِّـي ينَّا-ٱس إِ سِيذِي: قِّيم-د خ وفُوْسِي ينُو،
43أَڒ د غَا ݣّغ ڒْعَذْيَان نّش سْوَادَّاي إِ يضَارن نّش.>
44مَامّش غَا يِيڒِي لْمَسِيح ذ مِّيس ن دَاود؟ نتَّا دَاود يقَّار-اَس إِ لْمَسِيح آ سِيذِي."
لْمُنَافِقِين
45ينَّا-ٱسن عِيْسَى إِ يمحْضَارن نّس أُو مَارَّا شَّعْب يتسْڒَا-يَاس: 46"حْضَام يخف نْوم زݣ يمْسڒْمَاذن ن شَّرِيعَا. نِثْنِي تخْسن اَذ ؤُيُوْرن س يسڒْهَامن نِّي نْسن، تخْسن اَخَاسن سدْجْمن ذِي ڒسْوَاق، تخْسن اَذ قِّيمن ذݣ يمُوْشَان يمزْوُوْرَا ذِي ثمْزِيذَاوِين ذ ڒفْرُوْح. 47تتّن ثَاجَّاڒِين، سْمظْهَارن-د يخف نْسن تْࢲَادْجَان اَطَّاس حمَا اَذ بيّْنن إِ يِوْذَان بلِّي نِثْنِي صبْحن اَطَّاس زَعْمَا. يِيْنَا، لْحِسَاب نْسن اَذ يِيڒِي يقْصح اَطَّاس!"
Currently Selected:
:
Highlight
Share
Copy
Want to have your highlights saved across all your devices? Sign up or sign in