លូកា 4:5-8

អ៊ែ ឋាវ្គ ណាយ អរ៉ាក់ តៀត ហ ឌឹក នឹង បូយ ឞន ឈ្រូង អ៊ែ ហ ចអូត ពដៃ លែក ឌី ពធែត ទឹង ពដិះ គ្រែ នែ អាំ ហ តៃ ឞៀតៗ។  ណាយ អរ៉ាក់ ហាយ ឌី ហ រៀន៖ «អៃ ម៉ា ម៉ប អំណាច វ៉ា សនឺ សណិច អ្យាគ់ៗ ឡា ប៊ិច ទឹង ពធែត លែក នែ អាំ ឌី សៃ ខង សនឺ លែក នែ សនឺ អៃ អៃ អាំ ឌី មែ ឆិ តាម រូគ អៃ។  ពអ៊ែ ប៉ាគ់ សៃ កដាប ហ្មបះ អៃ សនឺ លែក នែ ហ ម៉ា ដូវ ឌី សៃ ឡើយ»។  គ្រែដៃ យីស៊ូ ត្រណើវ ហ រៀន៖ «ប៊ិច ចួរ ជុ ទឹង ផាប់ គ្រែដៃ រៀន៖  “សៃ ត្រ កដាប ហ្មបះ គ្រែដៃ ឡា កន់ដ្រាគ់ សៃ វ៉ា សៃ ត្រ ឡាប់សៃ ហ កាស អិះ”»។