Na Sailm 21

Salm 21.

Domine, in virtute tua.

1Beidh do chumhacht mar ábhar áthais ag an rí, a Thiarna: agus beidh do shlánú mar chúis mórlúcháire aige.

2Thug tú mian a chroí dó: agus níor eitigh tú achainíocha a bhéil.

3Óir beidh an tús agat air á bheannú chun a leasa: agus cuirfidh tú coróin ghlanóir ar a cheann.

4Dʼiarr sé fad saoil ort, agus thug tú saol fada dó: mhaireas trí shaol na saol.

5Tabhaionn do shlánú mórchlú dó: cuireann tú glóir agus mórghradam air.

6Óir tabharfaidh tú sólás síoraí dó: agus cuirfidh aoibh do ghnúise lúcháir air.

7Agus cad chuige? De bhrí go gcuireann an rí a dhóchas sa Tiarna: agus ní ligfidh trócaire an Té is Airde don mhí‑ádh éirí dó.

8Aireoidh do naimhde uile meáchain do láimhe: aimseoidh do lámh dheas lucht dʼfhuatha.

9Déanfaidh tú iad mar shorn tintrí in am dʼfheirge: scriosfaidh an Tiarna iad agus fíoch air leo, agus slogfaidh an tine iad.

10Scriosfaidh tú a dtoradh de dhroim an talaimh: agus a síol as bheith i measc Shíl Ádhaimh.

11Óir bʼolc an rún a bhí acu duit: agus chumadar beart nár fhéadadar a cur i gcrích.

12Cuirfidh tú ruaig orthu dá bhrí sin: agus ullmhóidh tú sreanganna do bhogha ina n‑éadan.

13Ardaíodh do chumhacht féin tú, a Thiarna: is amhlaidh canfaimid, agus molfaimid do neart.

Currently Selected:

Na Sailm 21: OC1965

Highlight

Copy

Popular Bible Verses from
Na Sailm 21