LIKI 1
1
Mele bə gud kefter
1Kaa ablaw ɗəlaŋ bə jeere daana bə tope bəlam də kel gə minti a jəətəŋ aduubə də areŋ. 2Yə jeereŋ kel gə minti are a iskini ku kaa gə minti a əsnəy wəra hãã a mele bə guudiŋ daŋ, daana yə koloŋ kəmnə də kəkəy də kel teŋ. 3Ten gəm ta, ten əsəŋ, ten felkeŋ gud kel teŋ hãã a mele bə guudi da wəra a kuɗiŋa. Bə hebkənaŋ, tam Tewfil hulum bobloŋ, dərəna pisi bə minti ten jeerem kel teŋ a kuɗiŋa, 4minti tam asə la minti kel gə minti tam a hətnəy, yə kel kə gəəzə-gəəziŋ.
Waate bə kel cəərə we də Zaŋ Batisi
5Kəya dər ko bə minti *Erodi kumna bə Ziwifiŋ cəərə seŋka də Zudeŋaŋ, *hulum bə keere Pepeŋ yaŋ, səmu minti Zakari. Wə a aduubə də kaa kə keere kə Abiyaŋa. Muruŋ a gidiirə Aroŋa, sam minti Elizabeti. 6Yə ɓasi keɗe, yə ɗeker tiinə Pepeŋa. Yə bə iski gud *ku gili kə Barkaŋa daana bə ɗe gud kel nuutuŋa keɗe a kuɗuŋa bay sarte siri. 7Səma kərməyi paapa, gud bə minti Elizabeti wəra də gedə-gede, daana yə wəra ɓasi keɗe kəpaaraŋkaw.
8Ɗeŋ a deye hõy, Zakari əsəŋ bə ji joŋre bə *keere Pepeŋa gud bə minti hiŋ koloŋ cəərə kaa nuutuŋa, kaa kə Abiyaŋ. 9Gud to'osi kə *kaa kə keereŋa, yə əsəŋ, yə jəŋ kooya bə siisi. Kooya bə siisiŋ ŋəmaŋ Zakari minti wə jəə joŋre bə ki agumgum bə siisi pisi la giidə *Kuli kə Barkaŋa. 10Kaa gə ablaw əsəŋ wəra tiilima bə toose də cəwa də ki agumgum bə siisi pisiŋ. 11A ko toŋa kəya, *hulum bə digi kə Barkaŋ vəɗaŋ dər Zakari. Wə əsəŋ gil agal kemer də ko bə ki agumgum bə siisi pisiŋa. 12Bə minti Zakari əsnuŋ, tərmuyu jilnu, walka juunu faɗi. 13Səma hulum bə digiŋ wəətunu minti: «Zakari, a ji walka ba, gud minti Pepeŋ əskəŋ toose nəmtiŋ ne. Məram Elizabetiŋ wam beebe yaŋ, tam məlu səmu yaŋ minti Zaŋ. 14Giidim ji yaŋ wəra fənay-fənay də waale guudu; kaa ablaw waale yaŋ gud we du gəm, 15gud bə minti wə ji yaŋ hulum boblo dər Barkaŋa. Wə bə se kumuy bə atələələm ba, kumuy baalaŋ bə marke kaa bə gəm. Tiiru Cetcetaŋ ɗusu yaŋ wəra də bə minti wə giidə nuruŋ. 16Wə hare karmə *Israyel yaŋ ablaw a Barkaŋ Pep neeteŋ. 17Wə ɗe yaŋ tiinə Pepeŋa də tiirə *Eli, də səɓaki du, bə tepe tarmə kamnə kəmar koncoŋ də kərməyiŋ, bə hare kaa kə ŋelə-ŋeleŋ a ɗiki ɗekeriŋa. Wə ɗampe kaa yaŋ minti yə jəə la máŋ kə Barkaŋ.»
18Kəya Zakari waataŋ hulum bə digiŋ minti: «Ten bə ase naanaanə minti kel teŋ ji yaŋ bədoona ana mo? Gud bə minti ten wəra pəərəŋki, marən wəra təərəŋka gəm.» 19Hulum bə digiŋ hərnu kel minti: «Ten haa kəna Gabriyel bə minti bə əsə-isi tiinə Pepeŋaŋ. Wə gaanan da a keɗpe dəərəm daana a waatam kel té pəsaŋ. 20Tam kole yaŋ wəra muluulu, tam neke kir waate kel ba hãã dər hi bə minti kel teŋ de kuy wəraŋ, gud bə minti tam doŋ gud kel nina ba. Də teŋ keɗeŋ, kel teŋ bə de kuy yaŋ wəra a hi diŋa.»
21Də ko toŋ ha'aŋ, kaŋ bə mi Zakari. Yə ŋələŋ gud bə minti wə əsəŋ aləwa giidə Kuli kə Pepeŋa taa-taa-taŋ. 22Bə minti wə kəlaŋ warda tiilim daŋ, wə nəkaŋ kir wəətəy kel pəda. A ko toŋa kəya, kaŋ asaŋ faɗi minti karman vəɗaŋ duru giidə Kuli kə Pepeŋ da. Wə əsəŋ bə wəətəy kela də kəəsu, səma wə wəətənəy kel də ku ba.
23Bə minti hiti nuutu bə ji joŋre nəkaŋ wəraŋ, wə kooroŋ akera. 24Adordə teŋa, muru Elizabetiŋ haŋ məənə. A meteŋ akera kitir wiiɗiw. A əsəŋ bə ɗiki ku tarməya minti: 25«Golə la kel gə minti Barkaŋ jiini sarənaŋ, hãã bə minti wə haanan kese bə cəərən wəra dər kaŋaŋ.»
Waate bə kel cəərə we de Yeesu
26A kitir bə kənki bə məənə kə Elizabetiŋa, Pepeŋ gaŋ *hulum bə digi nuutu Gabriyel giidə kuli bə Nazaretiŋ giidə seŋka də Galileŋa. 27Wə gəənu sar tər terewka də minti də balə-beleŋ. Sam hulum bə bəlaŋ minti Zosefi, wə a kaasaw də kumna *Davidi. Sam tər taŋ minti Mari. 28Kəya hulum bə digiŋ kəlaŋ aləwa gerda, wə mirkənə, wə waatəna minti: «Jəə la də waale, te də minti pisi kə Pepeŋ ciiriŋ! Barkaŋ yaŋ diiri.»
29Gud kel teŋa kəya, ɗiki də lenteŋ wəra. A əsəŋ bə le ku kusrə minti: «Mirki toŋ haa minti harmə mo?» 30A ko toŋa kəya hulum bə digiŋ waatəna minti: «Mari, a ji walka ba, gud bə minti te fəlaŋ pisi kə Pepeŋ ne. 31Golə la, te he məənə yaŋ daana te we pur koŋkor yaŋ, te məlu səmu yaŋ minti Yeesu. 32Wə ji yaŋ hulum boblo, yə məntu yaŋ Kormə Pep bə Daŋə-Deŋeŋ. Barkaŋ Pepeŋ usu yaŋ a kumna kə moomo du Davidiŋa. 33Wə ji yaŋ kumna kə kaanə *Israyel bə faɗnə-faɗna; kumna nuutuŋ tewe wəra bə hasi.» 34Mari waataŋ hulum bə digiŋ minti: «Teŋ kəya bə ji haa naanaanə mo, gud bə minti ten əsəŋ də hulum hõy ba?» 35Hulum bə digiŋ harna kel minti: «Tiiru Cetcetaŋ bi yaŋ ciiri, səɓaki kə Pep bə Daŋə-Deŋeŋ kulɓi yaŋ ciiri akas gəsaatərna ana. Gud teŋa kurmuyi bə minti te bə waw ha'aŋ, wə ji yaŋ kə Pepeŋ. Yə məntu yaŋ Kormə Pepeŋ. 36Golə la, gidiiri Elizabetiŋ a təərəŋka də, a haŋ məənə gəm, giida haa beebe koŋkor. Tá də minti yə a bə manta də gedə-gedeŋ, a hebkəna a kitir bə kənki bə məənə naataŋa 37gud minti karman le Pepeŋ ba.» 38Kəya Mari wəətunu minti: «Ten tər də joŋre kə Barkaŋ. Kel teŋ jəə la sarəna damdi tam waatənan dən ha'aŋ ana.» Kəya hulum bə digiŋ yaakəna faɗi.
Mari helɗe Elizabeti
39A ko toŋa kəya, Mari kooroŋ cəlam agal də seŋka də minti pərkiŋ adaŋ, giidə kuli bə Zudeŋa. 40A tuukuŋ ger Zakari, a kəlaŋ akera, a mirkiŋ Elizabeti. 41Bə minti Elizabeti əskəŋ mirki kə Mariŋ anəkay, beebeŋ ɗootoŋ giida, a ɗosoŋ wəra də Tiiru Cetcetaŋ. 42A naakaŋ ku koloŋ, a waataŋ Mari minti: «Pepeŋ gəənəy pisiŋ ciiri dəŋaŋ kumsi kəram keɗe. Pisiŋ cəərə beebe bə minti giidiŋ gəm. 43Ten mindi gəm mo, bə minti nər Barkaŋ nin bəə la gerdənaŋ? 44Golə la, bə minti mirki niitiŋ kəlaŋ kosnon naŋ, beebeŋ ɗootoŋ giidəna də waale. 45Te wəra fənay-fənay də waale, te də minti doŋ gud kel gə minti Barkaŋ wəətənəy diŋ, minti yə de kuy yaŋ wəra a kuɗiŋaŋ.»
Gudul kə Mari
46Kəya Mari minti:
«Ten tokɗe Barkaŋ də ku tarman keɗe;
47giidən wəra fənay-fənay də waaleŋ gud Pep hulum bə seerəna,
48gud bə minti ten bə anə hãy,
səma Pepeŋ haraŋ duru cəərəna.
Dər hebkənaŋa, gidiirə kaŋ ajew na keɗe waate yaŋ minti pisiŋ cəərəna,
49gud bə minti Pep Bar Səɓakiŋ jəŋ kar kəmtəŋ sarəna: səmu cetceti.
50Kaa gə minti jəw walka duŋ,
pisi nuutuŋ jəŋ wəra cəərə kaasaw di keɗe.
51Wə jəŋ kar kəmtəŋ də səɓaki də kəəsu.
Kaa kə teke cəərə kusri apəyaŋ, wə miiriniy wəra.
52Kaa gə abay-abay, wə sərmənəy wəra a kəkamna neeteŋa,
wə haŋ cəərə kaa ɗeketiŋ apəya.
53Kaa gə minti tay bə ɗəməyaŋ,
wə siipini wəra də kar pəsaŋ,
səma wə haraŋ kaa kə hurmaŋ wəra kəəsi boobo.
54Wə bəŋ a keye kaanə *Israyel, kaa kə joŋre nuutuŋ.
Cuuru gaŋ bay ji pisi nuutuŋ ba.
55Wə bə jəwa saksaki sar *Abrahama də kaasaw du,
damdi wə a waataŋ kəmoomo də áŋ ana.»
56Mari jəŋ hiti kampar kitira soope ger Elizabeti, adoro a haraŋ akera.
We də Zaŋ Batisi
57Bə minti hi bə we kə Elizabeti nəkaŋ, a waŋ beebe koŋkor. 58Kəya kaa gə tiinə kuli naataŋ də kamnaŋ keɗe əskəŋ minti Barkaŋ seepəna wəra də pisi nuutuŋ ŋaanaanə moŋ, yə waalaŋ keɗe dəərə.
59Bə minti beebeŋ jəŋ aluma mənaŋ, yə bəŋ a jəmu tənturu wəra. Kaŋ a bəlaŋ minti té məlu səmu də sam buru Zakari. 60Nuru doŋ haa ba. A minti: «Paapa! Səmu ji yaŋ minti Zaŋ.» 61Yə harna kel minti: «Sam kusul di paapa bədoona ba.» 62Kəya yə waataŋ kel a buru də kəəsi minti wə bele mele sam kurmuyu minti harmə mo? 63Zakari mantaŋ kəbaŋ gə ceɗə-ceɗe pampəraŋi gə jeereŋ. Wə jeereŋ minti: «Səmu minti Zaŋ.» Kəya kaŋ keɗe ŋələŋ ablaw. 64A ko toŋa faɗi, ku Zakari wal'aŋ wəra, wə əsəŋ bə waate kela daana wə əsəŋ bə ji suuse a Pepeŋ. 65Kəya walka jəŋ kaa kə tiinə kuli neeteŋ keɗe. Agal də seŋka də Zudeŋa keɗe də minti pərkiŋ adaŋ, kaŋ waataŋ sam kel teŋ wəra keɗe. 66Kəya, kaa gə minti əskəŋ kel teŋ keɗeŋ, yə duuniy ku tərməyi. Yə waate ku tərməyi minti: «Pur toŋ ha'aŋ wə bə ji diidi naanaanə mo?» Səɓaki kə Barkaŋ duuru gəəzi.
Gudul kə Zakari
67Kəya ku tarmə Zakari bar beebeŋ bə ɗosə-ɗose də Tiiru Cetcetaŋ, wə əsəŋ bə jogte ku mini kə Pepeŋa minti:
68«Tokɗeŋ jəə la kə Barkaŋ, Pep kə kaanə *Israyel,
gud bə minti wə kəyaŋ kaa nuutuŋ, wə ɓitniy wəra.
69Wə gaŋ Hulum bə Seere bə səɓakiŋ da a áŋ;
hulum toŋ a kaasaw də *Davida, hulum bə joŋre nuutuŋ.
70Golə la kel gə minti Pepeŋ a əynəy warda dayday
ku *kaa kə jogte ku mini cetceti nuutuŋ daŋ minti
71tó seere áŋ yaŋ wəra ku kaa gə acukur náŋa,
ku səɓaki kə kaa gə minti məlaŋ dər áŋ wəraŋ keɗe.
72Wə gaŋ dər kəmoomo də áŋ a pisi nuutuŋa,
cuuru ɗəkəŋ a de *jaa nuutu *cetcetaŋa,
73də minti wə a kəlaŋ ku wəra gəəzi a moomo də áŋ *Abraham minti
74tó de áŋ yaŋ wəra ku səɓaki kə kaa gə acukur náŋa,
minti áŋ jəw joŋre bə kaw awalnaŋ la bay walka,
75bə minti áŋ jəə la kaa nuutu cetceti daana ɗekeri tiinu
dər hi náŋa keɗe.
76Tam pur konceŋ, yə mantam yaŋ hulum bə jogte ku mini
kə Pep bə Daŋə-Deŋeŋ,
gud bə minti tam ɗe yaŋ tiinə Barkaŋa bə ɗampe
kəkəy nuutuŋa,
77bə ge dər kaa nuutuŋ a seereŋa gud vəəgi bə giidu nuutuŋa
cəərə baymele neeteŋaŋ.
78Gud pisi boblo kə Pep náŋa,
wə wele pəɗaki yaŋ warda apəy da cəərə áŋ da
damdi minti cəwaŋ daage wardaŋ ana,
79bə wele kaa gə minti gə əsə-isi dər tilməŋaŋ,
kaa gə minti ku meŋaŋ,
daana bə ɗe də áŋ a kəkəy kəkaɓiŋa.»
80Beebeŋ suŋ bə naa-ne. Wə əsəŋ giidə fula hãã bə minti wə gaŋ gud kusru wəra kəkər a kaanə Israyel.
Currently Selected:
LIKI 1: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
LIKI 1
1
Mele bə gud kefter
1Kaa ablaw ɗəlaŋ bə jeere daana bə tope bəlam də kel gə minti a jəətəŋ aduubə də areŋ. 2Yə jeereŋ kel gə minti are a iskini ku kaa gə minti a əsnəy wəra hãã a mele bə guudiŋ daŋ, daana yə koloŋ kəmnə də kəkəy də kel teŋ. 3Ten gəm ta, ten əsəŋ, ten felkeŋ gud kel teŋ hãã a mele bə guudi da wəra a kuɗiŋa. Bə hebkənaŋ, tam Tewfil hulum bobloŋ, dərəna pisi bə minti ten jeerem kel teŋ a kuɗiŋa, 4minti tam asə la minti kel gə minti tam a hətnəy, yə kel kə gəəzə-gəəziŋ.
Waate bə kel cəərə we də Zaŋ Batisi
5Kəya dər ko bə minti *Erodi kumna bə Ziwifiŋ cəərə seŋka də Zudeŋaŋ, *hulum bə keere Pepeŋ yaŋ, səmu minti Zakari. Wə a aduubə də kaa kə keere kə Abiyaŋa. Muruŋ a gidiirə Aroŋa, sam minti Elizabeti. 6Yə ɓasi keɗe, yə ɗeker tiinə Pepeŋa. Yə bə iski gud *ku gili kə Barkaŋa daana bə ɗe gud kel nuutuŋa keɗe a kuɗuŋa bay sarte siri. 7Səma kərməyi paapa, gud bə minti Elizabeti wəra də gedə-gede, daana yə wəra ɓasi keɗe kəpaaraŋkaw.
8Ɗeŋ a deye hõy, Zakari əsəŋ bə ji joŋre bə *keere Pepeŋa gud bə minti hiŋ koloŋ cəərə kaa nuutuŋa, kaa kə Abiyaŋ. 9Gud to'osi kə *kaa kə keereŋa, yə əsəŋ, yə jəŋ kooya bə siisi. Kooya bə siisiŋ ŋəmaŋ Zakari minti wə jəə joŋre bə ki agumgum bə siisi pisi la giidə *Kuli kə Barkaŋa. 10Kaa gə ablaw əsəŋ wəra tiilima bə toose də cəwa də ki agumgum bə siisi pisiŋ. 11A ko toŋa kəya, *hulum bə digi kə Barkaŋ vəɗaŋ dər Zakari. Wə əsəŋ gil agal kemer də ko bə ki agumgum bə siisi pisiŋa. 12Bə minti Zakari əsnuŋ, tərmuyu jilnu, walka juunu faɗi. 13Səma hulum bə digiŋ wəətunu minti: «Zakari, a ji walka ba, gud minti Pepeŋ əskəŋ toose nəmtiŋ ne. Məram Elizabetiŋ wam beebe yaŋ, tam məlu səmu yaŋ minti Zaŋ. 14Giidim ji yaŋ wəra fənay-fənay də waale guudu; kaa ablaw waale yaŋ gud we du gəm, 15gud bə minti wə ji yaŋ hulum boblo dər Barkaŋa. Wə bə se kumuy bə atələələm ba, kumuy baalaŋ bə marke kaa bə gəm. Tiiru Cetcetaŋ ɗusu yaŋ wəra də bə minti wə giidə nuruŋ. 16Wə hare karmə *Israyel yaŋ ablaw a Barkaŋ Pep neeteŋ. 17Wə ɗe yaŋ tiinə Pepeŋa də tiirə *Eli, də səɓaki du, bə tepe tarmə kamnə kəmar koncoŋ də kərməyiŋ, bə hare kaa kə ŋelə-ŋeleŋ a ɗiki ɗekeriŋa. Wə ɗampe kaa yaŋ minti yə jəə la máŋ kə Barkaŋ.»
18Kəya Zakari waataŋ hulum bə digiŋ minti: «Ten bə ase naanaanə minti kel teŋ ji yaŋ bədoona ana mo? Gud bə minti ten wəra pəərəŋki, marən wəra təərəŋka gəm.» 19Hulum bə digiŋ hərnu kel minti: «Ten haa kəna Gabriyel bə minti bə əsə-isi tiinə Pepeŋaŋ. Wə gaanan da a keɗpe dəərəm daana a waatam kel té pəsaŋ. 20Tam kole yaŋ wəra muluulu, tam neke kir waate kel ba hãã dər hi bə minti kel teŋ de kuy wəraŋ, gud bə minti tam doŋ gud kel nina ba. Də teŋ keɗeŋ, kel teŋ bə de kuy yaŋ wəra a hi diŋa.»
21Də ko toŋ ha'aŋ, kaŋ bə mi Zakari. Yə ŋələŋ gud bə minti wə əsəŋ aləwa giidə Kuli kə Pepeŋa taa-taa-taŋ. 22Bə minti wə kəlaŋ warda tiilim daŋ, wə nəkaŋ kir wəətəy kel pəda. A ko toŋa kəya, kaŋ asaŋ faɗi minti karman vəɗaŋ duru giidə Kuli kə Pepeŋ da. Wə əsəŋ bə wəətəy kela də kəəsu, səma wə wəətənəy kel də ku ba.
23Bə minti hiti nuutu bə ji joŋre nəkaŋ wəraŋ, wə kooroŋ akera. 24Adordə teŋa, muru Elizabetiŋ haŋ məənə. A meteŋ akera kitir wiiɗiw. A əsəŋ bə ɗiki ku tarməya minti: 25«Golə la kel gə minti Barkaŋ jiini sarənaŋ, hãã bə minti wə haanan kese bə cəərən wəra dər kaŋaŋ.»
Waate bə kel cəərə we de Yeesu
26A kitir bə kənki bə məənə kə Elizabetiŋa, Pepeŋ gaŋ *hulum bə digi nuutu Gabriyel giidə kuli bə Nazaretiŋ giidə seŋka də Galileŋa. 27Wə gəənu sar tər terewka də minti də balə-beleŋ. Sam hulum bə bəlaŋ minti Zosefi, wə a kaasaw də kumna *Davidi. Sam tər taŋ minti Mari. 28Kəya hulum bə digiŋ kəlaŋ aləwa gerda, wə mirkənə, wə waatəna minti: «Jəə la də waale, te də minti pisi kə Pepeŋ ciiriŋ! Barkaŋ yaŋ diiri.»
29Gud kel teŋa kəya, ɗiki də lenteŋ wəra. A əsəŋ bə le ku kusrə minti: «Mirki toŋ haa minti harmə mo?» 30A ko toŋa kəya hulum bə digiŋ waatəna minti: «Mari, a ji walka ba, gud bə minti te fəlaŋ pisi kə Pepeŋ ne. 31Golə la, te he məənə yaŋ daana te we pur koŋkor yaŋ, te məlu səmu yaŋ minti Yeesu. 32Wə ji yaŋ hulum boblo, yə məntu yaŋ Kormə Pep bə Daŋə-Deŋeŋ. Barkaŋ Pepeŋ usu yaŋ a kumna kə moomo du Davidiŋa. 33Wə ji yaŋ kumna kə kaanə *Israyel bə faɗnə-faɗna; kumna nuutuŋ tewe wəra bə hasi.» 34Mari waataŋ hulum bə digiŋ minti: «Teŋ kəya bə ji haa naanaanə mo, gud bə minti ten əsəŋ də hulum hõy ba?» 35Hulum bə digiŋ harna kel minti: «Tiiru Cetcetaŋ bi yaŋ ciiri, səɓaki kə Pep bə Daŋə-Deŋeŋ kulɓi yaŋ ciiri akas gəsaatərna ana. Gud teŋa kurmuyi bə minti te bə waw ha'aŋ, wə ji yaŋ kə Pepeŋ. Yə məntu yaŋ Kormə Pepeŋ. 36Golə la, gidiiri Elizabetiŋ a təərəŋka də, a haŋ məənə gəm, giida haa beebe koŋkor. Tá də minti yə a bə manta də gedə-gedeŋ, a hebkəna a kitir bə kənki bə məənə naataŋa 37gud minti karman le Pepeŋ ba.» 38Kəya Mari wəətunu minti: «Ten tər də joŋre kə Barkaŋ. Kel teŋ jəə la sarəna damdi tam waatənan dən ha'aŋ ana.» Kəya hulum bə digiŋ yaakəna faɗi.
Mari helɗe Elizabeti
39A ko toŋa kəya, Mari kooroŋ cəlam agal də seŋka də minti pərkiŋ adaŋ, giidə kuli bə Zudeŋa. 40A tuukuŋ ger Zakari, a kəlaŋ akera, a mirkiŋ Elizabeti. 41Bə minti Elizabeti əskəŋ mirki kə Mariŋ anəkay, beebeŋ ɗootoŋ giida, a ɗosoŋ wəra də Tiiru Cetcetaŋ. 42A naakaŋ ku koloŋ, a waataŋ Mari minti: «Pepeŋ gəənəy pisiŋ ciiri dəŋaŋ kumsi kəram keɗe. Pisiŋ cəərə beebe bə minti giidiŋ gəm. 43Ten mindi gəm mo, bə minti nər Barkaŋ nin bəə la gerdənaŋ? 44Golə la, bə minti mirki niitiŋ kəlaŋ kosnon naŋ, beebeŋ ɗootoŋ giidəna də waale. 45Te wəra fənay-fənay də waale, te də minti doŋ gud kel gə minti Barkaŋ wəətənəy diŋ, minti yə de kuy yaŋ wəra a kuɗiŋaŋ.»
Gudul kə Mari
46Kəya Mari minti:
«Ten tokɗe Barkaŋ də ku tarman keɗe;
47giidən wəra fənay-fənay də waaleŋ gud Pep hulum bə seerəna,
48gud bə minti ten bə anə hãy,
səma Pepeŋ haraŋ duru cəərəna.
Dər hebkənaŋa, gidiirə kaŋ ajew na keɗe waate yaŋ minti pisiŋ cəərəna,
49gud bə minti Pep Bar Səɓakiŋ jəŋ kar kəmtəŋ sarəna: səmu cetceti.
50Kaa gə minti jəw walka duŋ,
pisi nuutuŋ jəŋ wəra cəərə kaasaw di keɗe.
51Wə jəŋ kar kəmtəŋ də səɓaki də kəəsu.
Kaa kə teke cəərə kusri apəyaŋ, wə miiriniy wəra.
52Kaa gə abay-abay, wə sərmənəy wəra a kəkamna neeteŋa,
wə haŋ cəərə kaa ɗeketiŋ apəya.
53Kaa gə minti tay bə ɗəməyaŋ,
wə siipini wəra də kar pəsaŋ,
səma wə haraŋ kaa kə hurmaŋ wəra kəəsi boobo.
54Wə bəŋ a keye kaanə *Israyel, kaa kə joŋre nuutuŋ.
Cuuru gaŋ bay ji pisi nuutuŋ ba.
55Wə bə jəwa saksaki sar *Abrahama də kaasaw du,
damdi wə a waataŋ kəmoomo də áŋ ana.»
56Mari jəŋ hiti kampar kitira soope ger Elizabeti, adoro a haraŋ akera.
We də Zaŋ Batisi
57Bə minti hi bə we kə Elizabeti nəkaŋ, a waŋ beebe koŋkor. 58Kəya kaa gə tiinə kuli naataŋ də kamnaŋ keɗe əskəŋ minti Barkaŋ seepəna wəra də pisi nuutuŋ ŋaanaanə moŋ, yə waalaŋ keɗe dəərə.
59Bə minti beebeŋ jəŋ aluma mənaŋ, yə bəŋ a jəmu tənturu wəra. Kaŋ a bəlaŋ minti té məlu səmu də sam buru Zakari. 60Nuru doŋ haa ba. A minti: «Paapa! Səmu ji yaŋ minti Zaŋ.» 61Yə harna kel minti: «Sam kusul di paapa bədoona ba.» 62Kəya yə waataŋ kel a buru də kəəsi minti wə bele mele sam kurmuyu minti harmə mo? 63Zakari mantaŋ kəbaŋ gə ceɗə-ceɗe pampəraŋi gə jeereŋ. Wə jeereŋ minti: «Səmu minti Zaŋ.» Kəya kaŋ keɗe ŋələŋ ablaw. 64A ko toŋa faɗi, ku Zakari wal'aŋ wəra, wə əsəŋ bə waate kela daana wə əsəŋ bə ji suuse a Pepeŋ. 65Kəya walka jəŋ kaa kə tiinə kuli neeteŋ keɗe. Agal də seŋka də Zudeŋa keɗe də minti pərkiŋ adaŋ, kaŋ waataŋ sam kel teŋ wəra keɗe. 66Kəya, kaa gə minti əskəŋ kel teŋ keɗeŋ, yə duuniy ku tərməyi. Yə waate ku tərməyi minti: «Pur toŋ ha'aŋ wə bə ji diidi naanaanə mo?» Səɓaki kə Barkaŋ duuru gəəzi.
Gudul kə Zakari
67Kəya ku tarmə Zakari bar beebeŋ bə ɗosə-ɗose də Tiiru Cetcetaŋ, wə əsəŋ bə jogte ku mini kə Pepeŋa minti:
68«Tokɗeŋ jəə la kə Barkaŋ, Pep kə kaanə *Israyel,
gud bə minti wə kəyaŋ kaa nuutuŋ, wə ɓitniy wəra.
69Wə gaŋ Hulum bə Seere bə səɓakiŋ da a áŋ;
hulum toŋ a kaasaw də *Davida, hulum bə joŋre nuutuŋ.
70Golə la kel gə minti Pepeŋ a əynəy warda dayday
ku *kaa kə jogte ku mini cetceti nuutuŋ daŋ minti
71tó seere áŋ yaŋ wəra ku kaa gə acukur náŋa,
ku səɓaki kə kaa gə minti məlaŋ dər áŋ wəraŋ keɗe.
72Wə gaŋ dər kəmoomo də áŋ a pisi nuutuŋa,
cuuru ɗəkəŋ a de *jaa nuutu *cetcetaŋa,
73də minti wə a kəlaŋ ku wəra gəəzi a moomo də áŋ *Abraham minti
74tó de áŋ yaŋ wəra ku səɓaki kə kaa gə acukur náŋa,
minti áŋ jəw joŋre bə kaw awalnaŋ la bay walka,
75bə minti áŋ jəə la kaa nuutu cetceti daana ɗekeri tiinu
dər hi náŋa keɗe.
76Tam pur konceŋ, yə mantam yaŋ hulum bə jogte ku mini
kə Pep bə Daŋə-Deŋeŋ,
gud bə minti tam ɗe yaŋ tiinə Barkaŋa bə ɗampe
kəkəy nuutuŋa,
77bə ge dər kaa nuutuŋ a seereŋa gud vəəgi bə giidu nuutuŋa
cəərə baymele neeteŋaŋ.
78Gud pisi boblo kə Pep náŋa,
wə wele pəɗaki yaŋ warda apəy da cəərə áŋ da
damdi minti cəwaŋ daage wardaŋ ana,
79bə wele kaa gə minti gə əsə-isi dər tilməŋaŋ,
kaa gə minti ku meŋaŋ,
daana bə ɗe də áŋ a kəkəy kəkaɓiŋa.»
80Beebeŋ suŋ bə naa-ne. Wə əsəŋ giidə fula hãã bə minti wə gaŋ gud kusru wəra kəkər a kaanə Israyel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.