MARKƏ 15
15
Yeesu tiinə kumna Pilati
(Mat. 27.1-2, 11-26; Liki 23.1-5, 13-25; Zaŋ 18.28—19.16)
1Bə minti koŋ bə jeme da warda rəf-rəfiŋ, kəkamna kə *kaa kə keere Pepeŋ, kaa kəmtəŋ gə tiinə kaanə Ziwifiŋ daana *kaa kə hate ku gili kə Pepeŋ, haa *kaa kəmtəŋ gə jeme kəəti kə kaanə Ziwifiŋ, yə təpaŋ bə ke dər kela. Yə doŋ Yeesu, yə bəŋnu wəra baŋi, kəya yə kooroŋ a əyu a *Pilati, kumna bə minti Sezar usnuŋ. 2Pilati ləənu ku minti: «Tam haa kumna kə kaanə Ziwifiŋ mo?» Yeesu hərnu du minti: «Tam waataŋ haaŋa.» 3Kəkamna kə kaa kə keere Pepeŋ kəənu də kel ablaw faɗi. 4Pilati haraŋ bə law ku pa minti: «Tam paapa kir hare kel ba anə faɗi? Kel gə minti yə kaanam diiri gilaŋ keɗe, tam bə əskə-əski diiri bə mo?» 5Səma Yeesu haraŋ kel ba tə bə moŋ, ŋələŋ Pilati ablaw faɗi.
6Ana dər *kəɗwəy gə Pakiŋa saksaki ha'aŋ, hulum bə daŋgay bə minti kaa kə ablaw bele minti Pilati gaw la wəraŋ, wə gay di warda. 7Də ko toŋ ha'aŋ, hulum kəman bə feke agum a kaa, səmu Barabasi, a daŋgaya də kumsə kaa kə feke kaŋ kardə kumsi, gə minti a awaŋ hulum a kəkəy bə minti yə a gaŋ waŋ sar kəkamnaŋaŋ. 8Kəya kaa kə ablaw kooroŋ ger Pilati na bə ɗe a wəətu minti wə jəə kel gə minti wə a dayday bə jiyaŋ la a té. 9Pilati hərnəy kel minti: «Aŋ bele minti ten gaa la warna haa kumna kə kaanə Ziwifiŋ mo?» 10Wə waataŋ bədoona gud bə minti wə asaŋ wəra minti kəkamna kə kaa kə keere Pepeŋ jəw haa sərkə du bə minti yə bəŋ a əyu a toŋ. 11Səma kəkamna kə kaa kə keere Pepeŋ əsəŋ bə ke ku kaa kə ablawa minti yə waatə la minti wə gaa da warda haa Barabasi ɗaw. 12Pilati haraŋ bə lay kuya minti: «Hulum bə minti aŋ məntu minti kumna kə kaanə Ziwifiŋ, aŋ gə balə-bele minti ten jəə toŋ la naanaanə mo?» 13Yə hərnu kel də naakte bə kuŋ faɗi minti: «Ɓəlu la wəra a kəbaŋ gə largaŋa ɓele!» 14Pilati ləənəy kuy pa minti: «Wə jəŋ maa bə baymeleŋ mo?» Yə zeŋ naakte bə kuy máŋ pisi ze minti: «Ɓəlu la wəra haa ɓele!» 15Pilati bə balə-bele minti kaŋ a ɓalke də tó ba ŋaanaanə moŋ, wə gəənəy Barabasi warna faɗi. Wə vaŋ sootoŋ bə witi Yeesu də keleki, adoro wə əynəy di minti yə ɗee la a ɓəlu wəra a kəbaŋ gə largaŋa.
Kəsootoŋ mele kaŋkəlaŋ kəjəm cəərə Yeesu
(Mat. 27.27-31; Zaŋ 19.2-3)
16Kəsootoŋ kooroŋ də Yeesu giidə kuli kə kumna Pilatiŋ, a ko bə minti yə məntu «Peretəwar». Kəya yə mantaŋ kəsooto gə minti yə də kumsiŋ warda siri da keɗe. 17Yə dərnu dəməəmə hərlə suru, yə ləpaŋ kəjəm lapi, yə ɗəknu cuuru diiri#15.17 Dəməəmə hərlə taŋ daana kəjəm gə ɗakə-ɗeke cuuruŋ, kəsootoŋ dəfɗu diiri haa minti wə kumna.. 18Kəya yə əsəŋ bə le kəəsi faɗi bə waate minti: «Suuse nəmti kumna kə kaanə Ziwifiŋ!» 19Kəya yə əsəŋ bə wutu cuuru də seeka, bə tuftu kiɗikiŋa suru, bə feke də gigiiri tiinu minti té haw cuuru apəya. 20Yə awtaŋ hin wəra cuuru pis-pisi kəyaŋ, yə bəŋ dəməəmə hərlə də suruŋ wəra, yə hərnu dəməəmə nuutuŋ suru. Kəya yə duunu, yə kooroŋ warna duuru bə ɗe a ɓəlu wəra.
Kəsootoŋ ɓele Yeesu wəra a kəbaŋ gə largaŋa
(Mat. 27.33-44; Liki 23.36-43; Zaŋ 19.16-24)
21Bə minti yə bə ɗe naŋ, yə ŋəfaŋ də hulum kəman, səmu minti Simoŋ. Wə haa hulum bə Siren, wə haa bar anə Aleksandərə də Rufusi. Wə a jəŋ maska da. Kəsootoŋ həənu guudu bə he kəbaŋ gə larga kə Yeesuŋa. 22Yə kooroŋ də Yeesu a ko kəman na yə məntu minti Golgota, gud sam toŋ haa minti ko haŋ kəskəŋ gə cə. 23Bə minti yə tuluŋ warna ada naŋ, yə əynu kumuy bə atələələma bə tapə-tepe duru də kaɗəkaw kəman, yə məntəy «mir»#15.23 Mir haa kaɗəkaw kəman. Tam səənəy neŋ, yə hare ku karman bə ɗəmam wəra adoro weseka.. Səma wə doŋ haa bə saw ba. 24Kəya yə ɓəlnu wəra a kəbaŋ gə largaŋa, adoro yə jəŋ kooya bə siisi bə ɓarse dəməəmə nuutuŋ wəra a kusri. 25Yə ɓəlnu wəra haa bəbəgi də cəwa də kəccəŋ. 26Yə ɓəlaŋ karmə kəbaŋ anə pempereŋa cəərə kəbaŋ gə largaŋa, yə jeereŋ kel gə minti yə əwnu wəra guudiŋ ada minti: «Kumna kə kaanə Ziwifiŋ.» 27Yə ɓaltaŋ kaa kə dəgaaya suru ada ɓasi gəm, məna a kəəsu kemera, naytoŋ a kəəsu guluŋa. [ 28Jeere bə giidə Kefter kə Pepeŋ doŋ ku wəra haa bədoona. Yə minti: «Yə əŋkunu adəwaldə kaa kə bayməlaŋa#15.28 Es. 53.12.»]
29Kaa gə minti bə feke a kəkəy toŋa sərtunu bə le ciiri le bə anə lam minti: «Tam! Tam bə minti pokte *Kuli kə Pepeŋ wəraŋ, dər hiti soope tam hare bə hursuŋ, 30vaa da warda a kəbaŋ gə larga da bə seere kusrum wəra tam də kusrum bə pə mo!» 31Kəkamna kə *kaa kə keere Pepeŋ, də *kaa kə hate ku gili kə Pepeŋ əsəŋ bə dəfɗu aduubə də kumsi minti: «Wə seerteŋ kaa kaayaŋ wəra, wə neke bə seere kusru pədaŋŋa! 32Wə *Hulum bə minti Pepeŋ ŋəmnuŋ, kumna kə kaanə *Israyel tə kəm, wə vaa da warda a kəbaŋ gə largaŋ da hebkəna da faɗi! Are asaŋ neŋ, are de guudu kəm ta.» Kaayaŋ gə minti gə ɓaltə-ɓalte suruŋ əsəŋ bə sərtu gəm.
Me də Yeesu
(Mat. 27.45-56; Liki 23.44-49; Zaŋ 19.28-30)
33Ɗeŋ a deye daaway ɗeker, koŋ gaŋ giziɓi wəra cəərə seŋka taŋa keɗe hãã də cəwa də le kaaraŋ aker daŋ. 34Də cəwa taŋ kəyaŋ, Yeesu naaktaŋ ku də kuy minti: «Eloyi, Eloyi lama sabaktani#15.34 Ps. 22.2?» Haa minti: «Pep katən, Pep katən, tam ŋoryonon wəra səm mo?» 35Sərdə kaa gə minti a jəŋ adaŋ əskəŋ kel teŋ kəyaŋ, yə minti: «Aŋ golə laŋ, wə bə mante *Eli!» 36Hulum guudi gədaŋ də tara, wə kəlaŋ kosooso dər kumuy bə atələələm bəlan-bəlani da, wə kəpnu ku seeka kapi, wə əynu a Yeesu minti wə suɓu la. Wə minti: «Aŋ anə ba'i, áŋ ase yaŋ jəənə minti Eli bi a surku warda a kəbaŋ gə largaŋ daŋ.» 37Səma Yeesu naakaŋ ku koloŋ, wə guɓuŋ duru faɗi.
38Də ko toŋ anə derra Zeruzalemaŋ, dəməəmə#15.38 Dəməəmə taŋ ɓarsaŋ aduubə də ko Cetcetiŋ də ko Cetceti bə deŋe kumsəŋ. mooto də minti də gaa-ge giidə *Kuli kə Pepeŋaŋ məlaŋ caareŋ apəy da, vaŋ wəra adawra no'-no'i. 39Kumna də sooto kəsaŋ bə minti a jəŋ gil tiinə Yeesu asaŋ kəkəy bə minti wə meŋ duuru bədoonaŋ, wə minti: «Hulum toŋ a haa Kormə Pepeŋ gəəzi!»
40Kəram kəman a jəŋ a ko toŋa gəm, yə a gə əsə-isi warda anə tooto laki bə gole da. A jəŋ aduubə di ha'aŋ Mari də giidə wəlasi də Magdalaŋ, Mari nər anə Zose də Zaki bə minti yə məntu Puranul. Salome a jəŋ ada gəm. 41Haa kəram gə minti a jəŋ gə tapə-tepe guudu bə minti wə a Galileŋ, yə juunu guudu gəm. Kəram gaalaŋ gə minti a təpaŋ guudi bə koore duuru Zeruzalem, yaŋ ada bə gulu gəm.
Yə ge titi də Yeesu a tələŋkə
(Mat. 27.57-61; Liki 23.50-56; Zaŋ 19.38-42)
42Hi toŋ a ha'aŋ *hi bə faake kə Pepeŋ a dibiinimaŋ. Wə a haa hi bə minti kaŋ ɗampe wəra bə kəɗwəy duruŋ gəm. Cəwaŋ wəra bə dere səm moŋ, 43Zosefi bə giidə vil də Arimateŋ tuluŋ. Wə aduubə də *kaa kəmtəŋ gə jeme kəəti kə kaanə Ziwifiŋa, kaŋ humi kosoŋ cuuru faɗi. Wə a də kusru gəm bə mi haa hi bə minti Pepeŋ bi a hame kumna nuutuŋ duruŋ. Wə doŋ giidu doo kəyaŋ, wə kooroŋ ger *Pilati bə ɗe a mante titi də Yeesu. 44Pilati əskəŋ kay minti Yeesu wəra bə mee-me ɗaw, wə ŋələŋ. Wə gaŋ hulum a mante kumna də sooto kəsaŋ da, wə bəŋ a law ku minti Yeesu meŋ wəra haa dendel mo? 45Bə minti kumna də sootoŋ tupnu bəlam də kel topiŋ, wə ayaŋ kəkəy a Zosefi minti wə ɗee la a haw titi du. 46Zosefi gusuŋ ladəra də awəy-awəy kəəsu na, wə ɗeŋ a sorke titi də Yeesu warda a kəbaŋ gə largaŋ da. Wə hayɗəna hayɗa, wə ɗeŋ a gaara giidə tələŋkə kəman də ceɗə-ceɗe kəəyə pərkiŋa. Adoro wə laktaŋ pərki boblo bə ceɗə-ceɗe bə gisə kuŋ. 47Mari də wəlasi də Magdalaŋ daana Mari nər Zose, bə gole ko bə minti wə bə gawa adaŋ gəm.
Currently Selected:
MARKƏ 15: KERNT05
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.
MARKƏ 15
15
Yeesu tiinə kumna Pilati
(Mat. 27.1-2, 11-26; Liki 23.1-5, 13-25; Zaŋ 18.28—19.16)
1Bə minti koŋ bə jeme da warda rəf-rəfiŋ, kəkamna kə *kaa kə keere Pepeŋ, kaa kəmtəŋ gə tiinə kaanə Ziwifiŋ daana *kaa kə hate ku gili kə Pepeŋ, haa *kaa kəmtəŋ gə jeme kəəti kə kaanə Ziwifiŋ, yə təpaŋ bə ke dər kela. Yə doŋ Yeesu, yə bəŋnu wəra baŋi, kəya yə kooroŋ a əyu a *Pilati, kumna bə minti Sezar usnuŋ. 2Pilati ləənu ku minti: «Tam haa kumna kə kaanə Ziwifiŋ mo?» Yeesu hərnu du minti: «Tam waataŋ haaŋa.» 3Kəkamna kə kaa kə keere Pepeŋ kəənu də kel ablaw faɗi. 4Pilati haraŋ bə law ku pa minti: «Tam paapa kir hare kel ba anə faɗi? Kel gə minti yə kaanam diiri gilaŋ keɗe, tam bə əskə-əski diiri bə mo?» 5Səma Yeesu haraŋ kel ba tə bə moŋ, ŋələŋ Pilati ablaw faɗi.
6Ana dər *kəɗwəy gə Pakiŋa saksaki ha'aŋ, hulum bə daŋgay bə minti kaa kə ablaw bele minti Pilati gaw la wəraŋ, wə gay di warda. 7Də ko toŋ ha'aŋ, hulum kəman bə feke agum a kaa, səmu Barabasi, a daŋgaya də kumsə kaa kə feke kaŋ kardə kumsi, gə minti a awaŋ hulum a kəkəy bə minti yə a gaŋ waŋ sar kəkamnaŋaŋ. 8Kəya kaa kə ablaw kooroŋ ger Pilati na bə ɗe a wəətu minti wə jəə kel gə minti wə a dayday bə jiyaŋ la a té. 9Pilati hərnəy kel minti: «Aŋ bele minti ten gaa la warna haa kumna kə kaanə Ziwifiŋ mo?» 10Wə waataŋ bədoona gud bə minti wə asaŋ wəra minti kəkamna kə kaa kə keere Pepeŋ jəw haa sərkə du bə minti yə bəŋ a əyu a toŋ. 11Səma kəkamna kə kaa kə keere Pepeŋ əsəŋ bə ke ku kaa kə ablawa minti yə waatə la minti wə gaa da warda haa Barabasi ɗaw. 12Pilati haraŋ bə lay kuya minti: «Hulum bə minti aŋ məntu minti kumna kə kaanə Ziwifiŋ, aŋ gə balə-bele minti ten jəə toŋ la naanaanə mo?» 13Yə hərnu kel də naakte bə kuŋ faɗi minti: «Ɓəlu la wəra a kəbaŋ gə largaŋa ɓele!» 14Pilati ləənəy kuy pa minti: «Wə jəŋ maa bə baymeleŋ mo?» Yə zeŋ naakte bə kuy máŋ pisi ze minti: «Ɓəlu la wəra haa ɓele!» 15Pilati bə balə-bele minti kaŋ a ɓalke də tó ba ŋaanaanə moŋ, wə gəənəy Barabasi warna faɗi. Wə vaŋ sootoŋ bə witi Yeesu də keleki, adoro wə əynəy di minti yə ɗee la a ɓəlu wəra a kəbaŋ gə largaŋa.
Kəsootoŋ mele kaŋkəlaŋ kəjəm cəərə Yeesu
(Mat. 27.27-31; Zaŋ 19.2-3)
16Kəsootoŋ kooroŋ də Yeesu giidə kuli kə kumna Pilatiŋ, a ko bə minti yə məntu «Peretəwar». Kəya yə mantaŋ kəsooto gə minti yə də kumsiŋ warda siri da keɗe. 17Yə dərnu dəməəmə hərlə suru, yə ləpaŋ kəjəm lapi, yə ɗəknu cuuru diiri#15.17 Dəməəmə hərlə taŋ daana kəjəm gə ɗakə-ɗeke cuuruŋ, kəsootoŋ dəfɗu diiri haa minti wə kumna.. 18Kəya yə əsəŋ bə le kəəsi faɗi bə waate minti: «Suuse nəmti kumna kə kaanə Ziwifiŋ!» 19Kəya yə əsəŋ bə wutu cuuru də seeka, bə tuftu kiɗikiŋa suru, bə feke də gigiiri tiinu minti té haw cuuru apəya. 20Yə awtaŋ hin wəra cuuru pis-pisi kəyaŋ, yə bəŋ dəməəmə hərlə də suruŋ wəra, yə hərnu dəməəmə nuutuŋ suru. Kəya yə duunu, yə kooroŋ warna duuru bə ɗe a ɓəlu wəra.
Kəsootoŋ ɓele Yeesu wəra a kəbaŋ gə largaŋa
(Mat. 27.33-44; Liki 23.36-43; Zaŋ 19.16-24)
21Bə minti yə bə ɗe naŋ, yə ŋəfaŋ də hulum kəman, səmu minti Simoŋ. Wə haa hulum bə Siren, wə haa bar anə Aleksandərə də Rufusi. Wə a jəŋ maska da. Kəsootoŋ həənu guudu bə he kəbaŋ gə larga kə Yeesuŋa. 22Yə kooroŋ də Yeesu a ko kəman na yə məntu minti Golgota, gud sam toŋ haa minti ko haŋ kəskəŋ gə cə. 23Bə minti yə tuluŋ warna ada naŋ, yə əynu kumuy bə atələələma bə tapə-tepe duru də kaɗəkaw kəman, yə məntəy «mir»#15.23 Mir haa kaɗəkaw kəman. Tam səənəy neŋ, yə hare ku karman bə ɗəmam wəra adoro weseka.. Səma wə doŋ haa bə saw ba. 24Kəya yə ɓəlnu wəra a kəbaŋ gə largaŋa, adoro yə jəŋ kooya bə siisi bə ɓarse dəməəmə nuutuŋ wəra a kusri. 25Yə ɓəlnu wəra haa bəbəgi də cəwa də kəccəŋ. 26Yə ɓəlaŋ karmə kəbaŋ anə pempereŋa cəərə kəbaŋ gə largaŋa, yə jeereŋ kel gə minti yə əwnu wəra guudiŋ ada minti: «Kumna kə kaanə Ziwifiŋ.» 27Yə ɓaltaŋ kaa kə dəgaaya suru ada ɓasi gəm, məna a kəəsu kemera, naytoŋ a kəəsu guluŋa. [ 28Jeere bə giidə Kefter kə Pepeŋ doŋ ku wəra haa bədoona. Yə minti: «Yə əŋkunu adəwaldə kaa kə bayməlaŋa#15.28 Es. 53.12.»]
29Kaa gə minti bə feke a kəkəy toŋa sərtunu bə le ciiri le bə anə lam minti: «Tam! Tam bə minti pokte *Kuli kə Pepeŋ wəraŋ, dər hiti soope tam hare bə hursuŋ, 30vaa da warda a kəbaŋ gə larga da bə seere kusrum wəra tam də kusrum bə pə mo!» 31Kəkamna kə *kaa kə keere Pepeŋ, də *kaa kə hate ku gili kə Pepeŋ əsəŋ bə dəfɗu aduubə də kumsi minti: «Wə seerteŋ kaa kaayaŋ wəra, wə neke bə seere kusru pədaŋŋa! 32Wə *Hulum bə minti Pepeŋ ŋəmnuŋ, kumna kə kaanə *Israyel tə kəm, wə vaa da warda a kəbaŋ gə largaŋ da hebkəna da faɗi! Are asaŋ neŋ, are de guudu kəm ta.» Kaayaŋ gə minti gə ɓaltə-ɓalte suruŋ əsəŋ bə sərtu gəm.
Me də Yeesu
(Mat. 27.45-56; Liki 23.44-49; Zaŋ 19.28-30)
33Ɗeŋ a deye daaway ɗeker, koŋ gaŋ giziɓi wəra cəərə seŋka taŋa keɗe hãã də cəwa də le kaaraŋ aker daŋ. 34Də cəwa taŋ kəyaŋ, Yeesu naaktaŋ ku də kuy minti: «Eloyi, Eloyi lama sabaktani#15.34 Ps. 22.2?» Haa minti: «Pep katən, Pep katən, tam ŋoryonon wəra səm mo?» 35Sərdə kaa gə minti a jəŋ adaŋ əskəŋ kel teŋ kəyaŋ, yə minti: «Aŋ golə laŋ, wə bə mante *Eli!» 36Hulum guudi gədaŋ də tara, wə kəlaŋ kosooso dər kumuy bə atələələm bəlan-bəlani da, wə kəpnu ku seeka kapi, wə əynu a Yeesu minti wə suɓu la. Wə minti: «Aŋ anə ba'i, áŋ ase yaŋ jəənə minti Eli bi a surku warda a kəbaŋ gə largaŋ daŋ.» 37Səma Yeesu naakaŋ ku koloŋ, wə guɓuŋ duru faɗi.
38Də ko toŋ anə derra Zeruzalemaŋ, dəməəmə#15.38 Dəməəmə taŋ ɓarsaŋ aduubə də ko Cetcetiŋ də ko Cetceti bə deŋe kumsəŋ. mooto də minti də gaa-ge giidə *Kuli kə Pepeŋaŋ məlaŋ caareŋ apəy da, vaŋ wəra adawra no'-no'i. 39Kumna də sooto kəsaŋ bə minti a jəŋ gil tiinə Yeesu asaŋ kəkəy bə minti wə meŋ duuru bədoonaŋ, wə minti: «Hulum toŋ a haa Kormə Pepeŋ gəəzi!»
40Kəram kəman a jəŋ a ko toŋa gəm, yə a gə əsə-isi warda anə tooto laki bə gole da. A jəŋ aduubə di ha'aŋ Mari də giidə wəlasi də Magdalaŋ, Mari nər anə Zose də Zaki bə minti yə məntu Puranul. Salome a jəŋ ada gəm. 41Haa kəram gə minti a jəŋ gə tapə-tepe guudu bə minti wə a Galileŋ, yə juunu guudu gəm. Kəram gaalaŋ gə minti a təpaŋ guudi bə koore duuru Zeruzalem, yaŋ ada bə gulu gəm.
Yə ge titi də Yeesu a tələŋkə
(Mat. 27.57-61; Liki 23.50-56; Zaŋ 19.38-42)
42Hi toŋ a ha'aŋ *hi bə faake kə Pepeŋ a dibiinimaŋ. Wə a haa hi bə minti kaŋ ɗampe wəra bə kəɗwəy duruŋ gəm. Cəwaŋ wəra bə dere səm moŋ, 43Zosefi bə giidə vil də Arimateŋ tuluŋ. Wə aduubə də *kaa kəmtəŋ gə jeme kəəti kə kaanə Ziwifiŋa, kaŋ humi kosoŋ cuuru faɗi. Wə a də kusru gəm bə mi haa hi bə minti Pepeŋ bi a hame kumna nuutuŋ duruŋ. Wə doŋ giidu doo kəyaŋ, wə kooroŋ ger *Pilati bə ɗe a mante titi də Yeesu. 44Pilati əskəŋ kay minti Yeesu wəra bə mee-me ɗaw, wə ŋələŋ. Wə gaŋ hulum a mante kumna də sooto kəsaŋ da, wə bəŋ a law ku minti Yeesu meŋ wəra haa dendel mo? 45Bə minti kumna də sootoŋ tupnu bəlam də kel topiŋ, wə ayaŋ kəkəy a Zosefi minti wə ɗee la a haw titi du. 46Zosefi gusuŋ ladəra də awəy-awəy kəəsu na, wə ɗeŋ a sorke titi də Yeesu warda a kəbaŋ gə largaŋ da. Wə hayɗəna hayɗa, wə ɗeŋ a gaara giidə tələŋkə kəman də ceɗə-ceɗe kəəyə pərkiŋa. Adoro wə laktaŋ pərki boblo bə ceɗə-ceɗe bə gisə kuŋ. 47Mari də wəlasi də Magdalaŋ daana Mari nər Zose, bə gole ko bə minti wə bə gawa adaŋ gəm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Texte de la Bible: Kera © Alliance Biblique du Tchad, 2004.