Matthew 17
17
Sa Nambaliwan Ni Ḵatollongan Jesus
(Mrk. 9:2-13; Luk. 9:28-36)
1Naḻaḵpus ḵad onom aḻgaw, inayagan Jesus aḵ Peter ya da James ḵan John we ansunud woḵ nanagadadae mismu atte antaḵnange beleg. 2Sa nangil-anda ḵan Jesus, nambaliw ḵatollongana. Sa bosaḻna, allangḻange isun di init ya sumilisiling silupna.
3Pun baag-en nampaila da Moses ḵan Profeta Elijah ḵan didae maḵaug-uggud ḵan Jesus. 4Pun ḵanan Peter ḵan Jesus, “Apu, atopay baḻun ni annaan taḵu sina. Nu iyunudnu, angwaaḵ aḵ tuḻu we sigay sina ta ḵuwam osa, ḵuwan Moses osa ya ḵuwan Profeta Elijah osa.”
5Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”
6Dingngoḻ ḵad da disipulu sadi ye ginga, nalluḵbubda si luta te ummamdan ḵimutda. 7Yaḵon ḵummatam aḵ Jesus woḵ iyyappadna imana ḵan dida woḵ ḵanana, “Tumaḵdog ḵayu, adi ḵayu maḵimut.” 8Nantangadda ḵad, ippun udum aḵ innilada, nu adi abus aḵ Jesus.
9Nan-osogda ḵad, ḵanan Jesus we namilin atta disipuluna, “Adiyu ugudon atta ngaiman da innilayu, inggana'ḵ taguwon Apudyus saḵone Abeng Di Tagu.”
10Pun ḵanan da disipulun Jesus we nangimus, “Ngaipan da mimistulun ni lintog ibagae ḵasapuḻane umuna'ḵ Profeta Elijah umali nu aḵ Kristu?”#17:10 Malachi 4:5.
11Ḵanan Jesus, “Sa tuttududa tuttuwae umuna'ḵ Profeta Elijah umali ta umoyna iyuḻnus da losan. 12Yaḵon sa ibagaḵ ḵan diḵayu, nagangput ummali'ḵ Profeta Elijah. Da tagu ḵad, adidapun naḵaimatun ḵan siya yaḵon ḵingwada pionda ḵoon ḵan siya. Isuna bose ampaḵaḻamonda saḵone Abeng Di Tagu.”#17:12 Da de Psalm 22:1-18; 69:8, 9, 11, 20, 21; 118:22; Isaiah 53:3-12. 13Pun naawatan da disipulunae aḵ John we Ambobonyag ibagabagana.
Sa Namaḻyawan Jesus Atte Aḻan
(Mrk. 9:14-29; Luk. 9:37-43)
14Nipaulida ḵad atta adu we tagu, ḵummatam osa woḵ nanalluḵu si sinagung Jesus 15woḵ ḵanana “Apu, ḵadaguwam ḵappos abengḵu we naḵoḻtoy. Ampaḵapaḵaḻam ya patilayun misobosob si danum baḵon nu misubba si apuy. 16Inniyoyḵu'tta disipulum yaḵon adidapun lamog ḵaanon koḻtoyna.”
17Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.” 18Pun sinuppaḵan Jesus aḻan woḵ pinaḻyawna ta tenana abeng woḵ tinenan ḵad ni aḻan, daguse naḵaan saḵitna.
19Pune sadi, ummabus ḵad aḵ Jesus ya da disipuluna, iyyaggaḵawda ḵanane nangimus ḵan siya, “Ngaipa ḵani adi maḵapaḻyaw atte sadi ye aḻan?”
20Ḵanan Jesus we summongbat, “Gapu'tte aḵit pammatiyu. Ibagaḵ ḵan diḵayu ḵatuttuwaan, nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwa ḵananyu'tte beleg, ‘Miyatunḵa'tte andi,’ ḵad tuttuwae an-atun. Te lamogyu ḵoon da ngaiman. 21Yaḵon sa aḻane ḵatti, ippun maḵapaḻyaw nu adin ni amaḻyaw ipapati ye alluwaḻu ḵan Apudyus ya allaun si alluwaḻuwana.”#17:21 Sa annae verse ippun atta ḵaaduwane ḵopya'tte Greek yaḵon awad atte Mark 9:29.
Sa Nangipigwaan Jesus Nangibag-an Si Matoyana
(Mrk. 9:30-32; Luk. 9:43-45)
22Nandatdatong ḵad da disipulun Jesus atte probinsiya'd Galilee, ḵanana ḵan dida, “Ibagaḵ ḵasin ḵan diḵayu we saḵone Abeng Di Tagu, mipuḻangaḵ atta ḵabusuḻḵu 23ya gongatonda saḵon. Yaḵon sa miḵaḵlu we aḻgaw, taguwonaḵ ḵan Apudyus.” Dingngoḻ ḵad da disipuluna sadi, amod de babauyda.
Sa Namayadan Jesus Si Bugis Ni Templo
24Dummatong ḵad da Jesus ya da disipuluna'd Capernaum, ummoy da andadagup atte bugis ni templo ḵan Peter woḵ ḵanandae nangimus, “Ambayad ḵamman mistuluyu si bugis ni templo?”
25Ḵanan Peter we summongbat, “On, ambayad ḵammos.”
Nillumnoḵ ḵad aḵ Peter si boḻoy, ummuna'ḵ Jesus gumminga woḵ ḵanana, “Simon, ngai ḵasomsomḵam? Ngai andagupan da ari si annae luta'tta bugis? Da taguda baḵon nu da ḵaili?”
26Ḵanan os Peter we summongbat, “Da ḵaili.”
Ḵanan Jesus ḵan siya, “Nu ḵaḵnat, daḵampun aḵ ḵasapuḻane ambayad da taguda. 27Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”
Currently Selected:
Matthew 17: kml
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.
Matthew 17
17
Sa Nambaliwan Ni Ḵatollongan Jesus
(Mrk. 9:2-13; Luk. 9:28-36)
1Naḻaḵpus ḵad onom aḻgaw, inayagan Jesus aḵ Peter ya da James ḵan John we ansunud woḵ nanagadadae mismu atte antaḵnange beleg. 2Sa nangil-anda ḵan Jesus, nambaliw ḵatollongana. Sa bosaḻna, allangḻange isun di init ya sumilisiling silupna.
3Pun baag-en nampaila da Moses ḵan Profeta Elijah ḵan didae maḵaug-uggud ḵan Jesus. 4Pun ḵanan Peter ḵan Jesus, “Apu, atopay baḻun ni annaan taḵu sina. Nu iyunudnu, angwaaḵ aḵ tuḻu we sigay sina ta ḵuwam osa, ḵuwan Moses osa ya ḵuwan Profeta Elijah osa.”
5Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”
6Dingngoḻ ḵad da disipulu sadi ye ginga, nalluḵbubda si luta te ummamdan ḵimutda. 7Yaḵon ḵummatam aḵ Jesus woḵ iyyappadna imana ḵan dida woḵ ḵanana, “Tumaḵdog ḵayu, adi ḵayu maḵimut.” 8Nantangadda ḵad, ippun udum aḵ innilada, nu adi abus aḵ Jesus.
9Nan-osogda ḵad, ḵanan Jesus we namilin atta disipuluna, “Adiyu ugudon atta ngaiman da innilayu, inggana'ḵ taguwon Apudyus saḵone Abeng Di Tagu.”
10Pun ḵanan da disipulun Jesus we nangimus, “Ngaipan da mimistulun ni lintog ibagae ḵasapuḻane umuna'ḵ Profeta Elijah umali nu aḵ Kristu?”#17:10 Malachi 4:5.
11Ḵanan Jesus, “Sa tuttududa tuttuwae umuna'ḵ Profeta Elijah umali ta umoyna iyuḻnus da losan. 12Yaḵon sa ibagaḵ ḵan diḵayu, nagangput ummali'ḵ Profeta Elijah. Da tagu ḵad, adidapun naḵaimatun ḵan siya yaḵon ḵingwada pionda ḵoon ḵan siya. Isuna bose ampaḵaḻamonda saḵone Abeng Di Tagu.”#17:12 Da de Psalm 22:1-18; 69:8, 9, 11, 20, 21; 118:22; Isaiah 53:3-12. 13Pun naawatan da disipulunae aḵ John we Ambobonyag ibagabagana.
Sa Namaḻyawan Jesus Atte Aḻan
(Mrk. 9:14-29; Luk. 9:37-43)
14Nipaulida ḵad atta adu we tagu, ḵummatam osa woḵ nanalluḵu si sinagung Jesus 15woḵ ḵanana “Apu, ḵadaguwam ḵappos abengḵu we naḵoḻtoy. Ampaḵapaḵaḻam ya patilayun misobosob si danum baḵon nu misubba si apuy. 16Inniyoyḵu'tta disipulum yaḵon adidapun lamog ḵaanon koḻtoyna.”
17Ḵanan Jesus we summongbat, “Diḵayu we ippun pammatiyu ḵan lawwelawweng somsomoḵyu we tagu si sanae lunap! Ḵamaan ni inggawaḵ ḵan diḵayu ya asi ḵayu amati ḵan saḵon? Ḵamaan ni ampatinggaan ni anusḵu ḵan diḵayu?” Ḵanana'tte aman ni abeng, “Idatongnu abeng ḵan saḵon.” 18Pun sinuppaḵan Jesus aḻan woḵ pinaḻyawna ta tenana abeng woḵ tinenan ḵad ni aḻan, daguse naḵaan saḵitna.
19Pune sadi, ummabus ḵad aḵ Jesus ya da disipuluna, iyyaggaḵawda ḵanane nangimus ḵan siya, “Ngaipa ḵani adi maḵapaḻyaw atte sadi ye aḻan?”
20Ḵanan Jesus we summongbat, “Gapu'tte aḵit pammatiyu. Ibagaḵ ḵan diḵayu ḵatuttuwaan, nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwa ḵananyu'tte beleg, ‘Miyatunḵa'tte andi,’ ḵad tuttuwae an-atun. Te lamogyu ḵoon da ngaiman. 21Yaḵon sa aḻane ḵatti, ippun maḵapaḻyaw nu adin ni amaḻyaw ipapati ye alluwaḻu ḵan Apudyus ya allaun si alluwaḻuwana.”#17:21 Sa annae verse ippun atta ḵaaduwane ḵopya'tte Greek yaḵon awad atte Mark 9:29.
Sa Nangipigwaan Jesus Nangibag-an Si Matoyana
(Mrk. 9:30-32; Luk. 9:43-45)
22Nandatdatong ḵad da disipulun Jesus atte probinsiya'd Galilee, ḵanana ḵan dida, “Ibagaḵ ḵasin ḵan diḵayu we saḵone Abeng Di Tagu, mipuḻangaḵ atta ḵabusuḻḵu 23ya gongatonda saḵon. Yaḵon sa miḵaḵlu we aḻgaw, taguwonaḵ ḵan Apudyus.” Dingngoḻ ḵad da disipuluna sadi, amod de babauyda.
Sa Namayadan Jesus Si Bugis Ni Templo
24Dummatong ḵad da Jesus ya da disipuluna'd Capernaum, ummoy da andadagup atte bugis ni templo ḵan Peter woḵ ḵanandae nangimus, “Ambayad ḵamman mistuluyu si bugis ni templo?”
25Ḵanan Peter we summongbat, “On, ambayad ḵammos.”
Nillumnoḵ ḵad aḵ Peter si boḻoy, ummuna'ḵ Jesus gumminga woḵ ḵanana, “Simon, ngai ḵasomsomḵam? Ngai andagupan da ari si annae luta'tta bugis? Da taguda baḵon nu da ḵaili?”
26Ḵanan os Peter we summongbat, “Da ḵaili.”
Ḵanan Jesus ḵan siya, “Nu ḵaḵnat, daḵampun aḵ ḵasapuḻane ambayad da taguda. 27Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019 Translators Association of the Philippines (TAP), All rights reserved.