थरप्या तका का काम 23
23
1पोलुस मोटी सबा में ताकते तके देक्यो अन क्यो, “हो मारा भायाँ, जो जीवन में आज तईं परमेसर का हामे जिव्यो हे, वींका वाते मारो मन एकदम साप हे।” 2ईं बात पे हनन्या नाम के मोटे याजक पोलुस नके ऊबा मनकाँ ने पोलुस के मुण्डा पे रेपट मेलबा की आग्या दिदी। 3#मत्ती 23:27,28तद्याँ पोलुस वींऊँ क्यो, “परमेसर थने मारी, हे चुनाऊँ ढोळी तकी भींत। थूँ वेवस्ता के जस्यान मारो न्याव करबा ने बेटो हे, पण मने मारबा की आग्या देन वेवस्ता ने तोड़रियो हे?” 4वटे ऊबा तका मनकाँ पोलुसऊँ क्यो, “कई थूँ परमेसर का मोटा याजक ने भलो-बुरो केरियो हे?”
5 #
निर 22:28
पोलुस क्यो, “हो भायाँ, मूँ ने जाणूँ के ओ मोटो याजक हे, काँके सास्तर में लिक्यो हे के, ‘आपणाँ लोगाँ का हाकम ने वल ने केणो छावे।’”
6 #
थर 26:5; फिलि 3:5 तद्याँ पोलुस ओ हमजो के एक समू सदुकियाँ को अन दूजो फरीसियाँ को हे, तो सबा में जोरऊँ क्यो, “हो भायाँ, मूँ फरीसी हूँ अन फरीसी की ओलाद हूँ। मरिया केड़े पाछो जीवतो वेबा की बात पे मूँ विस्वास करूँ हूँ ईं वाते मारा पे मुकदमो चलायो जारियो हे।”
7जद्याँ वणी आ बात किदी, तो फरीसियाँ अन सदुकियाँ में लड़ई वेगी, अन सबा में फुट पड़गी। 8#मत्ती 22:23; मर 12:18; लूका 20:27काँके सदुकी तो केता हा के, ने तो कुई मरबा केड़े पाछो जीवतो वेवे अन ने हरग-दुत हे अन ने कुई आत्मा हे पण फरीसी अणा हंगळा पे विस्वास करता हा। 9तद्याँ सबा में लड़ई वेगी, अन कुई मूसा का नेमा ने हिकाबावाळा जो फरीसी हा, ऊबा वेग्या अन ओ केन लड़ई करबा लागा के, “माँ ईं मनक में कई दोस ने पावाँ, अन तद्याँ कुई आत्मा कन हरग-दुत अणीऊँ बात किदी, तो पछे ओ सई हे।” 10जद्याँ सबा में घणी माता-फोड़ी वेगी तो सेनापती दरपग्यो के, कटे पोलुस का गट्टा-गट्टा ने कर नाके। वणी सपायाँ ने हुकम दिदो के, “रेटे समू में जान पोलुस ने सबा मूँ छावणी में ले जावो।”
11वीं रात में परबू पोलुस के नके ऊबा रेन क्यो, “हे पोलुस, हिम्मत राक, काँके जस्यान थें यरूसलेम में मारी गवई दिदी, वस्यानीस थने रोम में भी गवई देणी हे।”
पोलुस ने मारबा की जाळ
12जद्याँ दन व्यो, तो थोड़ाक यहूदी भेळा वेन अटकळ लगई। वणा होगन खादा के जद्याँ तईं पोलुस ने मार ने नाका तद्याँ तईं ने खावा अन ने पिवाँ। 13जणा या अटकळ लगई ही, वीं चाळी जणाऊँ हेला हा। 14वणा मोटा याजकाँ अन बड़ाबा नके जान क्यो, “माँ ईं होगन खा लिदा हे के, जद्याँ तईं पोलुस ने मार ने नाका, तद्याँ तईं कई भी चीज ने ने चाकाँ। 15ईं वाते अबे थाँ अन मोटी सबा का लोग सेनापती ने हमजावो के, पोलुस ने थाँका नके ईं बायनेऊँ लावे के, थाँ वींका बारा में सई तरियऊँ पतो करणो छारिया हो अन वींके आबा के पेल्याँई माँ वींने मारबा के वाते त्यार रेवा।”
16पोलुस के भाणेज ओ हुण्यो के, वीं पोलुस ने मारबा का होगन खादा हे तो वो छावणी में जान पोलुस ने के दिदो। 17तद्याँ पोलुस अदिकारियाँ मूँ एक जणा ने आपणाँ नके बलान क्यो, “ईं मोट्यार ने सेनापती नके ले जावो, ओ वाँने कई केणो छारियो हे।” 18ईं वाते अदिकारी सेनापती का नके वीं मोट्यार ने लेजान क्यो, “जेल में बन्द पोलुस माराऊँ क्यो के, ईं मोट्यार ने सेनापती नके ले जावो, ओ वाँने कई केणो छारियो हे।”
19सेनापती वीं मोट्यार को हात पकड़्यो अन छेटी लेजान पूँछ्यो, “बोल, थूँ मने कई केणो छारियो हे?”
20वणी क्यो, “यहूदियाँ अटकळ लगई हे, थाकाँऊँ हाता-जोड़ी करन काले पोलुस को सई तरियऊँ पतो करबा का बायने, पोलुस ने मोटी सबा में लाई, 21पण थाँ वाँको केणो मानज्यो मती, काँके वाँका मूँ चाळीऊँ हेला जणा पोलुस ने मारबा वाते वाट नाळरिया हे। वणा होगन खादा हे के, जद्याँ तईं पोलुस ने मार ने नाके तद्याँ तईं ने कई खावा अन ने पिवाँ, अबाणू वीं त्यार वेग्या हे अन थाँके फेसला की वाट नाळरिया हे।”
22तद्याँ सेनापती वीं मोट्यार ने आ आग्या देन खन्दायो के, “जो कई थें मने क्यो, ओ किंने भी केज्ये मती।”
पोलुस ने राजपाल फेलिक्स नके खन्दाणो
23तद्याँ सेनापती अदिकारियाँ मूँ दो ने बलान क्यो, “दोस्ये सपई, हित्तर घुड़ सवारीवाळा, अन दोस्ये भाला चलाबावाळा सपायाँ ने आज रात नो बज्याँ केसरिया देस जाबा के वाते त्यार राको। 24अन पोलुस के वाते घोड़ा की सवारी त्यार राको, के पोलुस ने राजपाल फेलिक्स नके राजी-खुसी पोंछा देवे” 25अन वीं सेनापती ईं तरियऊँ सन्देसो खन्दायो, 26“मोटाऊँ मोटा राजपाल फेलिक्स ने कलोदियुस लुमियास को नमस्कार। 27अणी मनक ने यहूदियाँ पकड़न मारणो छाया, पण जदी में जाण्यो के ओ रोमी हे, तो में वटे सपायाँ का लारे जान ईंने वाकाँऊँ छुड़ा लिदो। 28मूँ जाणणो छारियो हो के, वीं ईंपे कई दोस लगारिया, ईं वाते मूँ ईंने वाँकी सबा में लेग्यो। 29तद्याँ में जाण्यो के, वीं आपणी वेवस्ता का विरोद में ईंपे दोस लगारिया हे, पण ईंने मारबा अन बन्दी बणाबा के जस्यो कई दोस कोयने हे। 30जद्याँ मने नंगे पड़ी के, वणा यहूदियाँ पोलुस ने मारबा की अटकळ लगई हे, तो में तरत ईंने थाँरा नके खन्दा दिदो, अन दोस लगाबावाळा ने आग्या दिदी के, वीं थाँरा हामे ईंकी बात करे।”
31जस्यान वणी सपायाँ ने आग्या दिदी ही, वस्यानीस वीं रातूँ-रात आन्तिपत्रिस नगर तईं लेग्या। 32दूजे दन घुड़ सवारीवाळा सपायाँ ने वींका हाते आगे जाबा वाते छोड़, बाकी सपई आपणी छावणी में आग्या। 33वाँकाणी केसरिया देस जान राजपाल ने कागद देन पोलुस ने हूँप दिदो। 34राजपाल कागद भणन क्यो, “ओ कणी इलाका को हे?” अन जद्याँ वो जाणग्यो के ओ किलिकिया को हे, 35तो वणी क्यो, “जद्याँ थाँरा पे दोस लगाबावाळा आई तद्याँ थारी बात कराँ।” अन वणी पोलुस ने हेरोदेस का मेल में राकबा को हुकम दिदो अन पेरादार ऊबा कर किदा।
Currently Selected:
थरप्या तका का काम 23: एम टी आर
Highlight
Share
Copy
Want to have your highlights saved across all your devices? Sign up or sign in
(c) 2010-2017, New Life Computer Institute. All rights reserved
