uLuuka 20
20
Avhalongozi vhakwanza kumanya amaha aga Yeesu
(uMataayi 21:23-27; uMaaliko 11:27-33)
1Isiku limo lwe uYeesu akuvhasambiilizya avhantu pa Nyumba iMfinjile nu kuvhalumbiilila Izwi iLyinza, avhapiti avha vhapuuti na vhasambiilizi avha ndajizyo na vhasongo vhahamusogolela. 2Vhahamuvhuziilizya vhahati, “Tuvhuuzye, ukuvhomba izi ku maha aga naanu?#20:2 Ukuvhomba izi ku maha aga naanu? Vhámuvhuziliziizye ili kulandatana ni mbombo zye uYeesu ávhomvile: inza izya kwinjila mu Yelusaleemu nu ludovhelo ni zya kuvhashimbizya avhantu mu Nyumba iMfinjile ni zya kuvhasambiilizya avhantu ni zyamwavho inyinji. Havhili wu naanu we akupiiye amaha igo?”
3Ahavhaamula ahati, “Niine imbavhuziilizye, mumbuuzye, 4amaha aga Yoohani aga kwozya avhantu, gáfumile kwa Mulungu pamo ku vhantu?” 5Pe vhahapanzanya vhuuvho vheeka vhahati, “Inga twati gáfumile kwa Mulungu, kwe ati, ‘Pe shooni she mutámwitisile?’ 6Poosye inga twati gáfumile ku vhantu, vhonti ivha kwe vhatuhome na mavhwe, mwe pe vhakwitiha kuuti uYoohani áamile mukuvhwi.” 7Pe vhahamwamula vhahati, “Tutamanyile kwe gáfumile.” 8Woope uYeesu ahavhavhuuzya ahati, “Niine, ntakuvhavhuuzya kuuti maha ga naanu ge nkuvhombela izi.”
Ishiholanyo isha vhalimi avhavhiivhi
(uMataayi 21:33-46; uMaaliko 12:1-12)
9Pe uYeesu ahanda kuvhavhuuzya avhantu ishiholanyo ishi, ahati, “Kwáli umuntu wumo, we álimile umugunda uwa mampensya.#20:9 Umugunda uwa mampensya shiholanyo isha vhantu vha Mulungu, aVhaisilayeeli. Vhaazya uYisaayi 5:1-7. Ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali. Ukwo ahadiila insiku inyinji. 10Lwe ahavhaliilizyo aha kuyevhila haafiha, ahamusonteelezya umuzya waakwe ku vhalimi ivho, inga vhaamupe amampensya gamo ge vháyevhiiye mu mugunda waakwe. Ileelo umuzya uyo lwe aafiha, avhalimi ivho vhahamuhoma nu kumushimbizya inyoovhe zyeka.
11“Umuhaata mugunda, ahamusonteelezya umuzya uwamwavho. Ileelo woope vhahamuhoma nu kumusuupizya, pe vhahamushimbizya inyoovhe zyeka. 12Ahamusonteelezya uwa vhutatu. Uyo woope vhahamuvwalazya, vhahamusumbila kunzi ku mugunda.
13“Pisinda, umuhaata mugunda ahati, ‘Ishi kuuti mbombe ishooni? Ahavhaliilizyo iha, kwe imusonteelezye umwana waane unkundwa umwanaavuli! Pamo uyo we kwe vhamushindishe.’ 14Ileelo avhalimi ivho lwe vhamulola umwana uyo, vhahapanzanya vhahati, ‘Uno we mupwana waakwe. Ishi nzaaji tumugoje, inga umugunda uno wuvhe wiitu.’ 15Vhahamukwesela kunzi ku mugunda, vhahamugoga.”
Pe uYeesu ahavhavhuziilizya ahati, “Ishi umuhaata mugunda ula alivhavhomba ishooni avhalimi ivho? 16Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!” 17Ileelo uYeesu ahavhazyamila, ahavhavhuziilizya ahati, “Ishi uVhusimbe uVhufinjile uvhu, kwe kuuti vhuli?
‘Ivhwe lye avhazenzi vhálihaanile,#20:17 Ivhwe lye avhazenzi vhálihaanile: UYeesu ipa áyanzile amazwi iga kufuma mu Lufingwi ulwa Hali kuyiyanga wuuyo.
lye lyavha livhwe ipiti ilya pa shipembe isha nyumba.’#20:17 iZabuuli 118:22
18Umuntu wonti we agwila pi ivhwe ilyo, alivunzinkana. Havhili umuntu wonti we ivhwe ilyo lyamugwila, lilimuvinyulanya.”
19Avhasambiilizi avha ndajizyo na vhapiti avha vhapuuti, vhahamanya kuuti ishiholanyo isho shihavhayangaga vhuuvho. Pe vhahanzaga kumulema pepaala, ileelo vhahoogopa impuga iya vhantu.
Kusonka umusonko kwa Kayisaali
(uMataayi 22:15-22; uMaaliko 12:13-17)
20Pe avhapiti avha Vhayuuda, vhahavhanga vhakumwuvhiilila uYeesu. Vhahasonteelezya avhantu vhe vhahayivhiiha ngati vhagolosu, kuuti vhenyeelezye zye uYeesu akuyanga. Vhahavhomba isho inga vhapaaje apa kumulemela mu mazwi gaakwe wuuyo, inga vhamuleme nu kumutwala ku vhe vhakukonzya.
21Pe avhantu ivho vhahamuvhuziilizya uYeesu vhahati, “We Musambiilizi, tumanyile kuuti ukuyanga nu kusambiilizya izya nalyoli. Havhili utakusaajila uvhupiti uvhwa muntu, ukusambiilizya idala ilya Mulungu mu vhwanalyoli. 22Vhuli, indajizyo izya Moose zikutwitishila kusonka umusonko kwa Kayisaali?”
23Ileelo uYeesu ahamanya ishifumbo shaavho, ahavhavhuuzya ahati, 24“Ndanji insavhaazya iya dinaali.” Lwe ayilola ahavhavhuziilizya ahati, “Ishiholanyo ishi nu vhusimbe vhwe vhuli pa nsavhaazya ino vwa naanu?” Vhahamwamula vhahati, “Vwa Kayisaali.” 25Pe uYeesu ahavhavhuuzya ahati, “Ishi, ivwa Kayisaali, mumupanje uKayisaali, vwope ivwa Mulungu mumupanje uMulungu.”
26Avhantu ivho vhahasukumila nkaani vwe uYeesu áyamuuye, vhahapuuma mwaa. Vhahapootwa apa kwandila kumulonjeelela, kuzya mazwi ge áyanzile pilongolela pa vhantu.
Kuzyuha ukwa vhafwe
(uMataayi 22:23-33; uMaaliko 12:18-27)
27Pisinda, aVhasadukaayi#20:27 AVhasadukaayi: Vhaazya mu Ntantiho izya Mazwi aMajeni. vhamo, vhe vhahasambilizyaga kuuti avhafwe te vhahazyushe, vhahasogola kwa Yeesu. Vhahamuvhuziilizya vhahati, 28“Musambiilizi, uMoose átusimbiiye indajizyo kuuti, inga umwanaavuli aafwa, amuleha umushi waakwe ishisita umwana, yikwanzilwa kuuti umunine waakwe amupwane umuziishe uyo, inga amupaapile avhaana umuyazi.#20:28 iNkumbushizyo izya Ndajizyo 25:5-6 29Ishi, kwáli avhanaavuli 7 vhe vháamile uyise wooka. Uwa kwanda ahanyatula umwantanda, ileelo ahafwa ishisita kuleha umwana. 30Uwa vhuvhili, ahamupwana umuziishe uyo, ileelo woope ahafwa ishisita kuleha umwana.#20:30 Ahamupwana umuziishe uyo, ileelo woope ahafwa ishisita kuleha umwana: IBiibiliya intanzi zye zisimviilwe mu njango iya Shiyunaani nyinji. Zimo muli izyo zitali na mazwi iga. Zyope iBiibiliya zimo izya manda iga zikugaleha amazwi iga ishisita kusimba. 31Pisinda, uwa vhutatu, ahamupwana, ileelo woope ahafwa. Yihavha shiniisho ku vhonti 7. Avhaana vhonti ivha vhe vháali uyise wooka vhátendiime nu mwantanda uyo, ileelo vhonti vhahafwa ishisita kuleha umwana. 32Pisinda, umwantanda uyo woope ahafwa. 33Ishi, inga kuzyuha ukwa vhafwe kuliipo, isiku ilya kuzyuha umwantanda uyo aliivha mushi wa naanu? Tukuvhuziilizya isho, mwe pe átendiime na vhonti 7.”
34UYeesu ahavhavhuuzya ahati, “Avhantu avha havhaliilizyo iha, vhakwimala nu kwimalwa. 35Ileelo avhantu vhe uMulungu akulola kuuti vhakwanzilwa kuvhazyusya nu kutendama mu nsi impwa, ivho te vhahiimale, poosye kwimalwa havhili. 36Pooka niizyo te vhahaafwe havhili, mwe pe vhaliivha inza avhahavhizya. Vhakuvha vhaana vha Mulungu, mwe pe vhazyusile.
37“Woope uMoose áyanzile kuuti avhafwe vhalizyuha. Áyanzile izyo mu Vhusimbe uVhufinjile pa shipindi she shihaahaga, áyanzile átili uMWENE uMulungu, ‘wu Mulungu uwa Aabulahamu nu Yisaaka nu Yaakobu.’#20:37 Kufuma 3:6 38Uweene te wu Mulungu uwa vhafwe, wu Mulungu uwa vhalanzi. Kwe kuuti ku kwakwe avhantu vhonti vhalanzi.”
39Pe avhasambiilizi vhamo avha ndajizyo vhahati, “Musambiilizi, wayanga zya muumwo!” 40Kwandila ipo, vhatahasheela kumuvhuziilizya.
UChilisiti Mwana wa Daavhudi
(uMataayi 22:41-46; uMaaliko 12:35-37)
41Pe uYeesu ahavhavhuziilizya ahati, “Avhantu vhakuti, uChilisiti Mwana wa mwene uDaavhudi inza vhuli? 42Nkuvhavhuziilizya isho, mwe pe uDaavhudi wuuyo, ásimvile mwi ikalaata ilya Zabuuli, átili,
‘UMWENE uMulungu ámuvhuziizye uMwene waane átili,
“Tendaama ku luvhazu lwane ulwa kundiilo
pa vhushindamu uvhupiti nkaani,
43kufishila pe navhavhiiha avhalugu vhaaho
pansi pa vinama vwaho.”’#20:42-43 iZabuuli 110:1
44Inga uDaavhudi wuuyo átili uChilisiti wu Mwene waakwe, pe woope uChilisiti angavha mwana waakwe inza vhuli?”
UYeesu akuvhasoha avhasundikwa vhaakwe izya vhasambiilizi avha ndajizyo izya Moose
(uMataayi 23:1-36; uMaaliko 12:38-40; uLuuka 11:37-54)
45Lwe avhantu vhonti vhakumutejeelezya uYeesu, uweene ahavhavhuuzya avhasundikwa vhaakwe ahati, 46“Muvhe minso na vhasambiilizi avha ndajizyo, vhe vhakusungwa kutandaala vhazwaye inkanzu, inga avhantu vhavhalamuhaje ku mushinzi mu madala. Lwe vhali mu masinagoogi, vhakusungwa kutendama mu vitengo ivwa pilongolela. Mwope mu mulyo vhakutendama mu vitengo ivwa vhapiti. 47Avhantu ivha vhakuvhafwula ivintu avhaziishe! Ku shifumbo shaavho, vhakupuuta impuuto intali, inga avhantu vhatinji vhagolosu. Kuli izyo, uMulungu aliivhapa isunde ipiti!”
Currently Selected:
uLuuka 20: nih
Highlight
Share
Copy
Want to have your highlights saved across all your devices? Sign up or sign in
© 2021 Wycliffe Bible Translators, Inc.
uLuuka 20
20
Avhalongozi vhakwanza kumanya amaha aga Yeesu
(uMataayi 21:23-27; uMaaliko 11:27-33)
1Isiku limo lwe uYeesu akuvhasambiilizya avhantu pa Nyumba iMfinjile nu kuvhalumbiilila Izwi iLyinza, avhapiti avha vhapuuti na vhasambiilizi avha ndajizyo na vhasongo vhahamusogolela. 2Vhahamuvhuziilizya vhahati, “Tuvhuuzye, ukuvhomba izi ku maha aga naanu?#20:2 Ukuvhomba izi ku maha aga naanu? Vhámuvhuziliziizye ili kulandatana ni mbombo zye uYeesu ávhomvile: inza izya kwinjila mu Yelusaleemu nu ludovhelo ni zya kuvhashimbizya avhantu mu Nyumba iMfinjile ni zya kuvhasambiilizya avhantu ni zyamwavho inyinji. Havhili wu naanu we akupiiye amaha igo?”
3Ahavhaamula ahati, “Niine imbavhuziilizye, mumbuuzye, 4amaha aga Yoohani aga kwozya avhantu, gáfumile kwa Mulungu pamo ku vhantu?” 5Pe vhahapanzanya vhuuvho vheeka vhahati, “Inga twati gáfumile kwa Mulungu, kwe ati, ‘Pe shooni she mutámwitisile?’ 6Poosye inga twati gáfumile ku vhantu, vhonti ivha kwe vhatuhome na mavhwe, mwe pe vhakwitiha kuuti uYoohani áamile mukuvhwi.” 7Pe vhahamwamula vhahati, “Tutamanyile kwe gáfumile.” 8Woope uYeesu ahavhavhuuzya ahati, “Niine, ntakuvhavhuuzya kuuti maha ga naanu ge nkuvhombela izi.”
Ishiholanyo isha vhalimi avhavhiivhi
(uMataayi 21:33-46; uMaaliko 12:1-12)
9Pe uYeesu ahanda kuvhavhuuzya avhantu ishiholanyo ishi, ahati, “Kwáli umuntu wumo, we álimile umugunda uwa mampensya.#20:9 Umugunda uwa mampensya shiholanyo isha vhantu vha Mulungu, aVhaisilayeeli. Vhaazya uYisaayi 5:1-7. Ahavhavhiiha avhalimi avha kuguulila nu kulimiilila amampensya igo, ahanzaga kuuti inga gaagoma vhahinze vhagavhane nawo, pe ahashuula kusogola ku nsi iya kutali. Ukwo ahadiila insiku inyinji. 10Lwe ahavhaliilizyo aha kuyevhila haafiha, ahamusonteelezya umuzya waakwe ku vhalimi ivho, inga vhaamupe amampensya gamo ge vháyevhiiye mu mugunda waakwe. Ileelo umuzya uyo lwe aafiha, avhalimi ivho vhahamuhoma nu kumushimbizya inyoovhe zyeka.
11“Umuhaata mugunda, ahamusonteelezya umuzya uwamwavho. Ileelo woope vhahamuhoma nu kumusuupizya, pe vhahamushimbizya inyoovhe zyeka. 12Ahamusonteelezya uwa vhutatu. Uyo woope vhahamuvwalazya, vhahamusumbila kunzi ku mugunda.
13“Pisinda, umuhaata mugunda ahati, ‘Ishi kuuti mbombe ishooni? Ahavhaliilizyo iha, kwe imusonteelezye umwana waane unkundwa umwanaavuli! Pamo uyo we kwe vhamushindishe.’ 14Ileelo avhalimi ivho lwe vhamulola umwana uyo, vhahapanzanya vhahati, ‘Uno we mupwana waakwe. Ishi nzaaji tumugoje, inga umugunda uno wuvhe wiitu.’ 15Vhahamukwesela kunzi ku mugunda, vhahamugoga.”
Pe uYeesu ahavhavhuziilizya ahati, “Ishi umuhaata mugunda ula alivhavhomba ishooni avhalimi ivho? 16Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!” 17Ileelo uYeesu ahavhazyamila, ahavhavhuziilizya ahati, “Ishi uVhusimbe uVhufinjile uvhu, kwe kuuti vhuli?
‘Ivhwe lye avhazenzi vhálihaanile,#20:17 Ivhwe lye avhazenzi vhálihaanile: UYeesu ipa áyanzile amazwi iga kufuma mu Lufingwi ulwa Hali kuyiyanga wuuyo.
lye lyavha livhwe ipiti ilya pa shipembe isha nyumba.’#20:17 iZabuuli 118:22
18Umuntu wonti we agwila pi ivhwe ilyo, alivunzinkana. Havhili umuntu wonti we ivhwe ilyo lyamugwila, lilimuvinyulanya.”
19Avhasambiilizi avha ndajizyo na vhapiti avha vhapuuti, vhahamanya kuuti ishiholanyo isho shihavhayangaga vhuuvho. Pe vhahanzaga kumulema pepaala, ileelo vhahoogopa impuga iya vhantu.
Kusonka umusonko kwa Kayisaali
(uMataayi 22:15-22; uMaaliko 12:13-17)
20Pe avhapiti avha Vhayuuda, vhahavhanga vhakumwuvhiilila uYeesu. Vhahasonteelezya avhantu vhe vhahayivhiiha ngati vhagolosu, kuuti vhenyeelezye zye uYeesu akuyanga. Vhahavhomba isho inga vhapaaje apa kumulemela mu mazwi gaakwe wuuyo, inga vhamuleme nu kumutwala ku vhe vhakukonzya.
21Pe avhantu ivho vhahamuvhuziilizya uYeesu vhahati, “We Musambiilizi, tumanyile kuuti ukuyanga nu kusambiilizya izya nalyoli. Havhili utakusaajila uvhupiti uvhwa muntu, ukusambiilizya idala ilya Mulungu mu vhwanalyoli. 22Vhuli, indajizyo izya Moose zikutwitishila kusonka umusonko kwa Kayisaali?”
23Ileelo uYeesu ahamanya ishifumbo shaavho, ahavhavhuuzya ahati, 24“Ndanji insavhaazya iya dinaali.” Lwe ayilola ahavhavhuziilizya ahati, “Ishiholanyo ishi nu vhusimbe vhwe vhuli pa nsavhaazya ino vwa naanu?” Vhahamwamula vhahati, “Vwa Kayisaali.” 25Pe uYeesu ahavhavhuuzya ahati, “Ishi, ivwa Kayisaali, mumupanje uKayisaali, vwope ivwa Mulungu mumupanje uMulungu.”
26Avhantu ivho vhahasukumila nkaani vwe uYeesu áyamuuye, vhahapuuma mwaa. Vhahapootwa apa kwandila kumulonjeelela, kuzya mazwi ge áyanzile pilongolela pa vhantu.
Kuzyuha ukwa vhafwe
(uMataayi 22:23-33; uMaaliko 12:18-27)
27Pisinda, aVhasadukaayi#20:27 AVhasadukaayi: Vhaazya mu Ntantiho izya Mazwi aMajeni. vhamo, vhe vhahasambilizyaga kuuti avhafwe te vhahazyushe, vhahasogola kwa Yeesu. Vhahamuvhuziilizya vhahati, 28“Musambiilizi, uMoose átusimbiiye indajizyo kuuti, inga umwanaavuli aafwa, amuleha umushi waakwe ishisita umwana, yikwanzilwa kuuti umunine waakwe amupwane umuziishe uyo, inga amupaapile avhaana umuyazi.#20:28 iNkumbushizyo izya Ndajizyo 25:5-6 29Ishi, kwáli avhanaavuli 7 vhe vháamile uyise wooka. Uwa kwanda ahanyatula umwantanda, ileelo ahafwa ishisita kuleha umwana. 30Uwa vhuvhili, ahamupwana umuziishe uyo, ileelo woope ahafwa ishisita kuleha umwana.#20:30 Ahamupwana umuziishe uyo, ileelo woope ahafwa ishisita kuleha umwana: IBiibiliya intanzi zye zisimviilwe mu njango iya Shiyunaani nyinji. Zimo muli izyo zitali na mazwi iga. Zyope iBiibiliya zimo izya manda iga zikugaleha amazwi iga ishisita kusimba. 31Pisinda, uwa vhutatu, ahamupwana, ileelo woope ahafwa. Yihavha shiniisho ku vhonti 7. Avhaana vhonti ivha vhe vháali uyise wooka vhátendiime nu mwantanda uyo, ileelo vhonti vhahafwa ishisita kuleha umwana. 32Pisinda, umwantanda uyo woope ahafwa. 33Ishi, inga kuzyuha ukwa vhafwe kuliipo, isiku ilya kuzyuha umwantanda uyo aliivha mushi wa naanu? Tukuvhuziilizya isho, mwe pe átendiime na vhonti 7.”
34UYeesu ahavhavhuuzya ahati, “Avhantu avha havhaliilizyo iha, vhakwimala nu kwimalwa. 35Ileelo avhantu vhe uMulungu akulola kuuti vhakwanzilwa kuvhazyusya nu kutendama mu nsi impwa, ivho te vhahiimale, poosye kwimalwa havhili. 36Pooka niizyo te vhahaafwe havhili, mwe pe vhaliivha inza avhahavhizya. Vhakuvha vhaana vha Mulungu, mwe pe vhazyusile.
37“Woope uMoose áyanzile kuuti avhafwe vhalizyuha. Áyanzile izyo mu Vhusimbe uVhufinjile pa shipindi she shihaahaga, áyanzile átili uMWENE uMulungu, ‘wu Mulungu uwa Aabulahamu nu Yisaaka nu Yaakobu.’#20:37 Kufuma 3:6 38Uweene te wu Mulungu uwa vhafwe, wu Mulungu uwa vhalanzi. Kwe kuuti ku kwakwe avhantu vhonti vhalanzi.”
39Pe avhasambiilizi vhamo avha ndajizyo vhahati, “Musambiilizi, wayanga zya muumwo!” 40Kwandila ipo, vhatahasheela kumuvhuziilizya.
UChilisiti Mwana wa Daavhudi
(uMataayi 22:41-46; uMaaliko 12:35-37)
41Pe uYeesu ahavhavhuziilizya ahati, “Avhantu vhakuti, uChilisiti Mwana wa mwene uDaavhudi inza vhuli? 42Nkuvhavhuziilizya isho, mwe pe uDaavhudi wuuyo, ásimvile mwi ikalaata ilya Zabuuli, átili,
‘UMWENE uMulungu ámuvhuziizye uMwene waane átili,
“Tendaama ku luvhazu lwane ulwa kundiilo
pa vhushindamu uvhupiti nkaani,
43kufishila pe navhavhiiha avhalugu vhaaho
pansi pa vinama vwaho.”’#20:42-43 iZabuuli 110:1
44Inga uDaavhudi wuuyo átili uChilisiti wu Mwene waakwe, pe woope uChilisiti angavha mwana waakwe inza vhuli?”
UYeesu akuvhasoha avhasundikwa vhaakwe izya vhasambiilizi avha ndajizyo izya Moose
(uMataayi 23:1-36; uMaaliko 12:38-40; uLuuka 11:37-54)
45Lwe avhantu vhonti vhakumutejeelezya uYeesu, uweene ahavhavhuuzya avhasundikwa vhaakwe ahati, 46“Muvhe minso na vhasambiilizi avha ndajizyo, vhe vhakusungwa kutandaala vhazwaye inkanzu, inga avhantu vhavhalamuhaje ku mushinzi mu madala. Lwe vhali mu masinagoogi, vhakusungwa kutendama mu vitengo ivwa pilongolela. Mwope mu mulyo vhakutendama mu vitengo ivwa vhapiti. 47Avhantu ivha vhakuvhafwula ivintu avhaziishe! Ku shifumbo shaavho, vhakupuuta impuuto intali, inga avhantu vhatinji vhagolosu. Kuli izyo, uMulungu aliivhapa isunde ipiti!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021 Wycliffe Bible Translators, Inc.