Éxodo 4
4
1Upéramo Moises he’i jevy: Péina ningo ha’ekuéra ndachegueroviamo’ãi, ha nohendumo’ãi che ñe’ẽ; katuete he’íta: Ñanderuete ndojehechaukái ndéve mba’eve.
2Ha Ñanderuete he’i: Mba’épa oĩ nde pópe. Ha ha’e he’i ichupe: Peteĩ yvyra’i.
3Upérõ Ha’e he’i ichupe: Eity yvýpe. Ha ha’e oitývo yvýpe oiko ichugui peteĩ mbói; ha Moises ojei ichugui.
4Upéramo Ñanderuete he’i Moiséspe: Ndepojái hese ha ejapyhy huguáigui. Ha’e ipojái hese ha ojapyhývo oiko jevy ichugui yvyra’i.
5Kóa rupi ogueroviáta hikuái ojehechauka hague ndéve pende Ruete; pende rukuéra, Abraham, Isaac ha Jacóbo Jára.
6Ñanderuete he’i avei ichupe: Ko’ág̃a emoinge nde po nde ao pyti’a guýpe. Ha ha’e omoinge ipo ijao pyti’a guýpe ha oguenohẽ jevývo ipo ileprapa ha imorotĩ ku yro’y rypy’áicha (heládaicha).
7Ha he’i: Emoinge jevy nde po nde ao pyti’a guýpe. Ha ha’e omoinge jevy ipo ijao pyti’a guýpe, ha oguenohẽvo opyta jevy ambue ho’óicha.
8Ha nandegueroviái mba’e ramo pe techaukaha tenondegua rupi ogueroviáta uperiregua rupi.
9Ko’ã mokõi techaukaha rupi ndogueroviái ramo ha nohendúi ramo hikuái ne ñe’ẽ, reguenohẽta y ysyrýgui ha reñohẽta yvýpe; ha pe y reguenohẽtava ysyrýgui oñemoambuéta ha oikóta ichugui tuguy yvy ape ári.
10Upéramo Moises he’i Ñanderuetépe: Ái, che Jára, yma guive ko’ág̃a peve, nacheñe’ẽkuaa porãi ni nacheñe’ẽ syryry porãi.
11Ha Ñanderuete he’i jevy ichupe: Máva piko ombojuru yvyariguakuérape, térã mávapa ojapo iñe’ẽngúvape ha ijapysapévape, umi ohecháva ha ohecha’ỹvape. Ndachéipa pende apohare.
12Tereho katu ko’ág̃a, ha Che aĩta nendive reñe’ẽvo, ha rombo’éta ereva’erãva guive.
13Ha Moises he’i jevy: Ái, che Jára, ajerure ndéve, emondóna ambue kuimba’épe ko tembiapo kóvape g̃uarã.
14Upévarehe Ñanderuete ipochy Moises ndive, ha he’i: Che piko ndaikuaái mba’e nde ryke’y Aarónpe, ha’e peteĩ Levigua oñe’ẽkuaa porãva. Eikuaa porãke, ha’e osẽma ndejohu hag̃ua, ha nderecha vove ipy’arorýta.
15Nde reñe’ẽta ichupe ha remoĩta ijurúpe che ñe’ẽ, ha Che aĩta nde juru ha ijuru ndive, ha pombo’éta pejeva’erãva guive.
16Ha ha’e oñe’ẽta nde rérape pene retãyguakuérape; ha ha’e oikóta nde juru ramo, ha nde reikóta Ijára ramo.
17Ha rejapyhýta nde pópe ko yvyra’i, ha péva rupi rejapóta milagrokuéra (techaukahakuéra).
Moises oho jevy Egíptope
18Péicha Moises oho jevy hembireko ru, Jétro rendápe ha he’i ichupe: Aháta, che ryvykuéra rendápe oikóva Egíptope, ahecha hag̃ua oimépa oikove gueteri hikuái. Ha Jétro he’i Moiséspe: Tereho katu py’aguapýpe.
19Ha Ñanderuete he’i avei Moiséspe Madian retãme: Tereho jevy Egíptope, omanombáma umi ndejukaseva’ekue.
20Upéramo Moises ohupi hembireko ha ita’yrakuéra peteĩ búrro ári ha oho jevy Egípto retãme. Moises ojapyhy avei Ñanderuete yvyra’i ipópe.
21Ha Ñanderuete he’i jevy Moiséspe: Reg̃uahẽvo Egíptope ejapopa faraon renondépe mayma milágro Che amoĩmava’ekue nde pópe; Che katu ambopy’ahatãta ichupe ani hag̃ua oheja ne retãyguakuéra osẽ.
22Ha eréta faraónpe: Ñanderuete péicha he’i: Israel ningo che ra’y ypykue.
23Ha’éma ndéve reheja hag̃ua che ra’ýpe oho; ỹrõ Che ajukáta nde ra’ýpe, nde ra’y ypykuépe.
24Ha ojehu ningo tapére, peteĩ mbohupa rógape Ñanderuete oñemoĩ Moises rehe ojuka hag̃uáicha ichupe.
25Upémaramo Sípora ojapyhy peteĩ kyse itaguiguáva ha oikytĩ’o imemby pire’i ha opoko iména retymáre, he’ívo: Añetehápe nde ha’e chéve g̃uarã peteĩ ména tuguyguiguáva.
26Upéicharupi Ñanderuete oheja ichupe oikove. Ha Sípora he’i: Nde che ména tuguyguiguáva, aikytĩ’o haguére che memby pire’i.
27Ha Ñanderuete he’i Aarónpe: Tereho Moises rendápe desiértope. Ha ha’e oho ha ohug̃uaitĩ ichupe Ñanderuete cérrope ha ñehetũme omomaitei ichupe.
28Upéramo Moises omombe’upa Aarónpe Ñanderuete he’iva’ekue guive ichupe ha mayma techaukaha omoĩva’ekue avei ipópe oiporuva’erãva.
29Ha oho hikuái, Moises ha Aaron, ha ombyaty mayma Israelgua karai ancianokuérape.
30Ha Aaron omombe’u umi mba’e Ñanderuete he’iva’ekue Moiséspe ha ojapo umi techaukaha hetãyguakuéra resa renondépe.
31Ha hetãyguakuéra oguerovia; ha ohendúvo hikuái Ñanderuete oúma oñandu hag̃ua Israel ñemoñarenguérape ha Ha’e ohecha hague iñangekõinguéra, oñesũ hikuái ha omomba’eguasu Ñanderuetépe.
Currently Selected:
Éxodo 4: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Éxodo 4
4
1Upéramo Moises he’i jevy: Péina ningo ha’ekuéra ndachegueroviamo’ãi, ha nohendumo’ãi che ñe’ẽ; katuete he’íta: Ñanderuete ndojehechaukái ndéve mba’eve.
2Ha Ñanderuete he’i: Mba’épa oĩ nde pópe. Ha ha’e he’i ichupe: Peteĩ yvyra’i.
3Upérõ Ha’e he’i ichupe: Eity yvýpe. Ha ha’e oitývo yvýpe oiko ichugui peteĩ mbói; ha Moises ojei ichugui.
4Upéramo Ñanderuete he’i Moiséspe: Ndepojái hese ha ejapyhy huguáigui. Ha’e ipojái hese ha ojapyhývo oiko jevy ichugui yvyra’i.
5Kóa rupi ogueroviáta hikuái ojehechauka hague ndéve pende Ruete; pende rukuéra, Abraham, Isaac ha Jacóbo Jára.
6Ñanderuete he’i avei ichupe: Ko’ág̃a emoinge nde po nde ao pyti’a guýpe. Ha ha’e omoinge ipo ijao pyti’a guýpe ha oguenohẽ jevývo ipo ileprapa ha imorotĩ ku yro’y rypy’áicha (heládaicha).
7Ha he’i: Emoinge jevy nde po nde ao pyti’a guýpe. Ha ha’e omoinge jevy ipo ijao pyti’a guýpe, ha oguenohẽvo opyta jevy ambue ho’óicha.
8Ha nandegueroviái mba’e ramo pe techaukaha tenondegua rupi ogueroviáta uperiregua rupi.
9Ko’ã mokõi techaukaha rupi ndogueroviái ramo ha nohendúi ramo hikuái ne ñe’ẽ, reguenohẽta y ysyrýgui ha reñohẽta yvýpe; ha pe y reguenohẽtava ysyrýgui oñemoambuéta ha oikóta ichugui tuguy yvy ape ári.
10Upéramo Moises he’i Ñanderuetépe: Ái, che Jára, yma guive ko’ág̃a peve, nacheñe’ẽkuaa porãi ni nacheñe’ẽ syryry porãi.
11Ha Ñanderuete he’i jevy ichupe: Máva piko ombojuru yvyariguakuérape, térã mávapa ojapo iñe’ẽngúvape ha ijapysapévape, umi ohecháva ha ohecha’ỹvape. Ndachéipa pende apohare.
12Tereho katu ko’ág̃a, ha Che aĩta nendive reñe’ẽvo, ha rombo’éta ereva’erãva guive.
13Ha Moises he’i jevy: Ái, che Jára, ajerure ndéve, emondóna ambue kuimba’épe ko tembiapo kóvape g̃uarã.
14Upévarehe Ñanderuete ipochy Moises ndive, ha he’i: Che piko ndaikuaái mba’e nde ryke’y Aarónpe, ha’e peteĩ Levigua oñe’ẽkuaa porãva. Eikuaa porãke, ha’e osẽma ndejohu hag̃ua, ha nderecha vove ipy’arorýta.
15Nde reñe’ẽta ichupe ha remoĩta ijurúpe che ñe’ẽ, ha Che aĩta nde juru ha ijuru ndive, ha pombo’éta pejeva’erãva guive.
16Ha ha’e oñe’ẽta nde rérape pene retãyguakuérape; ha ha’e oikóta nde juru ramo, ha nde reikóta Ijára ramo.
17Ha rejapyhýta nde pópe ko yvyra’i, ha péva rupi rejapóta milagrokuéra (techaukahakuéra).
Moises oho jevy Egíptope
18Péicha Moises oho jevy hembireko ru, Jétro rendápe ha he’i ichupe: Aháta, che ryvykuéra rendápe oikóva Egíptope, ahecha hag̃ua oimépa oikove gueteri hikuái. Ha Jétro he’i Moiséspe: Tereho katu py’aguapýpe.
19Ha Ñanderuete he’i avei Moiséspe Madian retãme: Tereho jevy Egíptope, omanombáma umi ndejukaseva’ekue.
20Upéramo Moises ohupi hembireko ha ita’yrakuéra peteĩ búrro ári ha oho jevy Egípto retãme. Moises ojapyhy avei Ñanderuete yvyra’i ipópe.
21Ha Ñanderuete he’i jevy Moiséspe: Reg̃uahẽvo Egíptope ejapopa faraon renondépe mayma milágro Che amoĩmava’ekue nde pópe; Che katu ambopy’ahatãta ichupe ani hag̃ua oheja ne retãyguakuéra osẽ.
22Ha eréta faraónpe: Ñanderuete péicha he’i: Israel ningo che ra’y ypykue.
23Ha’éma ndéve reheja hag̃ua che ra’ýpe oho; ỹrõ Che ajukáta nde ra’ýpe, nde ra’y ypykuépe.
24Ha ojehu ningo tapére, peteĩ mbohupa rógape Ñanderuete oñemoĩ Moises rehe ojuka hag̃uáicha ichupe.
25Upémaramo Sípora ojapyhy peteĩ kyse itaguiguáva ha oikytĩ’o imemby pire’i ha opoko iména retymáre, he’ívo: Añetehápe nde ha’e chéve g̃uarã peteĩ ména tuguyguiguáva.
26Upéicharupi Ñanderuete oheja ichupe oikove. Ha Sípora he’i: Nde che ména tuguyguiguáva, aikytĩ’o haguére che memby pire’i.
27Ha Ñanderuete he’i Aarónpe: Tereho Moises rendápe desiértope. Ha ha’e oho ha ohug̃uaitĩ ichupe Ñanderuete cérrope ha ñehetũme omomaitei ichupe.
28Upéramo Moises omombe’upa Aarónpe Ñanderuete he’iva’ekue guive ichupe ha mayma techaukaha omoĩva’ekue avei ipópe oiporuva’erãva.
29Ha oho hikuái, Moises ha Aaron, ha ombyaty mayma Israelgua karai ancianokuérape.
30Ha Aaron omombe’u umi mba’e Ñanderuete he’iva’ekue Moiséspe ha ojapo umi techaukaha hetãyguakuéra resa renondépe.
31Ha hetãyguakuéra oguerovia; ha ohendúvo hikuái Ñanderuete oúma oñandu hag̃ua Israel ñemoñarenguérape ha Ha’e ohecha hague iñangekõinguéra, oñesũ hikuái ha omomba’eguasu Ñanderuetépe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.