Génesis 23
23
Sára omano ha oñeñotĩ
1Sára oikove 127 áño.
2Ha Sára omano Quiriatarbápe, péva hína Hebron, Canaan retãme; Abraham oñembyasy ha oguerojahe’o ichupe.
3Ha opu’ã Abraham, hembireko re’õngue ypýgui, oho oñe’ẽ hag̃ua umi Het ra’ykuéra ndive, ha he’i:
4Tetã ambueygua ramo aiko pende apytépe; peme’ẽmína chéve yvy aguereko hag̃ua che tyvy (sepultúra) pende apytépe, ha añotỹ hag̃ua che rembireko re’õngue oĩva che resa renondépe.
5Ha umi Het ra’ykuéra he’i Abrahámpe:
6Orerendumína, nde karaiguasu: Nde ningo Jahve rembiguái ruvicha ore apytépe; ore tyvy iporãvéva eiporu katu reñotỹ hag̃ua ne rembireko re’õngue; orekuéra apytégui avave nombotovemo’ãi ndehegui ityvy, ha avave nde’imo’ãi ndéve upépe ani hag̃ua reñotỹ ne rembireko retekue.
7Ha Abraham opu’ã ha oñakãity umi tetãygua, Het ra’ykuéra renondépe.
8Ha oñe’ẽ hendivekuéra he’ívo: Peipota ramo añoty ko’ápe che rembireko retekue, oĩva che rógape, cherendumíkena, ha peñe’ẽ cherehe Efron, Zohar ra’y ndive,
9ha’e ome’ẽ hag̃ua chéve pe Macpéla pegua itakuaguasu, oguerekóva ijyvy rembe’ýpe; hepyteépe tome’ẽ chéve, aguereko hag̃ua che tyvy rendag̃ua pende apytépe.
10Ko Efron oĩhína umi Het ra’ykuéra apytépe; ha Efron he’i Abrahámpe, ambue Het ra’ykuéra rovake, ha opaite umi oikéva guive pe táva rokẽ rupi:
11Nahániri, nde che karai, cherendumína: Ame’ẽ ndéve pe kokue, ha ame’ẽ avei ndéve pe itakuaguasu oĩva ipype; ko’ã che retã ra’ykuéra rovake ame’ẽmba ndéve; eñotỹ katu upépe ne rembireko retekue.
12Upéramo Abraham oñakãity umi tetãygua renondépe,
13ha he’i Efrónpe, hetãyguakuéra rovake: Nde raẽ cherendumína, ikatu ramo. Che ame’ẽta ndéve pe kokue repytee; eraha chehegui, añotỹkuaa hag̃ua ipype che rembireko retekue.
14Ha Efron oñe’ẽ jevy Abrahámpe, ha he’i:
15Che karai, cherendumína: Pe kokue repy ningo ohupity 400 síclo (péva 4,46 kílo pláta) ha mba’éiko upéva chéve ha ndéve g̃uarã. Eñotỹ katu upépe ne rembireko retekue.
16Upéramo Abraham opaga Efrónpe ha oha’ã hekoitépe ibalánzape Efrónpe g̃uarã 400 síclo pláta ha’e he’i haguéicha, ojeporu háicha ñemuharanguéra apytépe, ha ome’ẽ ichupe Het ra’ykuéra rovake.
17Ha Efron ome’ẽ pe kokue oĩva Macpélape, Mámregui kuarahyresẽ gotýo, itakuaguasu reheve, ha opaite umi yvyra reheve, oĩva guive pe kokue mbytépe ha ijerekuévo,
18ha ombohasa Abrahámpe imba’etee ramo, umi Het ra’ykuéra ha mayma rovake oikevahína guive pe táva rokẽ rupi.
19Ko’ã mba’e rire Abraham oñotỹ hembireko Sárape pe itakuaguasu Macpéla peguápe, Mámregui kuarahyresẽ gotýo, péva hína Hebron, opytáva Canaan retãme.
20Ha Abrahámpe g̃uarã opyta pe kokue ha pe itakuaguasu, imba’etee ramo ityvy rendag̃ua, ojoguava’ekue Het ra’ykuéragui.
Currently Selected:
Génesis 23: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 23
23
Sára omano ha oñeñotĩ
1Sára oikove 127 áño.
2Ha Sára omano Quiriatarbápe, péva hína Hebron, Canaan retãme; Abraham oñembyasy ha oguerojahe’o ichupe.
3Ha opu’ã Abraham, hembireko re’õngue ypýgui, oho oñe’ẽ hag̃ua umi Het ra’ykuéra ndive, ha he’i:
4Tetã ambueygua ramo aiko pende apytépe; peme’ẽmína chéve yvy aguereko hag̃ua che tyvy (sepultúra) pende apytépe, ha añotỹ hag̃ua che rembireko re’õngue oĩva che resa renondépe.
5Ha umi Het ra’ykuéra he’i Abrahámpe:
6Orerendumína, nde karaiguasu: Nde ningo Jahve rembiguái ruvicha ore apytépe; ore tyvy iporãvéva eiporu katu reñotỹ hag̃ua ne rembireko re’õngue; orekuéra apytégui avave nombotovemo’ãi ndehegui ityvy, ha avave nde’imo’ãi ndéve upépe ani hag̃ua reñotỹ ne rembireko retekue.
7Ha Abraham opu’ã ha oñakãity umi tetãygua, Het ra’ykuéra renondépe.
8Ha oñe’ẽ hendivekuéra he’ívo: Peipota ramo añoty ko’ápe che rembireko retekue, oĩva che rógape, cherendumíkena, ha peñe’ẽ cherehe Efron, Zohar ra’y ndive,
9ha’e ome’ẽ hag̃ua chéve pe Macpéla pegua itakuaguasu, oguerekóva ijyvy rembe’ýpe; hepyteépe tome’ẽ chéve, aguereko hag̃ua che tyvy rendag̃ua pende apytépe.
10Ko Efron oĩhína umi Het ra’ykuéra apytépe; ha Efron he’i Abrahámpe, ambue Het ra’ykuéra rovake, ha opaite umi oikéva guive pe táva rokẽ rupi:
11Nahániri, nde che karai, cherendumína: Ame’ẽ ndéve pe kokue, ha ame’ẽ avei ndéve pe itakuaguasu oĩva ipype; ko’ã che retã ra’ykuéra rovake ame’ẽmba ndéve; eñotỹ katu upépe ne rembireko retekue.
12Upéramo Abraham oñakãity umi tetãygua renondépe,
13ha he’i Efrónpe, hetãyguakuéra rovake: Nde raẽ cherendumína, ikatu ramo. Che ame’ẽta ndéve pe kokue repytee; eraha chehegui, añotỹkuaa hag̃ua ipype che rembireko retekue.
14Ha Efron oñe’ẽ jevy Abrahámpe, ha he’i:
15Che karai, cherendumína: Pe kokue repy ningo ohupity 400 síclo (péva 4,46 kílo pláta) ha mba’éiko upéva chéve ha ndéve g̃uarã. Eñotỹ katu upépe ne rembireko retekue.
16Upéramo Abraham opaga Efrónpe ha oha’ã hekoitépe ibalánzape Efrónpe g̃uarã 400 síclo pláta ha’e he’i haguéicha, ojeporu háicha ñemuharanguéra apytépe, ha ome’ẽ ichupe Het ra’ykuéra rovake.
17Ha Efron ome’ẽ pe kokue oĩva Macpélape, Mámregui kuarahyresẽ gotýo, itakuaguasu reheve, ha opaite umi yvyra reheve, oĩva guive pe kokue mbytépe ha ijerekuévo,
18ha ombohasa Abrahámpe imba’etee ramo, umi Het ra’ykuéra ha mayma rovake oikevahína guive pe táva rokẽ rupi.
19Ko’ã mba’e rire Abraham oñotỹ hembireko Sárape pe itakuaguasu Macpéla peguápe, Mámregui kuarahyresẽ gotýo, péva hína Hebron, opytáva Canaan retãme.
20Ha Abrahámpe g̃uarã opyta pe kokue ha pe itakuaguasu, imba’etee ramo ityvy rendag̃ua, ojoguava’ekue Het ra’ykuéragui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.