Génesis 47
47
1Ha Jose ou oikuaaukapa hag̃ua faraónpe, ha he’i: Che ru ha che ryke’ykuéra, hymba tuicha ha michĩva ha opaite mba’e oguerekóva guive, ou Canaan retãgui, ha péina opyta hikuái Gosen yvýpe.
2Jose ningo oiporavo 5 ityke’ýra apytégui ogueraha hag̃ua faraon rendápe.
3Ha faraon oporandu ityke’yrakuérape: Mba’épe piko pemba’apo, ha he’i hikuái faraónpe: Ne rembiguaikuéra ovecha ha kavara rerekua, ore rukuéraicha avei.
4Ha he’i avei hikuái faraónpe: Roju roiko hag̃ua ne retãme; ndaiporivéima kapi’i ne rembiguái rymbakuérape g̃uarã, ipohýigui pe ñembyahýi Canaan retãme; upévare rojerure ndéve reheja hag̃ua ne rembiguaikuérape oiko Gosen yvýpe.
5Upéramo faraon oñe’ẽ Josépe, ha he’i: Nde ru ha nde ryke’ykuéra og̃uahẽma ne rendápe.
6Egípto retã opyta nde poguýpe, emohenda nde ru ha nde ryke’ykuérape pe yvy iporãveháme, topyta hikuái Gosen yvýpe ha rejohu ramo ijapytepekuéra kuimba’e ikatupyrýva, emoĩ ichupekuéra che rymbakuéra rerekua ramo.
7Ha Jose ogueraha avei itúva Jacóbope faraon rendápe; ha Jacóbo ohovasa faraónpe.
8Ha faraon oporandu Jacóbope: Mboýpa nde rekove añokuéra.
9Ha Jacóbo he’i faraónpe: 130 áño aguatáma ko yvy apére, mbovy ha ivai voi che rekove arakuéra, ha ndahupitýi che rukuéra añokuéra.
10Ha Jacóbo ohovasa rire faraónpe, osẽ hógagui.
11Péicha Jose omohenda itúva ha ityke’yrakuérape, Egípto yvy iporãveháme, Ramses yvýpe, faraon he’i haguéicha ichupe.
12Ha Jose omongaru itúva, ityke’yrakuéra ha mayma itúva rogayguápe; ha’e ome’ẽ ichupekuéra hi’upyrã ita’yrakuéra heta háicha.
13Ndaiporivéima hi’upy Egípto ha Canaan retãme, ipohyietereígui pe ñembyahyiguasuete.
14Ha Jose ombyatypa pe pirapire oĩva guive Egípto ha Canaan retãme, umi ojoguava’ekuégui hembi’urã; ha Jose ombyatypa pe pirapire faraon rógape.
15Opáma ramo pirapire Egípto ha Canaan retãme, opaite Egíptoygua ou Jose rendápe, ha he’i: Eme’ẽna oréve ore rembi’urã; mba’érehe piko romanombáta ne renondépe, opa haguére ore pirapire.
16Upérõ Jose he’i ichupekuéra: Opa ramo pende pirapire, peme’ẽ pene rymbakuéra ha che ame’ẽta peẽme pene rymbakuéra rehe pene rembi’urã.
17Ha ogueru hikuái hymbakuéra Jose rendápe, ha Jose omongaru Egiptoyguakuérape ikavajukuéra, ijovechakuéra, ikavarakuéra, ivakakuéra ha iburrokuéra repy rehe peteĩ áño pukukue.
18Opa rire pe áño ou jevy hikuái hendápe, ha he’i ichupe: Añetehápe noroñomíri ore járagui ore pirapire opa hague; ha ore rymbakuéra ore jára mba’epáma avei; mba’eve nahembyvéima ore járape g̃uarã ore rete ha ore yvýmante.
19Mba’érehe piko romanóta nde resakuéra renondépe, ha oñehundi reíta avei ore yvy; orejoguána oréve ha ore yvy avei, tembi’u rehe; ore ha ore yvy opyta hag̃ua faraon mba’erã, ha eme’ẽ oréve mba’e ra’ỹi ikatu hag̃uáicha roikove ha ani romanombátei, ha anítei itapere ore yvy.
20Upémaramo Jose ojoguapaite pe Egípto yvy faraónpe g̃uarã; opaite Egiptoygua oñeme’ẽ ijyvykuéra reheve ohasa asyetereígui pe ñembyahýi rehe; ha pe yvy opytapa avei faraónpe g̃uarã.
21Upéicha opaite Egíptoygua opyta faraon rembiguái ramo, peteĩ Egípto retã apýra guive ambue apýra peve.
22Pa’ikuéra yvy añónte ndojejoguái, faraon yma guive omongaru rei ichupekuéra, upévare natekotevẽi ome’ẽ ijyvy hi’upyrã rehe.
23Ha Jose he’i umi tetãyguápe: Peikuaa porãke, ko árape che pojoguáma peẽme ha avei pende yvy faraónpe g̃uarã; pegueraha katu mba’e ra’ỹi peñemitỹ hag̃ua avei pende kokuépe.
24Ha pemono’õ rire peme’ẽva’erã cáda 5 vosa pembyatýva guive peteĩ vosa faraónpe g̃uarã ha umi ambue irundy vosa hembýva pene mba’erã peñemitỹ hag̃ua pende kokuépe ha pekaru hag̃ua hese peẽ, pende rogaygua ha pene mitãkuéra.
25Ha he’i ichupe hikuái: Nde resalváma ore rekove; rojohúgui py’aporã ore jára resa renondépe roikóta faraon rembiguái ramo.
26Upéramo Jose omoĩ tembiapoukapy ramo Egípto retãyguakuérape g̃uarã ko ára peve, cáda 5 vosa omono’õva guive hikuái oñeme’ẽva’erã peteĩvosa faraónpe g̃uarã. Umi pa’ikuérante natekotevẽi ome’ẽ mba’eve faraónpe, ijyvy opytágui ipoguýpe.
27Ha péicha Israel (Jacóbo) oiko Egípto retãme, Gosen yvýpe; ha upépe oiko hikuái ha oñemboheta hetave ohóvo.
28Jacóbo oikove Egípto retãme 17 año ha ohupitývo 147 año,
29og̃uahẽ pe ára Israel (Jacóbo) omano hag̃ua, upévare ha’e ohenoiuka ita’ýra Josépe, ha he’i ichupe: Ajohu ramo py’aporã nde resa renondépe, ajerure ndéve remoĩ hag̃ua nde po che retyma poguasu guýpe, ha eme’ẽ chéve ne ñe’ẽ nacheñotỹmo’ãiha ko Egípto retãme.
30Ha amano rire nde chereraháta Egíptogui cheñotỹ hag̃ua Canaánpe che rukuéra oñeñotỹ haguépe. Ha Jose he’i ichupe: Ajapopáta, nde ere haichaite.
31Ha Israel he’i: Eme’ẽ chéve ne ñe’ẽ Ñanderuete rérape. Ha Jose ome’ẽ iñe’ẽ itúvape Ñanderuete rérape. Upéramo Israel oñeno hupápe.
Currently Selected:
Génesis 47: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 47
47
1Ha Jose ou oikuaaukapa hag̃ua faraónpe, ha he’i: Che ru ha che ryke’ykuéra, hymba tuicha ha michĩva ha opaite mba’e oguerekóva guive, ou Canaan retãgui, ha péina opyta hikuái Gosen yvýpe.
2Jose ningo oiporavo 5 ityke’ýra apytégui ogueraha hag̃ua faraon rendápe.
3Ha faraon oporandu ityke’yrakuérape: Mba’épe piko pemba’apo, ha he’i hikuái faraónpe: Ne rembiguaikuéra ovecha ha kavara rerekua, ore rukuéraicha avei.
4Ha he’i avei hikuái faraónpe: Roju roiko hag̃ua ne retãme; ndaiporivéima kapi’i ne rembiguái rymbakuérape g̃uarã, ipohýigui pe ñembyahýi Canaan retãme; upévare rojerure ndéve reheja hag̃ua ne rembiguaikuérape oiko Gosen yvýpe.
5Upéramo faraon oñe’ẽ Josépe, ha he’i: Nde ru ha nde ryke’ykuéra og̃uahẽma ne rendápe.
6Egípto retã opyta nde poguýpe, emohenda nde ru ha nde ryke’ykuérape pe yvy iporãveháme, topyta hikuái Gosen yvýpe ha rejohu ramo ijapytepekuéra kuimba’e ikatupyrýva, emoĩ ichupekuéra che rymbakuéra rerekua ramo.
7Ha Jose ogueraha avei itúva Jacóbope faraon rendápe; ha Jacóbo ohovasa faraónpe.
8Ha faraon oporandu Jacóbope: Mboýpa nde rekove añokuéra.
9Ha Jacóbo he’i faraónpe: 130 áño aguatáma ko yvy apére, mbovy ha ivai voi che rekove arakuéra, ha ndahupitýi che rukuéra añokuéra.
10Ha Jacóbo ohovasa rire faraónpe, osẽ hógagui.
11Péicha Jose omohenda itúva ha ityke’yrakuérape, Egípto yvy iporãveháme, Ramses yvýpe, faraon he’i haguéicha ichupe.
12Ha Jose omongaru itúva, ityke’yrakuéra ha mayma itúva rogayguápe; ha’e ome’ẽ ichupekuéra hi’upyrã ita’yrakuéra heta háicha.
13Ndaiporivéima hi’upy Egípto ha Canaan retãme, ipohyietereígui pe ñembyahyiguasuete.
14Ha Jose ombyatypa pe pirapire oĩva guive Egípto ha Canaan retãme, umi ojoguava’ekuégui hembi’urã; ha Jose ombyatypa pe pirapire faraon rógape.
15Opáma ramo pirapire Egípto ha Canaan retãme, opaite Egíptoygua ou Jose rendápe, ha he’i: Eme’ẽna oréve ore rembi’urã; mba’érehe piko romanombáta ne renondépe, opa haguére ore pirapire.
16Upérõ Jose he’i ichupekuéra: Opa ramo pende pirapire, peme’ẽ pene rymbakuéra ha che ame’ẽta peẽme pene rymbakuéra rehe pene rembi’urã.
17Ha ogueru hikuái hymbakuéra Jose rendápe, ha Jose omongaru Egiptoyguakuérape ikavajukuéra, ijovechakuéra, ikavarakuéra, ivakakuéra ha iburrokuéra repy rehe peteĩ áño pukukue.
18Opa rire pe áño ou jevy hikuái hendápe, ha he’i ichupe: Añetehápe noroñomíri ore járagui ore pirapire opa hague; ha ore rymbakuéra ore jára mba’epáma avei; mba’eve nahembyvéima ore járape g̃uarã ore rete ha ore yvýmante.
19Mba’érehe piko romanóta nde resakuéra renondépe, ha oñehundi reíta avei ore yvy; orejoguána oréve ha ore yvy avei, tembi’u rehe; ore ha ore yvy opyta hag̃ua faraon mba’erã, ha eme’ẽ oréve mba’e ra’ỹi ikatu hag̃uáicha roikove ha ani romanombátei, ha anítei itapere ore yvy.
20Upémaramo Jose ojoguapaite pe Egípto yvy faraónpe g̃uarã; opaite Egiptoygua oñeme’ẽ ijyvykuéra reheve ohasa asyetereígui pe ñembyahýi rehe; ha pe yvy opytapa avei faraónpe g̃uarã.
21Upéicha opaite Egíptoygua opyta faraon rembiguái ramo, peteĩ Egípto retã apýra guive ambue apýra peve.
22Pa’ikuéra yvy añónte ndojejoguái, faraon yma guive omongaru rei ichupekuéra, upévare natekotevẽi ome’ẽ ijyvy hi’upyrã rehe.
23Ha Jose he’i umi tetãyguápe: Peikuaa porãke, ko árape che pojoguáma peẽme ha avei pende yvy faraónpe g̃uarã; pegueraha katu mba’e ra’ỹi peñemitỹ hag̃ua avei pende kokuépe.
24Ha pemono’õ rire peme’ẽva’erã cáda 5 vosa pembyatýva guive peteĩ vosa faraónpe g̃uarã ha umi ambue irundy vosa hembýva pene mba’erã peñemitỹ hag̃ua pende kokuépe ha pekaru hag̃ua hese peẽ, pende rogaygua ha pene mitãkuéra.
25Ha he’i ichupe hikuái: Nde resalváma ore rekove; rojohúgui py’aporã ore jára resa renondépe roikóta faraon rembiguái ramo.
26Upéramo Jose omoĩ tembiapoukapy ramo Egípto retãyguakuérape g̃uarã ko ára peve, cáda 5 vosa omono’õva guive hikuái oñeme’ẽva’erã peteĩvosa faraónpe g̃uarã. Umi pa’ikuérante natekotevẽi ome’ẽ mba’eve faraónpe, ijyvy opytágui ipoguýpe.
27Ha péicha Israel (Jacóbo) oiko Egípto retãme, Gosen yvýpe; ha upépe oiko hikuái ha oñemboheta hetave ohóvo.
28Jacóbo oikove Egípto retãme 17 año ha ohupitývo 147 año,
29og̃uahẽ pe ára Israel (Jacóbo) omano hag̃ua, upévare ha’e ohenoiuka ita’ýra Josépe, ha he’i ichupe: Ajohu ramo py’aporã nde resa renondépe, ajerure ndéve remoĩ hag̃ua nde po che retyma poguasu guýpe, ha eme’ẽ chéve ne ñe’ẽ nacheñotỹmo’ãiha ko Egípto retãme.
30Ha amano rire nde chereraháta Egíptogui cheñotỹ hag̃ua Canaánpe che rukuéra oñeñotỹ haguépe. Ha Jose he’i ichupe: Ajapopáta, nde ere haichaite.
31Ha Israel he’i: Eme’ẽ chéve ne ñe’ẽ Ñanderuete rérape. Ha Jose ome’ẽ iñe’ẽ itúvape Ñanderuete rérape. Upéramo Israel oñeno hupápe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.