Génesis 50
50
Jacóbo oñeñotĩ
1Upérõ Jose ojeity itúva rova ári, ojahe’o ha ohetũmba ichupe.
2Ha Jose he’i hembiguaikuérape, umi pohãnohárape omona hag̃ua pohã itúva retekue rehe ani hag̃ua oñembyai, ha umi pohãnohára upéicha ojapo Israel retekue rehe.
3Ha’ekuéra omba’apo hese 40 ára, upéicha hi’are ani hag̃ua oñembyai hetekue, ha umi Egíptoygua oguerojahe’o ichupe 70 ára pukukue.
4Ha ohasapávo ñembyasyha arakuéra, Jose oñe’ẽ faraon rogayguakuérape, ha he’i: Ajohu ramo py’a porã pende resa renondépe, ajerure peẽme peñe’ẽ hag̃ua faraon apysápe, pejévo:
5Che ame’ẽma che rúpe che ñe’ẽ, ha’e omano rire che arahataha hetekue añotỹ hag̃ua Canaan retãme, itúva tyvy oĩháme, upévare ajerure ndéve, aha hag̃ua añotỹ che rúpe, ha upéi aju jevýta.
6Ha faraon he’i: Tereho ha eñotỹ nde rúpe, nde reñe’ẽme’ẽ haguéicha nde Jára renondépe.
7Upéramo Jose oho oñotỹ hag̃ua itúvape; ha hendive oho avei faraon rembiguaikuéra, ha heta Egípto pegua karaiguasukuéra,
8ha opaite Jose rogaygua, ityke’yrakuéra ha itúva rogaygua; opytánte Gosen yvýpe imitãkuéra ha hymba atykuéra.
9Péicha heta kavaju arigua ha heta cárro oho oñondive, ha oiko peteĩ aty ndetuicháva.
10Ha og̃uahẽ hikuái Goren Ha Atad ñemitỹha renda peve, opytáva Jordan mboypýri ha upépe heta ojahe’o asy hikuái; ha Jose oguerombyasy itúvape 7 ára pukukue.
11Ha umi Canaangua ohechávo pe jahe’o oikóva Goren ha Atad ñemitỹha rendápe, he’i joa hikuái: Jahe’oguasu ningo ojapo umi Egiptoygua, upévare oñembohéra pe tenda Abelmisraim, opytáva Jordan mboypýri.
12Ha ita’yrakuéra ojapopa Jacóbo he’i hagueichaite.
13Ita’yrakuéra ogueraha ichupe Canaan retãme, ha oñotỹ ichupe Macpéla ñu megua itakuaguasúpe, Abraham ojoguava’ekue iñu reheve, Efron, pe Hetguágui opyta hag̃ua ityvy rendag̃ua ramo.
14Ha Jose oñotỹ rire itúvape oho jevy Egíptope, ityke’yrakuéra ha mayma ouva’ekue ndive.
Jose ñemano
15Jose ryke’ykuéra ohechávo itúva omano hague, he’i ojupe hikuái: Ko’ág̃a Jose ipy’aróta ñanendive, ha omyengoviáta ñandéve opaite mba’evai jajapova’ekue hese.
16Ha he’iuka hikuái Josépe: Nde ru, omano mboyve he’iuka:
17Péicha pejéta Josépe: Ajerure ndéve reperdona hag̃ua nde ryke’ykuéra ñañangue ha hembiapo vai ojapova’ekue nderehe, upévare rojerure ndéve ko’ág̃a reperdona hag̃ua nde ru Jára rembiguaikuérape. Ha Jose oñembyasyete ha ojahe’o ohendúvo iñe’ẽnguéra.
18Ha ityke’yrakuéra ou ha oñesũ henondépe, ha he’i: Roju roiko hag̃ua ne rembiguái ramo.
19Ha Jose he’i ichupekuéra: Ani pekyhyjétei; che nga’u piko aime Ñanderuete rendaguépe.
20Añetehápe peẽ pejapo mba’e ivaíva cherehe, Ñanderuete katu ombohape mba’eporãme, Ha’e voi ojapo porãmba jahecha háicha ko árape, omoingove jevy hag̃ua ko tetãguasu kóvape.
21Ko’ág̃a aníke pekyhyjétei; che pomongarúta peẽme ha pende ra’ykuérape. Péicha ha’e omoangapyhy ichupekuéra, ha oñe’ẽ porã ichupekuéra.
22Ha oiko Jose Egíptope, ha’e ha itúva rogaygua ndive; ha Jose ohupity 110 áño.
23Ha Jose ohecha, Efrain ñemoñare ra’ykuéra peve; Maquir ra’ykuéra okakuaapa avei Jose renypy’ã ári; Maquir, Manases ra’y.
24Ha Jose he’i ityke’yrakuérape: Che amanótama; ha añetehápe Ñanderuete pendereraha jevýta Egíptogui Canaan retãme, pe yvy oñeme’ẽva’ekue Abraham, Isaac ha Jacóbope.
25Ha Jose he’i Israel ra’ykuérape: Peme’ẽ chéve pene ñe’ẽ, Ñanderuete ou ramo pendereraha hag̃ua Canaan retãme peguerahataha katuete avei che retekue.
26Ha Jose ohupitývo 110 áño omano ha hembiguaikuéra omona hetekue rehe pohã ani hag̃ua hetekue oñembyai, ha omoĩ hetekue peteĩ karameg̃uáme ojejapo háicha Egípto retãme.
Currently Selected:
Génesis 50: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Génesis 50
50
Jacóbo oñeñotĩ
1Upérõ Jose ojeity itúva rova ári, ojahe’o ha ohetũmba ichupe.
2Ha Jose he’i hembiguaikuérape, umi pohãnohárape omona hag̃ua pohã itúva retekue rehe ani hag̃ua oñembyai, ha umi pohãnohára upéicha ojapo Israel retekue rehe.
3Ha’ekuéra omba’apo hese 40 ára, upéicha hi’are ani hag̃ua oñembyai hetekue, ha umi Egíptoygua oguerojahe’o ichupe 70 ára pukukue.
4Ha ohasapávo ñembyasyha arakuéra, Jose oñe’ẽ faraon rogayguakuérape, ha he’i: Ajohu ramo py’a porã pende resa renondépe, ajerure peẽme peñe’ẽ hag̃ua faraon apysápe, pejévo:
5Che ame’ẽma che rúpe che ñe’ẽ, ha’e omano rire che arahataha hetekue añotỹ hag̃ua Canaan retãme, itúva tyvy oĩháme, upévare ajerure ndéve, aha hag̃ua añotỹ che rúpe, ha upéi aju jevýta.
6Ha faraon he’i: Tereho ha eñotỹ nde rúpe, nde reñe’ẽme’ẽ haguéicha nde Jára renondépe.
7Upéramo Jose oho oñotỹ hag̃ua itúvape; ha hendive oho avei faraon rembiguaikuéra, ha heta Egípto pegua karaiguasukuéra,
8ha opaite Jose rogaygua, ityke’yrakuéra ha itúva rogaygua; opytánte Gosen yvýpe imitãkuéra ha hymba atykuéra.
9Péicha heta kavaju arigua ha heta cárro oho oñondive, ha oiko peteĩ aty ndetuicháva.
10Ha og̃uahẽ hikuái Goren Ha Atad ñemitỹha renda peve, opytáva Jordan mboypýri ha upépe heta ojahe’o asy hikuái; ha Jose oguerombyasy itúvape 7 ára pukukue.
11Ha umi Canaangua ohechávo pe jahe’o oikóva Goren ha Atad ñemitỹha rendápe, he’i joa hikuái: Jahe’oguasu ningo ojapo umi Egiptoygua, upévare oñembohéra pe tenda Abelmisraim, opytáva Jordan mboypýri.
12Ha ita’yrakuéra ojapopa Jacóbo he’i hagueichaite.
13Ita’yrakuéra ogueraha ichupe Canaan retãme, ha oñotỹ ichupe Macpéla ñu megua itakuaguasúpe, Abraham ojoguava’ekue iñu reheve, Efron, pe Hetguágui opyta hag̃ua ityvy rendag̃ua ramo.
14Ha Jose oñotỹ rire itúvape oho jevy Egíptope, ityke’yrakuéra ha mayma ouva’ekue ndive.
Jose ñemano
15Jose ryke’ykuéra ohechávo itúva omano hague, he’i ojupe hikuái: Ko’ág̃a Jose ipy’aróta ñanendive, ha omyengoviáta ñandéve opaite mba’evai jajapova’ekue hese.
16Ha he’iuka hikuái Josépe: Nde ru, omano mboyve he’iuka:
17Péicha pejéta Josépe: Ajerure ndéve reperdona hag̃ua nde ryke’ykuéra ñañangue ha hembiapo vai ojapova’ekue nderehe, upévare rojerure ndéve ko’ág̃a reperdona hag̃ua nde ru Jára rembiguaikuérape. Ha Jose oñembyasyete ha ojahe’o ohendúvo iñe’ẽnguéra.
18Ha ityke’yrakuéra ou ha oñesũ henondépe, ha he’i: Roju roiko hag̃ua ne rembiguái ramo.
19Ha Jose he’i ichupekuéra: Ani pekyhyjétei; che nga’u piko aime Ñanderuete rendaguépe.
20Añetehápe peẽ pejapo mba’e ivaíva cherehe, Ñanderuete katu ombohape mba’eporãme, Ha’e voi ojapo porãmba jahecha háicha ko árape, omoingove jevy hag̃ua ko tetãguasu kóvape.
21Ko’ág̃a aníke pekyhyjétei; che pomongarúta peẽme ha pende ra’ykuérape. Péicha ha’e omoangapyhy ichupekuéra, ha oñe’ẽ porã ichupekuéra.
22Ha oiko Jose Egíptope, ha’e ha itúva rogaygua ndive; ha Jose ohupity 110 áño.
23Ha Jose ohecha, Efrain ñemoñare ra’ykuéra peve; Maquir ra’ykuéra okakuaapa avei Jose renypy’ã ári; Maquir, Manases ra’y.
24Ha Jose he’i ityke’yrakuérape: Che amanótama; ha añetehápe Ñanderuete pendereraha jevýta Egíptogui Canaan retãme, pe yvy oñeme’ẽva’ekue Abraham, Isaac ha Jacóbope.
25Ha Jose he’i Israel ra’ykuérape: Peme’ẽ chéve pene ñe’ẽ, Ñanderuete ou ramo pendereraha hag̃ua Canaan retãme peguerahataha katuete avei che retekue.
26Ha Jose ohupitývo 110 áño omano ha hembiguaikuéra omona hetekue rehe pohã ani hag̃ua hetekue oñembyai, ha omoĩ hetekue peteĩ karameg̃uáme ojejapo háicha Egípto retãme.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.