Lúcas 4
4
Satana oipy’ara’ã Hesúpe
1Hesu, henyhẽ Pytu Porãmbávagui, ojei ysyry Jordángui ha pe Pytu Porãmbáva ogueraha ichupe desiértope,
2Satana oipy’ara’ã hag̃ua ichupe 40 ára pukukue. Ha umi ára pukukue rupi ndo’úi mba’evete ha ohasapa rire umi 40 ára Ha’e iñembyahýi.
3Upérõ Satana he’i Hesúpe: Nde ramo añetehápe Ñanderuete Ra’y, ere ko ita kóvape toiko ichugui pan.
4Hesu katu ombohovái ichupe: Ñanderuete kuatiañe’ẽme he’i: Napan añói rehe oikovekuaa kuimba’e ha kuñakuéra Ñanderuete ñe’ẽ rehe uvei, (Deuteronómio 8,3).
5Upéi Satana ogueraha Hesúpe peteĩ cérro yvate ári ha peteĩ tesa pirĩme ohechauka ichupe opaite tetãnguéra oĩva yvy apére.
6Ha Satana he’i Hesúpe: Opaite ko’ã tetã ko’ãva, ipu’aka ha opaite imba’e porã reheve amoĩmbáta opaite ko’ã mba’e nde poguýpe, che poguýpe oñemoĩmava’ekue, ha che ame’ẽta ame’ẽsévape.
7Nde reñesũ ramo che renondépe ha reñembo’e ramo chéve, che amoĩmbáta nde poguýpe.
8Hesu katu ombohovái ichupe: Ñanderuete kuatiañe’ẽme he’i: Nde reñembo’eva’erã Ñanderuetépe, ha ichupe añónte reserviva’erã, (Deuteronómio 6,13-14).
9Uperire Satana ogueraha Hesúpe Jerusalénpe, ha omoñembo’y ichupe Ñanderuete rogaguasu ape ári ha he’i ichupe: Nde ramo Ñanderuete Ra’y, ejeity ko’águi yvýpe,
10ojehai ningo pende Ruete kuatiañe’ẽme: Pende Ruete omboúta hi’angelkuéra oñangareko hag̃ua nderehe, (Salmokuéra 91,11-12)
11nde reraha ipópe ani hag̃ua nde py jepe oñembota peteĩ ita rehe.
12Hesu katu ombohovái ichupe: Oje’e avei: Ani reipy’ara’ã Ñanderuete, nde Járape.
13Ha Satana oipy’ara’ãmba rire, opoi sapy’a Hesúgui ha oho, (Deuteronómio 6,16).
Hesu oñepyrũ hembiapo Galiléape
14Ko’ã mba’e rire Hesu ojevy Galiléa departaméntope Pytu Porãmbáva pu’akapype, ha Hesu rerakuã porã oñemosarambi opaite ko departamentopýre.
15Ha Hesu oporombo’e Ñanderuete rogakuérape ha opavave oñe’ẽ porã hese ha ombotuicha ichupe.
16Upéi oho Nazarétpe, Ha’e okakuaa haguépe, ha ijepokuaa háicha, oike sábado ára Ñanderuete rógape, ha opu’ã omoñe’ẽ hag̃ua Ñanderuete kuatiañe’ẽ.
17Ha oñeme’ẽ ichupe pe proféta Isaías kuatiañe’ẽ ha Hesu oipe’ávo pe kuatiañe’ẽ, omoñe’ẽ ko ñe’ẽ kóva:
18Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,
19amombe’u hag̃ua og̃uahẽmaha pe áño Ñanderuete ombovy’ataha tetãyguakuérape (Isaías 61,1-2).
20Ha omboty jevy pe kuatiañe’ẽ ha ome’ẽ rire peteĩ tembiguáipe, Hesu oguapy. Ha opaite oúva guive Ñanderuete rógape ojesareko hese.
21Upérõ Hesu oñepyrũ he’i ichupekuéra: Ko ára kóvape oikóma ko ñe’ẽ pehenduramóva.
22Ha opaite ohendúva guive iñe’ẽ ovy’aite hendive ha oñe’ẽ porã hese he’ívo: Ndaha’éi piko kóva Jose ra’y.
23Hesu he’i ichupekuéra: Peẽ ikatu peje chéve ko ñe’ẽ kóva: Nde pohãnohára eñepohãno ndejupe raẽ. Heta mba’eporã ningo rohendu rejapo hague Capernaúmpe, ejapóna ko’ã mba’e avei nde valleteépe.
24Ha Hesu he’ive: Añetehápe, Che ha’e peẽme: Ndaipóri peteĩ proféta oñembotuicháva ivalleteépe.
25Añetehápe Che ha’e peẽme: Heta viúda oikova’ekue Israel retãme, Elías oikove ramoguare, ha ndokyvéi ramoguare mbohapy áño ha 6 jasy, ha oñemyasãi ramoguare ñembyahýi tuichaitéva opaite Israel retãme.
26Ha oñemondónte Elíaspe tava’i Saréptape, Sidon peguápe, oipytyvõ hag̃ua peteĩnte viúdape.
27Ha oĩ avei heta iléprava pe proféta Eliséo oiko ramoguare, ha ha’e omonguera peteĩ Siriayguápente, hérava Naaman.
28Ohendúvo ko’ã mba’e, opaite oñembyatýva guive Ñanderuete rógape ipochyeterei Hesu ndive.
29Ha oñemoĩ hikuái hese, omosẽvo ichupe ivállegui ha ogueraha hikuái Hesúpe peteĩ cérro ru’ãme oity hag̃ua ichupe.
30Ha’e katu ohasa imbyte rupi ha ojei ijapyteguikuéra.
Hesu omosẽ peteĩ mba’epochýpe
31Nazarétgui Hesu oho Capernaum, Galiléa peguápe, ha ombo’e ichupekuéra sábado árape.
32Ha ohecharamo hikuái Ha’e oporombo’e háicha, oñe’ẽgui pu’aka reheve.
33Ha Ñanderuete rógape oĩ peteĩ kuimba’e ipype oikóva peteĩ mba’epochy, ha kóva osapukái hatã he’ívo:
34Mba’e piko ore roguereko nendive, nde Hesu Nazaretgua, rejúpa orehundívo; che roikuaa porã, Nde ningo Yvága Jára remimbou Heko porãva.
35Hesu katu oja’o ichupe ha he’i: Ekirirĩ ha esẽ ichugui. Ha pe mba’epochy osẽvo pe kuimba’égui oity ichupe ha oho ojapo vai’ỹre hese mba’eve.
36Ha oñemondyipa hikuái, ha oñe’ẽ joa oñondive ha he’i: Mba’eichagua ñe’ẽ piko kóva, ko kuimba’e imbarete ha ipu’aka, ha mba’epochy jepe iñe’ẽrendu ichupe ha osẽmba hikuái.
37Ko mba’e kóva oñemyasãi oparupiete pe tetãme.
38Hesu osẽvo Ñanderuete rógagui oike Simon Pédro rógape, ha hembireko sy iñakãnundu tuicha, ha ojerure hikuái Hesúpe hese.
39Hesu ojayvy hi’ári ha okorõi pe akãnundúpe, ha upevove pe akãnundu opiete ichugui, upérõ ha’e opu’ã pya’e oservi hag̃ua ichupekuéra.
40Ha oikévo pe kuarahy ogueru hikuái Hesu rendápe opaichagua hasýva, opaite oguerekóva guive hasýva hógape ogueru hikuái hendápe, ha Hesu omoĩ ipo umi hasýva ári ha omonguerapa ichupekuéra.
41Osẽ avei heta mba’epochy, ha sapukaipópe he’i hikuái: Nde ningo Yvága Jára Ra’y, Ha’e katu okorõi mba’epochykuérape ha ndohejái ha’ekuéra oñe’ẽ. Ha’ekuéra oikuaa porã voi Hesu pe Cristoha.
42Ha iko’ẽmbávo, Hesu osẽ Capernaúmgui ha oho peteĩ desiértope. Hetãyguakuéra katu oheka joa ichupe, ha ojohúvo Hesúpe ojokose ichupe anive hag̃ua oheja ichupekuéra.
43Ha’e katu he’i ichupekuéra: Che amyasãiva’erã avei ko evangélio kóva ambue tavakuérape, aikuaauka hag̃ua Ñanderuete retãguasu, upevarã ningo Ñanderuete chembouva’ekue.
44Upéicha Hesu omombe’u pe evangélio opaite Ñanderuete rógape oĩva Juda departaméntope.
Currently Selected:
Lúcas 4: ÑÑP2015
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.
Lúcas 4
4
Satana oipy’ara’ã Hesúpe
1Hesu, henyhẽ Pytu Porãmbávagui, ojei ysyry Jordángui ha pe Pytu Porãmbáva ogueraha ichupe desiértope,
2Satana oipy’ara’ã hag̃ua ichupe 40 ára pukukue. Ha umi ára pukukue rupi ndo’úi mba’evete ha ohasapa rire umi 40 ára Ha’e iñembyahýi.
3Upérõ Satana he’i Hesúpe: Nde ramo añetehápe Ñanderuete Ra’y, ere ko ita kóvape toiko ichugui pan.
4Hesu katu ombohovái ichupe: Ñanderuete kuatiañe’ẽme he’i: Napan añói rehe oikovekuaa kuimba’e ha kuñakuéra Ñanderuete ñe’ẽ rehe uvei, (Deuteronómio 8,3).
5Upéi Satana ogueraha Hesúpe peteĩ cérro yvate ári ha peteĩ tesa pirĩme ohechauka ichupe opaite tetãnguéra oĩva yvy apére.
6Ha Satana he’i Hesúpe: Opaite ko’ã tetã ko’ãva, ipu’aka ha opaite imba’e porã reheve amoĩmbáta opaite ko’ã mba’e nde poguýpe, che poguýpe oñemoĩmava’ekue, ha che ame’ẽta ame’ẽsévape.
7Nde reñesũ ramo che renondépe ha reñembo’e ramo chéve, che amoĩmbáta nde poguýpe.
8Hesu katu ombohovái ichupe: Ñanderuete kuatiañe’ẽme he’i: Nde reñembo’eva’erã Ñanderuetépe, ha ichupe añónte reserviva’erã, (Deuteronómio 6,13-14).
9Uperire Satana ogueraha Hesúpe Jerusalénpe, ha omoñembo’y ichupe Ñanderuete rogaguasu ape ári ha he’i ichupe: Nde ramo Ñanderuete Ra’y, ejeity ko’águi yvýpe,
10ojehai ningo pende Ruete kuatiañe’ẽme: Pende Ruete omboúta hi’angelkuéra oñangareko hag̃ua nderehe, (Salmokuéra 91,11-12)
11nde reraha ipópe ani hag̃ua nde py jepe oñembota peteĩ ita rehe.
12Hesu katu ombohovái ichupe: Oje’e avei: Ani reipy’ara’ã Ñanderuete, nde Járape.
13Ha Satana oipy’ara’ãmba rire, opoi sapy’a Hesúgui ha oho, (Deuteronómio 6,16).
Hesu oñepyrũ hembiapo Galiléape
14Ko’ã mba’e rire Hesu ojevy Galiléa departaméntope Pytu Porãmbáva pu’akapype, ha Hesu rerakuã porã oñemosarambi opaite ko departamentopýre.
15Ha Hesu oporombo’e Ñanderuete rogakuérape ha opavave oñe’ẽ porã hese ha ombotuicha ichupe.
16Upéi oho Nazarétpe, Ha’e okakuaa haguépe, ha ijepokuaa háicha, oike sábado ára Ñanderuete rógape, ha opu’ã omoñe’ẽ hag̃ua Ñanderuete kuatiañe’ẽ.
17Ha oñeme’ẽ ichupe pe proféta Isaías kuatiañe’ẽ ha Hesu oipe’ávo pe kuatiañe’ẽ, omoñe’ẽ ko ñe’ẽ kóva:
18Ñanderuete Pytu Porãitéva oĩ cheári, cheporavomava’ekue chemonávo acéitepe amombe’u hag̃ua pe evangélio mboriahukuérape, ambopy’aguapy hag̃ua umi ojepy’apývape, ajora hag̃ua umi oñeñapytĩvape, ha aipe’a hag̃ua cárcel rokẽnguéra,
19amombe’u hag̃ua og̃uahẽmaha pe áño Ñanderuete ombovy’ataha tetãyguakuérape (Isaías 61,1-2).
20Ha omboty jevy pe kuatiañe’ẽ ha ome’ẽ rire peteĩ tembiguáipe, Hesu oguapy. Ha opaite oúva guive Ñanderuete rógape ojesareko hese.
21Upérõ Hesu oñepyrũ he’i ichupekuéra: Ko ára kóvape oikóma ko ñe’ẽ pehenduramóva.
22Ha opaite ohendúva guive iñe’ẽ ovy’aite hendive ha oñe’ẽ porã hese he’ívo: Ndaha’éi piko kóva Jose ra’y.
23Hesu he’i ichupekuéra: Peẽ ikatu peje chéve ko ñe’ẽ kóva: Nde pohãnohára eñepohãno ndejupe raẽ. Heta mba’eporã ningo rohendu rejapo hague Capernaúmpe, ejapóna ko’ã mba’e avei nde valleteépe.
24Ha Hesu he’ive: Añetehápe, Che ha’e peẽme: Ndaipóri peteĩ proféta oñembotuicháva ivalleteépe.
25Añetehápe Che ha’e peẽme: Heta viúda oikova’ekue Israel retãme, Elías oikove ramoguare, ha ndokyvéi ramoguare mbohapy áño ha 6 jasy, ha oñemyasãi ramoguare ñembyahýi tuichaitéva opaite Israel retãme.
26Ha oñemondónte Elíaspe tava’i Saréptape, Sidon peguápe, oipytyvõ hag̃ua peteĩnte viúdape.
27Ha oĩ avei heta iléprava pe proféta Eliséo oiko ramoguare, ha ha’e omonguera peteĩ Siriayguápente, hérava Naaman.
28Ohendúvo ko’ã mba’e, opaite oñembyatýva guive Ñanderuete rógape ipochyeterei Hesu ndive.
29Ha oñemoĩ hikuái hese, omosẽvo ichupe ivállegui ha ogueraha hikuái Hesúpe peteĩ cérro ru’ãme oity hag̃ua ichupe.
30Ha’e katu ohasa imbyte rupi ha ojei ijapyteguikuéra.
Hesu omosẽ peteĩ mba’epochýpe
31Nazarétgui Hesu oho Capernaum, Galiléa peguápe, ha ombo’e ichupekuéra sábado árape.
32Ha ohecharamo hikuái Ha’e oporombo’e háicha, oñe’ẽgui pu’aka reheve.
33Ha Ñanderuete rógape oĩ peteĩ kuimba’e ipype oikóva peteĩ mba’epochy, ha kóva osapukái hatã he’ívo:
34Mba’e piko ore roguereko nendive, nde Hesu Nazaretgua, rejúpa orehundívo; che roikuaa porã, Nde ningo Yvága Jára remimbou Heko porãva.
35Hesu katu oja’o ichupe ha he’i: Ekirirĩ ha esẽ ichugui. Ha pe mba’epochy osẽvo pe kuimba’égui oity ichupe ha oho ojapo vai’ỹre hese mba’eve.
36Ha oñemondyipa hikuái, ha oñe’ẽ joa oñondive ha he’i: Mba’eichagua ñe’ẽ piko kóva, ko kuimba’e imbarete ha ipu’aka, ha mba’epochy jepe iñe’ẽrendu ichupe ha osẽmba hikuái.
37Ko mba’e kóva oñemyasãi oparupiete pe tetãme.
38Hesu osẽvo Ñanderuete rógagui oike Simon Pédro rógape, ha hembireko sy iñakãnundu tuicha, ha ojerure hikuái Hesúpe hese.
39Hesu ojayvy hi’ári ha okorõi pe akãnundúpe, ha upevove pe akãnundu opiete ichugui, upérõ ha’e opu’ã pya’e oservi hag̃ua ichupekuéra.
40Ha oikévo pe kuarahy ogueru hikuái Hesu rendápe opaichagua hasýva, opaite oguerekóva guive hasýva hógape ogueru hikuái hendápe, ha Hesu omoĩ ipo umi hasýva ári ha omonguerapa ichupekuéra.
41Osẽ avei heta mba’epochy, ha sapukaipópe he’i hikuái: Nde ningo Yvága Jára Ra’y, Ha’e katu okorõi mba’epochykuérape ha ndohejái ha’ekuéra oñe’ẽ. Ha’ekuéra oikuaa porã voi Hesu pe Cristoha.
42Ha iko’ẽmbávo, Hesu osẽ Capernaúmgui ha oho peteĩ desiértope. Hetãyguakuéra katu oheka joa ichupe, ha ojohúvo Hesúpe ojokose ichupe anive hag̃ua oheja ichupekuéra.
43Ha’e katu he’i ichupekuéra: Che amyasãiva’erã avei ko evangélio kóva ambue tavakuérape, aikuaauka hag̃ua Ñanderuete retãguasu, upevarã ningo Ñanderuete chembouva’ekue.
44Upéicha Hesu omombe’u pe evangélio opaite Ñanderuete rógape oĩva Juda departaméntope.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñanderuete Ñe’ẽ Porã © MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015.