Kula ɗa Njeka̰ykulaje 3
3
Njeməndə gə aji
1Logə kar dəji Luba gə kar kumatagə asə ɗaa Piyɛr je gə Ja̰ d-aw naa gə gə kəy lə Luba.
2Be ɓa ꞌɗe gə dəw kara gə d-uji-e gə njeməndə d-unda ta kəy gə lə Luba gə ꞌɓar-ɛ Bɛl gə ndɔ-ndɔ d-ar aw kɔy ne dəwje gə d-aw gə kəy gə lə Luba. 3Logə n-o Piyɛr je gə Ja̰ gə ꞌɗe mba kandə kəy ɗaa, n-kɔy-je ne. 4Piyɛr je gə Ja̰ d-ɛ jii ngaɓa ꞌpa d-ar-ɛ na: A-si. 5Ɗaa ꞌne kara kəm-e tɔbə-je kadə-kadə ja tɔ ngaa n-unda m-e mba kinga ne ji-je gə. 6Ngaa Piyɛr pa ar-ɛ na: Lar ose maa kara godo ji-m gə, ngaa ne gə to ji-m gə nee ja m-ar-i, gə ri Jeju Kirisi gə Najarɛd, ḭ taar ɓo ꞌnja. 7Go-e gə ɗaa Piyɛr ula ji-a uwa ji kɔl-ɛ ar-ɛ n-ḭ taar ngaɓa gə lo-e gə əng ja ngira gɔl-ɛje tudu wara-wara, 8n-al jagəra n-uru taar ɗaa n-nja. Cibi n-ɔdə n-andə gə je naa gə kəy lə Luba n-nja ngaɓa n-tal jagəra-jagəra n-ɔsə gaji Luba.
9Dəw mə ɓeje tɔ̰y ja d-o-e n-nja, ngaɓa n-ɔsə gaji Luba. 10Dəwje ꞌgər-e taar baa ja ɗaa ꞌpa na: To dəw gə nje kisi kɔy ne ta kəy gə lə Luba gə ꞌɓar-ɛ Bɛl le ang wa? Ɗaa ɓəəl unda-je badə gangə-je ngaɓa lo tar igi-je sɛl mba ne gə ce dɔ-ɛ gə le. 11Dəw nee le tiya̰ go Piyɛr je gə Ja̰ ɗaa dəw mə ɓeje tɔ̰y ja d-a̰y d-aw lo gə d-ar kəne gə ꞌɓar-ɛ ta kəy Salomo, mba ko ne gə dum kəji lə-je.
12Logə Piyɛr o be ɗaa təl un tar pa ar dəw mə ɓeje na: Sisəy dəwje gə Ijirayɛl mba ɗi ɓa oje ne gə nee le ɗaa lo tar igi si sɛl wa? Mba ɗi ɓa aje si be to to gə singamongə gə ḭ rɔ-sijee gə ose gə kila kuji dɔ Luba gə lə-sijee ja ɓa j-ar dəw nee le nja ne wa? 13Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar. 14Ngaa sisəy le ꞌmbadəje dəw gə to njerɔsangə ngaɓa to dəw gə gadə-gadə, cibi dəjije dəw gə nje tɔl dəwje ɓa ar-je d-ɔr-ɛ d-ila-a taar. 15Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje. 16Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.
17Ɓisine ɗaa ngan ko̰-mje, m-gərə to gə ne gə ꞌɗaje le to negərə ang ɓa o̰ dɔ si ɗəw kara to gə mbayje lə-si tɔ. 18Ngaa Luba tɔl ta ne gə ye pa kede ləw baa gə ndu pajambərəje lə-a tɔ̰y, tar gə ɔji dɔ ko məsərə lə Kirisi lə-a le.
19Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ. 20Be ɓa Mbayɓe a kar-si ndɔ kar kuwa kɔr ngaɓa ula Jeju, Kirisi gə Luba uwa dɔ gɔl-ɛ kede le. 21Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le. 22Moyiji pa na: Mbayɓe Luba lə-si a kɔr pajambərə gə to to gə ꞌma be kara horo ngan ko̰-si gə ɗaa a koje ndu-e dɔ ne tɔ̰y gə n-a pa kar-si. 23Ngaa dəw gə ɓo mbadə ko ndu pajambərə le nama d-a tuj-e pugudu horo-si gə. 24Pajambərəje tɔ̰y gə pa tar-ɛ, un kud-e dɔ Samɛl gə nje ta tor-eje kara d-ila mbərə gə ɔji dɔ ndɔje nee le. 25ꞌToje ngan lə pajambərəje ngaɓa gə kone gə Luba riya gə ka-sijee ngaɓa pa ne ar Abəraham na: Gəl kuji dəwje tɔ̰y dɔ nangə nee d-a kinga ndu tɔr ɗəw gə lə gəl kuji lə-i. 26Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.
Currently Selected:
Kula ɗa Njeka̰ykulaje 3: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Kula ɗa Njeka̰ykulaje 3
3
Njeməndə gə aji
1Logə kar dəji Luba gə kar kumatagə asə ɗaa Piyɛr je gə Ja̰ d-aw naa gə gə kəy lə Luba.
2Be ɓa ꞌɗe gə dəw kara gə d-uji-e gə njeməndə d-unda ta kəy gə lə Luba gə ꞌɓar-ɛ Bɛl gə ndɔ-ndɔ d-ar aw kɔy ne dəwje gə d-aw gə kəy gə lə Luba. 3Logə n-o Piyɛr je gə Ja̰ gə ꞌɗe mba kandə kəy ɗaa, n-kɔy-je ne. 4Piyɛr je gə Ja̰ d-ɛ jii ngaɓa ꞌpa d-ar-ɛ na: A-si. 5Ɗaa ꞌne kara kəm-e tɔbə-je kadə-kadə ja tɔ ngaa n-unda m-e mba kinga ne ji-je gə. 6Ngaa Piyɛr pa ar-ɛ na: Lar ose maa kara godo ji-m gə, ngaa ne gə to ji-m gə nee ja m-ar-i, gə ri Jeju Kirisi gə Najarɛd, ḭ taar ɓo ꞌnja. 7Go-e gə ɗaa Piyɛr ula ji-a uwa ji kɔl-ɛ ar-ɛ n-ḭ taar ngaɓa gə lo-e gə əng ja ngira gɔl-ɛje tudu wara-wara, 8n-al jagəra n-uru taar ɗaa n-nja. Cibi n-ɔdə n-andə gə je naa gə kəy lə Luba n-nja ngaɓa n-tal jagəra-jagəra n-ɔsə gaji Luba.
9Dəw mə ɓeje tɔ̰y ja d-o-e n-nja, ngaɓa n-ɔsə gaji Luba. 10Dəwje ꞌgər-e taar baa ja ɗaa ꞌpa na: To dəw gə nje kisi kɔy ne ta kəy gə lə Luba gə ꞌɓar-ɛ Bɛl le ang wa? Ɗaa ɓəəl unda-je badə gangə-je ngaɓa lo tar igi-je sɛl mba ne gə ce dɔ-ɛ gə le. 11Dəw nee le tiya̰ go Piyɛr je gə Ja̰ ɗaa dəw mə ɓeje tɔ̰y ja d-a̰y d-aw lo gə d-ar kəne gə ꞌɓar-ɛ ta kəy Salomo, mba ko ne gə dum kəji lə-je.
12Logə Piyɛr o be ɗaa təl un tar pa ar dəw mə ɓeje na: Sisəy dəwje gə Ijirayɛl mba ɗi ɓa oje ne gə nee le ɗaa lo tar igi si sɛl wa? Mba ɗi ɓa aje si be to to gə singamongə gə ḭ rɔ-sijee gə ose gə kila kuji dɔ Luba gə lə-sijee ja ɓa j-ar dəw nee le nja ne wa? 13Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar. 14Ngaa sisəy le ꞌmbadəje dəw gə to njerɔsangə ngaɓa to dəw gə gadə-gadə, cibi dəjije dəw gə nje tɔl dəwje ɓa ar-je d-ɔr-ɛ d-ila-a taar. 15Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje. 16Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.
17Ɓisine ɗaa ngan ko̰-mje, m-gərə to gə ne gə ꞌɗaje le to negərə ang ɓa o̰ dɔ si ɗəw kara to gə mbayje lə-si tɔ. 18Ngaa Luba tɔl ta ne gə ye pa kede ləw baa gə ndu pajambərəje lə-a tɔ̰y, tar gə ɔji dɔ ko məsərə lə Kirisi lə-a le.
19Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ. 20Be ɓa Mbayɓe a kar-si ndɔ kar kuwa kɔr ngaɓa ula Jeju, Kirisi gə Luba uwa dɔ gɔl-ɛ kede le. 21Gəl-e gə nee ɓa Jeju Kirisi le a kisi mə dara gə saar kar neje tɔ̰y to gə dɔ gɔl-ɛ to gə Luba pa ne gə ndu pajambərəje gə ꞌto gə losang-ɛ kede ləw le. 22Moyiji pa na: Mbayɓe Luba lə-si a kɔr pajambərə gə to to gə ꞌma be kara horo ngan ko̰-si gə ɗaa a koje ndu-e dɔ ne tɔ̰y gə n-a pa kar-si. 23Ngaa dəw gə ɓo mbadə ko ndu pajambərə le nama d-a tuj-e pugudu horo-si gə. 24Pajambərəje tɔ̰y gə pa tar-ɛ, un kud-e dɔ Samɛl gə nje ta tor-eje kara d-ila mbərə gə ɔji dɔ ndɔje nee le. 25ꞌToje ngan lə pajambərəje ngaɓa gə kone gə Luba riya gə ka-sijee ngaɓa pa ne ar Abəraham na: Gəl kuji dəwje tɔ̰y dɔ nangə nee d-a kinga ndu tɔr ɗəw gə lə gəl kuji lə-i. 26Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved