Lugu 11
11
Jeju tɔji ngan njenendoje ɗəw dəji Luba
Mat 6.9-13
1Ndɔ kara, Jeju aw lo gə kara be aw dəji Luba. Logə n-ila dəji lə-a nangə ɗaa, dəw kara horo ngan njenendoje gə lə-a pa ar-ɛ na: Ja̰ tɔji ngan njenendoje lə-a ɗəw dəji Luba, ꞌI kara, Mbayɓe, ꞌndo-si ɗəw dəji Luba. 2Jeju pa ar-je na: Logə ꞌdəji-je Luba ɗaa, ꞌpaje na:
Bɔy!
May kar ri-i to ɓədə gə losang-ɛ;
May kar ɗe o̰ ɓe dɔ si gə
3Ar-si nekusa ta-si gə ndɔ-ndɔ,
4Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr ne tar-ɛ dɔ nje gə ꞌɗa gə si kṵra̰y be tɔ.
Ɓo ḭya̰ si ar j-oso dan nekərə gə ang.
Mat 7.7-11; Lug 18.1-8; Mat 15.22-28; Jag 1.5-7; 1Ja̰ 5.14-15
5Jeju təl pa ja cibi na: Na ɓa horo-si gə nee, njekura lə-a ce dɔ-ɛ dan lo gə dana bab pa ar-ɛ na: Njekura, ar-m m-tona-i mbə munda, 6mba njekura lə-m kara gə aw gə mba gə ce dɔ-m gə, ngaa ne kara gə m-a kar-ɛ usa godo. 7To gə ɓo njekura lə-a le ar gə mə kəy gə ɓa ila kəne na: ꞌJɔgə-m ang, m-udu ta kəy ɗɔdə, ngaɓa je gə ngan-m gə gɔ-gɔ j-a to nangə nam, m-asə kḭ kar-i ne kara ang. 8Be ɓa, m-pa m-ar-si, n-a kḭ taar mba to gə n-to njekura lə-a baa ang, n-a kḭ kar-ɛ ne gə n-aw ndoo-e mba dəji gə n-dəj-e ndoro̰ro̰-ndoro̰ro̰. 9ꞌMa ɗaa, m-pa m-ar-si: ꞌDəji-je ne nama d-a kar-si, ꞌsangəje ne nama a kinga-je, unda-je ta kəy nama d-a kɔr kar-si. 10Mba dəw gə ɗa-ɗa ɓa gə dəji ne ɗaa d-ar-ɛ, dəw gə sangə ne ɗaa inga, ngaɓa dəw unda ta kəy ja ɓa d-a kɔr kar-ɛ. 11Bɔ ngon je gə ɗa ja ɓa horo-si gə ɓo ngon-e dəji-e mbə nama a kun kɔr ər kar-ɛ wa? Ose dəji-e kənji ɗaa a kar-ɛ li tor-e gə wa? 12Ose bɔ ngon je gə ɗa ɓa ngon-e dəji-e kaw ɗaa a kar-ɛ yḭ wa? 13To gə ɓo sisəy gə ꞌtoje dəwje gə kṵra̰y baa ja, ꞌgərəje kar-je ngan si neje gə may-may ngaa ɓədə ɓa Bɔ-sijee Luba gə isi dara a kar Njil Njerɔsangə dəwje gə ꞌdəji-e ang wa?
Jeju tɔbə njilje gə kṵra̰y
Mat 12.22-45; Mrk 3.22-30
14Jeju tɔbə njil gə kṵra̰y gə ɗa ɓe mə dəw gə ar təl gɔdə ngaɓa ɔg-ɛ pa tar. Logə njil gə kṵra̰y le ce ɗaa, gɔdə le pa tar, ar lo tar igi bula dəwje le sɛl. 15Ngaa dəwje gə kɛm ꞌpa na: Bɛləjebul, mbay lə njilje gə kṵra̰y ɓa ar-ɛ singa n-tɔbə ne njilje gə kṵra̰y. 16Nje gə kɛm ꞌdəji-e netɔji gə ḭ dara mba n-ɛ ne. 17Ngaa, Jeju gərə kəji lə-je le ɗaa pa ar-je na: Ɓeko̰ gə ɗa-ɗa ɓa ɓo kay rɔ-ɛ dana nama a tuji, ɗaa kəyje unda nangə dɔ naa gə mburugu. 18To gə ɓo ꞌSu ja cibi kay rɔ-ɛ cila kəm darɔ-ɛ ye ja, bənəng ɗaa ɓeko̰ lə-a a to gə maj-ɛ to gə ban wa? Mba sisəy ꞌpaje na ɗəw gə lə Bɛləjebul ɓa m-tɔbə ne njilje gə kṵra̰y. 19Ngaɓa to gə ɓo, ꞌma m-tɔbə njilje gə kṵra̰y gə singa Bɛləjebul ɗaa, ngan sisəy le ꞌtɔbə njilje gə singa na ngaa wa? Gəl-e gə nee ɓa, d-a to nje gangə tarje dɔ sisəy gə ja. 20Ngaa to gə ɓo Luba ɓa ar-m singa m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa. 21Logə dəw gə njesinga uwa nekadə ji-a gə, ngom ne ta kəy lə-a nama, nemayje lə-a to mɔgɔgɔ. 22Ngaa, dəw gə uba singa unda-a ce dɔ-ɛ gə, cɛd-ɛ ɗɔ ngaɓa uwa-a nekadəje lə-a gə n-unda m-e kəne car ta ɗaa, odo nekingaje lə-a tɔ̰y kay dəwje. 23Dəw gə oso gəl-m gə ang nama to nje kəm tar lə-m. Ngaɓa, dəw gə la sə-m ar-m m-uwa neje dɔ naa gə ang nama, to dəw gə nje ja̰rɛ̰ neje.
24Logə njil gə kṵra̰y ce mə dəw gə, ɗaa n-aw ndag lo gə, n-sangə lo kuwa kɔr pi n-inga ang, ɗaa n-pa na: M-a təl kaw kəy gə m-ce kəne. 25Logə n-təl n-ɗe ɗaa, d-odo mə kəy le ngaɓa ꞌgɔl gə maj-ɛ nəm tɔ. 26N-təl n-aw ɓar njilje gə ɗangə siri gə kṵra̰y d-unda-a, ngaɓa d-andə mə kəy gə le ꞌɗa ɓe kəne, ɗaa dəw nee le təl kṵra̰y unda kisi lə-a gə kede.
27Logə Jeju aw pa tar be ɗaa, ndu jene kara ɓar wəəl horo bula dəwje na: Jene gə odo kɛm lə-i m-e gə ngaɓa il mb-ɛ to njenokarə. 28Ngaa Jeju ila kəne na: Nje gə d-o tar lə Luba gə ngom le, ꞌto njenokarəje!
Ne kɔji mar-ɛ lə Jonas
Mat 12.38-42
29Bula dəwje ɗe ɗusu naa dɔ Jeju gə ɗaa, Jeju un kudu tar pa na: Gəl kuji gə nee gə to gəl kuji gə kṵra̰y ja baa aw dəji netɔji, d-a kar-ɛ netɔji gə ɗangə kara unda dɔ kar Jonas gə ang. 30Mba ɗəw kara baa to gə Jonas to netɔji ar dəw mə ɓeje gə Ninibə, ꞌma gə Ngon lə dəw kara, m-a to netɔji lə gəl kuji dəwje gə dɔ ndɔ gə lə-si nee tɔ. 31Mbay jene gə go ɓe gə dɔ kɔl a kuba nangə kḭ ndɔ gangə tar gə naa gə gə dəwje gə gəl kuji gə nee ngaɓa a kila tar dɔ-je gə mba n-ḭ ko̰ nangə gə ja n-ɗe mba ko kəm karə lə mbay Salomo ngaa oje dəw gə to ɓəəl unda Salomo ja ar nee. 32Ndɔ gangə tar nama, dəw mə ɓeje gə Ninibə d-a kuba nangə kḭ naa gə kara baa gə gəl kuji nee, ngaɓa tar a təl kuwa dɔ gəl kuji gə nee le, mba dəwje gə Ninibə ꞌturu kəji lə-je gə go tar lə Luba gə Jonas pa ar-je, ngaɓa oje, dəw gə nday Jonas ja ar nee.
Gusutar gə ɔji dɔ lambe
Mat 5.15; 6.22-23
33Dəw a kunda pər lambe gə mba təl kun ne dəbə ne ang, ngaa d-a kunda dɔ ne gə taar mba kar dəwje tɔ̰y gə d-andə mə kəy gə d-o ne lo. 34Kəm-i to lambe lə darɔ-i. Logə kəm-i to gə maj-ɛ nama darɔ-i a nja dan lokarə gə tɔ, ngaa ɓo kəm-i ja tuji nam ɗaa darɔ-i tɔ̰y a kisi dan cil ciməri gə. 35O gə maj-ɛ. Unda kəm karə dɔ rɔ-i, may kar ndogo lə-i təl to cil ciməri ang. 36To gə ɓo darɔ-i to dan lokarə gə, lal kar dəbə rɔ-i to cil ciməri gə nama, darɔ-i a to lokarə gə tɔ̰y to gə ndogo lə lambe uru dɔ-i gə be.
Jeju ila tar dɔ Parijiyɛ̰je gə njekɔr gəl toronduje gə
Mat 23.1-36
37Logə Jeju pa tar ila nangə ɗaa, Parijiyɛ̰ kara ɓar-ɛ ar n-usa sə-a ne kəy lə-a. Jeju andə kəy, isi ta ka nekusa gə. 38Logə Parijiyɛ̰ o to gə Jeju togo ji-a ang baa ja usa ne ɗaa, lo tar igi-e sɛl. 39Ngaa Mbayɓe pa ar-ɛ na: Sisəy, Parijiyɛ̰je, ꞌtogoje gir ngo kay man gə gir ngo kusa ne ar-je arə ngadə, ngaa mə-sisəy ɗaa kəji bogo gə məndul ja ɗusu nji. 40Sisəy ɛbɛje! Luba gə ɗa gir ne le, ɗa mə ne ja tɔ! 41May kar ar-je njendooje ne gə mə gə arə ngadə, ɗaa a karəje ngadə kəm Luba gə.
42Nekəmandoo to kar-sisəy Parijiyɛ̰je! Ɔrəje ne ndu kara dan ne gə dɔg gə kɔr t-ɛ kara mə mbi kam uma gə, gə mbi kamje dang-dang. Ngaa oje neɗa gə gadə-gadə gə njigi lə Luba gə ne ang nəm tɔ. Ye ɓa to ne gə kəm kar-si ꞌɗaje lal kiya̰ kɛs-ɛ gə kɛm.
43Nekəmandoo to kar-sisəy, Parijiyɛ̰je! ꞌNjigi lokisi gə kede ja ɓa mba kisi kəne mə kəy nendo gə, kar d-unda ji-je go naa ɓa d-uwa ne ji-si ta nada.
44Nekəmandoo to kar-sisəy, mba ꞌtoje to gə dɔbarə gə dəw gərə ang ɗaa nja kəne.
45 Njekɔr gəl torondu kara un tar pa na: Njenetɔji, tar gə ꞌpa nee le, ꞌtaji-si gə taji ɓa nee ang wa! 46Jeju ila kəne na: Nekəmandoo to kar-sisəy tɔ, njekɔr gəl toronduje, mba ꞌtɔje nekodo gə dəw asə kodo ang, undaje dɔ dəwje gə, ɗaa ngon ji-si gə njɛ̰ ja baa kara ɔrəje ne ang.
47Nekəmandoo to kar-sisəy! Mba undaje dɔbarə pajambərəje gə ka-sijee ꞌtila-je gə kɔr ər. 48Be ɓa, sisəy ja ꞌtoje njetar najije ngaɓa ꞌnjigije dɔ neje gə ka-sijee ꞌɗa, ꞌjeje gə ꞌto nje tɔl pajambərəje, ɗaa sisəy ngaa ꞌtoje njekunda dɔbarə-jeje! 49Gəl-e gə nee ɓa Luba pa gə kəm karə na: M-a kula pajambərəje gə njeka̰ykulaje kar-je, ɗaa d-a tɔl-je nje gə kɛm ngaɓa d-a kula kəm nje gə kɛm ndoo tɔ, 50mba kar d-a dəji məsə pajambərəje tɔ̰y gə um nangə ji gəl kuji gə ɓogəne, uma kud-e lo kunda gəl dɔ nangə. 51Un kud-e dɔ məsə Abɛl gə ce ne dɔ məsə Jakari gə ꞌtɔl-ɛ horo no kɔgə gə mə kəy gə lə Luba; tɔgərɔ, m-pa m-ar-si, Luba a dəji məsə-je ji gəl kuji gə nee.
52Nekəmandoo to kar-sisəy, njekɔr gəl toronduje mba udu-je ɗəw gərə Luba, ngaɓa sisəy ja kara ꞌgərə-je ang nəm, cibi ꞌɔgəje ɗəw nje gə ꞌnjigi gər-e.
53Logə Jeju ɔsə lo ce ɗaa, mə njekɔr gəl toronduje gə Parijiyɛ̰je ti ndoyḭ dɔ-ɛ gə, ngaɓa ꞌdəji-e tar bula. 54ꞌSangə ɗəw mba kinga tar t-ɛ gə ɓa gə mba kila ne tar dɔ-ɛ gə tɔ.
Currently Selected:
Lugu 11: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Lugu 11
11
Jeju tɔji ngan njenendoje ɗəw dəji Luba
Mat 6.9-13
1Ndɔ kara, Jeju aw lo gə kara be aw dəji Luba. Logə n-ila dəji lə-a nangə ɗaa, dəw kara horo ngan njenendoje gə lə-a pa ar-ɛ na: Ja̰ tɔji ngan njenendoje lə-a ɗəw dəji Luba, ꞌI kara, Mbayɓe, ꞌndo-si ɗəw dəji Luba. 2Jeju pa ar-je na: Logə ꞌdəji-je Luba ɗaa, ꞌpaje na:
Bɔy!
May kar ri-i to ɓədə gə losang-ɛ;
May kar ɗe o̰ ɓe dɔ si gə
3Ar-si nekusa ta-si gə ndɔ-ndɔ,
4Kɔgərɔ ja ɔr tar neɗa gə kṵra̰y dɔ si gə, to gə sijee kara j-ɔr ne tar-ɛ dɔ nje gə ꞌɗa gə si kṵra̰y be tɔ.
Ɓo ḭya̰ si ar j-oso dan nekərə gə ang.
Mat 7.7-11; Lug 18.1-8; Mat 15.22-28; Jag 1.5-7; 1Ja̰ 5.14-15
5Jeju təl pa ja cibi na: Na ɓa horo-si gə nee, njekura lə-a ce dɔ-ɛ dan lo gə dana bab pa ar-ɛ na: Njekura, ar-m m-tona-i mbə munda, 6mba njekura lə-m kara gə aw gə mba gə ce dɔ-m gə, ngaa ne kara gə m-a kar-ɛ usa godo. 7To gə ɓo njekura lə-a le ar gə mə kəy gə ɓa ila kəne na: ꞌJɔgə-m ang, m-udu ta kəy ɗɔdə, ngaɓa je gə ngan-m gə gɔ-gɔ j-a to nangə nam, m-asə kḭ kar-i ne kara ang. 8Be ɓa, m-pa m-ar-si, n-a kḭ taar mba to gə n-to njekura lə-a baa ang, n-a kḭ kar-ɛ ne gə n-aw ndoo-e mba dəji gə n-dəj-e ndoro̰ro̰-ndoro̰ro̰. 9ꞌMa ɗaa, m-pa m-ar-si: ꞌDəji-je ne nama d-a kar-si, ꞌsangəje ne nama a kinga-je, unda-je ta kəy nama d-a kɔr kar-si. 10Mba dəw gə ɗa-ɗa ɓa gə dəji ne ɗaa d-ar-ɛ, dəw gə sangə ne ɗaa inga, ngaɓa dəw unda ta kəy ja ɓa d-a kɔr kar-ɛ. 11Bɔ ngon je gə ɗa ja ɓa horo-si gə ɓo ngon-e dəji-e mbə nama a kun kɔr ər kar-ɛ wa? Ose dəji-e kənji ɗaa a kar-ɛ li tor-e gə wa? 12Ose bɔ ngon je gə ɗa ɓa ngon-e dəji-e kaw ɗaa a kar-ɛ yḭ wa? 13To gə ɓo sisəy gə ꞌtoje dəwje gə kṵra̰y baa ja, ꞌgərəje kar-je ngan si neje gə may-may ngaa ɓədə ɓa Bɔ-sijee Luba gə isi dara a kar Njil Njerɔsangə dəwje gə ꞌdəji-e ang wa?
Jeju tɔbə njilje gə kṵra̰y
Mat 12.22-45; Mrk 3.22-30
14Jeju tɔbə njil gə kṵra̰y gə ɗa ɓe mə dəw gə ar təl gɔdə ngaɓa ɔg-ɛ pa tar. Logə njil gə kṵra̰y le ce ɗaa, gɔdə le pa tar, ar lo tar igi bula dəwje le sɛl. 15Ngaa dəwje gə kɛm ꞌpa na: Bɛləjebul, mbay lə njilje gə kṵra̰y ɓa ar-ɛ singa n-tɔbə ne njilje gə kṵra̰y. 16Nje gə kɛm ꞌdəji-e netɔji gə ḭ dara mba n-ɛ ne. 17Ngaa, Jeju gərə kəji lə-je le ɗaa pa ar-je na: Ɓeko̰ gə ɗa-ɗa ɓa ɓo kay rɔ-ɛ dana nama a tuji, ɗaa kəyje unda nangə dɔ naa gə mburugu. 18To gə ɓo ꞌSu ja cibi kay rɔ-ɛ cila kəm darɔ-ɛ ye ja, bənəng ɗaa ɓeko̰ lə-a a to gə maj-ɛ to gə ban wa? Mba sisəy ꞌpaje na ɗəw gə lə Bɛləjebul ɓa m-tɔbə ne njilje gə kṵra̰y. 19Ngaɓa to gə ɓo, ꞌma m-tɔbə njilje gə kṵra̰y gə singa Bɛləjebul ɗaa, ngan sisəy le ꞌtɔbə njilje gə singa na ngaa wa? Gəl-e gə nee ɓa, d-a to nje gangə tarje dɔ sisəy gə ja. 20Ngaa to gə ɓo Luba ɓa ar-m singa m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa. 21Logə dəw gə njesinga uwa nekadə ji-a gə, ngom ne ta kəy lə-a nama, nemayje lə-a to mɔgɔgɔ. 22Ngaa, dəw gə uba singa unda-a ce dɔ-ɛ gə, cɛd-ɛ ɗɔ ngaɓa uwa-a nekadəje lə-a gə n-unda m-e kəne car ta ɗaa, odo nekingaje lə-a tɔ̰y kay dəwje. 23Dəw gə oso gəl-m gə ang nama to nje kəm tar lə-m. Ngaɓa, dəw gə la sə-m ar-m m-uwa neje dɔ naa gə ang nama, to dəw gə nje ja̰rɛ̰ neje.
24Logə njil gə kṵra̰y ce mə dəw gə, ɗaa n-aw ndag lo gə, n-sangə lo kuwa kɔr pi n-inga ang, ɗaa n-pa na: M-a təl kaw kəy gə m-ce kəne. 25Logə n-təl n-ɗe ɗaa, d-odo mə kəy le ngaɓa ꞌgɔl gə maj-ɛ nəm tɔ. 26N-təl n-aw ɓar njilje gə ɗangə siri gə kṵra̰y d-unda-a, ngaɓa d-andə mə kəy gə le ꞌɗa ɓe kəne, ɗaa dəw nee le təl kṵra̰y unda kisi lə-a gə kede.
27Logə Jeju aw pa tar be ɗaa, ndu jene kara ɓar wəəl horo bula dəwje na: Jene gə odo kɛm lə-i m-e gə ngaɓa il mb-ɛ to njenokarə. 28Ngaa Jeju ila kəne na: Nje gə d-o tar lə Luba gə ngom le, ꞌto njenokarəje!
Ne kɔji mar-ɛ lə Jonas
Mat 12.38-42
29Bula dəwje ɗe ɗusu naa dɔ Jeju gə ɗaa, Jeju un kudu tar pa na: Gəl kuji gə nee gə to gəl kuji gə kṵra̰y ja baa aw dəji netɔji, d-a kar-ɛ netɔji gə ɗangə kara unda dɔ kar Jonas gə ang. 30Mba ɗəw kara baa to gə Jonas to netɔji ar dəw mə ɓeje gə Ninibə, ꞌma gə Ngon lə dəw kara, m-a to netɔji lə gəl kuji dəwje gə dɔ ndɔ gə lə-si nee tɔ. 31Mbay jene gə go ɓe gə dɔ kɔl a kuba nangə kḭ ndɔ gangə tar gə naa gə gə dəwje gə gəl kuji gə nee ngaɓa a kila tar dɔ-je gə mba n-ḭ ko̰ nangə gə ja n-ɗe mba ko kəm karə lə mbay Salomo ngaa oje dəw gə to ɓəəl unda Salomo ja ar nee. 32Ndɔ gangə tar nama, dəw mə ɓeje gə Ninibə d-a kuba nangə kḭ naa gə kara baa gə gəl kuji nee, ngaɓa tar a təl kuwa dɔ gəl kuji gə nee le, mba dəwje gə Ninibə ꞌturu kəji lə-je gə go tar lə Luba gə Jonas pa ar-je, ngaɓa oje, dəw gə nday Jonas ja ar nee.
Gusutar gə ɔji dɔ lambe
Mat 5.15; 6.22-23
33Dəw a kunda pər lambe gə mba təl kun ne dəbə ne ang, ngaa d-a kunda dɔ ne gə taar mba kar dəwje tɔ̰y gə d-andə mə kəy gə d-o ne lo. 34Kəm-i to lambe lə darɔ-i. Logə kəm-i to gə maj-ɛ nama darɔ-i a nja dan lokarə gə tɔ, ngaa ɓo kəm-i ja tuji nam ɗaa darɔ-i tɔ̰y a kisi dan cil ciməri gə. 35O gə maj-ɛ. Unda kəm karə dɔ rɔ-i, may kar ndogo lə-i təl to cil ciməri ang. 36To gə ɓo darɔ-i to dan lokarə gə, lal kar dəbə rɔ-i to cil ciməri gə nama, darɔ-i a to lokarə gə tɔ̰y to gə ndogo lə lambe uru dɔ-i gə be.
Jeju ila tar dɔ Parijiyɛ̰je gə njekɔr gəl toronduje gə
Mat 23.1-36
37Logə Jeju pa tar ila nangə ɗaa, Parijiyɛ̰ kara ɓar-ɛ ar n-usa sə-a ne kəy lə-a. Jeju andə kəy, isi ta ka nekusa gə. 38Logə Parijiyɛ̰ o to gə Jeju togo ji-a ang baa ja usa ne ɗaa, lo tar igi-e sɛl. 39Ngaa Mbayɓe pa ar-ɛ na: Sisəy, Parijiyɛ̰je, ꞌtogoje gir ngo kay man gə gir ngo kusa ne ar-je arə ngadə, ngaa mə-sisəy ɗaa kəji bogo gə məndul ja ɗusu nji. 40Sisəy ɛbɛje! Luba gə ɗa gir ne le, ɗa mə ne ja tɔ! 41May kar ar-je njendooje ne gə mə gə arə ngadə, ɗaa a karəje ngadə kəm Luba gə.
42Nekəmandoo to kar-sisəy Parijiyɛ̰je! Ɔrəje ne ndu kara dan ne gə dɔg gə kɔr t-ɛ kara mə mbi kam uma gə, gə mbi kamje dang-dang. Ngaa oje neɗa gə gadə-gadə gə njigi lə Luba gə ne ang nəm tɔ. Ye ɓa to ne gə kəm kar-si ꞌɗaje lal kiya̰ kɛs-ɛ gə kɛm.
43Nekəmandoo to kar-sisəy, Parijiyɛ̰je! ꞌNjigi lokisi gə kede ja ɓa mba kisi kəne mə kəy nendo gə, kar d-unda ji-je go naa ɓa d-uwa ne ji-si ta nada.
44Nekəmandoo to kar-sisəy, mba ꞌtoje to gə dɔbarə gə dəw gərə ang ɗaa nja kəne.
45 Njekɔr gəl torondu kara un tar pa na: Njenetɔji, tar gə ꞌpa nee le, ꞌtaji-si gə taji ɓa nee ang wa! 46Jeju ila kəne na: Nekəmandoo to kar-sisəy tɔ, njekɔr gəl toronduje, mba ꞌtɔje nekodo gə dəw asə kodo ang, undaje dɔ dəwje gə, ɗaa ngon ji-si gə njɛ̰ ja baa kara ɔrəje ne ang.
47Nekəmandoo to kar-sisəy! Mba undaje dɔbarə pajambərəje gə ka-sijee ꞌtila-je gə kɔr ər. 48Be ɓa, sisəy ja ꞌtoje njetar najije ngaɓa ꞌnjigije dɔ neje gə ka-sijee ꞌɗa, ꞌjeje gə ꞌto nje tɔl pajambərəje, ɗaa sisəy ngaa ꞌtoje njekunda dɔbarə-jeje! 49Gəl-e gə nee ɓa Luba pa gə kəm karə na: M-a kula pajambərəje gə njeka̰ykulaje kar-je, ɗaa d-a tɔl-je nje gə kɛm ngaɓa d-a kula kəm nje gə kɛm ndoo tɔ, 50mba kar d-a dəji məsə pajambərəje tɔ̰y gə um nangə ji gəl kuji gə ɓogəne, uma kud-e lo kunda gəl dɔ nangə. 51Un kud-e dɔ məsə Abɛl gə ce ne dɔ məsə Jakari gə ꞌtɔl-ɛ horo no kɔgə gə mə kəy gə lə Luba; tɔgərɔ, m-pa m-ar-si, Luba a dəji məsə-je ji gəl kuji gə nee.
52Nekəmandoo to kar-sisəy, njekɔr gəl toronduje mba udu-je ɗəw gərə Luba, ngaɓa sisəy ja kara ꞌgərə-je ang nəm, cibi ꞌɔgəje ɗəw nje gə ꞌnjigi gər-e.
53Logə Jeju ɔsə lo ce ɗaa, mə njekɔr gəl toronduje gə Parijiyɛ̰je ti ndoyḭ dɔ-ɛ gə, ngaɓa ꞌdəji-e tar bula. 54ꞌSangə ɗəw mba kinga tar t-ɛ gə ɓa gə mba kila ne tar dɔ-ɛ gə tɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved