Marəke 16
16
Jeju ce buwa yo gə
Mat 28.1-8; Lug 24.1-8; Ja̰ 20.1-2
1Logə ndɔ kuwa kɔr nday nam ɗaa, Məri gə Magədala, gə Məri ko̰ Jagə je, gə Salome ꞌndogo ba̰yi kəndə mambo̰je mba kaw kum dɔ nin Jeju gə. 2Dɔmasi ɗaa, d-aw dɔbarə gə gə kum kar. 3ꞌPaje tar horo naa gə na: Na ngaa a nduburu pil ər gə ta dɔbarə gə le kila ɗangə kar-si wa? 4Logə d-un kəm-je ɗaa d-o to gə pil ər le, ꞌnduburu d-ila mbɔr kara. 5D-andə mə buwa yo gə ɗaa, d-o ngon basa̰ isi dɔ kɔl, ula kubu gə ngal gə nda kələw-kələw, ɗaa ɓəəl unda-je badə gangə-je. 6N-pa n-ar-je na: ꞌƁəəlje ang, Jeju gə Najarɛd, gə ɓər-e kagə dəsə gə le ɓa aw sang-ɛje. N-ndol ɗɔdə, n-godo nee, oje lo gə d-ila kəne ɓa nee. 7Ɓisine ɗaa, ɔdəje aw ꞌpaje ar-je Piyɛr gə ngan njenendoje gə kɛm to gə n-aw no sisəy gə kede Galile nam. Lo gə əng ɓa a ko-eje kəne to gə n-pa ne n-ar-si le. 8D-ɔsə lo ꞌce mə buwa yo gə, d-ɔdə gə ngɔdə, d-isa ɗɛgə-ɗɛgə, njil-je ce kərəng ar d-isa ɗɛgə-ɗɛgə ngaa ꞌpa tar d-ar dəw ang mba ꞌɓəəl ya̰.
9Jeju ce buwa yo gə gə ndɔ dɔmasi gə ndɔɔ-sḭ, N-ce n-ar Məri gə Magədala gə n-tɔbə njilje gə kṵra̰y siri m-e gə ja o-e kede. 10Ɗaa Məri le ɔdə aw pa tar-ɛ ar nje gə ꞌga̰ sə-a kede gə d-unda yo ngaɓa d-aw no. 11Logə d-o tar-ɛ to gə n-aw kəm baa ngaɓa Məri na n-o-ɛ ngaa ꞌta kag-e ang. 12Go-e gə gugu, n-tɔji rɔ-ɛ gə go ɗəw gə ɗangə n-ar nje gə joo horo-je gə gə d-un ɗəw d-aw gə dɔ ndɔɔ. 13ꞌJeje kara ꞌtəl ɗe ꞌpa tar-ɛ d-ar nje gə kɛm ngaa ꞌta kagə je ang magə. 14Ɗud-e ɗaa, n-tɔji rɔ-ɛ n-ar nje gə dɔg gə gir-je gə kara gə d-isi ta ka nekusa gə, ngaɓa n-ḭ gə je mba məndəər lə-je gə məkədərə lə-je, mba mbadə gə ꞌmbadə ta kagə nje gə d-o-e to gə n-ce buwa yo gə ɗɔdə. 15Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y. 16Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ. 17Oje netɔji gə a kuwa go nje d-a ta kagə le ɓa nee: D-a tɔbə njilje gə kṵra̰y gə ri-m; d-a pa tar gə ndo̰ tarje gə sigi; 18d-a kuwa li gə ji-je, ꞌyɛl-je gə kuma tɔl dəw d-ar d-ay kara a ɗa gə je ne kara ang, d-a kila ji-je dɔ njerɔko̰je gə ɗaa nj-ɛje d-a kaji. 19Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə. 20Be ɓa d-ɔdə d-aw d-ila mbərə gə lo-lo. Mbayɓe ɗa gə je kula, ngaɓa ore kudu tar lə-a gə netɔjije.
Currently Selected:
Marəke 16: lap
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved
Marəke 16
16
Jeju ce buwa yo gə
Mat 28.1-8; Lug 24.1-8; Ja̰ 20.1-2
1Logə ndɔ kuwa kɔr nday nam ɗaa, Məri gə Magədala, gə Məri ko̰ Jagə je, gə Salome ꞌndogo ba̰yi kəndə mambo̰je mba kaw kum dɔ nin Jeju gə. 2Dɔmasi ɗaa, d-aw dɔbarə gə gə kum kar. 3ꞌPaje tar horo naa gə na: Na ngaa a nduburu pil ər gə ta dɔbarə gə le kila ɗangə kar-si wa? 4Logə d-un kəm-je ɗaa d-o to gə pil ər le, ꞌnduburu d-ila mbɔr kara. 5D-andə mə buwa yo gə ɗaa, d-o ngon basa̰ isi dɔ kɔl, ula kubu gə ngal gə nda kələw-kələw, ɗaa ɓəəl unda-je badə gangə-je. 6N-pa n-ar-je na: ꞌƁəəlje ang, Jeju gə Najarɛd, gə ɓər-e kagə dəsə gə le ɓa aw sang-ɛje. N-ndol ɗɔdə, n-godo nee, oje lo gə d-ila kəne ɓa nee. 7Ɓisine ɗaa, ɔdəje aw ꞌpaje ar-je Piyɛr gə ngan njenendoje gə kɛm to gə n-aw no sisəy gə kede Galile nam. Lo gə əng ɓa a ko-eje kəne to gə n-pa ne n-ar-si le. 8D-ɔsə lo ꞌce mə buwa yo gə, d-ɔdə gə ngɔdə, d-isa ɗɛgə-ɗɛgə, njil-je ce kərəng ar d-isa ɗɛgə-ɗɛgə ngaa ꞌpa tar d-ar dəw ang mba ꞌɓəəl ya̰.
9Jeju ce buwa yo gə gə ndɔ dɔmasi gə ndɔɔ-sḭ, N-ce n-ar Məri gə Magədala gə n-tɔbə njilje gə kṵra̰y siri m-e gə ja o-e kede. 10Ɗaa Məri le ɔdə aw pa tar-ɛ ar nje gə ꞌga̰ sə-a kede gə d-unda yo ngaɓa d-aw no. 11Logə d-o tar-ɛ to gə n-aw kəm baa ngaɓa Məri na n-o-ɛ ngaa ꞌta kag-e ang. 12Go-e gə gugu, n-tɔji rɔ-ɛ gə go ɗəw gə ɗangə n-ar nje gə joo horo-je gə gə d-un ɗəw d-aw gə dɔ ndɔɔ. 13ꞌJeje kara ꞌtəl ɗe ꞌpa tar-ɛ d-ar nje gə kɛm ngaa ꞌta kagə je ang magə. 14Ɗud-e ɗaa, n-tɔji rɔ-ɛ n-ar nje gə dɔg gə gir-je gə kara gə d-isi ta ka nekusa gə, ngaɓa n-ḭ gə je mba məndəər lə-je gə məkədərə lə-je, mba mbadə gə ꞌmbadə ta kagə nje gə d-o-e to gə n-ce buwa yo gə ɗɔdə. 15Ngaɓa, n-pa n-ar-je na: Awje gə lo tɔ̰y dɔ nangə nee, ilaje mbərə Tar gə May ar-je dəwje tɔ̰y. 16Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ. 17Oje netɔji gə a kuwa go nje d-a ta kagə le ɓa nee: D-a tɔbə njilje gə kṵra̰y gə ri-m; d-a pa tar gə ndo̰ tarje gə sigi; 18d-a kuwa li gə ji-je, ꞌyɛl-je gə kuma tɔl dəw d-ar d-ay kara a ɗa gə je ne kara ang, d-a kila ji-je dɔ njerɔko̰je gə ɗaa nj-ɛje d-a kaji. 19Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə. 20Be ɓa d-ɔdə d-aw d-ila mbərə gə lo-lo. Mbayɓe ɗa gə je kula, ngaɓa ore kudu tar lə-a gə netɔjije.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, ATALTRAB. All rights reserved