ལུ་ཀ་ལེའུ་ 4:5-8

ད་རུང་བདུད་ཀྱིས་ཡེ་ཤུ་ལུ་ ས་མཐོ་ས་གཅིག་གི་གུ་འཁྱིད་དེ་ ཡུདཔ་ཐེངས་གཅིག་གི་ནང་ འཛམ་བུ་གླིང་གི་རྒྱལ་ཁབ་ག་ར་བཏོན་ཏེ། བདུད་ཀྱིས་ཨ་ནི་འཛམ་བུ་གླིང་གི་དཔལ་འབྱོར་དང་ དབང་ཚད་ག་ར་ནཱ་ལུ་ཕུལ་ནི་ཨིན་ ག་ཅི་སྨོ་ཟེར་བ་ཅིན་ འདི་ངེ་གི་དབང་ཚད་ནང་ཡོད་ ང་གིས་ག་དགའ་མི་དེ་ལུ་བྱིན་ཐག་ཆོག ནཱ་གིས་ང་ལུ་ཕྱག་འཚལ་ཏེ་བསྟོད་པ་གནང་པ་ཅིན་ དེ་ག་ར་ནཱ་གིས་ཐོབ་འོང་ཟེར་ཞུ་ནུག དེའི་ལན་ལུ་ཡེ་ཤུ་གིས། ཁྱོད་རང་གི་གཙོ་བོ་དཀོན་མཆོག་རྐྱངམ་གཅིག་ལུ་ བསྟོད་པ་ཕུལ་ཏེ་ཁོ་ལུ་ཕྱག་ཞུ་ཟེར་ གསུང་རབ་ནང་བྲིས་ཏེ་ཡོད་ཟེར་གསུངས་ནུག