Mateo 24
24
Yama nabone
1Deoso‑ka yobe‑ya oda naha, Yeso yanane, Yeso‑ya oda da‑daba oda ati yanana,
“Deoso‑ka yobe amosabote tiawaho.” Oda ati namaroni.
2“Owati amosa dai mitahi. Hibayata yobe amose‑ya dai awineni. Yama one‑ya yobe wadamarebona, yati fama demenarimaraboneni.” Yeso ati nemarine.
3Orifera adami‑ya oda kobona, oda nahokosa, Yeso‑ya oda daba, Yeso‑ya oda hiyara,
“Eme ai amoni niya, yobe ababonati? Tikamatasabone tina, yama faina‑bone kobonabone tina, yama koboni yanatoniya, hini yamata oda awibati, yama oda watowahi‑bone‑karo?” Oda ati namaroni.
4Yeso oda‑ya hiyare,
“Dai noko wadahi. Dai‑ya mai keyeheriyahi.
5‘Deoso‑ka Ka‑kadika ama·oni.’ Mai dama mai ati naboneni.
Mai‑ka keyehe‑ya mai dama mai nofawahaboneni.
6 # 24:6 Yama faina‑bone Yeso ati ne, kamatasebona tamine amane. Yeso kamataseya, hika mai‑ya idibona, makobote mai one‑ya weeni kitebonane.
Mateo 13:24-30, 36-43 Wami hidi mai ibi nofaraboneni. Mai‑ka sodado mai‑ya mai yoseya, mai‑ka sodado mai ibi taonabone, mai tamine dai mitiya, dai habo siitoriyahi. Yama faina‑bone koboni awisarini. Yama one‑ya kobonaboneni.
7Owati dai mitamatasahi. Wami one‑kaya mai wi‑wina mai‑ka sodado ahini‑kaya mai kakeboneni, mai dami‑ya mai nanahababonehe. Ahini‑kaya mai wi‑wina mai‑ka sodado maa kowani‑kaya mai toka naboneni, mai‑ya mai nanahababonehe. Mai dami tafe tosiyabone, fimi ihi mai aba naboneni. Wami wawawakana naboneni. Haa‑nima yama na dai awiya, yama faina‑bone koboni yanatoneni.
8Fana dori wadabone, dori kome yanani kita, dori wada kanibote na‑nima yama na tiwiya, yama faina‑bone yana kanibote naboneni.
9Oka dai toha dai‑ya mai bisina, dai one‑ya mai nanahababoneni. Mai dama owa‑ya mai nofarabone, oka dai toha dai‑ya mai kakaboneni.
10Owati‑ya mai tokadabamaro, owati‑ya mai nofami awiraboneni, mai damaro. Mai‑ka owa mai kaka, mai‑ka owa mai daanaboneni, mai hinahabebonaha.
11‘Deoso ati‑ya mi‑mita ama·oni.’ Mai one ati naboneni, keyehe‑ya mai hirinaro.
Mai ati‑ya mai dami nofaboneni.
12Mai dama mai ati kasira, mai ihi owa‑ya dai one nofamaraboneni.
13Owa oni dai saatonakosi awiriya, dai sibaraboneni.
14 # 24:14 Yama faina‑bone Yeso kamatasebona tamine amane. Kamataseya, hika mai‑ya towakamebonane. Mai towitakosa mai‑ya weeni kitebonane. 13:39 dai kadikahi. Bofe‑ka yama we‑wee tamine dai watohi. Yeso Kirisito ene‑bona kabitoro 16‑ya dai kadikaharihi. Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.
15 # 24:15 Satanasi‑ka yo‑yose tamine amane. “Deoso yokana ama·oni.” Ati nebonane. Ati ene korimari mai hinawaaribonane, Deoso‑ka yobe‑ya. Deoso‑ka yobe‑ya deoso bare‑ka yama waabone, fara ihi Deoso‑ka yobe towe tohawahebona tamine‑ya Daniyeo kanahanomatamonane.
(Yama towe waa, dai awiya, dai atibodi yama‑ya kadikahi, dai watowahabonehe.)
16Deoso‑ka yobe doro‑ya yama towe wai, dai awiya, dai kananiyahi. Yodeya‑ya dai wi‑wina adami webote‑kaya dai tokiyahi.
17Yama siri‑kaya dai naha, dai yehe honene yobe doro‑ya towadakosa, dai tonakamariyahi. Hiniya dai kananahi.
18Fadara‑ya yama dai anina, dai‑ka bora one yobe‑ya toha, yobe‑ya dai tokomariyahi. Hiniya dai kananahi.
19Ka! Mai fanawi naba toha, mai‑ka madehe i‑isi na toha na, mai kananiya yama ati kasiraboneni.
20Deoso dai hiyarahi. Yama towe yananabone, yama siri kiti awirihi, sabado awirihi ni‑ya yama towe yanana, yama amosabisaboneni.
21Yama towe koboniya, dai‑ya mai kako nafeboneni. Dai‑ya mai bisi, dai‑ya mai nanahaba naboneni. Adaho nowati‑ya haa‑nima yama ni awisarani, yama nabone kitabisaboneni. Deoso‑ka dai toha dai‑ya mai kako bi‑bidi namaro, dai‑ya mai kako kiti nafibisaboneni. Haa‑nima yamana, kobonamatasateraboneni.
22Haa‑nima yama niya, yama nahoraboneni. Deoso yama‑ya maakare‑mana, dai nafi aba neni. Yama towe‑ya Deoso maakanebonane, hika mai one hasinabonehe.
23Dai‑ya mai keyehebone,
‘Deoso‑ka Ka‑kadika kobone. Ahiyata sawine.’ Mai one ati nihi,
‘Deoso‑ka Ka‑kadika tabora one‑ya sawine.’ Mai one ati nihi naboneni.”
Haa‑nima mai ati na, mai ati dai nofariyahi.
24‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro.
‘Deoso ati‑ya mi‑mita ama·oni.’ Mai one ati nihi naboneni.
Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.
25Yama tamine okamina, fara koboniya, yama‑ya dai watowahaboneni.
26‘Deoso‑ka Ka‑kadika kabani‑ya waine.’ Mai ati niya,
mai ati dai nofariyahi. Dai tokariyahi.
‘Deoso‑ka Ka‑kadika yobe doro‑ya sawine.’ Mai ati niya, mai ati dai nofariyahi.
27Bahi yebekane ai nafi awateni. Bahi yebekane‑nima dai‑ka Ayo neme‑ke kakine, dai nafi awaboneni.
28Bani bate home‑ya boko mai toka, bani bate dai watoteni. Fara‑nima dai‑ka Ayo neme‑ke kamataseya, dai nafi watowahaboneni.
29Dai‑ya mai bisina mai amoni tosiyoya, mahi wehene fawa, abariko wehene fawa, amowa mai dama bofe‑ya mai fororo, neme‑kaya yama nafi wawawakana naboneni.
30Haa‑nima yamana yananiya, neme‑ya dai‑ka Ayo neme‑ke fodomakibona, mai nafi ohinawahaboneni. Dai‑ka Ayo neme‑ke‑ya mai awabone, neme sabi‑ya kisameya, wehene nafibonane. Ene kitebonane.
31Deoso‑ka yo‑yose mai one‑ya yosebonane, hika mai‑ya mai yababonehe. Ho‑hori ati yananiya, wami nafi‑kaya mai wi‑wina Deoso‑ka mai toha mai‑ya mai yorotokanaboneni.
32 # 24:32 Mai tabori‑ya yama siri‑ya awa afe aba, yama hiwe koboni yanatoniya, afe yanamatasateni. Dai‑ya okanawataboneni. Fiko ai awiya, ini fahi kobonama, afe yanama, yama hiwe kakebone ai watoteni.
33Owati‑nima yama niya, dai‑ka Ayo neme‑ke koboni yanatone, kobo kanibote nebonane.
34Owati amosa dai mitahi. Owati‑nima yama yanana‑ya mai awiya, mai one hasinasa niya, dai‑ka Ayo neme‑ke kobonebonane.
35Owati‑nima yama naboneni. Neme, bofe na, ababisabone, owati‑ta abateraboneni.” Yeso ati nemarine.
Yeso amoni ai watora
36“Dai‑ka Ayo neme‑ke amoni, hika ora ne dai watorihi, Deoso‑ka yo‑yose neme‑ya mai sawe, mai hiwatorihi, Deoso Bidi hini amoni‑ya watorihi nane. Okobi ohari hiwatobisineni.
37Dai‑ka Ayo neme‑ke kamataseya, Nowe sawimata‑ka yama‑nima yama na yananamatasaboneni.
38Faha kimisi awisari‑ya Nowe ati‑ya mai tokadabara, hiniya mai tafa, kawi‑ya mai fawa, mai fana mai na, mai ihi towe tohanasa niya, kanawa dori‑ya Nowe tokiyomematamonane.
39Yama‑ya mai wato awisari‑ya faha kakiwaha, mai abawahametemoneni. Fara‑nima, yama‑ya mai wato awisari‑ya dai‑ka Ayo neme‑ke kobonamatasebonane.
40Awa‑ya mai fama mai anina, okomiya, ohari owakame, owa‑ta towakosebonane.
41Kimi‑ya mai fanawi fama tooniya, okomiya, ohare owakama, ohare towitakosa naboneni.
42Dai noko wadahi. Dai‑ka hidi amoni dai watorani.
43Ai‑ka yama‑ya botibona‑ka ora tamine‑ya ai mita, ai noko wadaboneni, ai‑ka yama‑ya botirebonaha.
44Dai noko wadahi. Dai‑ka Ayo neme‑ke kobonebona, dai one nimahinamareya, kobonebonane.
45Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.
46Hidi koboneya, hidi ati‑nima ene ne, ya‑yainebonane.
47Owati amosa dai mitahi. Yama dama‑ya hidi daanebonane, hinawadabonehe.
48Hidi‑ka yo‑yose towe toheya, hidi‑ya nimani nafi,
‘Oka hidi kama kanibote re, kama kanibote ni awirebonane.’ Hika yo‑yose atibodi ati ne,
49mai one‑ya bisi, kawi‑ya mai fawa mai‑ya daba neya,
50hidi kama kanibote nebonane. Hika mahi, hika ora ne‑ya hika yo‑yose wato awirebonane.
51Hidi kobonameya, hika yo‑yose towe‑ya bisini kitebonane. Deoso ati‑ya mai tokadabara mai sawi‑kaya hinawaibonane. Mai ohi, mai kome kita naboneni.” Yeso ati nemarine.
Currently Selected:
Mateo 24: jaaNT
Highlight
Share
Copy
Want to have your highlights saved across all your devices? Sign up or sign in
Mateo 24
24
Yama nabone
1Deoso‑ka yobe‑ya oda naha, Yeso yanane, Yeso‑ya oda da‑daba oda ati yanana,
“Deoso‑ka yobe amosabote tiawaho.” Oda ati namaroni.
2“Owati amosa dai mitahi. Hibayata yobe amose‑ya dai awineni. Yama one‑ya yobe wadamarebona, yati fama demenarimaraboneni.” Yeso ati nemarine.
3Orifera adami‑ya oda kobona, oda nahokosa, Yeso‑ya oda daba, Yeso‑ya oda hiyara,
“Eme ai amoni niya, yobe ababonati? Tikamatasabone tina, yama faina‑bone kobonabone tina, yama koboni yanatoniya, hini yamata oda awibati, yama oda watowahi‑bone‑karo?” Oda ati namaroni.
4Yeso oda‑ya hiyare,
“Dai noko wadahi. Dai‑ya mai keyeheriyahi.
5‘Deoso‑ka Ka‑kadika ama·oni.’ Mai dama mai ati naboneni.
Mai‑ka keyehe‑ya mai dama mai nofawahaboneni.
6 # 24:6 Yama faina‑bone Yeso ati ne, kamatasebona tamine amane. Yeso kamataseya, hika mai‑ya idibona, makobote mai one‑ya weeni kitebonane.
Mateo 13:24-30, 36-43 Wami hidi mai ibi nofaraboneni. Mai‑ka sodado mai‑ya mai yoseya, mai‑ka sodado mai ibi taonabone, mai tamine dai mitiya, dai habo siitoriyahi. Yama faina‑bone koboni awisarini. Yama one‑ya kobonaboneni.
7Owati dai mitamatasahi. Wami one‑kaya mai wi‑wina mai‑ka sodado ahini‑kaya mai kakeboneni, mai dami‑ya mai nanahababonehe. Ahini‑kaya mai wi‑wina mai‑ka sodado maa kowani‑kaya mai toka naboneni, mai‑ya mai nanahababonehe. Mai dami tafe tosiyabone, fimi ihi mai aba naboneni. Wami wawawakana naboneni. Haa‑nima yama na dai awiya, yama faina‑bone koboni yanatoneni.
8Fana dori wadabone, dori kome yanani kita, dori wada kanibote na‑nima yama na tiwiya, yama faina‑bone yana kanibote naboneni.
9Oka dai toha dai‑ya mai bisina, dai one‑ya mai nanahababoneni. Mai dama owa‑ya mai nofarabone, oka dai toha dai‑ya mai kakaboneni.
10Owati‑ya mai tokadabamaro, owati‑ya mai nofami awiraboneni, mai damaro. Mai‑ka owa mai kaka, mai‑ka owa mai daanaboneni, mai hinahabebonaha.
11‘Deoso ati‑ya mi‑mita ama·oni.’ Mai one ati naboneni, keyehe‑ya mai hirinaro.
Mai ati‑ya mai dami nofaboneni.
12Mai dama mai ati kasira, mai ihi owa‑ya dai one nofamaraboneni.
13Owa oni dai saatonakosi awiriya, dai sibaraboneni.
14 # 24:14 Yama faina‑bone Yeso kamatasebona tamine amane. Kamataseya, hika mai‑ya towakamebonane. Mai towitakosa mai‑ya weeni kitebonane. 13:39 dai kadikahi. Bofe‑ka yama we‑wee tamine dai watohi. Yeso Kirisito ene‑bona kabitoro 16‑ya dai kadikaharihi. Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.
15 # 24:15 Satanasi‑ka yo‑yose tamine amane. “Deoso yokana ama·oni.” Ati nebonane. Ati ene korimari mai hinawaaribonane, Deoso‑ka yobe‑ya. Deoso‑ka yobe‑ya deoso bare‑ka yama waabone, fara ihi Deoso‑ka yobe towe tohawahebona tamine‑ya Daniyeo kanahanomatamonane.
(Yama towe waa, dai awiya, dai atibodi yama‑ya kadikahi, dai watowahabonehe.)
16Deoso‑ka yobe doro‑ya yama towe wai, dai awiya, dai kananiyahi. Yodeya‑ya dai wi‑wina adami webote‑kaya dai tokiyahi.
17Yama siri‑kaya dai naha, dai yehe honene yobe doro‑ya towadakosa, dai tonakamariyahi. Hiniya dai kananahi.
18Fadara‑ya yama dai anina, dai‑ka bora one yobe‑ya toha, yobe‑ya dai tokomariyahi. Hiniya dai kananahi.
19Ka! Mai fanawi naba toha, mai‑ka madehe i‑isi na toha na, mai kananiya yama ati kasiraboneni.
20Deoso dai hiyarahi. Yama towe yananabone, yama siri kiti awirihi, sabado awirihi ni‑ya yama towe yanana, yama amosabisaboneni.
21Yama towe koboniya, dai‑ya mai kako nafeboneni. Dai‑ya mai bisi, dai‑ya mai nanahaba naboneni. Adaho nowati‑ya haa‑nima yama ni awisarani, yama nabone kitabisaboneni. Deoso‑ka dai toha dai‑ya mai kako bi‑bidi namaro, dai‑ya mai kako kiti nafibisaboneni. Haa‑nima yamana, kobonamatasateraboneni.
22Haa‑nima yama niya, yama nahoraboneni. Deoso yama‑ya maakare‑mana, dai nafi aba neni. Yama towe‑ya Deoso maakanebonane, hika mai one hasinabonehe.
23Dai‑ya mai keyehebone,
‘Deoso‑ka Ka‑kadika kobone. Ahiyata sawine.’ Mai one ati nihi,
‘Deoso‑ka Ka‑kadika tabora one‑ya sawine.’ Mai one ati nihi naboneni.”
Haa‑nima mai ati na, mai ati dai nofariyahi.
24‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro.
‘Deoso ati‑ya mi‑mita ama·oni.’ Mai one ati nihi naboneni.
Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.
25Yama tamine okamina, fara koboniya, yama‑ya dai watowahaboneni.
26‘Deoso‑ka Ka‑kadika kabani‑ya waine.’ Mai ati niya,
mai ati dai nofariyahi. Dai tokariyahi.
‘Deoso‑ka Ka‑kadika yobe doro‑ya sawine.’ Mai ati niya, mai ati dai nofariyahi.
27Bahi yebekane ai nafi awateni. Bahi yebekane‑nima dai‑ka Ayo neme‑ke kakine, dai nafi awaboneni.
28Bani bate home‑ya boko mai toka, bani bate dai watoteni. Fara‑nima dai‑ka Ayo neme‑ke kamataseya, dai nafi watowahaboneni.
29Dai‑ya mai bisina mai amoni tosiyoya, mahi wehene fawa, abariko wehene fawa, amowa mai dama bofe‑ya mai fororo, neme‑kaya yama nafi wawawakana naboneni.
30Haa‑nima yamana yananiya, neme‑ya dai‑ka Ayo neme‑ke fodomakibona, mai nafi ohinawahaboneni. Dai‑ka Ayo neme‑ke‑ya mai awabone, neme sabi‑ya kisameya, wehene nafibonane. Ene kitebonane.
31Deoso‑ka yo‑yose mai one‑ya yosebonane, hika mai‑ya mai yababonehe. Ho‑hori ati yananiya, wami nafi‑kaya mai wi‑wina Deoso‑ka mai toha mai‑ya mai yorotokanaboneni.
32 # 24:32 Mai tabori‑ya yama siri‑ya awa afe aba, yama hiwe koboni yanatoniya, afe yanamatasateni. Dai‑ya okanawataboneni. Fiko ai awiya, ini fahi kobonama, afe yanama, yama hiwe kakebone ai watoteni.
33Owati‑nima yama niya, dai‑ka Ayo neme‑ke koboni yanatone, kobo kanibote nebonane.
34Owati amosa dai mitahi. Owati‑nima yama yanana‑ya mai awiya, mai one hasinasa niya, dai‑ka Ayo neme‑ke kobonebonane.
35Owati‑nima yama naboneni. Neme, bofe na, ababisabone, owati‑ta abateraboneni.” Yeso ati nemarine.
Yeso amoni ai watora
36“Dai‑ka Ayo neme‑ke amoni, hika ora ne dai watorihi, Deoso‑ka yo‑yose neme‑ya mai sawe, mai hiwatorihi, Deoso Bidi hini amoni‑ya watorihi nane. Okobi ohari hiwatobisineni.
37Dai‑ka Ayo neme‑ke kamataseya, Nowe sawimata‑ka yama‑nima yama na yananamatasaboneni.
38Faha kimisi awisari‑ya Nowe ati‑ya mai tokadabara, hiniya mai tafa, kawi‑ya mai fawa, mai fana mai na, mai ihi towe tohanasa niya, kanawa dori‑ya Nowe tokiyomematamonane.
39Yama‑ya mai wato awisari‑ya faha kakiwaha, mai abawahametemoneni. Fara‑nima, yama‑ya mai wato awisari‑ya dai‑ka Ayo neme‑ke kobonamatasebonane.
40Awa‑ya mai fama mai anina, okomiya, ohari owakame, owa‑ta towakosebonane.
41Kimi‑ya mai fanawi fama tooniya, okomiya, ohare owakama, ohare towitakosa naboneni.
42Dai noko wadahi. Dai‑ka hidi amoni dai watorani.
43Ai‑ka yama‑ya botibona‑ka ora tamine‑ya ai mita, ai noko wadaboneni, ai‑ka yama‑ya botirebonaha.
44Dai noko wadahi. Dai‑ka Ayo neme‑ke kobonebona, dai one nimahinamareya, kobonebonane.
45Owati dai mitahi. Hidi‑ka yo‑yose mai dama, hika yo‑yose ohari yama‑ya watone, hidi ati‑ya tokadabi amose, hidi ati ene mai one‑ka hidi tohawahebonane, mai‑ya natafebonaha.
46Hidi koboneya, hidi ati‑nima ene ne, ya‑yainebonane.
47Owati amosa dai mitahi. Yama dama‑ya hidi daanebonane, hinawadabonehe.
48Hidi‑ka yo‑yose towe toheya, hidi‑ya nimani nafi,
‘Oka hidi kama kanibote re, kama kanibote ni awirebonane.’ Hika yo‑yose atibodi ati ne,
49mai one‑ya bisi, kawi‑ya mai fawa mai‑ya daba neya,
50hidi kama kanibote nebonane. Hika mahi, hika ora ne‑ya hika yo‑yose wato awirebonane.
51Hidi kobonameya, hika yo‑yose towe‑ya bisini kitebonane. Deoso ati‑ya mai tokadabara mai sawi‑kaya hinawaibonane. Mai ohi, mai kome kita naboneni.” Yeso ati nemarine.
Currently Selected:
:
Highlight
Share
Copy
Want to have your highlights saved across all your devices? Sign up or sign in