Maroko 1
1
1Yeso Kirisito tamine amosabote amane. Yeso Kirisito, i‑di Deoso Bidi tamine okanahanaboneni.
2Hibati‑ya yama kobonabone tamine‑ya i‑di Isa·iya kanahanomatane.
“Owati timitahi. Oka yo‑yose bofe‑ke oyoseboneni, tiwa hawine‑bone‑ya hawa tonihibonaha.
3Fare bofe‑ke mai‑ka owa kabani‑kaya ati yananeya,
‘Ai‑ka Hidi webote hawine‑bona dai namosahi.’ Ati nebonane.” Deoso ati ne, ati‑ya i‑di Isa·iya kanahanomatane.
4Isa·iya ati‑mata‑nima Yowaho Batita koboni dai tohe, kabani‑kaya mai‑ya hiyare,
“Dai atibodi yama‑ya kadikiya, eya dai atibodi ati nahi.
‘Deoso, oda ene amosaramaro, oda tikasomahi, oda ene amosawamabonehe.’ Dai ati nahi.
Eya dai atibodi ati niya, Deoso dai ene manakone‑ya haanamarebona, dai‑ya haba·onirisaboneni.” Yowaho Batita ati ne, ati damemarine.
5Yodeya‑ya mai wi‑wina mai tokomaki, Yerosare‑ya mai wi‑wina mai tokomaki na, i‑di Yowaho Batita‑ya mai tokomakemaroni.
“Owa ene towe amani.” Mai ati na,
Yodaho Faha‑ya i‑di Yowaho Batita mai‑ya habanirisemarine.
6Kamero kone wamani‑ya Yowaho Batita weye, bani ataro wamani‑ya dosi‑ya sokinaki nemarine. Yowaho Batita yamata‑ya kihare, ti‑tiri mai‑ya kaba, mo‑mona mai fahi‑ya fawa nemarine.
7Yowaho Batita eya ati ne,
“Ai owa kamakibona, kitabotebisa amane. Owa‑ta towebisa ama·oni. Amosabotebisa amane.
8Faha‑ya dai‑ya haba·onirisa, ai owa koboneya, ati ene Deoso‑ka Doni dai one‑ya sawiwahebonane.” Yowaho Batita ati ne, ati damemarine.
9Yowaho Batita mai‑ya hiyareya, Yeso kamakimarine. Nasare Karireya‑kaya yanane, kamaki, Yodaho Faha‑ya Yeso‑ya i‑di Yowaho Batita habanirisemarine.
10Faha‑ya Yeso habanise, waamisame, neme seekana, Deoso‑ka Doni kisemarine, Yeso‑ya. Wayomata awi‑nima Deoso‑ka Doni awinemarine.
11Neme‑ya ati kaki,
“Oka Dao amatini. Tiwa onofi nafineni. Tiwa ene amosa ene ya‑yai·oneni.” Ati nemarine.
Kabani‑ya Yeso tokane
12Deoso‑ka Doni ati ene kabani‑ya Yeso tokawahemarine.
13Kabani‑ya Yeso winawahe, amoni 40 kane bani kabani‑ka mai‑ya dabematane. Satanasi Yeso‑ya hiyarematane, Deoso ati‑ya tokadabamarebonaha. Deoso‑ka yo‑yose Yeso‑ya mai kasomameteni.
Yeso hika mai da‑daba‑bone mai‑ya himane
14Yowaho Batita‑ya sodado mai wata, kadeya‑ya mai hinafoyemarine. Fare nowati‑ya Karireya‑kaya Yeso tokomatasemarine. Deoso ati amosabote‑ya Yeso kaminemarine.
15Yeso mai‑ya hiyare,
“Deoso ai nafi‑ka hidi kitabote tohawahebonane. Dai ene towe‑ya dai nofamariyahi. Deoso ati amosabote ati dai nofahi.” Yeso ati ne, ati damemarine.
16Karireya‑ka wara webote widi‑ya Yeso tokobase, Simaho, sohori i‑di Anidere‑ya fame, hedi‑ya mai kerokana, mai‑ya Yeso awematane. Fara aba mai‑ya mai na‑nawasi mai tohamaroni.
17Yeso mai‑ya himane,
“Hima, owa‑ya dai dabahi. Owa tamine dai hiyarawahaboneni. Hibati‑ya aba mai‑ya dai nawasiteni. Hibayata owati‑ya mai nofabone mai‑ya dai sibanaboneni.” Yeso ati nematane.
18Yeso ati‑ya mai mita, mai‑ka hedi towitakosa, Yeso‑ya mai dabawahameteni.
19Mai toka, i‑di Tiyako, sohori i‑di Yowaho‑ya fame‑ya Yeso awematane. Mai‑ka abi i‑di Sebedeo‑ya mai daba, kanawa dori‑ya mai mookana, mai‑ka hedi‑ya mai awawamameteni.
20Yeso mai‑ya awe, mai‑ya himanamakitase, mai‑ka abi‑ka yama‑ya mai a‑ani mai eyehe tofoyakose, bidi‑ta Yeso‑ya mai dabameteni.
Kafanaho‑ya mai toka
21Kafanaho‑ya mai toka, sabado‑ya Deoso‑ya mai hi‑hiyara‑ke yobe‑ya Yeso tokiyome, mai‑ya kanawatomarine.
22Yeso ati‑ya mai mita,
“Se! Yeso yama hani ati‑ya wato nafine. Mose‑ka yama hani ati‑ya mai ka‑kamina haa‑nima mai ati ni awirani. Yama hani hidi ati‑nima Yeso ati nibisane.” Mai atibodi ati namaroni.
23Deoso‑ya mai hi‑hiyara‑ke yobe‑ya maki madi towe foye‑ke sawi, Yeso‑ya haane,
24“Yeso Nasare‑ke hini yamata‑nima tinaba? Oda‑ya bisitiriyahi. Tiwa owatoni. Deoso‑ka amosabote amatini.” Madi towe ati nemarine.
25“Tiwati fawanahi. Maki‑ya tifoyamariyahi.” Yeso madi towe‑ya weene, ati nemarine.
26Madi towe ene maki yehe, teme ne, weokanemarine. Madi towe ati kite, toke, maki amosawamemarine.
27Yeso ene‑ya mai awa, mai atibodi yama‑ya kadika, mai ibi hiyara,
“Se! Hibati‑ya haa‑nima ai ene na ai awaterani. Hini yamata ihi Yeso ati kite, ati‑ya madi towe mai tokadabateni.” Mai ati namaroni.
28Yeso tamine‑ya mai kaminamaroni. Karireya‑ka tabora dami‑ya Yeso ene tamine‑ya mai mitamaroni.
Simaho‑ka yobe‑ya mai toka
29I‑di Yeso, i‑di Simaho, i‑di Anidere, i‑di Tiyako, i‑di Yowaho mai na, Deoso‑ya mai hi‑hiyara‑ke yobe doro‑ya mai yanana, i‑di Simaho, i‑di Anidere mai‑ka yobe doro‑ya mai tokiyamameteni.
30Simaho‑ka koma kiyana, hiwe nafe, kawina tamine‑ya mai kaminameteni.
31Simaho‑ka koma yahi‑ya Yeso waratokane, hiidimisameteni. Simaho‑ka koma kitama, hiwe fawana, mai tafe‑bone‑ya awawahameteni.
32Yama soki yanatoni‑ya mai kiyana mai toha, madi towe mai sawi‑ka mai toha na, Yeso‑ya mai mai hiwakamamaroni.
33Tabora‑ka Yeso‑ya mai nafi kamake, yobe‑ka nokobi‑ya mai nahamaroni.
34Yeso mai‑ya awe, mai kiyana mai dami‑ya nakitamemarine. Madi towe Yeso‑ya mai wata, Yeso tamine‑ya mai kaminabone, Yeso ati ene madi towe mai ati yanara, mai kananineni.
Kabani‑ya Deoso‑ya Yeso hiyare
35Yama wahi yanatoni‑ya kabani‑ya Yeso tokematane, Deoso‑ya hiyarebonaha.
36I‑di Simaho hika mai eyehe Yeso‑ya sibanematane.
37Yeso‑ya mai wasiwama, Yeso‑ya mai hiyara,
“Tiwa oda sibana, mai nafi tiwa‑ya sibanani.” Mai ati nameteni.
38Yeso ati yanane,
“Hima, tabora one‑ya ai tokahi, Deoso ati‑ya mai one‑ya okaminamakitasaboneni. Mai tabori dami‑ya Deoso ati ohiyarabone okamaroni.” Yeso ati nematane.
39Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya Deoso ati‑ya Yeso hiyare, madi towe mai‑ya kananiwahemarine.
Mese towe tohe
40Mese towe tohe kaki, Yeso noko‑ya yobati‑kaya waaki, Yeso‑ya hiyare,
“Haa‑nima ai‑na ai kasomi tiwata, owa kasomi tinofakarini?” Ati nemarine.
41Yeso maki‑ya nofe, fai‑ya boyone, ati yanane,
“Onofini, tiwa mese amosawamahi.” Yeso ati nemarine.
42Hika yama kome fawanawaha, mese amosawamemarine.
43Maki‑ya Yeso yose kanibote ne,
“Owati timitahi.
44Owa ene mai‑ya tihiyarariyahi. Hiniya Deoso‑ka yama‑bone‑ya mai da‑daa mai‑ya tikahi. Mose‑ka yama hani ati‑nima yama daatiniya, tikitama, tiwa‑ya mai watowahaboneni.” Yeso ati nemarine.
45Yeso ati‑ya maki tokadabare, mai nafi‑ya Yeso ene tamine‑ya hiyaremarine. Mai dama mai ihi yama tehe‑ya tabora webote‑ya Yeso tokomaremarine. Kabani‑kaya Yeso waabisemarine. Tabora dami‑ka Yeso‑ya mai towamakemaroni, kabani‑kaya.
Currently Selected:
Maroko 1: jaaNT
Highlight
Share
Copy
Want to have your highlights saved across all your devices? Sign up or sign in
Maroko 1
1
1Yeso Kirisito tamine amosabote amane. Yeso Kirisito, i‑di Deoso Bidi tamine okanahanaboneni.
2Hibati‑ya yama kobonabone tamine‑ya i‑di Isa·iya kanahanomatane.
“Owati timitahi. Oka yo‑yose bofe‑ke oyoseboneni, tiwa hawine‑bone‑ya hawa tonihibonaha.
3Fare bofe‑ke mai‑ka owa kabani‑kaya ati yananeya,
‘Ai‑ka Hidi webote hawine‑bona dai namosahi.’ Ati nebonane.” Deoso ati ne, ati‑ya i‑di Isa·iya kanahanomatane.
4Isa·iya ati‑mata‑nima Yowaho Batita koboni dai tohe, kabani‑kaya mai‑ya hiyare,
“Dai atibodi yama‑ya kadikiya, eya dai atibodi ati nahi.
‘Deoso, oda ene amosaramaro, oda tikasomahi, oda ene amosawamabonehe.’ Dai ati nahi.
Eya dai atibodi ati niya, Deoso dai ene manakone‑ya haanamarebona, dai‑ya haba·onirisaboneni.” Yowaho Batita ati ne, ati damemarine.
5Yodeya‑ya mai wi‑wina mai tokomaki, Yerosare‑ya mai wi‑wina mai tokomaki na, i‑di Yowaho Batita‑ya mai tokomakemaroni.
“Owa ene towe amani.” Mai ati na,
Yodaho Faha‑ya i‑di Yowaho Batita mai‑ya habanirisemarine.
6Kamero kone wamani‑ya Yowaho Batita weye, bani ataro wamani‑ya dosi‑ya sokinaki nemarine. Yowaho Batita yamata‑ya kihare, ti‑tiri mai‑ya kaba, mo‑mona mai fahi‑ya fawa nemarine.
7Yowaho Batita eya ati ne,
“Ai owa kamakibona, kitabotebisa amane. Owa‑ta towebisa ama·oni. Amosabotebisa amane.
8Faha‑ya dai‑ya haba·onirisa, ai owa koboneya, ati ene Deoso‑ka Doni dai one‑ya sawiwahebonane.” Yowaho Batita ati ne, ati damemarine.
9Yowaho Batita mai‑ya hiyareya, Yeso kamakimarine. Nasare Karireya‑kaya yanane, kamaki, Yodaho Faha‑ya Yeso‑ya i‑di Yowaho Batita habanirisemarine.
10Faha‑ya Yeso habanise, waamisame, neme seekana, Deoso‑ka Doni kisemarine, Yeso‑ya. Wayomata awi‑nima Deoso‑ka Doni awinemarine.
11Neme‑ya ati kaki,
“Oka Dao amatini. Tiwa onofi nafineni. Tiwa ene amosa ene ya‑yai·oneni.” Ati nemarine.
Kabani‑ya Yeso tokane
12Deoso‑ka Doni ati ene kabani‑ya Yeso tokawahemarine.
13Kabani‑ya Yeso winawahe, amoni 40 kane bani kabani‑ka mai‑ya dabematane. Satanasi Yeso‑ya hiyarematane, Deoso ati‑ya tokadabamarebonaha. Deoso‑ka yo‑yose Yeso‑ya mai kasomameteni.
Yeso hika mai da‑daba‑bone mai‑ya himane
14Yowaho Batita‑ya sodado mai wata, kadeya‑ya mai hinafoyemarine. Fare nowati‑ya Karireya‑kaya Yeso tokomatasemarine. Deoso ati amosabote‑ya Yeso kaminemarine.
15Yeso mai‑ya hiyare,
“Deoso ai nafi‑ka hidi kitabote tohawahebonane. Dai ene towe‑ya dai nofamariyahi. Deoso ati amosabote ati dai nofahi.” Yeso ati ne, ati damemarine.
16Karireya‑ka wara webote widi‑ya Yeso tokobase, Simaho, sohori i‑di Anidere‑ya fame, hedi‑ya mai kerokana, mai‑ya Yeso awematane. Fara aba mai‑ya mai na‑nawasi mai tohamaroni.
17Yeso mai‑ya himane,
“Hima, owa‑ya dai dabahi. Owa tamine dai hiyarawahaboneni. Hibati‑ya aba mai‑ya dai nawasiteni. Hibayata owati‑ya mai nofabone mai‑ya dai sibanaboneni.” Yeso ati nematane.
18Yeso ati‑ya mai mita, mai‑ka hedi towitakosa, Yeso‑ya mai dabawahameteni.
19Mai toka, i‑di Tiyako, sohori i‑di Yowaho‑ya fame‑ya Yeso awematane. Mai‑ka abi i‑di Sebedeo‑ya mai daba, kanawa dori‑ya mai mookana, mai‑ka hedi‑ya mai awawamameteni.
20Yeso mai‑ya awe, mai‑ya himanamakitase, mai‑ka abi‑ka yama‑ya mai a‑ani mai eyehe tofoyakose, bidi‑ta Yeso‑ya mai dabameteni.
Kafanaho‑ya mai toka
21Kafanaho‑ya mai toka, sabado‑ya Deoso‑ya mai hi‑hiyara‑ke yobe‑ya Yeso tokiyome, mai‑ya kanawatomarine.
22Yeso ati‑ya mai mita,
“Se! Yeso yama hani ati‑ya wato nafine. Mose‑ka yama hani ati‑ya mai ka‑kamina haa‑nima mai ati ni awirani. Yama hani hidi ati‑nima Yeso ati nibisane.” Mai atibodi ati namaroni.
23Deoso‑ya mai hi‑hiyara‑ke yobe‑ya maki madi towe foye‑ke sawi, Yeso‑ya haane,
24“Yeso Nasare‑ke hini yamata‑nima tinaba? Oda‑ya bisitiriyahi. Tiwa owatoni. Deoso‑ka amosabote amatini.” Madi towe ati nemarine.
25“Tiwati fawanahi. Maki‑ya tifoyamariyahi.” Yeso madi towe‑ya weene, ati nemarine.
26Madi towe ene maki yehe, teme ne, weokanemarine. Madi towe ati kite, toke, maki amosawamemarine.
27Yeso ene‑ya mai awa, mai atibodi yama‑ya kadika, mai ibi hiyara,
“Se! Hibati‑ya haa‑nima ai ene na ai awaterani. Hini yamata ihi Yeso ati kite, ati‑ya madi towe mai tokadabateni.” Mai ati namaroni.
28Yeso tamine‑ya mai kaminamaroni. Karireya‑ka tabora dami‑ya Yeso ene tamine‑ya mai mitamaroni.
Simaho‑ka yobe‑ya mai toka
29I‑di Yeso, i‑di Simaho, i‑di Anidere, i‑di Tiyako, i‑di Yowaho mai na, Deoso‑ya mai hi‑hiyara‑ke yobe doro‑ya mai yanana, i‑di Simaho, i‑di Anidere mai‑ka yobe doro‑ya mai tokiyamameteni.
30Simaho‑ka koma kiyana, hiwe nafe, kawina tamine‑ya mai kaminameteni.
31Simaho‑ka koma yahi‑ya Yeso waratokane, hiidimisameteni. Simaho‑ka koma kitama, hiwe fawana, mai tafe‑bone‑ya awawahameteni.
32Yama soki yanatoni‑ya mai kiyana mai toha, madi towe mai sawi‑ka mai toha na, Yeso‑ya mai mai hiwakamamaroni.
33Tabora‑ka Yeso‑ya mai nafi kamake, yobe‑ka nokobi‑ya mai nahamaroni.
34Yeso mai‑ya awe, mai kiyana mai dami‑ya nakitamemarine. Madi towe Yeso‑ya mai wata, Yeso tamine‑ya mai kaminabone, Yeso ati ene madi towe mai ati yanara, mai kananineni.
Kabani‑ya Deoso‑ya Yeso hiyare
35Yama wahi yanatoni‑ya kabani‑ya Yeso tokematane, Deoso‑ya hiyarebonaha.
36I‑di Simaho hika mai eyehe Yeso‑ya sibanematane.
37Yeso‑ya mai wasiwama, Yeso‑ya mai hiyara,
“Tiwa oda sibana, mai nafi tiwa‑ya sibanani.” Mai ati nameteni.
38Yeso ati yanane,
“Hima, tabora one‑ya ai tokahi, Deoso ati‑ya mai one‑ya okaminamakitasaboneni. Mai tabori dami‑ya Deoso ati ohiyarabone okamaroni.” Yeso ati nematane.
39Karireya‑kaya tabora dami‑ya Yeso tokawahe, Deoso‑ya mai hi‑hiyara‑ke yobe dami‑ya Deoso ati‑ya Yeso hiyare, madi towe mai‑ya kananiwahemarine.
Mese towe tohe
40Mese towe tohe kaki, Yeso noko‑ya yobati‑kaya waaki, Yeso‑ya hiyare,
“Haa‑nima ai‑na ai kasomi tiwata, owa kasomi tinofakarini?” Ati nemarine.
41Yeso maki‑ya nofe, fai‑ya boyone, ati yanane,
“Onofini, tiwa mese amosawamahi.” Yeso ati nemarine.
42Hika yama kome fawanawaha, mese amosawamemarine.
43Maki‑ya Yeso yose kanibote ne,
“Owati timitahi.
44Owa ene mai‑ya tihiyarariyahi. Hiniya Deoso‑ka yama‑bone‑ya mai da‑daa mai‑ya tikahi. Mose‑ka yama hani ati‑nima yama daatiniya, tikitama, tiwa‑ya mai watowahaboneni.” Yeso ati nemarine.
45Yeso ati‑ya maki tokadabare, mai nafi‑ya Yeso ene tamine‑ya hiyaremarine. Mai dama mai ihi yama tehe‑ya tabora webote‑ya Yeso tokomaremarine. Kabani‑kaya Yeso waabisemarine. Tabora dami‑ka Yeso‑ya mai towamakemaroni, kabani‑kaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in