Marcos 14
14
Krĩcha jʉrʉdꞌapeadꞌa Jesús beadꞌaita
(Mateo 26:1-5; Lucas 22:1-2; Juan 11:45-53)
1Ewari ũme wãẽã nʉmasia Egiptodꞌeba ẽzoadꞌata krĩcha fiesta obadata, maʉ̃nerã pan ne oreguea ne ẽã kꞌobada. Maʉ̃ne sacerdoterã nokꞌorãta ũrãgꞌa Moisédꞌe jarabada bawara krĩcha jʉrʉsidꞌa Jesús sãwũã sewadꞌape jidadꞌaita, aramaʉ̃ne beabidꞌaita. 2Mawũẽ mawũãsidꞌa: Fiestadꞌera beadꞌa ẽã zhãrãta kĩrũna ẽbamarẽã pʉwʉrʉdꞌe.
Jesús burudꞌe kerata weadꞌapeadꞌa
(Mateo 26:6-13; Juan 12:1-8)
3Jesús Betaniane bꞌʉta, Simónta aidꞌaba kꞌaya bꞌadꞌa dedꞌa bꞌʉdꞌe, nekꞌo nʉmʉne wũẽrãta zebʉrʉta kera nardo ne ʉ̃tʉta jiwado mongꞌara omane wepe obꞌʉetape kera Jesús burudꞌe ʉ̃rʉ̃ weasia.
4Maʉ̃ne ʉ̃kʉrʉ kĩrũbʉdata ãzhirãĩnu mawũãsidꞌa: ¿Kera kꞌãrẽã kꞌãwũã weabue? 5Ewari treciento trajadꞌabari nendoidꞌe bꞌasia denario trecientobari, mobedꞌeba maʉ̃ platara diakꞌausia zuburia bꞌea.
Aramaʉ̃ne bĩ ẽã jarasidꞌa maʉ̃ wũẽrã.
6Mawũẽ Jesúsbara mawũãsia: Idaribiudua, ¿kꞌãrẽã miãsẽã erukꞌopanʉ? Mʉ kꞌãwũã obʉrʉra biata obʉrʉa. 7Zuburia bꞌera marã bawara ewariza bꞌeaya, mawũẽ marãba kꞌareba krĩñabʉdadꞌera kꞌareba bꞌedꞌaya. Mawũãmina mʉrã marã bawara ewariza bꞌa ẽã. 8Naʉ̃ wũẽrãbara izha osia bꞌʉta obʉrʉa. Mʉ kꞌakuara nawedꞌa keraba tũã obʉrʉba aribꞌaebʉrʉa mʉ wuagꞌa bꞌʉdꞌaita. 9Mʉã wãrĩnu marãã jaraya, baridu maẽ ẽjũã jõmaʉ̃ne bedꞌea biata mʉnebemata jarabʉda maẽ naʉ̃ wũẽrãba kꞌãwũã obʉrʉsidꞌa nebʉrʉdꞌaya, izhira aramaʉ̃ne krĩchabadaya.
Juda wãna Jesús chãbꞌariita
(Mateo 26:14-16; Lucas 22:3-6)
10Juda Iscariote Jesúsba doce jʉrʉkuadꞌadꞌebemata sacerdoterã nokꞌorãma wãsia Jesús chãbꞌariita. 11Ãzha maʉ̃ta ũrĩnaĩ sobiadꞌape plata diaita jarasidꞌa. Mawũẽ Judabara kĩrãkuita bꞌesia sãwũã chãbꞌariita.
Zhiko odꞌapeadꞌa Jesúita
(Mateo 26:17-29; Lucas 22:7-23; Juan 13:21-30)
12Fiesta obʉdata ewari nabemane pan ne oreguea ne ẽã kꞌobadadꞌe oveja zaketa beabadadꞌe izha jʉrʉkuadꞌabara Jesúa mawũãsidꞌa: ¿Bʉara sãma odꞌaita krĩñape Egiptodꞌeba ẽzoadꞌata krĩcha nekꞌobadara?
13Mawũãnaĩ izha jʉrʉkuadꞌata ũme zokꞌabʉrʉta mawũãsia: Wãũdua Jerusalén pʉwʉrʉedꞌa, maĩnu marãbara ũmakĩrãta daucha zeya zokꞌodꞌe baniã akꞌobꞌʉta, maʉ̃ kꞌaidꞌu wãũdua. 14Deidꞌu wãbʉrʉ maẽ de zhibaria mawũãũdua: Miã Ũrãgꞌabariba mawũãsia: ¿Kʉdꞌa sãma bꞌʉ Egiptodꞌeba ẽzoadꞌata krĩcha kꞌobadata mʉã mama kꞌoira mʉã jʉrʉkuadꞌa bawarauba? 15Izhara marãã ũdubigaya kʉdꞌa ʉ̃rʉ̃bema kʉdꞌa zromata zhi araa omata, mama zhiko oudua dazhirãĩta.
16Izha jʉrʉkuadꞌara wãnape Jerusalén pʉwʉrʉdꞌe edꞌa wãbʉdadꞌera ũdusidꞌa izha jaradꞌa kĩrãkꞌa. Zhikora aramaʉ̃ne osidꞌa Egiptodꞌeba ẽzoadꞌata krĩcha fiesta obadata.
17Keubʉrʉdꞌera Jesús zesia izha jʉrʉkuadꞌata doce bawara. 18Mobe jewedꞌa duanepe nekꞌobʉdadꞌera Jesúsbara mawũãsia: Mʉã wãrĩnu marãã jaraya, marãnebemata iabꞌa mʉ ũme nekꞌo kꞌobꞌʉba mʉrã chãbꞌariya.
19Mawũãĩ ãzhira sopuabʉdaba abꞌa abꞌaʉba mawũãsidꞌa: ¿Mawũã oira mʉka?
20Mawũãnaĩ Jesúsbara panaʉ̃ mawũãsia: Mʉã doce jʉrʉkuadꞌaba abꞌaʉba mawũã chãbꞌariya, maʉ̃bara mʉrẽ kĩrãkꞌa panta sõmbera kꞌobꞌʉa epedꞌekꞌodꞌe. 21Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.
22Nekꞌo duanune Jesúsbara pan jiraedape maʉ̃bari Daizezea zhibia jipe bꞌʉape dedꞌekabʉrʉta mawũãsia: Jidaudua, naʉ̃ mʉ kꞌakua.
23Mobebʉrʉ vino copadꞌe jiraedape maʉ̃bari Daizezea zhibia jipe dedꞌekasia, mawũẽ dosidꞌa jõmaʉ̃ba. 24Mobebʉrʉ mawũãsia: Naʉ̃ mʉ wata Daizezeba zhãrã ẽdrʉbiidꞌebemata zhiwidꞌita nʉmeña, mʉrã biobari wa erezoaya. 25Mʉã wãrĩnu marãã jaraya, mʉãrã vino wueta do ẽã, marã bawarauba jari ewade zhiwidꞌita doyeedꞌa Daizezeta Nokꞌo maẽ.
Jesúsba jaradꞌa Pedroba ũdukꞌa aita
(Mateo 26:30-35; Lucas 22:31-34; Juan 13:36-38)
26Trʉ̃ãbi Salmota trʉ̃ãnape wãsidꞌa Olivo kꞌatumaĩnu.
27Maʉ̃ne Jesúsbara mawũãsia: Marãbara mʉrã jõmaʉ̃ba ãmaẽnaña nane diamase. Maʉ̃ẽnabemata zhi bꞌʉmata mawũã bꞌʉa:
Mʉãrã ãzhi akʉbarita beaya, mawũẽ oveja jãrãzoaya. (Zacarías 13:7)
28Mawũãmina mʉta beudꞌata piradrʉbʉrʉdꞌera mʉrã marã na wãña Galileaedꞌa.
29Mawũãĩ Pedroba mawũãsia: Bʉra jõmaʉ̃ba ãmaẽbʉdaidꞌu mʉã bʉra ãmaẽ ẽã.
30Mawũãĩ Jesúsbara mawũãsia: Mʉã wãrĩnu bʉaa jaraya: Nane diamase gallo beruma ũme berui nawedꞌa bʉa mʉrã ũdukꞌata jarama ũbea jaraya.
31Mawũãĩ Pedrobara wuaabʉrʉ mawũãsia: Bʉ ũme beuita babʉrʉsidꞌa mʉã bʉra ũdukꞌata jara ẽã.
Mawũãĩ jõmaʉ̃ba abꞌarika jarasidꞌa.
Jesús zhiwidꞌidꞌa Getsemaníne
(Mateo 26:36-46; Lucas 22:39-46)
32Getsemaní abadaidꞌu zekuape Jesúsbara izha jʉrʉkuadꞌaa mawũãsia: Nama jewedꞌaudua, mʉta zhiwidꞌi kꞌobꞌʉedꞌa.
33Mobe izhi bawara edesia Pedrota, Jacobota, Juanta, maʉ̃nerã kꞌãbãẽã sopua kꞌobꞌesia. 34Mawũẽ mawũãsia: Mʉrã sopuaba beuita kꞌobꞌʉa, nama duanedua, ʉ̃rʉ̃ma kꞌopanadua.
35Mobe arajĩga wãpe egoroma bꞌarru kꞌobꞌepe zhiwidꞌisia Daizezema bigabʉrʉ izhira zuburiabi ẽbamarẽã. 36Izhara mawũãsia: Zeze, bʉitara ne jõma borekea, mawũẽ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.
37Mobe zebʉrʉdꞌe kꞌãĩ nʉmeta ũdui Pedroa mawũãsia: ¿Simón, bʉra kꞌãĩ nʉmʉka? ¿Bʉra ʉ̃rʉ̃ma kꞌobꞌa bꞌe ẽka hora abꞌabidꞌa? 38Ʉ̃rʉ̃ma kꞌopanadua, zhiwidꞌiudua wãẽãna ẽbaita. Marãbara wãrãne biata okrĩña bꞌea, mawũãmina kꞌakuabara bꞌe ẽã nʉmʉã.
39Wakusa wãpe zhiwidꞌisia abꞌaʉ bedꞌeata jara. 40Mobe wakusa zebʉrʉdꞌera wakusa ũdusia kꞌãĩ nʉmeta, dapeaba ãzhi dabʉra kꞌabꞌari erunʉmasia. Mawũẽ kꞌawuadꞌa ẽbasia kꞌãrẽta jara panaʉ̃naĩrã. 41Zema ũbeata zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.
42Pirabꞌariudua, wãdrʉ. Kꞌaita ba mʉ chãbꞌariira.
Jesús jidadꞌapeadꞌa
(Mateo 26:47-56; Lucas 22:47-53; Juan 18:2-11)
43Jesús wadꞌi bedꞌea kꞌobꞌʉdꞌe zesia Judata, maʉ̃ docedꞌebema basia, izhi bawara zhãrã bio zesidꞌa kuchoedꞌa bakuruedꞌa. Maʉ̃rã zokꞌasidꞌa sacerdoterã nokꞌorãba, ũrãgꞌa Moisédꞌe jarabadaba, nokꞌorãba. 44Judabara sãwũã chãbꞌariita jaradꞌata mawũãsia: Mʉã kĩrãma nigabʉrʉta maʉ̃ta izhia, maʉ̃ta jidaudua, mobe bia jʉ̃ edeudua. 45Aramaʉ̃ne zepe Jesús orrape mawũãsia: Miã Ũrãgꞌabari.
Mobe kĩrãma nigasia.
46Aramaʉ̃ne Jesús jidasidꞌa. 47Mawũẽ mama kꞌopanʉbara abꞌaʉba kuchota ẽpe tusia sacerdote wagꞌau nezokꞌata, mawũẽ ʉrawesia kʉwʉrʉta.
48Maʉ̃nerã Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? 49Mʉrã ewariza marã bawara bꞌʉta Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia. Mawũãmina kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata.
50Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.
Kũrãta merũ wãẽbadꞌa
51Maʉ̃ne kũrãta kꞌaidꞌu jʉ̃drʉbʉrʉta bari burubꞌaba kꞌakua bura bꞌʉta jidasidꞌa. 52Mawũãmina izhara burubꞌa kenetape ẽkꞌadꞌa merũ wãẽbasia.
Jesús ededꞌapeadꞌa wagꞌaurã kĩrãbita
(Mateo 26:57-68; Lucas 22:54-71; Juan 18:12-24)
53Jesús wesidꞌa sacerdote wagꞌauma, maʉ̃nerã zhi jʉresidꞌa sacerdoterã nokꞌorãta, dewara nokꞌorãta, ũrãgꞌa Moisédꞌe jarabadata. 54Pedrora arajĩga kꞌaidꞌu wãsia sacerdote wagꞌau drogꞌoaidꞌu edꞌa. Mobe Daizeze de akʉbada bawara jewedꞌasia tebʉ kꞌã. 55Maʉ̃ne sacerdoterã nokꞌorãba, nokꞌorã wagꞌaurã jõmaʉ̃ba krĩcha jʉrʉsidꞌa Jesú ʉ̃rʉ̃ zhãrã sewa nebʉrʉbidꞌaita, aramaʉ̃ne chãbꞌaridꞌaita beadꞌamarẽã, mawũãmina mawũã obꞌedꞌa ẽbasia. 56Zhãrã bio Jesú ʉ̃rʉ̃ sewa nebʉrʉsidꞌa, mawũãmina ãzhi bedꞌeara abꞌarika ẽbasia. 57Maʉ̃ne ʉ̃kʉrʉ piradrʉdꞌape Jesú ʉ̃rʉ̃ sewa nebʉrʉ mawũãsidꞌa: 58Daiba ũrĩbʉdadꞌera naʉ̃bara mawũãsia: Mʉãrã ãrĩña naʉ̃ Daizeze de juwuaba odꞌapeadꞌara, mobe awʉrʉta ewari ũbeadꞌe pãrãña juwuaba obʉda ẽãta.
59Maʉ̃nebidꞌa ãzhi bedꞌeara abꞌarika ẽbasia. 60Mawũẽ sacerdote wagꞌauta ãzhi ẽsadra piradrʉpe Jesúa widꞌi mawũãsia: ¿Bʉara panaʉ̃ ẽka? ¿Wãrĩnuka naʉ̃rãba jarabʉdara bʉdꞌebemata?
61Mawũãĩ Jesús chupea kꞌobꞌʉba panaʉ̃ ẽbasia. Mawũẽ sacerdote wagꞌaubara wakusa widꞌi mawũãsia: ¿Bʉra zhãrã Ẽdrʉbita Daizeze Warrakꞌa?
62Mawũãĩ Jesúsbara mawũãsia: Mʉrã izhia. Mawũẽ mʉ Beubari Bape bꞌadꞌara ũdudꞌaya Daizeze zhi zroma juwua araare jewedꞌa bꞌʉta, jãrãrãne uruta ʉ̃treba.
63Mawũãĩ sacerdote wagꞌaubara kĩrũbiba izhikusa izhi wuata kꞌõẽtape mawũãsia: ¿Izhi ʉ̃rʉ̃ kꞌãrẽta ãmaña jaradꞌamarẽã nesidꞌa bꞌeaipe? 64Marãbara ũrĩbʉda aramaʉ̃ne Daizezema mitia bedꞌeabʉrʉta. ¿Mawũẽ marãma sãwũãpe? Mawũãĩ ãzhi jõmaʉ̃ba jarasidꞌa bedꞌeata bara bꞌʉdꞌeba beadꞌai barata.
65Aramaʉ̃ne ʉ̃kʉrʉbara dau idꞌo jirpanesia, kĩrã pãrĩnape jirachi jirpanʉta mawũãsidꞌa: Ari maẽ jaradua kꞌaiba jirachita.
Daizeze de akʉbadabidꞌa tachi jirpanesia kĩrãma.
Pedroba ũdukꞌa adꞌa Jesús
(Mateo 26:69-75; Lucas 22:56-62; Juan 18:15-18, 25-29)
66Pedro udꞌa drogꞌoadꞌe bꞌʉdꞌe, wũẽrãrã nezokꞌarãta abꞌa zesia sacerdote wagꞌaudꞌeta. 67Maʉ̃ne Pedro tebʉ kꞌã kꞌobꞌʉta ũdui akʉpe mawũãsia: Bʉsidꞌa bꞌasia Jesús Nazaredꞌebema bawara.
68Mawũãĩ izhara merãbʉrʉta mawũãsia: Maʉ̃ mʉãrã ũdukꞌa, mʉãrã kꞌawua ẽã bʉa kꞌãrẽ jara kꞌobꞌʉra.
Mawũãpe edꞌa zebadaidꞌu wãbʉrʉdꞌera gallo berusia. 69Nezokꞌa wũẽrãba wakusa ũdui mama kꞌobꞌea mawũãsia: Za naʉ̃ ãzhirãnebema.
70Mawũãĩ izhara wakusa merãsia. Audre ẽãne mama kꞌobꞌebara wakusa Pedroa mawũãsidꞌa: Bʉra Galileadꞌebema baera wãrãne kꞌãʉ̃rãnebema, bʉ bedꞌeabʉrʉra bedꞌea bꞌʉa kꞌãʉ̃rã kĩrãkꞌa.
71Mawũãnaĩ izhita wãrĩnu bedꞌea ẽbʉrʉ Daizezebara izhikꞌawua zuburia oya ape mawũãsia: Mʉãrã maʉ̃ ũdukꞌa marãba jara kꞌopanʉrã.
72Maʉ̃ daucha gallo berusia beruma ũmeta. Mobebʉrʉ Pedrobara bude basia Jesúsba mawũãnata: Gallota beruma ũme berui nawedꞌa bʉa mʉrã ũdukꞌata jarama ũbea jaraya. Maʉ̃ta krĩchape Pedro jẽgasia.
Currently Selected:
Marcos 14: cto
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Marcos 14
14
Krĩcha jʉrʉdꞌapeadꞌa Jesús beadꞌaita
(Mateo 26:1-5; Lucas 22:1-2; Juan 11:45-53)
1Ewari ũme wãẽã nʉmasia Egiptodꞌeba ẽzoadꞌata krĩcha fiesta obadata, maʉ̃nerã pan ne oreguea ne ẽã kꞌobada. Maʉ̃ne sacerdoterã nokꞌorãta ũrãgꞌa Moisédꞌe jarabada bawara krĩcha jʉrʉsidꞌa Jesús sãwũã sewadꞌape jidadꞌaita, aramaʉ̃ne beabidꞌaita. 2Mawũẽ mawũãsidꞌa: Fiestadꞌera beadꞌa ẽã zhãrãta kĩrũna ẽbamarẽã pʉwʉrʉdꞌe.
Jesús burudꞌe kerata weadꞌapeadꞌa
(Mateo 26:6-13; Juan 12:1-8)
3Jesús Betaniane bꞌʉta, Simónta aidꞌaba kꞌaya bꞌadꞌa dedꞌa bꞌʉdꞌe, nekꞌo nʉmʉne wũẽrãta zebʉrʉta kera nardo ne ʉ̃tʉta jiwado mongꞌara omane wepe obꞌʉetape kera Jesús burudꞌe ʉ̃rʉ̃ weasia.
4Maʉ̃ne ʉ̃kʉrʉ kĩrũbʉdata ãzhirãĩnu mawũãsidꞌa: ¿Kera kꞌãrẽã kꞌãwũã weabue? 5Ewari treciento trajadꞌabari nendoidꞌe bꞌasia denario trecientobari, mobedꞌeba maʉ̃ platara diakꞌausia zuburia bꞌea.
Aramaʉ̃ne bĩ ẽã jarasidꞌa maʉ̃ wũẽrã.
6Mawũẽ Jesúsbara mawũãsia: Idaribiudua, ¿kꞌãrẽã miãsẽã erukꞌopanʉ? Mʉ kꞌãwũã obʉrʉra biata obʉrʉa. 7Zuburia bꞌera marã bawara ewariza bꞌeaya, mawũẽ marãba kꞌareba krĩñabʉdadꞌera kꞌareba bꞌedꞌaya. Mawũãmina mʉrã marã bawara ewariza bꞌa ẽã. 8Naʉ̃ wũẽrãbara izha osia bꞌʉta obʉrʉa. Mʉ kꞌakuara nawedꞌa keraba tũã obʉrʉba aribꞌaebʉrʉa mʉ wuagꞌa bꞌʉdꞌaita. 9Mʉã wãrĩnu marãã jaraya, baridu maẽ ẽjũã jõmaʉ̃ne bedꞌea biata mʉnebemata jarabʉda maẽ naʉ̃ wũẽrãba kꞌãwũã obʉrʉsidꞌa nebʉrʉdꞌaya, izhira aramaʉ̃ne krĩchabadaya.
Juda wãna Jesús chãbꞌariita
(Mateo 26:14-16; Lucas 22:3-6)
10Juda Iscariote Jesúsba doce jʉrʉkuadꞌadꞌebemata sacerdoterã nokꞌorãma wãsia Jesús chãbꞌariita. 11Ãzha maʉ̃ta ũrĩnaĩ sobiadꞌape plata diaita jarasidꞌa. Mawũẽ Judabara kĩrãkuita bꞌesia sãwũã chãbꞌariita.
Zhiko odꞌapeadꞌa Jesúita
(Mateo 26:17-29; Lucas 22:7-23; Juan 13:21-30)
12Fiesta obʉdata ewari nabemane pan ne oreguea ne ẽã kꞌobadadꞌe oveja zaketa beabadadꞌe izha jʉrʉkuadꞌabara Jesúa mawũãsidꞌa: ¿Bʉara sãma odꞌaita krĩñape Egiptodꞌeba ẽzoadꞌata krĩcha nekꞌobadara?
13Mawũãnaĩ izha jʉrʉkuadꞌata ũme zokꞌabʉrʉta mawũãsia: Wãũdua Jerusalén pʉwʉrʉedꞌa, maĩnu marãbara ũmakĩrãta daucha zeya zokꞌodꞌe baniã akꞌobꞌʉta, maʉ̃ kꞌaidꞌu wãũdua. 14Deidꞌu wãbʉrʉ maẽ de zhibaria mawũãũdua: Miã Ũrãgꞌabariba mawũãsia: ¿Kʉdꞌa sãma bꞌʉ Egiptodꞌeba ẽzoadꞌata krĩcha kꞌobadata mʉã mama kꞌoira mʉã jʉrʉkuadꞌa bawarauba? 15Izhara marãã ũdubigaya kʉdꞌa ʉ̃rʉ̃bema kʉdꞌa zromata zhi araa omata, mama zhiko oudua dazhirãĩta.
16Izha jʉrʉkuadꞌara wãnape Jerusalén pʉwʉrʉdꞌe edꞌa wãbʉdadꞌera ũdusidꞌa izha jaradꞌa kĩrãkꞌa. Zhikora aramaʉ̃ne osidꞌa Egiptodꞌeba ẽzoadꞌata krĩcha fiesta obadata.
17Keubʉrʉdꞌera Jesús zesia izha jʉrʉkuadꞌata doce bawara. 18Mobe jewedꞌa duanepe nekꞌobʉdadꞌera Jesúsbara mawũãsia: Mʉã wãrĩnu marãã jaraya, marãnebemata iabꞌa mʉ ũme nekꞌo kꞌobꞌʉba mʉrã chãbꞌariya.
19Mawũãĩ ãzhira sopuabʉdaba abꞌa abꞌaʉba mawũãsidꞌa: ¿Mawũã oira mʉka?
20Mawũãnaĩ Jesúsbara panaʉ̃ mawũãsia: Mʉã doce jʉrʉkuadꞌaba abꞌaʉba mawũã chãbꞌariya, maʉ̃bara mʉrẽ kĩrãkꞌa panta sõmbera kꞌobꞌʉa epedꞌekꞌodꞌe. 21Wãrãnebai mʉ Beubari Bape bꞌʉra mʉnebemata bꞌʉ tabꞌʉdꞌe berabꞌari wã, ¡mawũãmina zuburiaya mʉ chãbꞌaribʉrʉra! Biga bakꞌausia maʉ̃ todꞌa ẽbaita.
22Nekꞌo duanune Jesúsbara pan jiraedape maʉ̃bari Daizezea zhibia jipe bꞌʉape dedꞌekabʉrʉta mawũãsia: Jidaudua, naʉ̃ mʉ kꞌakua.
23Mobebʉrʉ vino copadꞌe jiraedape maʉ̃bari Daizezea zhibia jipe dedꞌekasia, mawũẽ dosidꞌa jõmaʉ̃ba. 24Mobebʉrʉ mawũãsia: Naʉ̃ mʉ wata Daizezeba zhãrã ẽdrʉbiidꞌebemata zhiwidꞌita nʉmeña, mʉrã biobari wa erezoaya. 25Mʉã wãrĩnu marãã jaraya, mʉãrã vino wueta do ẽã, marã bawarauba jari ewade zhiwidꞌita doyeedꞌa Daizezeta Nokꞌo maẽ.
Jesúsba jaradꞌa Pedroba ũdukꞌa aita
(Mateo 26:30-35; Lucas 22:31-34; Juan 13:36-38)
26Trʉ̃ãbi Salmota trʉ̃ãnape wãsidꞌa Olivo kꞌatumaĩnu.
27Maʉ̃ne Jesúsbara mawũãsia: Marãbara mʉrã jõmaʉ̃ba ãmaẽnaña nane diamase. Maʉ̃ẽnabemata zhi bꞌʉmata mawũã bꞌʉa:
Mʉãrã ãzhi akʉbarita beaya, mawũẽ oveja jãrãzoaya. (Zacarías 13:7)
28Mawũãmina mʉta beudꞌata piradrʉbʉrʉdꞌera mʉrã marã na wãña Galileaedꞌa.
29Mawũãĩ Pedroba mawũãsia: Bʉra jõmaʉ̃ba ãmaẽbʉdaidꞌu mʉã bʉra ãmaẽ ẽã.
30Mawũãĩ Jesúsbara mawũãsia: Mʉã wãrĩnu bʉaa jaraya: Nane diamase gallo beruma ũme berui nawedꞌa bʉa mʉrã ũdukꞌata jarama ũbea jaraya.
31Mawũãĩ Pedrobara wuaabʉrʉ mawũãsia: Bʉ ũme beuita babʉrʉsidꞌa mʉã bʉra ũdukꞌata jara ẽã.
Mawũãĩ jõmaʉ̃ba abꞌarika jarasidꞌa.
Jesús zhiwidꞌidꞌa Getsemaníne
(Mateo 26:36-46; Lucas 22:39-46)
32Getsemaní abadaidꞌu zekuape Jesúsbara izha jʉrʉkuadꞌaa mawũãsia: Nama jewedꞌaudua, mʉta zhiwidꞌi kꞌobꞌʉedꞌa.
33Mobe izhi bawara edesia Pedrota, Jacobota, Juanta, maʉ̃nerã kꞌãbãẽã sopua kꞌobꞌesia. 34Mawũẽ mawũãsia: Mʉrã sopuaba beuita kꞌobꞌʉa, nama duanedua, ʉ̃rʉ̃ma kꞌopanadua.
35Mobe arajĩga wãpe egoroma bꞌarru kꞌobꞌepe zhiwidꞌisia Daizezema bigabʉrʉ izhira zuburiabi ẽbamarẽã. 36Izhara mawũãsia: Zeze, bʉitara ne jõma borekea, mawũẽ mʉrã zuburiabirãrũã, mawũãmina aribꞌaerãrũã mʉã krĩñata, awuarabʉrʉ aribꞌaedua bʉzha krĩñata.
37Mobe zebʉrʉdꞌe kꞌãĩ nʉmeta ũdui Pedroa mawũãsia: ¿Simón, bʉra kꞌãĩ nʉmʉka? ¿Bʉra ʉ̃rʉ̃ma kꞌobꞌa bꞌe ẽka hora abꞌabidꞌa? 38Ʉ̃rʉ̃ma kꞌopanadua, zhiwidꞌiudua wãẽãna ẽbaita. Marãbara wãrãne biata okrĩña bꞌea, mawũãmina kꞌakuabara bꞌe ẽã nʉmʉã.
39Wakusa wãpe zhiwidꞌisia abꞌaʉ bedꞌeata jara. 40Mobe wakusa zebʉrʉdꞌera wakusa ũdusia kꞌãĩ nʉmeta, dapeaba ãzhi dabʉra kꞌabꞌari erunʉmasia. Mawũẽ kꞌawuadꞌa ẽbasia kꞌãrẽta jara panaʉ̃naĩrã. 41Zema ũbeata zepe mawũãsia: Marã ya kꞌãĩbʉda, ya ẽnaʉ̃bʉda. Mʉ ewarira arababʉrʉa, mʉ Beubari Bape bꞌʉra chãbꞌaridꞌaya kꞌazhirua omiãrã juwuadꞌe.
42Pirabꞌariudua, wãdrʉ. Kꞌaita ba mʉ chãbꞌariira.
Jesús jidadꞌapeadꞌa
(Mateo 26:47-56; Lucas 22:47-53; Juan 18:2-11)
43Jesús wadꞌi bedꞌea kꞌobꞌʉdꞌe zesia Judata, maʉ̃ docedꞌebema basia, izhi bawara zhãrã bio zesidꞌa kuchoedꞌa bakuruedꞌa. Maʉ̃rã zokꞌasidꞌa sacerdoterã nokꞌorãba, ũrãgꞌa Moisédꞌe jarabadaba, nokꞌorãba. 44Judabara sãwũã chãbꞌariita jaradꞌata mawũãsia: Mʉã kĩrãma nigabʉrʉta maʉ̃ta izhia, maʉ̃ta jidaudua, mobe bia jʉ̃ edeudua. 45Aramaʉ̃ne zepe Jesús orrape mawũãsia: Miã Ũrãgꞌabari.
Mobe kĩrãma nigasia.
46Aramaʉ̃ne Jesús jidasidꞌa. 47Mawũẽ mama kꞌopanʉbara abꞌaʉba kuchota ẽpe tusia sacerdote wagꞌau nezokꞌata, mawũẽ ʉrawesia kʉwʉrʉta.
48Maʉ̃nerã Jesúsbara mawũãsia: ¿Mʉrã nezrʉgamiã kĩrãkꞌa kuchoedꞌa bakuruedꞌa zebʉdakꞌa mʉ jidadꞌe? 49Mʉrã ewariza marã bawara bꞌʉta Daizeze dedꞌa ewara maẽ miã ũrãgꞌa bꞌasidꞌera mʉrã jidadꞌa ẽbasia. Mawũãmina kꞌãwũã berabꞌariya, aranaʉ̃ne arimaẽ berabꞌariya naʉ̃ẽnabemata zhi bꞌʉmata.
50Izha jʉrʉkuadꞌabara jõmaʉ̃ba Jesús ãmaẽbʉdata merũ wãẽbasidꞌa.
Kũrãta merũ wãẽbadꞌa
51Maʉ̃ne kũrãta kꞌaidꞌu jʉ̃drʉbʉrʉta bari burubꞌaba kꞌakua bura bꞌʉta jidasidꞌa. 52Mawũãmina izhara burubꞌa kenetape ẽkꞌadꞌa merũ wãẽbasia.
Jesús ededꞌapeadꞌa wagꞌaurã kĩrãbita
(Mateo 26:57-68; Lucas 22:54-71; Juan 18:12-24)
53Jesús wesidꞌa sacerdote wagꞌauma, maʉ̃nerã zhi jʉresidꞌa sacerdoterã nokꞌorãta, dewara nokꞌorãta, ũrãgꞌa Moisédꞌe jarabadata. 54Pedrora arajĩga kꞌaidꞌu wãsia sacerdote wagꞌau drogꞌoaidꞌu edꞌa. Mobe Daizeze de akʉbada bawara jewedꞌasia tebʉ kꞌã. 55Maʉ̃ne sacerdoterã nokꞌorãba, nokꞌorã wagꞌaurã jõmaʉ̃ba krĩcha jʉrʉsidꞌa Jesú ʉ̃rʉ̃ zhãrã sewa nebʉrʉbidꞌaita, aramaʉ̃ne chãbꞌaridꞌaita beadꞌamarẽã, mawũãmina mawũã obꞌedꞌa ẽbasia. 56Zhãrã bio Jesú ʉ̃rʉ̃ sewa nebʉrʉsidꞌa, mawũãmina ãzhi bedꞌeara abꞌarika ẽbasia. 57Maʉ̃ne ʉ̃kʉrʉ piradrʉdꞌape Jesú ʉ̃rʉ̃ sewa nebʉrʉ mawũãsidꞌa: 58Daiba ũrĩbʉdadꞌera naʉ̃bara mawũãsia: Mʉãrã ãrĩña naʉ̃ Daizeze de juwuaba odꞌapeadꞌara, mobe awʉrʉta ewari ũbeadꞌe pãrãña juwuaba obʉda ẽãta.
59Maʉ̃nebidꞌa ãzhi bedꞌeara abꞌarika ẽbasia. 60Mawũẽ sacerdote wagꞌauta ãzhi ẽsadra piradrʉpe Jesúa widꞌi mawũãsia: ¿Bʉara panaʉ̃ ẽka? ¿Wãrĩnuka naʉ̃rãba jarabʉdara bʉdꞌebemata?
61Mawũãĩ Jesús chupea kꞌobꞌʉba panaʉ̃ ẽbasia. Mawũẽ sacerdote wagꞌaubara wakusa widꞌi mawũãsia: ¿Bʉra zhãrã Ẽdrʉbita Daizeze Warrakꞌa?
62Mawũãĩ Jesúsbara mawũãsia: Mʉrã izhia. Mawũẽ mʉ Beubari Bape bꞌadꞌara ũdudꞌaya Daizeze zhi zroma juwua araare jewedꞌa bꞌʉta, jãrãrãne uruta ʉ̃treba.
63Mawũãĩ sacerdote wagꞌaubara kĩrũbiba izhikusa izhi wuata kꞌõẽtape mawũãsia: ¿Izhi ʉ̃rʉ̃ kꞌãrẽta ãmaña jaradꞌamarẽã nesidꞌa bꞌeaipe? 64Marãbara ũrĩbʉda aramaʉ̃ne Daizezema mitia bedꞌeabʉrʉta. ¿Mawũẽ marãma sãwũãpe? Mawũãĩ ãzhi jõmaʉ̃ba jarasidꞌa bedꞌeata bara bꞌʉdꞌeba beadꞌai barata.
65Aramaʉ̃ne ʉ̃kʉrʉbara dau idꞌo jirpanesia, kĩrã pãrĩnape jirachi jirpanʉta mawũãsidꞌa: Ari maẽ jaradua kꞌaiba jirachita.
Daizeze de akʉbadabidꞌa tachi jirpanesia kĩrãma.
Pedroba ũdukꞌa adꞌa Jesús
(Mateo 26:69-75; Lucas 22:56-62; Juan 18:15-18, 25-29)
66Pedro udꞌa drogꞌoadꞌe bꞌʉdꞌe, wũẽrãrã nezokꞌarãta abꞌa zesia sacerdote wagꞌaudꞌeta. 67Maʉ̃ne Pedro tebʉ kꞌã kꞌobꞌʉta ũdui akʉpe mawũãsia: Bʉsidꞌa bꞌasia Jesús Nazaredꞌebema bawara.
68Mawũãĩ izhara merãbʉrʉta mawũãsia: Maʉ̃ mʉãrã ũdukꞌa, mʉãrã kꞌawua ẽã bʉa kꞌãrẽ jara kꞌobꞌʉra.
Mawũãpe edꞌa zebadaidꞌu wãbʉrʉdꞌera gallo berusia. 69Nezokꞌa wũẽrãba wakusa ũdui mama kꞌobꞌea mawũãsia: Za naʉ̃ ãzhirãnebema.
70Mawũãĩ izhara wakusa merãsia. Audre ẽãne mama kꞌobꞌebara wakusa Pedroa mawũãsidꞌa: Bʉra Galileadꞌebema baera wãrãne kꞌãʉ̃rãnebema, bʉ bedꞌeabʉrʉra bedꞌea bꞌʉa kꞌãʉ̃rã kĩrãkꞌa.
71Mawũãnaĩ izhita wãrĩnu bedꞌea ẽbʉrʉ Daizezebara izhikꞌawua zuburia oya ape mawũãsia: Mʉãrã maʉ̃ ũdukꞌa marãba jara kꞌopanʉrã.
72Maʉ̃ daucha gallo berusia beruma ũmeta. Mobebʉrʉ Pedrobara bude basia Jesúsba mawũãnata: Gallota beruma ũme berui nawedꞌa bʉa mʉrã ũdukꞌata jarama ũbea jaraya. Maʉ̃ta krĩchape Pedro jẽgasia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.