isizwur 28
28
imudda yaɛqub s‑dar laban
1iġr‑d isḥaq ġakudan i‑yaɛqub ibark‑t yuṣṣa‑t: «han ad‑ur‑ttahlt kra n‑yat zġ‑ist‑kanɛan. 2nkr tddut ġilad s‑tmazirt n‑aram, s‑tgmmi n‑batwil babas n‑innak, tawit‑d yat zġ‑istis n‑h̬alik laban a‑tg tamġart‑nk. 3a‑k‑ibark rbbi da‑iẓḍarn i‑kulši, issigt‑ak tasut‑nk, ifk‑ak tarwa ggutnin, f‑a‑twrrit tgt aqbil n‑tqbilin ggutnin. 4ad‑ak‑ifk rbbi lbaraka lli‑s‑ibark ibrahim, ibark‑k kiyi ula amud‑nk, f‑a‑teṭṭaft akal lli‑ġ‑a‑ttlulliyt, ig akal lli‑ifka rbbi i‑ibrahim.» 5ġmkan a‑s‑t‑yuzn isḥaq. inkr yaɛqub ġakudan imuddu s‑uzaġar n‑aram, s‑dar laban lli‑igan yus n‑batwil gu‑aram. laban iga gʷmas n‑rifqa lli‑igan innas n‑yaɛqub d‑ɛisu.
6imma ɛisu issn is‑ifka isḥaq lbaraka i‑yaɛqub yazn‑t s‑uzaġar n‑aram a‑gis‑itahl. yissan is‑t‑yuṣṣa isḥaq ġakud lliġ‑t‑ibark yini: ‹han ad‑ur‑ttahlt kra n‑yat zġ‑ist‑kanɛan›. 7yissan is‑iskr yaɛqub s‑wawal n‑babas d‑innas iddu s‑uzaġar n‑aram. 8ġakudan ġ‑issn ɛisu is‑ur‑ɛzzant ist‑kanɛan dar isḥaq babas, 9iddu s‑dar ismaɛil yus n‑ibrahim, itahl‑d zġ‑dars illis maḥlat ulltmas n‑nabayut f‑tmġarin‑ns yaḍni.
tawargit n‑yaɛqub ġ‑bayt‑il
10imma yaɛqub iffuġ bir‑šibaɛ imuddu s‑tsga n‑ḥaran. 11ilkm yan‑udġar iskr f‑a‑gis‑ins, ašku truḥ takʷya n‑tafukt. yasi yan‑uẓru zġ‑ġin, ig‑t ġ‑ddu ih̬f‑ns ign. 12imikk ar‑itwarga s‑iẓra yat‑tskala, ttrsn iḍarn‑ns f‑wakal, ilkm ih̬f‑ns ar ignna, ar‑as‑aqlayn lmlayka n‑rbbi ar‑as‑di‑tgguzn. 13d‑ha sidi rbbi ibidd srs ġ‑twargit yini‑as: «nkki giġ ‹wad bdda illan›, gġ rbbi n‑babak ibrahim ula win isḥaq. hay‑akal‑ad‑f‑tgnt, rad‑ak‑t‑fkġ kiyi d‑wamud‑nk 14ra‑yigat‑wamud‑nk zund agdrur n‑wakal. tasutin‑nk rad‑ɛmmrnt ikalln zġ‑tsgiw n‑umṭar n‑tafukt ar tisgiw n‑usġlay‑ns, ula zġ‑tsgiw n‑usmmiḍ ar tisgiw n‑trġi. kiyi d‑wamud‑nk a‑s‑rad‑barkġ kullu tagʷmatin n‑ddunit. 15ha‑yyi lliġ bdda dik. ra‑k‑gablġ ġ‑innas tddit, rarġ‑k‑id s‑wakal‑ad. ur‑ra‑k‑flġ, d‑rad‑ssafuġ kullu ma‑s‑ak‑nniġ.»
16ifaq‑d yaɛqub zġ‑iyṭs yini: «s‑ṣṣaḥt illa ‹wad bdda illan› ġ‑udġar‑ad, d‑nkki ur‑ssinġ.» 17iġuwḍ bahra yini: «mnšk a‑s‑issiksaḍ‑udġar‑ad. s‑lḥqq iga tigmmi n‑rbbi, ig imi n‑ignna.» 18inkr yaɛqub zikk ṣbaḥ, yasi aẓru lli‑iga ġ‑ddu ih̬f‑ns, issbidd‑t a‑ig ifir ibayynn, iffi fllas zzit. 19ig ism ‹bayt‑il› i‑udġar‑an [tga lmɛna‑ns ‹tigmmi n‑rbbi›]. kkan‑ttin mddn ar‑ttinin i‑tmdint‑an ‹luz›. 20iggall yaɛqub ġakudan yini: «iġ‑didi‑imun rbbi, igabl‑iyi ġ‑uġaras‑inu iġzzifn, ifk‑iyi mad‑šttaġ ula mad‑lssaġ, 21ard wrriġ s‑sslamt s‑takat n‑baba, rad‑gġ ‹wad bdda illan› d‑rbbi‑nu. 22aẓru‑ad lli‑ssbiddġ a‑ig ifir ibayynn, ra‑ig tigmmi n‑rbbi‑nu, ar‑ak‑akkaġ ula tis mrawt zġ‑kullu ma‑yyi‑takkat.»
Currently Selected:
isizwur 28: SHILOT20
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.
isizwur 28
28
imudda yaɛqub s‑dar laban
1iġr‑d isḥaq ġakudan i‑yaɛqub ibark‑t yuṣṣa‑t: «han ad‑ur‑ttahlt kra n‑yat zġ‑ist‑kanɛan. 2nkr tddut ġilad s‑tmazirt n‑aram, s‑tgmmi n‑batwil babas n‑innak, tawit‑d yat zġ‑istis n‑h̬alik laban a‑tg tamġart‑nk. 3a‑k‑ibark rbbi da‑iẓḍarn i‑kulši, issigt‑ak tasut‑nk, ifk‑ak tarwa ggutnin, f‑a‑twrrit tgt aqbil n‑tqbilin ggutnin. 4ad‑ak‑ifk rbbi lbaraka lli‑s‑ibark ibrahim, ibark‑k kiyi ula amud‑nk, f‑a‑teṭṭaft akal lli‑ġ‑a‑ttlulliyt, ig akal lli‑ifka rbbi i‑ibrahim.» 5ġmkan a‑s‑t‑yuzn isḥaq. inkr yaɛqub ġakudan imuddu s‑uzaġar n‑aram, s‑dar laban lli‑igan yus n‑batwil gu‑aram. laban iga gʷmas n‑rifqa lli‑igan innas n‑yaɛqub d‑ɛisu.
6imma ɛisu issn is‑ifka isḥaq lbaraka i‑yaɛqub yazn‑t s‑uzaġar n‑aram a‑gis‑itahl. yissan is‑t‑yuṣṣa isḥaq ġakud lliġ‑t‑ibark yini: ‹han ad‑ur‑ttahlt kra n‑yat zġ‑ist‑kanɛan›. 7yissan is‑iskr yaɛqub s‑wawal n‑babas d‑innas iddu s‑uzaġar n‑aram. 8ġakudan ġ‑issn ɛisu is‑ur‑ɛzzant ist‑kanɛan dar isḥaq babas, 9iddu s‑dar ismaɛil yus n‑ibrahim, itahl‑d zġ‑dars illis maḥlat ulltmas n‑nabayut f‑tmġarin‑ns yaḍni.
tawargit n‑yaɛqub ġ‑bayt‑il
10imma yaɛqub iffuġ bir‑šibaɛ imuddu s‑tsga n‑ḥaran. 11ilkm yan‑udġar iskr f‑a‑gis‑ins, ašku truḥ takʷya n‑tafukt. yasi yan‑uẓru zġ‑ġin, ig‑t ġ‑ddu ih̬f‑ns ign. 12imikk ar‑itwarga s‑iẓra yat‑tskala, ttrsn iḍarn‑ns f‑wakal, ilkm ih̬f‑ns ar ignna, ar‑as‑aqlayn lmlayka n‑rbbi ar‑as‑di‑tgguzn. 13d‑ha sidi rbbi ibidd srs ġ‑twargit yini‑as: «nkki giġ ‹wad bdda illan›, gġ rbbi n‑babak ibrahim ula win isḥaq. hay‑akal‑ad‑f‑tgnt, rad‑ak‑t‑fkġ kiyi d‑wamud‑nk 14ra‑yigat‑wamud‑nk zund agdrur n‑wakal. tasutin‑nk rad‑ɛmmrnt ikalln zġ‑tsgiw n‑umṭar n‑tafukt ar tisgiw n‑usġlay‑ns, ula zġ‑tsgiw n‑usmmiḍ ar tisgiw n‑trġi. kiyi d‑wamud‑nk a‑s‑rad‑barkġ kullu tagʷmatin n‑ddunit. 15ha‑yyi lliġ bdda dik. ra‑k‑gablġ ġ‑innas tddit, rarġ‑k‑id s‑wakal‑ad. ur‑ra‑k‑flġ, d‑rad‑ssafuġ kullu ma‑s‑ak‑nniġ.»
16ifaq‑d yaɛqub zġ‑iyṭs yini: «s‑ṣṣaḥt illa ‹wad bdda illan› ġ‑udġar‑ad, d‑nkki ur‑ssinġ.» 17iġuwḍ bahra yini: «mnšk a‑s‑issiksaḍ‑udġar‑ad. s‑lḥqq iga tigmmi n‑rbbi, ig imi n‑ignna.» 18inkr yaɛqub zikk ṣbaḥ, yasi aẓru lli‑iga ġ‑ddu ih̬f‑ns, issbidd‑t a‑ig ifir ibayynn, iffi fllas zzit. 19ig ism ‹bayt‑il› i‑udġar‑an [tga lmɛna‑ns ‹tigmmi n‑rbbi›]. kkan‑ttin mddn ar‑ttinin i‑tmdint‑an ‹luz›. 20iggall yaɛqub ġakudan yini: «iġ‑didi‑imun rbbi, igabl‑iyi ġ‑uġaras‑inu iġzzifn, ifk‑iyi mad‑šttaġ ula mad‑lssaġ, 21ard wrriġ s‑sslamt s‑takat n‑baba, rad‑gġ ‹wad bdda illan› d‑rbbi‑nu. 22aẓru‑ad lli‑ssbiddġ a‑ig ifir ibayynn, ra‑ig tigmmi n‑rbbi‑nu, ar‑ak‑akkaġ ula tis mrawt zġ‑kullu ma‑yyi‑takkat.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Selected Old Testament in Tashelhayt (Latin script) © United Bible Societies, 2020.
Robert Bernard Dann.